العضوة: 743708 , 5 years ago

داني:طيب دكتورة بس افتحه برجعلك منى:ماشي سلام خلصت داني مكالمتها ورجعت للكيس فتحته واستغربت لما شافت اللي جوّاه بلوزة بنفسجية عليها مادة لزجة...وكفوف عليهم دم هي مارضيت تمسك اشي عشان البصمات داني:الو دكتورة اه اسمعي بدي عينه من المادة اللزجة لاني لقيت بلوزة بنفسجية لريماس عليها من هالمادة وانا متوقعه تكون نفسها منى:هاي توقعات بس يمكن تكون لا مع هيك يلا انزلي سكرت داني الخط ولبست جكيتها وكندرتها وطلعت من الغرفة شيرين:وين رايحه داني؟ داني:نازلة اشتري كم اشي نتسلى فيه شيرين:طيب ما تتأخري داني(وهي بتسكر بالباب ):ماشي .............. نزلت داني والتقت دكتورةمنى منى:خذي هي الكيس اللي فيه المادة وهي كم غرض مشان التمويه داني:كإنك بعقلي دكتورة منى:يلا لازم اروح سلام داني:سلام خبت داني الكيس اللي فيه المادة بين اواعيها وطلعت عالسكن داني:اناااااااا جيت ....شوصبايا روحتو تأخرتو كثي... وفجأة سمعو صياح ريماس ركضو كلهم عندها عالغرفه شيرين:خير ريماس شو في ريماس(بتصيح):ووينهاااااا وييين راااحت شيرييييي انتت ددخخللتتيي عغررفتيي وويين رحححتتييي فييها شيرين:ريماس اهدي واحكيلي شو هي اللي بتدوري عليها ريماس :كان في كيس اسود محطوط ورا المكتب مين طاله؟ شيرين:ما بعرف ما كان في غير انا وداني دخلنا انا واياها طلنا بنطلون كحلي وطلعنا مع بعض مباشرة ريماس:اطلعو برّا بدي أنام طلعو كلهم وضلت ريماس لحالها ريما

العضوة: 743708 , 5 years ago

مع نفسها):ياربي مصيية اذا بكون حد ماخذه والله بتنقلب الدنيا على راسي احسن اشي أهدأ وانام نهى:غريبة كيف كانت ثايرة وخصوصاً عالكيس ميرا:حاسيتها انجنت بعد ما انقتلوا صاحباتها شيرين:غريبة هالبنت داني:شيري هي الأشياء شيرين:يسلمووو داني:تصبحو على خير شيرين:خليكِ اسهري معنا داني :علي كم شغله بدي اعملهم قبل ما انام وضلت ماشية لغرفتها داني:اووف شو هالقصه هاي انا تعبت خليني اشوف المادة وهون حسب توقعات داني من منظر المادة انها بتشبهها اذا ما كانت هي نفسها!!!لكن اكيد مش اكيد نفس المادة لانه العين مش دقيقة لدرجة تربط علاقة بين مادّتين وهون قررت داني قرار حاسم .. .. واتصلت بدكتورة منى منى:ااه داني مالك داني:حسب توقعاتي انها نفس المادة بس مش اكيد لانه العين مش مجهر صحيح انت من وين جبتِ المادة منى:خليت محمد(زوجها)يجبلي منها

