6 years ago
  • ما قبل الحمل
بنات ليبيا قروب جديد تفضلن حبيباتي وربي يهني بلادي ليبيا🇱🇾🇱🇾🇱🇾🇱🇾🇱🇾

4598 تعليقات

العضوة: 487053 , 6 years ago

ماهو ضروري منها المشكلة ههه انا زمان حتى هو هكي قبل الكورونا وين بنطلعوا نفرهدوا هو كل سبت نطلع ومرات نقوله غير طلعلي الصغار وانا نقعد.. بعدين وين جربت طلعت بروحي عرفته علاش مريح راسه لا صغار لاشي لا هذا مشي لا هذا جي نحن ماعندنا سيارة يعني في باص والا قطار ف حتى هو يقولك شن بدير بهم وانتي تو حامل عنده الحق مادا بيك ماتطلعي مع الكورونا هو صح الحامل تبدأ نفسيتها بالدبل لكن حتى بالهاتف هدرزي عليهم وشداها مكالمات

العضوة: 487053 , 6 years ago

ايه والله يومتها فتحت لها فيديوهات وهذه ليبيا وكلمت هلي فيديو نقولها هادم خالاتك وهذه ليبيا شوفاها ونهدرز عليها تو بنمشوا

العضوة: 642450 , 6 years ago

أني ع أساس نبي مرواح نهائي ونستقر غادي والله أهلي كل يوم نفس السؤال هيا امتى بتروحو وبوي مستاحش بشكل اكيد عندها ذكرى سيئة عليها 💔 ولدي لما روحت بيه كان عمره 3 سنين وتوا 7 ومزال يتذكر فيها الزيارة سبحان الله كل فترة يقول بنمشو لليبيا معاش نبي هنا داير فينا حاله بالبكي كان صغير يتذكر ف الحاجات الحلوة بس 😅 ومن قبل الكورونا مشكلة المطارات ماتعرفي كيف كل مرة يسكر معيتيقة حتى هو شوبنا منه وتوا كان بتروحي بتحجري روحك وصغارك اسبوعين هذا كله محسوب من وقت الإجازة جيت بداية 2013 وقتها قاعده البلاد هانيه مش زي توا وإنتِ كم ليك برا

العضوة: 487053 , 6 years ago

ربي يفرجها أن شاء الله هلبة ٧ سنين انا طلعت المرة الأولى في ٢٠١٤ راجلي يقرأ ماستر وروحت نهاية ٢٠١٥ وبعدين وليت ٢٠١٦ دكتوراه زي ماقلتي لما طلعت منها تعتبر كويسة ومستقرة لكن لما وليت المرة التانية مأساااة زي تو ولما طلعنا تأشيرة من تونس و السفر من تونس وقصة تبهديل.. وين بنقول نديرو زيارة تصير مشكلة في البلاد ويخاف يحصل الواحد غادي وقرايته تقعد.. توفى راجل اختي ماروحت وداروا عرس اختي حتى هو ماروحتليا قريب أربعة سنين تو ماروحتش... بنتي جيت بها سنه عمرها تسمع فينا نخبروا ع وضع البلاد وتسجل 🤦‍♀️

العضوة: 642450 , 6 years ago

ذكرتيني بروحي فالأيام الخوالي زمان 😅 من تجربتي الشخصيه نقولك كل ماتعصبي وتزعلي هو ح يزيد يعاندك :/ يحس انك تبي تفرضي رأيك وشخصيتك عليه خليها بالدلع والكلام المعسول يديرلك ماتبي

العضوة: 642450 , 6 years ago

آمين اي وخشينا ف السنه ال8 ع الخير ومش عارفين امتى بنروحو 😅💔 كويس حتى حصلتي بريك بين الماستر والدكتوراه ماشاءالله 😅 صح تشحوير تونس بروحه ساد بتخممي فيه اكثر شي مع الصغار حتى اني جيت مع راجلي قري دكتوراه جينا من ليبيا لبريطانيا ومنها لكندا وكنت بروحي من غير صغار سليمتهم واحد بس ف بطني وياسلام 😁 روحت زيارة ف 2015 شهرين وفاتن تشحوير ع الجوازات ههههه وقتها قالو لازم تغيروهن مشينا قديش مشوار بيش حصلنا بالواسطة ف الأخير وطبعا مرواح الزيارة من كندا للمغرب ومن المغرب لتونس ومنها لليبيا والله تبهديل وقتها عندي زوز صغار و حامل قلت شعفه ماعاد دايرة زيارة لين نروح نهائي 😅 ان شاء الله تروحيلهم ف الهني والراحه يارب وتحضري افراحهم وتشبعي بشوفتهم ع الخير حتى اني عرس اختي اصغر مني ماحضرته وعرس خوتي ماحضرته ومن غير مناسبات قريبة اخرى 😬 نحسابها بنيتك كبيره وشافت بعينها ههههههه لالا امالا غيري السيرة واحكيلها ع حاجات حلوة وماتقولو شي قدامها ع الواقع 😅 الصغار الله يبارك عليهم يركزو و يعرفو ويفهمو

