العضوة: 109835 , 8 years ago

وصارلي 4 ايام تقريبآ فلاونزه وبس اعطس وكحه قويه هم اريد اي شي يوخرها مني غير الحليب تلعب نفسي منه

العضوة: 105833 , 8 years ago

@user-109835 والله قهرتيني حيل ياعمري ..حياتي كوليلي انتي هسه بٱي شهر حته احجيلج شتسوين ..باعي اولا الفوليك اسد ميصير تكطعي لحد ما تولدين هسه اني هيج الدكتورة كالتلي خو الدكتورة المانية.. هسه اصور الج العلاجات مالتي واذا عندج التهابات هسه قبل شويه جنة نحجي اني وصديقتي بالموصل كالت عندي التهابات وحامل شهرين واخذ اموكسيلين يعني عادي وعلمود الكحه هم واني والله كاعد اخذ اموكسيلين بس اني راح بعتبار بشهر الثامن

العضوة: 105833 , 8 years ago

@user-109835 وهسه عرفت من صديقتي حته لو بالاشهر الاولى عادي تاخذين اموكسيلين لانه أمن للحامل

العضوة: 105833 , 8 years ago

@user-109835 حياتي والله اني هم قبل 10ايام تقريبا انفلاونزا قويه وكحه بعد اقوة حته صار بيها صوت ايخوف والله واخذت كتلج اموكسيلين عادي هسه اصورة هم ..ودكتورة هي انطتني اياه وع فكرة ترة يشتغل ع المجاري البوليه وع الصدر علمود الكحه يمعودة موزين اذا طولت واتضوج حيل والله

العضوة: 105833 , 8 years ago

@user-109835 شوفي حياتي ام شموسه راح اصورلج العلاجات ..هذا فوليك اسد رقم 2من شهر الرابع للاخير يعني للتاسع ..واكو رقم 1من اول شهر لحد الثالث يعني الثالث تاخذي لحد الرابع تبدين برقم 2

العضوة: 105833 , 8 years ago

@user-109835 وهذا الحديد من شهر الخامس او اذا دمج قليل تبدين من الرابع حياتي الحديد ضروري

العضوة: 105833 , 8 years ago

@user-109835 ولو طولت عليج بس والله ضميري ميرتاح اله اكولج كولشي ..وباعي هاي مغنسيوم اهنا بأالمانيا مينطون كالسيوم بداله ينطون مغنسيوم اخذ 9حبات باليوم بس بالبدايه اخذ 3اول 3اشهر وهم ظلت عندي تقلصات وسوتهم 6وهسه سوتهم 9اخذ والله 3ورا 3ورا3 باليوم الواحد هااا.. بس مو ويا الحديد لازم اكو 3ساعات فاصله بين العلاجين ميصير سوة يأذي المعدة

العضوة: 109835 , 8 years ago

@user-105833 اني صارلي سبوعين بشهر الثامن بس الدكتور زيدني سبوعين يعني عله حسابه اني اليوم طبيت بشهري وكلي لازم اجي عل يوم بس مرحت كلت خلي اطب بشهري يله والله حبي عدنه اموكسلين هسه اخذ اذا ميئثر عل طفل وفولك اسد هنا غير نوعيه يببعو باجر اوصي زوجي يجيبلي منه

العضوة: 105833 , 8 years ago

@user-109835 بس انتي مغنسيوم لاتاخذين اخاف حالتج تفرق مني بس الي انصحج بي اخذي حبي فوليك اسد لازم ..وحديد ابدي بي من الرابع

العضوة: 109835 , 8 years ago

يااااريت لو اكو هيج مقويات ينطون هنا كلشي ماااكو كتله دكتور اريد اسوي تحليل دم اني وزوجي لان منعرف دمنه مطابق لو لا سوينه التحاليل قبل العرس رادوهن بل محكمه بس مكالو مطابق لو لا يكلي الدكتور مو هسه من اسويلج تحاليل الولاده وتجهيزات عود انسويهن سوى

العضوة: 105833 , 8 years ago

@user-109835 وي حياتي والله ياريتني وياج من بدايه الحمل ع الاقل والله اسٱلج دكتورتي ع كولشي تردين.. باعي ترة الي ماله اب ايكولون اله رب ..الله ارحم الراحمين انشالله ماضلج شي ..واخذي اموكسيلين والله كلش عادي اني عبالي الج 2شهر ..اخذي بس اتأكدي اموكسيلين مو غير شي

العضوة: 128390 , 8 years ago

انا قالي الدكتور اول اسبوع بالثامن لي ٣٠ اسبوع اخر دوره ٥/٨/١٤٣٨ من تحسب مضبوط انا بالأسبوع ٣٠ وكم لي بالثامن

العضوة: 105833 , 8 years ago

@user-109835 اشكد سخيف حشاج.. باعي اني اصلي من ديالى وجنت اداوم بمختبر 4سنوات ونص والله اذا حافظه فصيلة دمج ودم زوجج كوليلي اياهم واطمنج

العضوة: 109835 , 8 years ago

لا وين راح اخلص والله تعبني الحمل هاذا اول واحد واني بعدي صغيره بس الحمدلله عله كل حال مو وحدي هنا اهلي يمي هم وخالاتي 2 وخالي يعني كرايب عندي هواي بس مو مثل واحد كاعد ومستقر بوطنه هنا صدك غربه وكلشي متعرفين قهر والله

العضوة: 105833 , 8 years ago

@user-109835 حياتي كملتي انشالله وماضل شي اله القليل انشالله اتكومين بالف سلامه واتبشريني يارب ..انتي من يا مواليد ؟اني مواليد 89شهر الواحد