العضوة: 743708 , 5 years ago

داني:طيب دكتورة ليه ما نوخذ العينتين عالمختبر نشوف هل رح يكون في تطابق بينهم او لأ وهيك بنقطع الشك باليقين منى🤔:فكرة والله ........خلص ماشي لبكرة اذا ما كان عندي اشي بنروح عالمختبر داني:خلص تمام دكتورة ....تصبحي على خير منى:تلاقي خير ............ بعد ٩ أيام كانت داني مع دكتورة منى مروحين من المختبر بعد ما اخذوا عينه من البلوزة مع المادة اللي معهم وحكولهم انه النتيجة ثاني يوم بتطلع ..... منى:يلا داني ادخلي انت ِ اول وانا بعدها بدخل داني:ماشي دكتورة دخلت داني عالجامعة وبدت تمشي بدها توصل لقاعة المحاضرة اللي عليها بس سمعت صوت صياح بمكان من الجامعه مشت لحد ما وصلت المكان اللي جاي الصوت منه واول ما وصلت شافت الطلاب متجمعين حوالى بنتين ووجزء منهم بفكك والظاهر انهم متقاتلين مرت بمن بين الطلاب لحد ما وصلت لعند البنتين وانصدمت لما شافتهم ...... داني:ثراااء ؟ امتثال؟ مش معقول انتو ولكم ليش متقاتلين ما انتو اعز من خوات امتثال كانت مرمية عالارض وبتحاول تقاوم والطلاب مش قادرين يبعدو ثراء عنها وثراء بتضرب وبتسب استجمعت داني كل قوتها رمت شنتتها عالارض شمرت عن ايديها وبدت تحاول تفكك بينهم واخيرا بعد جهد وجهيد ومساعدة بعض الطالبات انها قدرت تبعدهم عن بعض ثراء:هيك مصييير اااي حددد بتجاهلني اوو بفكر يهتم بغيري فهمتووو وحملت حالها وراحت اما امتثال اخذتها داني عشان تتطهرلها جروحها قعدو بمقعد بالحديقة وبدت داني تعقمل لامتثال جروحها داني:كيف صار هيك امتثال؟ امتثال:كل اللي صار لانها اجت وانا بحكي مع صبية وبثني على جمالها فلاش بااااك امتثال ماشي بسرعة وفجأة خبطت ببنت امتثال::اااه اسفة كثير ونزلت عالارض لمتلها اغراضها للبنت امتثال:تفضلي البنت:مش مشكلة ليه غلبت حالك امتثال:غلبتك راحة ماشاء الله شو حلوة عيو.. قاطع حكيها جية ثراء ثراء:صباااح الخير امتثااال امتثال(بقلة اكتراث):يا هلا صباح نور ارجعلك يا .. البنت:سارة امتثال:سارة حتى اسمك حلو زي عيونك وتفاصيلك تفضلي هي رقمي اذل ماعندك مانع نصير صحبة سارة:لا ابدًا كل هالحكي وثراء واقفه امتثال:ان شالله بتقوى صحبتنا كثير بدي اعزمك عالكافتيريا على عصير حلوان الصداقة كل هالحكي صار وثراء واقفة بس لما سمعت اخر اشي حكيته كان في براسها عقل وطار مسكتني وصار اللي صار

العضوة: 743708 , 5 years ago

مسكتني وصار اللي صار بااااك داني (وهي ماسكة القطنه بايدها) :لهالدرجه ثراء بتحبك عشان ما تتحمل حد يصاحبك غيرها على ما يبدو انها بتغار تنهدت امتثال وحكت امتثال:اللي ما بتعرفيه يا دانية انه ثراء بتعاني من مرض النرجسة مش بس اضطرابات نفسية هي عملت هبك بس لانها حستني مش مهتمه فيها والشخص النرجسي بكون عنده حب فظيع لذاته ولازم كل اللي حواليه يضلو يمجدو فيه داني:اااها ومن وينتا معها هالمرض امتثال:هالمرض معها من صغرها واله اسباب كثيرة منها الوراثة بس هي ما عندها حد بعاني منه عشان يكون وراثة كمان تعظيم الشخص وانجازاته من صغره هالاشي بولد عنده النرجسية وحب الذات بشكل كبير ومرة على مرة حالته بتتطور وبتزيد وثراء حكتلنا امها كيف صار معها هيك داني:كيف؟! امتثال:كانت امها بتحاول تعوضها عن انه ابوها مش موجود بعد ما توفى بالتالي كل ما تعمل او تحكي اشي تصير تحكيلها واو مبدعة وكثير من حكي المدح كانت بتفكر هيك بتنفعها ما عرفت انها هيك بتضرها وكثير كمان ....... بعد كم يوم........ صحيت داني متأهرة وعالسريع طلعت من الغرفة شيرين:صباح الخير داني ليه مستعجله داني::صباح النور لاني صاحية متأخرة عمحاضرة الساعة ٨ شيرين:هههههه عادتك ما بتغيريها داني(وهي بتسكر باب السكن):طيب يلآ سلآم شيرين:داني ولك داااني ارجعي شوووي داني (رجعت):اه شيري احكيلي شو بدك عالسريع شيرين:ريماس اليوم بدها تنام عند ثراء فما رح تروح وانا وميرا طالعين برا المدينة نجيب اغراض لمشروع الجامعة يعني ما صفي غيرك بالسكن داني:ونهى؟ شيرين:عند أهلها ........... نزلت داني ولاول مرة وصلت محاضرة الساعه٨ بالوقت المناسب وهييك ضلت طول اليوم من محاضرة لمحاضرة والبريكات بالكافتيريا

