6 years ago
  • ما قبل الحمل
بنات ليبيا قروب جديد تفضلن حبيباتي وربي يهني بلادي ليبيا🇱🇾🇱🇾🇱🇾🇱🇾🇱🇾

4598 تعليقات

العضوة: 174744 , 6 years ago

@user-487053 هذه البطن تبي مكافاه لانها جابت صغار حلوين زي امهم ما شاء الله ما تسحنيش روحك عليها ديري رياضه ونقصي معجانات توا تنقص

العضوة: 487053 , 6 years ago

يسلمك يارب ان شاء الله نحاول هو الماكلة ماعندي معاها الروح هههه مع الرضاعة وزني ٦٨ اخر مرة وصلت ٧٥ قاللي سمنتي هلبة مش كويس الشحم رغم ان هو وزنه ١٠٠ ومعاها 🤦‍♀️

العضوة: 174744 , 6 years ago

@user-487053 انا حملي الاول اللي جهضته في الشهر التالت وصل وزني 61 وكان 54 بعد الاجهاض والنفسيه كانت صفر بديت ندير في رياضه وصيام متقطع وفي شهر ونص نقصت 6 كيلو حملي باموله زيت 10 كيلو ونقصتهم بعد الجياب وفترة ايام قربت الحرب علينا وهروب الضي زدت ضعفت اكتر وانسليت وتوا ماشي الحال لكن بطني زايده وانا من لما كنت بنت عندي بطن بس خلاص تاقلمت معاها هدا انا هدا شكلي هدا وضعي ومحلاني ⁦🤦🏻‍♀️⁩⁦🤦🏻‍♀️⁩⁦🤦🏻‍♀️⁩

العضوة: 487053 , 6 years ago

اللي ينزل الوزن التخميم والمشاكل الله المستعان حتى انا زمان في ٢٠١١ هيكل عظمي وزني ٥٤ وطولي ١٧٠ مرة قاستلي هنايا قتلي كويس ٦٥ مع طولك خليك هكي هههه وين كلمت هلي قالولي ضاعفة شافوني فيديو قلت لهم الانجليزية قالت لي وزنك كويس قالت حداهم هما مقارنة بهم 🤭 هو لما يبدأ متناسق كويس وسط لاهو ضعيف ولا سمين

العضوة: 582145 , 6 years ago

ماتفكرونيش في الجسم 😭 في ولدي الدكتوره امتى مانمشي تقولي مانبوش الجسم يزيد واني كل مشيه زايده 😂 بعدين مع الرضاعة ضعفت وكنت نتابع مع اخصائيه تغديه بعد جبت قلتلها نبي تعطيني رجيم نظام غداىي انقص من وزني قالتلي ابتعدي عن الكربوهيدرات تو تنقصي هههههه وتوا زااايده في الثمانين وزني 😭

العضوة: 174744 , 6 years ago

@user-487053 اي صح المشاكل والسحن والتعب والتخميم يسلو سلان ويضعفو هلبا ربي يبعدهم علينا انا ما يهمنيش الوزن قد ما بهمني يكون الجسم متناسق ما نحبش الضعف هلبا

العضوة: 174744 , 6 years ago

@user-582145 هو البلي كله في الكربوهيدات هما سبب السمن واابطن والدهون

العضوة: 487053 , 6 years ago

هو الواحد وين يجي يشوف المهم الحمد لله صحيح مايشكي من شي نحن يقيسوه اول الحمل وبعدين خلاص معادش تقيسه تو تنزلي.. هو المشكلة نظامنا وجبتين فطور و وجبة تانية اتنين في واحد غدا وعشا وفي ليبيا ٣وجبات ومش هكي لكن راحة نفسية 😁

العضوة: 487053 , 6 years ago

أمين يارب العالمين نسأل الله ذلك

العضوة: 582145 , 6 years ago

اييه وماكلتنا اغلبها هكي

العضوة: 582145 , 6 years ago

صدقتي اهم شيء الصحه هنا في كل مشيه لازم يقيسوا الوزن الحراره الضغط تحليل بول هههههههه قبل صاحبتي صوماليه قالت انتم الليبين ديما اطيبوا هي اطيب مره قالت وياكلوه ع أيام

العضوة: 174744 , 6 years ago

@user-487053 المشكله الاكل الصحي غالي يلي خضره وفاكهه وهلبا دجاج ولحم وحوت ويكلف هدا وااجسم الضعيف المتناسق اللي نشوفو فيه في النت مش واقعي ومنطقي يعني الاغلبية العظمه من الناس اجسامهم عاديه

العضوة: 174744 , 6 years ago

@user-582145 تقدري تبدلي المكونات بدل الرز الابض خودي الاسمر والمكرونه نفس الشي جربي البرغل بدل الرزوالدشيشه حتى هي

العضوة: 582145 , 6 years ago

الدشيشه والبرغل تقبلتهن لذيذات لكن الرز الكامل ماعجبنيش ويعطل والجد بيش ايطيب

العضوة: 487053 , 6 years ago

ايه هذه هي هي نحن ماكلتنا ماهي صحية بكل ابديها ب طماطم الحكة هذا من غير النشويات