العضوة: 100534 , 8 years ago

@user-75310 الله يسلمك حبيبتي قصتي قصة الحمد لله عطوني موعد يا 18 او 20 يناير و ع تيسير الله هاد أول حمل إلك ؟؟؟

العضوة: 75310 , 8 years ago

@user-100534 ماشاء الله.. انا اعطوني 14 يناير بإذن الله وهاد حملي الثاني ولله الحمد😉😇💙

العضوة: 100534 , 8 years ago

@user-75310 الله يقومك بالسلامة و يتمملك ع خير هاد أول حمل و كرهت الحمل و بس عم ابكي الحمد لله 😭😭😭

العضوة: 75310 , 8 years ago

@user-100534 هههه لا حبيبتي طولي بالك هاد كلو من أثر الحمل والهرمونات والتقل والتعب عادي اتوكلي على الله وانشالله يسهلا عليكي يلا ضل القليل بإذن الله وانشالله بكرة بس تشوفي البيبي بين إيديكي بتنسي كلشي الدنيا ومافيها وبتنسي التعب 😚😚👣 انا عندي ابني ماشاء الله عمره سنتين هلكني طول الوقت ركد وراه ماعندي وقت ارتاح وانام هههههه يعني لا تشكيلي ببكيلك😂😂 الله يهونها علينا يارب وكلو بأجره وثوابه انشالله💙

العضوة: 100534 , 8 years ago

@user-75310 تسلمي ع كلامك الحلو و الله يخليلك ابنك يا رب و تقومي بالسلامة و الله مو من التعب و الحمل بحد ذاتو تعبانة تعبانة من الدكاترة و كلامن و بس عم وسوس و ع الله احسن شي

العضوة: 100534 , 8 years ago

@user-75310 ل احكيلك شو صار معي عرفت حالي حامل و أخت زوجي نصحتني بالمشفى يلي بتولد فيه و.بشهادة الكل من أفضل المشافي و بس اختصاص حمل وولادة رحت و كل مراجعاتي طبيعية و كلو تمام لحد الشهر السابع صاروا يقلولي عمر الحمل عم يطلع زيادة أسبوعين عن حساب الدورة بس كل شي طبيعي و وزن الجنين يطلع زيادة المهم شككت معي سكر و طلبت تحليل السكر الخفي و للعلم كل شهر بروح و بحلل سكر و كلو طبيعي طبعا ضليت ع أعصابي لبين ما عملت التحليل و طلعت روحي فيه من كتر مو بشع و طلع طبيعي الحمد لله طلبت بالثامن مني دوبلر عملتو و كلو طبيعي الحمد لله رحت ببداية التاسع ع موعدي و إذا بتقلي ع السونار راس الطفل زيادة 3 اسابيع عن عمر الحمل و الجسم زيادة أسبوعين و الوزن 3507 و المي حوالي الطفل شوي زايد طلعت بس ابكي وورجيت الدكتورة السونار قال هي عنوان دكتورة جهازها أزبط برا المشفى روحي ساوي دوبلر عندا و.تعاليلي طلعت و كل الطريق بس ابكي و الله بيعلم بحالي أنو شو هالحكي و بين ما عملت الدوبلر اعصابي فرطت بتقوم بتقلي الدكتورة ام الدوبلر حساب الدورة و الحمل مطابقين بفارق يومين فقط و الطفل طبيعي من حيث الحركة و تكوين الأعضاء و الوزن 3200 بس المي زايدةشوي الله لا يوفقن طلع كل شي غلط عندن رجعت بالدوبلر ع دكتورتي و إذا بتقلي خلص منمشي ع صورة الدوبلر و شكلها المشكلة بالجهاز عنا بس أنا دخلت ع النت و قرأت عن زيادة المي و بلشت وسوس و بس عم ابكي و آسفة ع الإطالة

العضوة: 74966 , 8 years ago

@user-100534 انا عكسك المويه قليله مره ودخلت اقرا بالنت وخوفت ووسوست من كلام النت مره خايفه

العضوة: 100534 , 8 years ago

@user-74966 متلي و الله رح يطق مخي من الوساوس و الأفكار و بقرأ و ببكي للعلم كل شي تمام و الزيادة بسيطة و كانت أول التاسع الله يقر عينا بشوفة ولادنا ع خير و سلامة و خلقة تامة و نرتاح من هالوساوس ❤❤❤