العضوة: 743708 , 5 years ago

الساعه ٦ مساءً رشت داني عطرها ونزلت تجيب عشا لانها ما بدها توسخ المطبخ وما في غيرها وبمكان ثاني تحديدا سكن ثراء ... ريماس:يييي نسيت اجيب لابتوبي وضروري بدي اياه عشان اشتغل للبرزنتيشن اوووف هسا بدي اروح عالسكن ثراء:عطيني المفتاح وانا بروح اجبلك إياه ريماس:هيه بجيبة جكيتي خذيه وروحي اخذت ثراء المفتاح وراحت وطيعا داني ما كانت موجودة وصلت وكانت لسا بتفتح الباب سمعت صوت خرخشة عند الدؤج دخلت واتخبت جوّا عالسريع ثراء(بنفسها ):يا ترى شو المغلف.اللي حطه تاع البريد عالباب احسن اشي اشوف اللابتوب واوخذه واروح بسرعة بعد ربع ساعه كانت بتسكر بالباب خبت المغلف بين اواعيها وراحت ثراء:أنااا جييت ريماس:شكرًا ثراء ثراء:عفوا .....عن اذنك بدي ادخل اتحمم وبرجع

العضوة: 743708 , 5 years ago

لك راحت على غرفتها بحِجِّة الحمام وفتحت المغلف اما عند داني بعد ساعه .......... داني:ااه الوو مرحبا دكتورة كيفك اسمعيني مش لازم اجت نتيجة التحاليل على باب السكن وصرلي مدة كل شوي بطلع اتفقد وما بلاقي اشي منى:جد بس انا وصلتني رسالة الساعة ٦ انهم انحطو عالباب داني:عال٦ نزلت اجيب اكل بس ما في حد يطولهم حتى البنات مش موجودين اللي اقول انهم همه طالوه منى:معقول حد طاله داني:مصييبة لو حد غيرنا طاله منى:طيب روحي هسا خلينياشوف شو بدي اتصرف ........ ونرجع لثراء ثراء(مع نفسها):ايواحلو يا داني ويادكتورة منى شكلكم بتحبو اللعب المميت ومش مع اي حدا كمان بلوزة ريماس والمادة ايجابي يعني حضراتهم بحققوا وبوخذوا بالنتائج ههه كونان ومساعده لابقين كثير لبعض .....

