انا حامل وبنهاية الشهر الثامن وبصراحة عندي قائمة اشياء كثيرة وما اشوف نفسي انجزت منها شي مرررره اتكاسل ومافيني حيل 🤦🏻‍♀️ بس جرس الإنذار بدأ يدق وخاصة الوحدة تكون معرضة للولادة بأي وقت في آخر ثلاث شهور من الحمل 🔔✨ ان شاء الله نولد كلنا على الموعد الطبيعي يارب 💕 نفسي اجهز اشيائي من بدري ( بدري مين ؟ قالت بدري قالت ) 😂 وانا عندي كم فكرة 💡.. قلت اشارككم فيها وابي مشاركتكم وكل وحدة تدخل وعندها فكرة تكتب وتساعدني وتساعد باقي الحوامل 🤰🏻 نبدأ بغرفة المولود .. 👼🏻 طبعاً غرفة المولود اجلتها لبعدين بما اني بجلس عند اهلي فترة وما اجلس في بيتي كثير بسبب دوام زواجي اللي خارج المدينة فاللي قررته اني بس اجهز السرير والاشياء البسيطة اللي ما تسبب زحمة في بيت اهلي 😅✨ بصراحة غرف الأطفال احلى شي في البيت بس للاسف انا من المدينة المنورة وعندنا محلات جداً قليلة ما شفت الا سنتربوينت عندهم سراير حلوة وألعاب وبعض القطع البسيطة والجميلة لكن ما اعرف اذا فيه غيرهم حاولت استفيد من الانترنت و أخذ افكار وشفت كذا شي حلو في موقع ( ماماز اند باباز ) هذا الموقع الوحيد اللي جا في بالي واخذت منه كذا فكرة 💡 وياليت اللي شافت شي حلو او جهزت الغرفة تورينا 🤦🏻‍♀️💕 اما بالنسبة لتجهيزات البيبي الاساسية ✨ - عن نفسي اخذت من سنتربوينت و رد تاغ و مركز ماركات مخفضة اول شي نبدأ فالملابس الداخلية 🍃. * اخذت ١ بربتوز داخلي مقاس New born من سنتربوينت * و اخذت ٥ بربتوز داخلي مقاس ( 0-3 ) ٣ منهم جايين مع بعض و واحد لحاله من سنتربوينت وواحد من مركز الماركات المخفضة * اخذت ٣ بربتوزات داخلية جاية مع بعض من رد تاغ مقاس ( 3-6 ) بعدين نجي للملابس الخارجية ✨. - ما اخذت شي من الملابس الخارجية مقاس New born بسبب ان الطفل يكبر بسرعة 💡 اخذت ثلاث اطقم واحد بربتوز و الثاني افرول والثالث فستان من سنتربوينت * واحد مقاس (0-3) مكون من بربتوز نص كم و قبعة وقفاز وشراب و كافولة ثقيلة و مريلة ( طبعاً سنتربونت يفصلهم عن بعض وانتي تجمعينهم ) * والثاني افرول كامل كم طويل و قبعة وقفاز مقاس ( 3-6) * الفستان مقاسه من ( 0-3 ) بس شكله كبير و اخذت معاه طاقينه و كافولته * واخذت بيجاما مع قبعتها و شرابها مقاس ( 0-3 ) من مركز الماركات المخفضة * واخذت بربتوز نص كم لحاله مقاس ( 0 - 3 ) من سنتربوينت نجي للكوافيل والمفارش 💭✨. اخذت غير الكوافيل اللي مع الاطقم اللي قلتلكم * ٤ كوافيل قطنية داخلية و واحد منهم معاه رباط اللي نربط فيه البيبي * ٣ كوافيل خارجية ( ١ منهم محبوك و ٢ قماشهم ناعم زي البطانية بس خفيف ) - و اخذت ٢ مهد كلهم اطقم ✔️ * الاول بس مهد وشنطة من سنتربونت ( طبعاً كل واحد لحاله انا خذيهم مع بعض ) * والثاني مهد وشنطة ومفرش للطفل و كافولة داخلية و بيت رضاعة و مخدة من رد تاغ ( ونفس نظام سنتربونت مفصلين كل قطعة وانتي تاخذين اللي تبين ) واغراض الحمام والشور اخذتها كلها من سنتربوينت 💧. - اخذت طقم حمام كامل عبارة عن ديشمبر و منشفة كبيرة و ٣ مناشف صغيرة و اسفنجة وليفة و سليبر مقاس ( 0-3 ) * طبعاً كان نفسي اخذ مقاس ( 3-6 ) او ( 6 - 12 ) بس للاسف ما حصلت ☹️💔 - واخذت منشفة كبيرة بقبعة - واخذت مجموعة مناشف صغيرة مع بعض ٦ حبات ومن الاشياء الكماليات ✨ اخذت بيتين رضاعة واحد مقاس صغير و الثاني مقاس وسط 🍼 بس هذي الاشياء اللي جهزتها للبيبي طبعاً ناقص اشياء كثير لكن هذا اللي قدرت عليه مع الكسل 🤦🏻‍♀️😅 نكمل اغراض البيبي اللي المفروض اكون مخلصتها 🙄 * حافظة مويا او ترمس ( ممكن يكون مو مهم لو عندك احد كل شوي يغلي لك المويا ) * حفاظات بامبرز لحديثي الولادة * ٣ رضاعات قزاز من شركة بيجون ٢ صغيرة و ١ وسط * مناديل مبللة للبشرة الحساسة من شركة جونسون * شامبو اطفال من شركة نونو * زيت اطفال من شركة جونسون * سودو كريم * بودرة اطفال من شركة جونسون * كريم ميبو * مقياس حرارة * حوض استحمام * بودرة سُرة ( ما اعرف صراحة من فين يشترونها بس اتوقع موجوذة بالصيدليات ) كذا يكون خلصنا تجهيزات البيبي فنروح لتجهيزات الام - انا ماني من الناس اللي تفضل الأرواب لذلك اخذت ملابس النفاس ٢ بيجايم و روب واحد كلهم معاهم الشال او الطرحة عشان تغطي الاذن لونها ( ابيض و ابيض افوايت ) اخذت شراريب كلوتات استخدام مره واحدة و ٢ سنتيانات بيضا مقاس اكبر من مقاسي بحبة عشان تكون سهلة فالرضاعة طبعاً ناقص المشد لكن ما اعرف اشتري نفس اللي اخذته بحملي الاول مع انه نفعني مره لكن ما اعرف يفيدني هذي المرة او لا لأن حملي الاول ولادتي كانت مبكرة وحجم بطني كان صغير اخذته من الصيدلية من شركة بيجون كان فيه نوعين نوع كامل ونوع من تحت الصدر الين الارداف وانا اخذت النوع الثاني ✨ الحين نجي للتجهيزات حقت الاستقبال 💭💕 بس اخذت مفرش السرير لونه وردي بما اني حامل ببنت و الاضيافة و الديكور كله بيكون وردي باقي الحين افكار للديكور وافكار للضيافة والتوزيعات ومن هالاشياء بس عاد شوفوا متى اسوي شي مع الكسل والثقل 😅😂 اتمنى اني اكون افدتكم واتمنى اللي عندها اضافات وافكار واقتراحات تكتبتها واللي ما عندها اي خبرة بهالموضوع لا تبخل علي بالرفع والله يجعل ولادتنا سهلة مُيسّرة و يقر اعيننا بمواليدنا ويرزق كل محروم وبسس والله 🙄💕