العضوة: 553230 , 6 years ago

السلام عليكم الحمدلله حمداً طيبًا مباركًا فيه رزقني الله عز وجل بمولودي الاول حفظه الله وجعله من البارين الصالحين 👶🏻❤️ ولدت صباح يوم الجمعه 17/7/2020 ميلادي في طوارئ مستشفى الحرس الوطني بالرياض بخشم العان والحمدلله على التمام 🥰🥰 انا بكريه و كانت اخر دوره لي 16/10/2019 ميلادي وقدرو ولادتي بتاريخ 22/7/2020 ميلادي لاي وحده تسئل كيف العنايه والولادة في الحرس الوطني الحمدلله ولدت طبيعي وكل شيء يعتمد عليك انتي في تعاملك مع الممرضات لو كان تعاملك لطيف برغم الالم بيحاولون يساعدونك وحتى بعد الولاده يعتنون فيك مره ولو كان تعاملك سيئ معهم وتصيحين عليهم وتسبين ووقت الدف تجلسين تصيحين حيطفشون منك ويبهذلونك وبعد الولاده يسحبون عليك ويجننونك بس الحمدلله على كل شيء وبنسبه لطفلي خوفوني عليه شوي بس ثقتي بربي سبحانه عاليه 🤲🏻❤️ قالو انه اخذو تحليل من الحبل السري ولقيو عنده هرمون الغده الدرقيه مرتفع ورجعو اخذو عينه ثانيه ونزل بس مازال مرتفع وانه احتمال يكمل عندنا 72 ساعه عشان التحليل الثالث للتاكد بس بعد استشارة الدكتور لاستشاري الاطفال سمحو بخروجه بعد 24 ساعه وانه الحمدلله بخير ومافيه الا العافيه وكثير اشتكو انه الحرس يخرعون الام على طفلها بس ثقي انه هذا اهتمام منهم واذا خرج الطفل بخير احمدي الله ولا تقولين ولاتسوين شيء هما مجرد بشر وممكن يخطئون و ممكن يصيبون ان شاءالله اني افدتكم والله يتمم للي باقي ماولدو ويفرحكم باطفال بصحه وعافيه بلازياده او نقصان ومبروك للي ولدو بالايام اللي راحت الله يصلح لنا ولكم ويعينا على تربيتهم 🥰🤲🏻

العضوة: 506957 , 6 years ago

الحمدلله على سلامتك حبيبتي ومبارك عليكي مولودك والحمدلله على سلامته الله يجعله من الصالحين البارين

العضوة: 682120 , 6 years ago

عملتي ايه ؟؟ ولدتي ولا لسه ؟؟؟

العضوة: 700868 , 6 years ago

صحيح إذا الحوض ضيق ما تقدرين تولدينه طبيعي الا في حالة يكون صغير مره اختي لما ولدت بكرها مسكينه طلقت 12 ساعه لا نزل الحوض لانا ضيق مره صارت كل ولادتها قيصري لانا حوضها ضيق

العضوة: 441388 , 6 years ago

عادي لوكملت شهري ودخلت في العاشر خمسه سته ايام وبعدهااسوي العمليه

العضوة: 582266 , 6 years ago

لاني معك و احس ملخبطه مره حساب دكتورتي @user-713505 كم التاريخ بالضبط !

العضوة: 753836 , 6 years ago

فاتح ١ سانتي بس وتقول الرحم سميك خلاص سلمت امري لله طلبتهم قيصري لاني فوّت مرره موعد الولاده اليوم دخلت المستشفى وتنومت ونشوف بكرة الله يكتب لي الخيره

العضوة: 713505 , 6 years ago

28 شهر ذي الحجه بس انا حاسه ع اولد قبل ان شاء الله

العضوة: 581714 , 6 years ago

مرحبا خواتي عندي سؤال .. أنا اليوم أول يوم لي في الأسبوع ٣٩ ومن شوي نزلت علي افرازات بنية مرة وحدة ووقفت .. هل هذي السدادة جذي تكون على شكل افرازات بنية؟ خفت لما شفتها حسيت الموضوع صار جد 😥 ههههه الله يسهل علي وعليكم

العضوة: 713505 , 6 years ago

تحسين بطلق ولا نزل مويه معاكي

العضوة: 617159 , 6 years ago

@user-581714 هذي السداده والله اعلم ..

العضوة: 581714 , 6 years ago

@user-713505 لا ما نزل ماي .. ولا أحس بألم بس شي خفيييف كلش

العضوة: 581714 , 6 years ago

@user-617159 شكرا حبيبتي للرد .. الله يسهل علينا يا رب 🤲😪

العضوة: 713505 , 6 years ago

كثري من سوره مريم والانشقاق تسهل الولاده باذن الله

العضوة: 687212 , 6 years ago

السداده تكون شفافه مخلوطه بالدم تكون لونه فاتح