العضوة: 743708 , 5 years ago

ثاني يوم الساعه ١٠ ونص الصبح ريماس:صباح الخير ثراء:صباح النور....قومي خلينا نفطر وبعدها طالعه عند امي ريماس :امك!!غريبة زمان ما زرتيها ثراء:شو عرفني عنها بدها اياني عشان نتفاهم لانها قررت تتزوج عند ام ثراء وئام:يا هلا فيك حبيبتي كيفك شو اخبارك واخبار دراستك داني:تسلمي خالتو...الحمد لله تمام ..انا جاية احكي معك بموضوع بيتعلق بثراء وئام(قعدت منيح):تفضلي داني:خالتو ثراء بتتصرف تصرفات كثير غريبة ومريبة وئام:كيف يعني؟ داني:من فترة ضربت امتثال وعملت طوشة معها لانها عملت علاقة مع بنت ثانية بس لانه هالبنت حلوة وكمان مسكت البنت قتلتها ضربتها بشكل مش طبيعي امن الجامعه ماعرفو يفكوها عنها وهالاشي كثير غريب كيف بنت كبيرة ومتزنه تتصرف هيك تصرفات بدي اعرف شو سبب هالاشي كله بدي افهم لاني شاكه باشي وئام:بشو شاكه؟ داني:كلشي بوقته حلو وئام:طيب رح احكيلك انا ما بخفي عليك ِ انه ثراء معها مرض نفسي واللي هو مرض الشخصية النرجسيّة وكثير لفيت فيها على دكاترة وما في فايدة داني:الرؤية بدت تتضح عندي وئام:داني لو سمحتِ ماتحكي بالالغاز وفهميني شو القصة داني:خالتو وئام لو سمحت ِ كملي حكي وبعدها بحكيلك اللي بدك ايّاه وئام:ماشي بدي اشوف لوين بدك توصلي.....حتى انه الدكاترة حكولي كل ما تكبر رح تزيد حالتها عشان هيك ما في فايدة منها داني:طيب خالتو هالمرض شو اسبابه وشو اعراضه ؟ وئام:مرض النّرجسية اله كثير اسباب ممكن تكون بالوراثة بس ثراء لأ سبب مرضها هو احنا اهلها ابوها توفى بصغرها كنّا نحاول نعوضها عنه فكنّا كثير نعظم انجازاتها وانه اشي غريب ومميز وهالاشي مرة عَ مرة خلى عندها عندها حب التملك اللي صار يتطور لوصل مرحلة النرجسية

العضوة: 743708 , 5 years ago

داني:طب خالتو هالاشي ما اله جانب سلبي على حياتك انت كمان وئام:اكيد لانه صار كمان عندها حب التملك وما بدها حد يشاركها بمقتنياتها وصارت تعتبرني من مقتنياتها واسترسلو داني ووئام الحديث بس ما كانوا يعرفوا انه في حد سامعهم وناوي عالشر وهالحد هو ثراء اللي دخلت بهدوء عأساس تفاجئ امها ولما عرفت انه داني عندها وبتسأل عنها وصلها سبب زيارة داني ثراء:يا هلا داني كيفك زمان عنك داني:الحمد لله تمام انت كيفك شو عامله؟ وئام:طيب يا صبايا خليني اقوم اعمل اشي نشربه وبرجع ثراء:ماشي ماما *وبالفعل قامت وئام. وبعد ما حكو داني وثراء هالكلمتين طالت داني تلفونها وضلت تكبس فيه اما ثراء تناولت من الطاولة اللي قدامها مزهرية وبما انه ظهر داني الها قامت شوي شوي و... ثراء:وها وها وها عشان تتعلمي تدخلي باشي ما بعنيك اما داني طلعو منها اهتين وصارت بعدها جثه هامدة وعأثر الصوت طلعت وئام من المطبخ وئام:ولك ثراء شو هدا اللي عملتيه فهميني شو هدااا ثراء:قتلتها ما عملت اشي واذا بتفكري بالزواج بتصيري مثلها وئام:صرتِ قاتلة يا انت فاهمه شو يعني قاتله اقعدي خليني افكر بحل للمصيبه هاااي بعدين حد بهدد امه يا حيانة عمري اللي ضاع عشانك وبعد ٢٠ دقيقه وئام:انا..انا لقيت حل ثراء:ايش هو؟ وئام:رح نعقد صفقة ثراء:كيف؟ وئام:بتوافقي انّي اتزوّج بمقابل اهربك من البلد عشان ما تنمسكي شو موافقة والا لا حابة تقضي عمرك بالسجن ثراء:موافقة...وكيف بدنا نتخلص من جثتها وئام:جيبي السجادة الحمرا من جوا وتعالي جابت ثراء السجادة لفوها فيها بعد ما مسحو اثار الدم عن راسها وحطوها عجنب نظفو مكان الجريمه وما خلو اي اشي يدينهم مع انه ما حد عارف باللي صار غيرهم بس الاحتياط واجب بعد شوي ثراء:طيب امي وهسا شو بدنا نعمل وئام:عال٢ بالليل رح مروح ندفنها بأطراف الغابة ومن بكرة نباشر بالاجراءات اللازمة لسفرك على المانيا قبل ما حد يعرف انك ورا الجريمة يا مصيبة انت

