العضوة: 135328 , 8 years ago

@user-79728 ياعمري أنت،توك اللي تحسين فيه طبيعي الله يعظم أجرك ذي ولادة مو شي سهل، بس لاتخلين الحلبة والماش زينات مرة للعظام وأنا نظامي ضروري كوب رزنة مع حليب الفجر ومعه سبع تمرات بالحبة السوداء والساعة ١١ كوب حليب مع حلبة حب وشوي فلفل لمدة عشر ايام بس وبعدها اشرب القشر والزنجبيل والشمر والكمون احطهم بترمس واشرب منهم ثلاث اكواب يوميًا والحليب بس كوب واحد مع شوي فلفل آخذه مع الفطور والماش يصير وجبة اخليه شوربة مع صحن سلطة كل يومين تقريبًا مرة

العضوة: 135328 , 8 years ago

@user-79728 حسبي الله عليهم عقبهم ماعاد اتجرأ اولد طبيعي

العضوة: 135328 , 8 years ago

@user-79728 الله يسهل لك وتلقين أحد زين للختان خلصتي من هم ولادتك وباقي همه الله يخليه لك ويصلحه وتشوفينه احسن الرجال

العضوة: 79728 , 8 years ago

@user-135328 مره شكرا بحاول امشي عليه بس ايش الرزنه؟

العضوة: 79728 , 8 years ago

@user-135328 يلوموني فيك 💘 اللهم اميييين ويتم عليك حملك ويسهل ولادتك وييسرها ويجعلها من اهون الولادات

العضوة: 135328 , 8 years ago

@user-79728 بتضحكون علي بس تراني مؤمنة بالطب الشعبي إذا تعرفين الجلة تكبي فيها شوي ولاتطلعين للهواء، وتغطي عقبها لمدة نصف ساعة من أول مرة بترتاحين، ريحتها مرة شينة صرفي زوجك عن البيت وتبخري بدري بدورة المياه وخلي العاملة تدخل عقبك تفتح الشباك وتشغل الشفاط 😂 عشان يمديها تروح الريحة قبل يجيك احد وماعليك خففي ملابسك بس لاتتعرضين لتيار هواء الله يعافيك ويشفيك

العضوة: 135328 , 8 years ago

@user-79728 يابعد قلبي 😘 الرزنة تلاقينها عند العطارين بودرة لونها أخضر تنظف مرة أنا آخذها من ابن منقاش قولي لأمك والا زوجك يجيبونها وش رايك ارسلها لك مع الجلة لأن الجلة ماتوجد بكل مكان بس كيف؟ 🤔 اقدر ارسلها لك مع مندوب وتعطينه اللوكيشن يوصلها لبيتك بس عادي تحطين رقم يتواصل معه المندوب

العضوة: 139025 , 8 years ago

@user-79728 يا دكتورتنا جاوبي قد سمعتي ولا مريتي بنفس حالتي ولا

العضوة: 145232 , 8 years ago

@user-135328 تكفين لا تخوفيني .. انا بكر واراجع عندهم 😢

العضوة: 136028 , 8 years ago

@user-139025 ماتشوفين شر حبيبتي

العضوة: 139025 , 8 years ago

@user-136028 مايجيك ياقلبي❤️

العضوة: 138809 , 8 years ago

بنات تحسون بانسداد ف الانف واللعاب كثير ولا 💔

العضوة: 135328 , 8 years ago

@user-145232 ياعمري أنت الله يسخر لك الطيب من خلقه إن شاء انهم تسنعوا ورجعوا مثل أول،والله مادري وش اقول لك بس أنا ولدت عندهم ثلاث مرات اول مرة قبل ١٢ سنة وكانت تجربة جميلة اهتمام ونظافة ومعامله تجنن ورجعت عندهم مرة ثانية قبل ثمان سنوات ونفس الشي مرة مهتمين ومعاملتهم حلوة وخذت غرفة خاصة ومن اربع سنوات جيتهم وبهذلوني وماكان زوجي معي بالولادة وكان المناوب دكتور مايخاف الله ومعه طالب يدربه وتهزأت الله لايوريك وشفت نجوم القايلة على قولتهم 😂 وبعدها جوني ٤ دكتورات اسوأ من الأول والحمد لله طلعت بنتي بالسلامة بس انا تعرضت لتمزق ولا شرحوا لي حالتي ولا اهتموا خلصوا خياط وعطوني توست وحليب وقالت وحدة منهم لازم تاكلين ماقدرت انزله من حلقي من القهر والألم واقول لهم عطوني بنتي وسافهيني ولا كأني اتكلم ماكملت ساعة الا ربع بعد ولادتي الا جابوا كرسي متحرك ونقلوني لغرفة فيها اربع والدات كلهم عمليات ورموني بالسرير وبنتي بسريرها وراحوا(،راحت أيام الدلع ولاداتي الأولى كانوا ينقلوني بالسرير ويدخلوني دورة المياة معي ممرضة تساعدني اتحمم والبس وبعدها يودوني السرير)، وانادي ومافيه احد يسمع بعد اكثر من ساعة وصل زوجي لقاني منهارة جاب اغراضي من غرفة التنويم اللي قبل الولادة وراح دبر لي غرفة خاصة لأني قلت ابطلع مستحيل اقعد وهم الغوا نظام الغرف الخاصة مادري لمين تاركينها أول كنا ندفع ٦٥٠ لليلة وبولادتي الأخيرة قالوا مافيه. كثرت عليك ياقلبي بس قلت اشرح لك كل اللي صار وإن شاء الله انهم تغيروا الله يسخر هم لك 🌷

العضوة: 135328 , 8 years ago

@user-138809 أنا كذا بس كثرة اللعاب خفت علي من نصف الرابع الحمد لله أما انسداد الأنف والحرارة في العيون إلى الآن

العضوة: 138809 , 8 years ago

@user-135328 انا بكريه وخلصت الشهر الثاني مافيني وحام وكنت اخاف واقلق واقول ليش مايجيني زي الباقين وحام لين دخلت الثالث بموووت من الوحمم كل شي لدرجه احس بخفقان في قلبي اول مااصحى من النوم وبس دايخه واحس مافيني طاقه ابداا ☹️💔