سلام عليكم لبنات ان شاء الله تكونوا بخير.
حبيت نفتح موضوع عن الولادة في الجزائر.
كل وحدة تقوللنا تجربتها سواءا زيدت في السبيطار ولا فالعيادة العامة او الخاصة. و ماهي النصائح لي تقدر تقدمها لكل وحدة رح تزيد.
و ان شاء الله هاد الموضوع ينفع كل حامل جزائرية.
العضوة: 110497 , 8 years ago
@user-161296 العاصمةالعضوة: 164497 , 8 years ago
سلام عليكم لبنات جديدة معكم 😘😘 حامل في الشهر السابع شكون لي في شهرها السابع كيفي 😊العضوة: 134771 , 8 years ago
@ منی ذيب انا راني كيفك باقيلي اسبوع و نكمل السابع ان شاء ﷲالعضوة: 134771 , 8 years ago
هذا القروب راني نشوف فيه رقدالعضوة: 161118 , 8 years ago
@user-134771 سلام اختي واش راكي لباس وقتاش عندك الزيادة؟العضوة: 161118 , 8 years ago
@user-161118 انتي راكي قريبة ليا انا من غيليزان .العضوة: 161118 , 8 years ago
@user-134771 راكي جارتي انا من غليزان. اناماولدتش فالبلاد بصح الولادة فالبريفي احسن من السبيطار . على خطر انا ماعندكش المعريفة والله غير تنغبني فسبيطار. بنت خالي زيدت في بكيفي في مستغانم ودارولها إبرة الظهر بصح ماداروهالهاش مليح هي كل طبيب وكيفاش يديرها نتي وزهرك إذا طحتي في طبيب يعرف يديرها ماتنظريش بصح يلا مادارهالكش مليح ماغاديش تخدم فيك وتنظري من بعد زيادة. وكاين بريفي إذا بعيد شر البيبي يزيد مريض مايخلوهش عندهم يخرجوه لسبيطار وسبيطار يدبرو ريسانهم مشي هما يتكفلو بالبيبي هاذي بنت خالي صراتلها . زيدت فالبريفي وخرجولها للبيبي لسبيطار تع لالة خيرة وماتهلاوش فيه كامل. إن شاء الله تسلكي بخير نتي وغريانك ولا غريانتك ياربالعضوة: 134771 , 8 years ago
@ ام رورو2 و عليكم السلام ختي ايه نيشان رانا جوارين متشرفين بناس غيليزان انا راني فشهر السابع و قالولي تكملي التاسع في 9 جويليۃ و راني دايرا فبالي نزيد في بريفي عند خروبيالعضوة: 134771 , 8 years ago
بنت خالتك تاني زيدت عند خروبي ولا كلينيك وحدخرا؟العضوة: 134771 , 8 years ago
@user-161118 ؟العضوة: 161118 , 8 years ago
@user-134771 واقيلا عند خروبي حتى نزيد نسألها ونقولك إن شاء الله ربي يسهلك انا بقالي 5 ايام وندخل الشهر السابع إن شاء الله.العضوة: 161118 , 8 years ago
@user-134771 سمحيلي هذا وين شفت تعليقاتك على خطر مليجونيش لينوتيفيكاسيون حتى ندخل نشوف انا .العضوة: 134771 , 8 years ago
@user-161118 لا معليش صحيتي ختي بارك ﷲ فيكالعضوة: 164467 , 8 years ago
مرحا لبنات انا من قسنطينة و راني في الشهر الثاني و قتلني الوحم غير نرجع برك حاشاكم مع العلم عندي 2 ولاد من قبل و جامي صراتلي هاك ... والله غلبت و زايد جاي رمضان اني ميتة بالخوف كيفاه ندير .،ادعولي ربي يخفف علياالعضوة: 164467 , 8 years ago
@user-172479 آمين نشالله وربي يسهل علينا كامل