العضوة: 743708 , 5 years ago

صارت الساعه ٢ نزلو السجادة شوي شوي من العمارة وحطوها بالسيارة وضلو ماشيين لوصلو طرف البلد وئام(بهمس):يلا عالسريع احفري ثراء خلال ١٥ دقيقة كان القبر او الحفرة محفورة وداني بجواها وبتتغطى بالتراب بعد ما كملو جريمتهم رجعو ودخلو عالبيت ثراء:تصبحي على خير امي وئام:ثراء انصرفي تعالي ثراء:نعم امي وئام:اجراءات سفرك ما رح توخذ اقل من اسبوع عشان هيك من هسا جهزي شنتتك وقامت وئام جابت شنته حطتاها فيها شوية اواعي ومثاري وجزء من ذهباتها وئام:لهون بتكون انتهت مهمتي وهسا دورك عاد دبري حالك بس توصلي بالمصاري اللي معك ثراء:طيب امي بعد كم يوم من لما يطلعو وراقي بدي اسافر وئام:ولك اضربك هساا؟! مباشرة اقرب حجز ع ألمانيا بعد ما يطلعو اوراقك لو بعد ساعه فاهمه ؟؟؟ ثراء:فاهمة امي فاهمة

العضوة: 743708 , 5 years ago

اما عند شيرين بالسكن شيرين:بنات خلص انا اعصابي تلفت وين راحت دانيهي الها بالعادة تتأخر بس مش لهالوقت صار الفجر بده يطلع وهي مش جاية بدي ابلغ الشرطه ميرا:خلينا نستنى للصبح بلكي اجت يمكن صار معها ظرف نهى:ولك اي ظرف لا تلفون بترد ولا مبينلها اثر شو نستنى للصبح لا هسا بدي ابلغ واتصلت نهى على مركز الشرطه بلغت انه داني مفقودة .د اما ثراء ووئام كانوا نايمين ولا كإنهم عملو اشي او حتى قتلو روح بلا ذنب حكو لاهل داني وطلع جزء منهم عالمدينه عشان يدورو كمآن ثاني يوم... طبعا الكل بدوِّر على داني ومش لاقيين اثر ابشرطه قرايها الناس اللي بعرفوها اما عند ثراء وامها طلعو من الصبح وبلشو باجراءات الفيزا والاوراق اللازمة واستمرو على هالحال ١٠ ايام لحد ما طلعو اوراق ثراء وسافرت عألمانيا ريماس كانت قلقانه على داني وبتفس الوقت مستغربة غياب ثراء عن الجامعه وحتى مش مبينلها اثر ريماس(مع نفسها):معقول يكون في علاقة بين اختفاء داني واختفاء ثراء خليني اودي لثراء رسالة اشوف وين ايّامها وبعد شوي رجعتلها ثراء بمكالمه

العضوة: 743708 , 5 years ago

ثراء:كيفك ريماس شو اخبارك؟ ريماس:زمان عنك ولك وينك مختفية ومش مبينه ثراء:اااه...مهو انا سافرتعند خالتي على ألمانيا اكمل دراسة ريماس:موفقة ...صحيح ما سمعت ِ اخر الاخبار؟ ثراء:شوفي ؟ ريماس:داني مختفية من اليوم اللي كنت نايمه عندك فيه ثراء(ارتبكت):ااه لا ما بعرف ه هسا سمعت منك ريماس:آها