العضوة: 75310 , 8 years ago

@user-100534 حبيبتي كل يلي حكيتيه تقريبا بصير عادي وأغلبنا نحنا الحوامل منتعرض لهيك شي خلال فترة الحمل وانا تقريبا كمان منن بس الحمدلله بمدى الطبيعي .. انا كمان طول فترة الحمل ماشي تمام والحمدلله وفحصوصاتي والسكري وكلشي ماخليت تحليل ماساويت مشان اطمن ع وضع الجنين لحد الشهر السابع وكلو تمام..رحت عند دكتور اخصائي ايكو السونار وحبيت اعمل صوره ملونة مع انه بعرف شو معي بس حبيت للذكرى لإنه عندي صور ملونة من حملي الأول بإبني .. ولما عملت التصوير طلع وزن البيبي وحجمه أكبر من عمره بأسبوع وانا إتفاجئت لإنه طول فترة الحمل ماشي عنفس الحساب تاع المشفى ودكتورتي☺ المهم خفت وسألت الدكتور قلي شي طبيعي ومافي خوف بالعادة بيعطي الجنين الذكر وزن وعمر أكبر من يلي هو فيه عحساب السونار عكس البنت يلي بيعطي أقل من عمرها بكتير أحيانا وانا هون اطمنت وحبيت أتأكد وعملت موضوع بهل برنامج عنفس القصة وفعلا طلع أغلبية البنات حكيهن وخبرتن نفس جواب الدكتور وضليت ماشي عحسابي القديم للحمل😊 انا ساعتها ارتحت كتير وطبعا كنت ماخدة صورة ملونة للجنين ومبين فيه كل تفاصيل وجهه الحلو وكلشي كان طبيعي ماشاء الله ... بس عنجد انا حسيت فيكي لإني مرقت بنفس التجربة وكتير اتوترت بس الحمدلله أهم شي بالآخر هداة البال والحلقة التامة للبيبي 😚😚 انتي معك صبي ولا بنوتة؟ رح شوف اذا كلام الدكتور مزبوط ههههههه عم امزح اتوكلي على الله واستودعيه حملك وجنينك وانشالله بتشوفيه بصحة وعافيه بإذن الله♥😍

العضوة: 100534 , 8 years ago

@user-75310 مشكورة يا قلبي و الله بس.عم ابكي و بالي مو مرتاح و.عم شوف أحلام و حتى بطلت كمل تجهيزاتي و كل تفكيري الطفل فيه شي لا سمح الله حتى المي زايدةشوي حواليه وخايفة روح ع موعدي بعد راس السنة و كل تفكيري سلبي و حتى زوجي صار ينزعج مني كل ما شافني دموعي بعيوني و متل البومة 😁 معي صبي حبيبتي

العضوة: 75310 , 8 years ago

@user-100534 ههههههه لا حبيبتي حاشاكي متل القمر 😚😚 انا بعرف شعورك واحساسك وخاصة انه هاد أول بيبي انا هيك كنت وعطول احلم وأتخيل شكل البيبي فيه شي بس الحمدلله لما خلفت طلع بيبي متل القمر بس يضل يبكي وزعلان واتندمت ع كل لحظة عشت فيها حملي وانا زعلانة ومتوترة لإنه هاد كان ينعكس ع الجنين وانا مابعرف ... حاولي اقرأي قرأن وهدي حالك وانبسطي وعيشي فترة حملك أميرة وادللي أهم شي ههههه لإنه رح تروح عليكي اول ما تجيبي البيبي 😂🤚 نصيحة.... انا كمان قالولي المي زيادة بس سألت دكتورتي حكتلي شي طبيعي مابخوف تكون زيادة شوي احسن من الناقصة وطمنتني الحمدلله لإنه شكل بطني كتير كبير وبحملي بإبني كان نفس الشي وجبته 4 كيلو و 200 غرام ماشاء الله .. اتكلي على الله وانشالله مادام طمنوكي بالمشفى خلص ارتاحي ولو كان الجنين لا سمح الله فيه شي كان من أول الحمل بان معن بالأسبوع 13 او 19 لإنه خلال هاي الفترة بفحصو الجنين وبفحصو الطول والوزن والمي وببين كلشي فإنت ارتاحي واطمني وانشالله تيجي وتبشرينا انه البيبي بصحة وعافيه ومافيه زيادة ولا نقصان ياارب 😘😘♥