العضوة: 383306 , 6 years ago

كفار قريش عندما أخذوا من كل قبيلة رجلاً .. وذهبوا ليقتلوا النبي ، ظلوا واقفين على باب بيته طول الليل بانتظار أن يخرج لصلاة الفجر . رغم أنهم كانوا قادرين أن يقتحموا البيت من أول لحظة ويهدموه على كل من فيه .. احدهم حاول أن يقترح الفكرة مجرد اقتراح . رد عليه أبو جهل بكل عنف : ( وتقول العرب أنا تسورنا الحيطان و هتكنا ستر بنات محمد !!؟).. كفار قريش كان عندهم الحد الأدنى من النخوة والرجولة ، كانوا يعرفون إن البيت فيه نساء ، ولايجوز أن نقتحمه ، لايجوز أن نكشف سترهم ، أو ننتهك خصوصيتهم . أبو جهل حينما غضب ، وضرب أسماء بنت أبي بكر (رضي الله عنهما )على وجهها طيشاً ، ظل يترجاها و يقول لها : (خبئيها عني ، خبئيها عني) ، أي لاتخبري أحداً .. أي : لا تفضحيني ، ويقول الناس أني ضربت إمرأة . أبو سفيان لما كان كافراً ، خرج مع قافلة من قريش في أرض الروم ، فاستدعاهم هرقل ملك الروم ليسألهم عن محمد.. سألهم : هل تتهمونه بالكذب ؟ هل يغدر ؟ هل يقتل ؟ أبو سفيان يقول ( فوالله ، لولا الحياء أن يأثروا علي الكذب لكذبته) . يعني رفض شتم النبي لأنه خاف إذا رجعوا مكة ، يقال إن أبا سفيان كذب .. خاف على سمعته وهو كافر . العظمة هنا ليست موقف أبو جهل أو موقف أبو سفيان .. العظمة في المجتمع ..المجتمع الجاهلي الكافر كان عنده أخلاق .. وعزة وإنسانية . أما الآن فهناك سفك للدماء وهتك لحرمة البيوت على الملأ ، وتفاخر بقلة الشرف و الدناءة في السلم و الحرب وكله باسم الاسلام والاسلام براء من ذلك..!! الآن إذا اختلفنا مع مسلم وليس مع كافر ، نتراشق معه بالسب ، ونؤلف عنه القصص ، وكلما جاءتنا قصة عمن اختلفنا معه صدقناها ونشرناها عنه وبنينا عليها المواقف . إن الله لا يغير ما بقوم حتى يغيروا ما بانفسهم الدين اخلاق وليس براويز ...وايات تعلق في جدران البيوت بدون عمل .صلي الله علي محمد انها الاخلاق ياقوم

العضوة: 582145 , 6 years ago

عليه افضل الصلاة وازكى السلام صحيتي بارك الله فيك 🌷

العضوة: 487053 , 6 years ago

ربي يسخرلكم اللي فيها الخيرة.. امين يارب العالمين أجمعين. الجوازات قصة حزينة حتى انا قعدت قداش وراجلي سافر وماحصل إلى تو لكن انا وبنتي درنا وتو مسجلة فيه صغاري و يقولولي لما تسجلي فيه مايمشيش 🙃.. هو الحمد لله بعد النت و الفايبر والاتصالات معادش زي قبل الغربة انا مرات اختي نتواصل معاها اكتر ماتتواصل مع اللي غادي 😅.. بنتي حتى التلفزيون نفتح فيه وتتفرج معاي ع الاخبار ايامات حرب طرابلس 💔 تو طرابلس هدت معادش نفتح فيه ع الاخبار تو بديت معادش نتكلم قدامها حتى حاجات عائلية لأنها بدت تعرف وين تكلم حد في الهاتف تبدأ تعاود في اللي يصير هي وولدي يبدأ مرات يشكي لهم هههههه

العضوة: 487053 , 6 years ago

اللهم صل وسلم على نبينا محمد بارك الله فيك 👍👍

العضوة: 383306 , 6 years ago

وفيك بارك الله 🌹

العضوة: 383306 , 6 years ago

وفيك بارك الله 🌼🌼

العضوة: 696886 , 6 years ago

زعما😂😂😂😂😂تو انجرب 😂😂

العضوة: 696886 , 6 years ago

اني كنت عليه في وجهه😂😂 زمان انقول لاامه حسبي الله ونعم الوكيل فيه اتقولي معش تدعي انقولها حتي في هادي بتددخلو فيا😒😂😂

العضوة: 722559 , 6 years ago

اهلين بنات شن اخباركم شوفن يابنات انا يصير معايا وخز في سرتي وانا حامل عادي ولا نشوف الدكتورة