العضوة: 743708 , 5 years ago

ثراء:مم..ماشي ريماس هسا انا لازم اروح عندي دوام يلا سلام ريماس:يلا سلام ....موفقةة وسكرت ريماس الخط ودخل الشك لقلبهآ من أسلوب ثراء وكيف ارتبكت لما جابت سيرة داني ريماس:ياارب سامحني... ...... بعد أسبوعين كان البحث على داني وكإنه في استنفار وانتشر الخبر بقريتهم والكل نزل عالمدينه يدوّر ويساعد والاشي المريب انه داني مش مبينه وما الها اي أثر ..... وببيت اهلها لداني امها ماسكه التلفون والدموع معبية عيونها ام داني:لاا ما تقولها طب ممكن تكون عايشة ابو داني:شو طالع بإيدي أنا يعني الشرطه لا ملاقيينلها أثر ولا حتى في جثه واذا خلال ٤٨ ساعه ما بينت رح يطلعولها شهادة وفاة انهارت ام داني وبكت كثير بطل فيها طاقة خلص الحزن على فقدان بنتها طفاها عالآخر ........ في مركز الشرطه ابو داني:بس يا حضرة المحقق هالحكي ما بصير طالما مش لاقيين اي اشي يدل على انها ميته كيف بدكم تطلعولها شهادة وفاة المحقق:صح احنا مش لاقيين دليل على وفاتها او نحكي قتلها لانه اختفاءها في امر غريب بس كمان ما معنا دليل انها عايشة ابو داني(نزلت دمعه من عينه ومسحها):ماشي حضرة المحقق يعطيك العافية أما بالجامعه الصبايا(ميرا .نهى.شيرين.ريماس) بمحاضراتهم بس عقلهم مع داني ونفسهم يعرفو هي وين ^^الساعه ١٢ وعشره^^ طلعت شيرين من محاضرتها ولقيت دكتورة منى بوجهها منى:شيرين كيفك من ااصبح بدور عليك ِ منيح لقيتك شيرين:تفضلي دكتورة احكيلي مالك؟ منى:شو صار عشان داني وقضيتها راح محمد يسأل ولهسا ما رجع شيرين(وبدت تبكي):ااه يا دكتورة ااه شو احكيلك الشرطه بتحكي انه ما الها اي اثر والا انه الشرطه لو ما بينت خلال ٨شهور رح يطلعولها شهادة وفاة منى(صارت تبكي):آخ يا شيرين كانت زي الوردة شيرين(مسحت دموعها):بس انا بعرف انه ما الها اعداء ولا الها قصص بالمرة من حد ما بدت دوام بالجامعة

العضوة: 743708 , 5 years ago

لما حكت شيرين هيك صفنت منى شوي وكإنها بتحاول تتذكر إشي منى(مسحت دموعهآ):الله يرجعها بالسلامه ......يلا باي حبيبتي شيرين:امين...سلام ومشت كل وحدة فيهم بطريق شيرين رجعت عالسكن لانها تعبانه ومش قادرة تكمل دوام أما منى عالسريع راحت على مكتبها بالمكتب.. دكتور:دكتورة منى شو مالك مستعجلة منى(وهي بتضب باغراضها بالشنته مستعجله):عندي شغله ضرورية لازم اطلع بسرعة الدكتور:ااه وطلع من المكتب بعد ١٢ دقيقة(الساعه ١٢ و٢١ دقيقة) كانت منى بتسكر بباب سيارتها باب المختبر اللي عملو فيه تحليل المواد منى ماشية بسرعه لجوا المختبر منى:لو سمحت لو سمحت من فترة جيت انا وصبية حطينا مواد لنحللهم باسم منى عثمان ممكن تحكولي مين اللي استلمهم الموظفة:دقيقة بس. وبعد شوي الموظفة:مدام اللي استلمتهم صبية اسمها دانية عثمان اللي حكيتيلنا نسلمهم الها منى:لااا ........بدي تحكولي شو صفات الصبية اللي استلمتهم الموظفة:ثواني اشوف مين اللي جابهم عشان يجي وعملت هالموظفة اتصالاتها وبعد ربع ساعه اجا الشخص اللي سلمهم لداني الشخص:تفضلي حككولي انك بدك اياني منى:ااه ....بدي اسألك التحاليل اللي كانو باسم منى عثمان لمين سلمتهم لما جبتهم الشخص:ل دانية لؤي منى:احكيلي صفاتها لو سمحت الشخص:شعرها اسود طويل وهي سمرا وقصيرة منى:عفوا!!!بس هاي مش دانية اولا.... ثانيا انت كيف بتسلمهم لحد بدون ما تشوف بطاقة شخصية تثبت انه هو.....

