6 years ago
  • ما قبل الحمل
بنات ليبيا قروب جديد تفضلن حبيباتي وربي يهني بلادي ليبيا🇱🇾🇱🇾🇱🇾🇱🇾🇱🇾

4598 تعليقات

العضوة: 793823 , 6 years ago

السلام عليكم ورحمة الله وبركاته اتفضلوا معي حلويات من العالم

العضوة: 487053 , 6 years ago

وعليكم السلام ورحمة الله وبركاته ماشاءالله ربي يبارك صحتين وعافية سهفني العبمبر المعسل 🤤

العضوة: 793823 , 6 years ago

اتفضلي احلى عمبمبر ليك بس اني انفضل في الجاف احلى

العضوة: 766701 , 6 years ago

كيف حالك اختي كيف انديرلها وناكلها عالريق

العضوة: 766701 , 6 years ago

شخباركن ياعسولات مساء الخير عالجميع

العضوة: 174744 , 6 years ago

@user-383306 لا مزال اتبع مع الاتات والحيط بس ما جتهاش الجراءه انها تمشي ما في شي يجري وراها امتا ما يخطرلها تمشي تمشي مركزه ع الكلام اكتر

العضوة: 487053 , 6 years ago

بنتي مرضت ب الزكمة وامس في الليل تخترف من الحرارة نضت من نومي وانا نسمع فيها اليوم غيبتها ع المدرسة وخبرناهم قالت ديروا حجر ١٤ يوم واتصلوا ديرولها تحليل يبعتوه للحوش ويتصل راجلي قالوا له جيبهم ع رجليك والا سيارة خاصة ماعنداش نبعتولك في الحوش وطبعا مسافة ٣ كيلو تقريبا 😒 انا عارفتها ضاربتها برده ما عتقدش كورونا لكن دوة فاضية بعد ماشفت المدرسة انا شديت ٥ شهور ماطلعت وطلعوا للمدرسة 🤡

العضوة: 174744 , 6 years ago

@user-487053 سلامتها ربي يشفيها هي الدول كلها معاش عندهم جهد لكورونا وعفارها والله فدينا منه ع المرض ربي يفكنا منه عن قريب

العضوة: 487053 , 6 years ago

الله يسلمك امين اسأل الله ذلك هي اول امس كانت راقدة ومتغطية ب بطانيه جيت نحيتها لقيتها مغسولة عرق نحيت التيشرت و ولت رقدت بلا غطا وبعدين درتلها دوش قبل ما ترقد وعارفة الصغار مايتغطوش في الليل امس من لما روحت وهي تقول رقبتي و مزكومة وفي الليل حرارة لكن تو باهي ماعندهاش حرارة وتلعب.. انا اللي قهرتني انه تو راجلي يقرأ في الاخبار والتعليقات قاللي انجليز قالوا لهم باعتين صغاركم للموت ع المدارس تحملوا ما يجيكم حكومة حتى تحاليل ماعندها

العضوة: 174744 , 6 years ago

@user-487053 ربي يلطف ويستر خودي سليبنق باق وريحي راسك لا بطانيه لا غيرها والله احسن حل لصغار الدول كلها معاش عندها قدره ليه وتوا جاية موجت اغلاق تانيه ومزال خايفين من وقت الانفلونزا الموسميه

العضوة: 383306 , 6 years ago

@user-174744 اي ع راحتها امتى ماتمشي باهي.. بنتي ركزت معاها هلبه ع الكلام وابسط شي كبير والصغير نقلها توا بيصير هكي وتوا منديرو هكي وكبرت في نص عيله والي توا كلامها مش هلبه تفهم وتزبط واتقولهالك الحاجه بالاشاره وماتبيش تتكلم رغم أنها تعرف الكلمه وتقول فيها بروحها.. حسيتها ع الشخصيه وشكلها وراثه لان حتى بوها رزين وكلامه بحسابه وهي جيناته الكلهم ماخدتهم ههههه

العضوة: 383306 , 6 years ago

@user-487053 الف لاباس عليها ديريلها درش بميه فاتره.. الكورونا عافانا الله مش حراره بس.. يقولو تبدأ بالكحة.. طهورا اعليها الحلوة

العضوة: 383306 , 6 years ago

@user-174744 السليبنق باق عندي منهم زوز ياسلام يهبلو ترقدي وبالك مرتاح لاتنحت البطانيه لاشي

العضوة: 174744 , 6 years ago

@user-383306 اي اكيد جينات ليها دور كبير في سنون في طبع في مشي في تقبل الاكل في كل شي انا توا تلقط في الكلام وتردد كل كلمه تسمعها بطريقتها وانا ديما نهدرز عليها يوم عربي يوم انجليزي المشي نمشي فيها وعندها المشايه نطلع فيها في جنان تمشي واتبع ع الحيط لكن ما تبيش تمشي بروحها توقف وتحاول وتقعمز

العضوة: 174744 , 6 years ago

@user-383306 حتى انا واخده واحد صيفي حلو معاش يجيها نستنى امتا ينزلو متاع الشتي باش ناخدلها منه