6 years ago
  • ما قبل الحمل
بنات ليبيا قروب جديد تفضلن حبيباتي وربي يهني بلادي ليبيا🇱🇾🇱🇾🇱🇾🇱🇾🇱🇾

4598 تعليقات

العضوة: 487053 , 6 years ago

وعليكم السلام ورحمة الله وبركاته الحمد لله بخير كيف حالك وحال صغويرتك الضي مأساااة انا نحصل فيهم لكن ضعيف النت عندهم بكل يمشي ويجي

العضوة: 487053 , 6 years ago

لا ربي يحفظهم ويسلمهم ان شاء الله انتي قولي لهم وين تحصلوا كلموني فيه برنامج يكلم دولي مش ضروري تعبي رصيد من البطاقة غير يبي وسعة بال انا نعبي ونبعت رسايل والا نبدأ نرن عليهم تعبي نقاط لما نبدأ مشغولة عليهم نستعمل فيه نبيهم يعرفوا انه يفتحوا نت والا يديروا رأي...

العضوة: 174744 , 6 years ago

@user-383306 هو حتى انا ما نبيش لا مهر لا مؤخر لا شي بس عقليات الناس صعب تغيريها بوي قالي لا لازم منهم وعمي قال لا ضروري نكتبوهم

العضوة: 487053 , 6 years ago

كان بناويتي مش عارفة شن ندير لكم 🤭🤕 كيف مهر لا مش عقليات هذا حقك غدوة بعد غدوة يقعدوا مدايرنها مضحكة واعطوا هالنا رخيصة و و و في حالة بس وحدة نقول تتنازل لما يبدأ قريبها ولد عمها وعارفين بعضهم والا شيء الباقي مش مقتنعة الحق لان فيه اللي تقدره يقدرك وفيه اللي تقدره يودرك عرفتي ...

العضوة: 174744 , 6 years ago

@user-487053 معناها باهي مش بنتك هي هذه قلتلك المشكلة في العقليات بيقولو أشبح خيرها بنتهم ما شرطولها ورخيصه وغيرها من الكلام والافكار الغريبة .بالنسبة ليا قعدنا مخطوبين عامين وكان يجي مره كل شهر فا عرفته كويس حتى لما تزوجنا ما حسيناش ان نحن غريبين على بعض وانسجمنا طول مع بعض وتصدقي انشرطلي مهر ما خديتاش ولا دارلي فيلو ولا مزين والحوش تعاونا فيه كنت نخدم وخاشين في جميعه مع بعض وينقص عليه نكمل انا وعمرنا ما حسبناها مع بعض اللي يستاهل ومتربي وفيه خير يبان عليه واللي قليل اصل يبان عليه

العضوة: 383306 , 6 years ago

اني مش معاك في هذي لان لما المرأه مش سلعة تنباع وكان سومها رخيص يعني هي رخيصة والعكس صحيح.. المرأه اكبر من هكي بهلبه ماتنقاسش بالفلوس ابدا ولاهي سلعه بسوم.. المهر طلع باش تشري شن ناقصها من أشياء مش باش تنقاس بيه.. هذي مهرها 100 معناها رخيصه كيف اما تفكير هذا الى يعرف قيمتها حق كنوز الدنيا كلها ماتنقاسش بيها

العضوة: 383306 , 6 years ago

اي صح مهناش كيف تعانديهم وحتي جانب العادات والتقاليد ليه دور

العضوة: 642450 , 6 years ago

الحمدلله بخير تسلمي ❤️ كيف حال عويلتك ان شاء الله بخير بدو صغيويرتك يمشو للمدرسة والا مزال 😃 اني ماعاد حصلتهم حتى يجيهم الضي شويه بس النت والتغطية مافيش واغلب الأحيان يجيهم ف نص الليل وهم راقدين ويهرب الصبح امبكري حصلت أمي الحمدلله اني بالي مشغول عليهم وهي بالها مشغول عليا إني بننشغل عليهم 😂💔 والله حاله وخلاص

العضوة: 639382 , 6 years ago

السلام عليكم ممكن اضافه بنات بلادي🇱🇾❤❤

العضوة: 642450 , 6 years ago

آمين ويحفظ أهلك وأحبابك يارب اي عرفته كان عندي قبل كنت فاضيه وعندي ولد واحد وانقعمزله 😆 كلا توا وسعة البال يجيبها ربي قعدت انعبي ف الرصيد ونتصل وهم يفتحوا من غير مانقوللهم بالذات توا بعد جبت يكلمو فيا ديمه لما يحصلو غير اغلب الأحيان بدي حتى يجيهم الضي النت مافيش

العضوة: 642450 , 6 years ago

@user-639382 وعليكم السلام ورحمة الله حياك الله 🌷

العضوة: 360019 , 6 years ago

وعليكم السلام تفضلي معانا

العضوة: 360019 , 6 years ago

ربي يطمنك عليهم والله حاله ياوخيتي نفسيتي صفر من قطع الضي اليوم تخيلي من الصبح لليل قاطع كيف منتحركوا وامنخدموا والله من ديروا شي ولدي هبلني من العياط تخيلي قريب يطلع من عقله ع من ديرله وزياده ضي حسبي الله ونعم الوكيل فيهم فتفتونا فديناااااااااااا

العضوة: 383306 , 6 years ago

@user-360019 ريتي بالله والله اعيينا شن هالوضع هذا معقوله حتى الضي نقعدو نشحتو فيه.. احنى اليوم من الظهر إلى 12 في الليل.. الصغار تنقنيق وعياط لين جاء

العضوة: 642450 , 6 years ago

آمين لاحول ولا قوة الا بالله العلي العظيم صبر جميل والله المستعان ربي يكون ف عونكم ويفرجها عليكم جربت ايام الثورة نقعدو بلا ضي بال3 ايام وتعبنا وحتى اني قريب طلعت من عقلي مع انها فترة قصيرة وانحلت يابال انتو كم ليكم توا 💔 ياروحي مابعدهم الصغيويرة بالذات ف الليل الجو اخي بلا ضي زيديها عاد كان الجو ساخن والمولد دوشته فظيعه تقولي قلته خير صوته يدير الشقيقه 🙁 وهو الصيف كمل شوي وجايكم الشتي ويبدا طرح الأحمال الشتوي