العضوة: 743708 , 5 years ago

منى:احكيلي صفاتها لو سمحت الشخص:شعرها اسود طويل وهي سمرا وقصيرة منى:عفوا!!!بس هاي مش دانية اولا.... ثانيا انت كيف بتسلمهم لحد بدون ما تشوف بطاقة شخصية تثبت انه هو..... وطلعت منى بدون ما تستنى الرَّد ... كانت بتسوق السيارة والرؤية عندها بدت تتضح من لما حكالها هداك الشخص صفات اللي استلمتهم عرفتها مباشرة وبدون تفكير مطوّل رجعت على بيتها وفكرها مشتت ومش عارفة شو تعمل بتطلع من صدمه لتدخل بغيرها حطت الاكل عالغاز وبدت تفكر وبطلت تعرف شو بدهآ تعمل سحبت الكرسي وقعدت سرحت شوي وصحاها من شرودها ريحة الاكل محروق منى:يييي نسيت الاكل قامت بسرعه طفت تحت الاكل منى:خلص هسا بعمل اي اشي وبعد ٣ ساعات محمد:منى يا منى انا جيت منى:اهلين محمد محمد:شو وين الاكل؟ منى:جاهز تعال عالمطبخ وهمه بتغدو. منى:محمد انا توصلت لنتائج بالنسبة لقضايا القتل محمد(باستماع):كيف ؟ احكيلي منى:بتتذكر لما اخذت العينات عالمختبر اشوف اذا في تطابق بينهم (وحكتله كل القصة وكيف طلعت ثراء اللي ماخذتهم) محمد:لا مش معقول والاشي الغريب انه ثراء صرلها فترة مختفية وحتى امها ما بتعرف وينها منى:الموضوع بدا يتعقد اكثر انا بكرة طالعه على مركز الشرطه محمد:منى لازم نفكر بعقلانيه شوي شو بدك تحكيلهم مثلا!؟ منى:صح معك حق انا ما معي اي ادلة على ادانة ثراء محمد:بالضبط بالتالي انت ِ ما رح تستفيدي أي اشي لو رحت ِ على مركز الشرطة منى:عن اذنك وقامت على غرفتها تبكي بعد ٨ شهور ونص داني ما بينت وتسجلت ضمن الوفيات اما منى ما قدرت تلقى اي دليل على إدانة ثراء وحتى ريماس وامتثال ما حكو إشي 💫امتثال بعدها زي ما هي بتحب المصاري بشكل كبير وهالاشي هو اللي خلاها تساعد ثراء بجرائم

العضوة: 743708 , 5 years ago

القتل اللي عملتها ... وريماس ما قدرت تحكي انه ثراء هي اللي قتلت لارا وكاتيا لانه حتى وهي مسافرة ما سلمت من تهديدات ثراء مع انه لو حكت اللي عندها وادلتها الشرطه رح تحميها بس خلص مات الضمير وقررت تكمل حياتها من خلال تناسي اللي صار عند منى بالجامعة دقت الباب ودخلت بخطوات متزنة منى:صباح الخير محمد:صباح النور منى:تفضل محمد:ايش هاي؟ منى:استقالتي محمد:ممكن تفهميني ليه؟ منى:ما بقدر ضل بهالمكان اكثر من هيك .....رح افتح مستشفى خاص فيه للامراض النفسية واسميه مستشفى داني للأمراض النفسية محمد:براحتك وبعد فترة فتحت منى مستشفى الأمراض النفسية وبالفعل سمته مستشفى داني...وصارت تحاول تلهي حالها بالشغل قد ما بتقدر عشان ما تفكر بداني وتزعل اكثر اما اهل داني كانت صدمتهم كبيرة باللي صار مع داني وكيف اختفت واقتنعو انها ماتت..بس جرحهم كبير كبير كثير بنتهم واول فرحتهم تروح وتتركهم.خواتها بحاولو يكونوا قويات عشان امها اللي تعبت بعد اختفاءها..... #انتهت