العضوة: 100534 , 8 years ago

@user-75310 ربي يطمن قلبك و يريح بالك و.يتمملك ع خير و يقومك بالسلامة و بتشكرك ع كلامك الحلو و دعمك المعنوي إلي لأنو و الله أنا بغربة و ما في حدا من أهلي جنبي و أهل الزوج أقل كلمة قدامن حاج توسوسي و بتعرفي أنت كيف بيفكروا و الله عم صلي و ادعي و الله يبعد الوساوس عني و من جهة رح تروحي علي هههه و الله عرفانة هالشي أساسا ما فهمت شي تزوجت بشهر 3 حملت بالرابع و الحمد لله على عطايا ربنا و باعتبار عندك خبرة الطفل مو نازل بالحوض شو ساوي امشي كتير صح و سؤال غليظ جبتي ابنك طبيعي لأنو أخت زوجي عم تقول ما رح تولدي طبيعي وزن الطفل كتير سمعت الحكي و سكتت للعلم وزنو أول يوم بالتاسع 3200 ما شاء الله يمكن طالع ل أمو أنا جيت يمكن 4 كيلو و ماني ناعمة طويلة

العضوة: 75310 , 8 years ago

@user-100534 بالعكس حبيبتي والله حبيتك وحسيتك متل اختي😉 والحال من بعضه وانا عايشة بغربة واهلي بعاد عني ببلد تاني وحماتي جنبي واقل كلمة حاج تدللي غيرك حامل بتوم هههههه وانا بسمع وبطنش بس مشان زوجي لإنه متل السكرة وهوي يلي مصبرني عليها😂😂😁 بالنسبه لنزول الجنين بالحوض والله انا مانزل ابني غير بأخر أسبوع من التاسع هههه ورغم هيك ماحدى خوفني ولا حتى الدكتورة تقلي فيه وقت وبينزل لحاله يمكن لاني بكر وحوضي بعده ضيق بس كنت امشي بس مو كتير واطلع وأنزل درج واعمل القرفصاء حسيت كتير ساعد 😊 والولاده والحمدلله جبت طبيعي ولا احلى من هيك واخدت إبرة ضهر وهلأ رح ارجع اخدها كتير ارتحت عليها وساعدتني لإني من النوع يلي مابتحمل الوجع ابدا هههههه جبانة بس من حجم البيبي اخدت شوي وقت لنزل ويمكن لإنه اول ولاده وبكرية بطولي بالطلق والولاده وهون بأوربا بستنو عليكي للآخر 😉 وبالنهاية كلا تساهيل من رب العالمين ولا تسمعي من حدى لانه كل وحدة وجسمها وتجربتا غير وانا جسمي متلك طويلة ورفيعة ههههه اتكلي على الله وانشالله بتهون وتكون ميسرة بإذن الله😗😗

العضوة: 100534 , 8 years ago

@user-75310 القلب ع القلب يا قلبي و الله أنت السكرة و.متل ما ذكرتي دائما تسميع كلام و أد ما انحبت الكنة ما بتصير بنت و الله يبعتلنا ساعة سهلة أنا فحصتني من تحت و قالتلي حوضك بيساعد ع الطبيعي و قالتلي بلشي مشي و كلي تمر و أنا وسوست ع المي قالتلي 70 بالمية ما بيكون في سبب للزيادة و بتصير بس قنعي مخي 😂😂و بعد ما قريت ع النت وسوست بس طمنتيني أنت زادت عندك الله يطمنك يارب

العضوة: 75310 , 8 years ago

@user-100534 امين يارب العالمين أجمعين ياعمري 😍😍 ايه بإذن الله طبيعي والزيادة كتير بتكون أحيانا من نوعية الأكل انا هيك قالتلي دكتورتي بعد الفحص وبعد ما اطمنت ع وضع الجنين وقالتلي خفي سكر وحلويات ومشروبات غازية لإنه بتزيد من وزن البيبي والمي يلي حوليه وانا هيك عم اعمل 😉 بس ما خوفتني لهل درجة متل دكتورتك تضرب فوق ماالإم عندها خوف ورعب من الولاده ووضع البيبي وهني بزيدو ومابحسو فيكي🤔 الله يهديهن يارب ... الله يقومنا بالسلامه ونقوم مجبورين الخاطر بإذن الله ويكون معنا ياارب ياكريم