العضوة: 92559 , 9 years ago

فعلا يا صبايا الولاده الطبيعيه احسن بالنسبه الي على الاقل يعني اصعب شي ممكن يكون بالولاده الطبيعيه الطلق الصناعي لكن من ناحيه تانيه بقلل عدد ساعات الولاده بكفي لما تولدي بالسلامه بتكوني قادره تخدمي حالك وتشوفي طفلك وتحمليه وترضعيه مش متل العمليه اولها سهل واخرها صعب

العضوة: 90827 , 9 years ago

@user-92559 قد ايش تقريبا بتاخد الولاده الطبيعيه زمن؟؟

العضوة: 94171 , 9 years ago

انا حامل بأول بيبي والله متت رعبة من الكلام ومن الولادة اللي خوفتني...😟🙏

العضوة: 92559 , 9 years ago

والله حسب اذا الوحده بكريه او لا واذا اخذت طلق صناعي او طلقها طبيعي بابني البكر بلش الالم عندي من الساعه 11 صباح لكن الم محتمل يعني اروح واشتغل عادي لحد الساعه11 المسا رحت على المستشفى وكان التوسع4 سم وولدت الساعه 5 الفجر يعني كبكريه الالم كان 6 ساعات لكن طبعا مش الم متواصل كونه طلق طبيعي يعني فيك ترتاحي شوي الام الحقيقي ببداعند توسع 7سم ولما تكوني موصله 7 سم ما بتطولي الرحم بصير يتوسع بسرعه

العضوة: 75800 , 9 years ago

@user-75046 يلي بيكتبو الله هو لي رح يصير.. يعني وكلي امرك لله،، وادخلي انا لما قالولي رح تولدي قيصري خفت بالأول بس قلت خلاص ربي معي يلي بدو يصير يصير صرت استغفر واقرا قرآن والعملية مرت بسرعة الحمد لله وكلشي تمام.. لا تسمعي حكي العالم لي بيخفوك شفت الموت او شفت عزرائيل هه ما في من هادشي

العضوة: 92559 , 9 years ago

لكن ولادتي الثانيه بتختلف لانها كانت تحريض بالنهايه هاي كلها تساهيل من عند ربنا

العضوة: 57009 , 9 years ago

@user-75046 حبيبتي بس تكلي ع الله ماراح تشوفي شي صعب ومافي شي يخوف لو كان مثل مايقولو انو شافوا الموت ماكان احد جاب 4 او 5ولاد كلها تياسير من الله والحمد لله على كل الأحوال🙏

العضوة: 91707 , 9 years ago

@user-75046 انا ولدت من شهر واسبوع وهاد اول طفل كنت متلك خايفه بس بندم ع كل لحظه خفت فيها،صح الولادة فيا وجع بس مجرد ما ولدتي وشفتي ابنك بنفس اللحظه بتنسي وجعك انا اول ما ولدت جابتلي امي ابني وحطتو جنبي حكيتلها بستاهل التعب وبالفعل بستاهلو لا تفكري بالموضوع ابدا وخلي هالشغلة لوقتا لانو رب العالمين يلي بيسر الأمور ولو كانت الولادة موت متل ما بقولو كنتي ما لقيتي هالنسوان كل سنه عم تحمل ووجع الولادة بتتحملو أي وحدة سواء كانت صغيرة أو كبيرة

العضوة: 91707 , 9 years ago

@user-94171 لا تخافي الله بهونها وبس تشوفي ابنك رح تنسي تعبك لازم نقول الحمدلله ع نعمة الولاد لانو كتير محرومين منها وبتمنو ظفر ولد

العضوة: 91707 , 9 years ago

@user-90827 حسب مو الكل متل بعض انا خلال خمس ساعات كنت ولدانه ومو كل الوقت وجع يعني الوجع بجي وبروح

العضوة: 91707 , 9 years ago

يا صبايا الشي الصعب مو الولادة الأصعب انو ما بقا تشبعي نوم من بعد ما يجي ابنك وأول شهر صعب لانو بتغير كل نظام حياتك

العضوة: 75046 , 9 years ago

الله يجزيكم الخير جميعا و تقومو بالسلامة يارب والي ولدت الله يعينها عالسهر 🙂🙂 و عقبالي يارب

العضوة: 91707 , 9 years ago

@user-75046 أن شاء الله يا رب بتقومي بخير وسلامه انتي وطفلك

العضوة: 91707 , 9 years ago

انا حاسه انو لهجتك سوريه مهيك ؟!

العضوة: 75046 , 9 years ago

@user-91707 تسلميلي حبيبتي اللهم امين