6 years ago
  • ما قبل الحمل
بنات ليبيا قروب جديد تفضلن حبيباتي وربي يهني بلادي ليبيا🇱🇾🇱🇾🇱🇾🇱🇾🇱🇾

4598 تعليقات

العضوة: 487053 , 6 years ago

تسلمي.. هههههه يعطيك الصحة وديري ايميل تاني وخليك

العضوة: 816003 , 6 years ago

هههههه وراهم لين يملو😂🐸

العضوة: 658371 , 6 years ago

تسلمي يارب 😘😘

العضوة: 658371 , 6 years ago

مرحبا فافي انت نزلته البيبي او مزال

العضوة: 696912 , 6 years ago

هلا بنات ايش اخباركن....انا لي كم يوم بادي في الوحم وقريب انموت منا مش عارفه ايش ايحول الوحم

العضوة: 815325 , 6 years ago

اهلين فيك تمام ابخير وانتي ❤فى اي شهر

العضوة: 642450 , 6 years ago

@user-487053 ان شاء الله ماتشوفي باس يارب💛 حاله والله قلت لراجلي هم هذا علاش مايجيبو ف هلبه صغار تجيبي عيل واحد يفددوك ويقلقوك ويشعفوك🥴😂 غير يشكو ف حاجه بسيطة يكبروا الموضوع ليش تجيك هيلث فيزتر؟ عشان بنيتك ؟ الحمدلله ماعندناش هالنظام كانهادا لميت دبشي وروحت طول 😂 قبل تبي اتجيني الممرضه بعد جبت لكن ولدي ماطلعش بسرعه كنسلتها الزياره ارتحت منها تاعبه الحق ماعندي ليها جو وين عاد للـ9 شهور هلبه وانت عندك صغار قبل يعني تعرفي وهي تعامل فيك كأن أول عيل ليك 😅 وهم فيه صغار يتعلمو يمشو مع الحاجه بعمر 9 شهور وهي تبيها كيف تتعلم تقعمز😕 ماتعدليش عليها🤭 نفس الشي يسكروا الفصل ولازم الطلاب يديروا تحاليل ويقعدوا حجر اسبوعين صغاري لتوا يقاوموا حتى هم والله ندعي يستمروا اقل شي لين نكمل مواعيدي انزكموا مرة أخرى من يومين قلت كورونا هالمره 😩 والحمدلله خفت عنهم واني جاني التهاب حلق وخايفه نمشي اندير تست يوجع بكل ماباش يكمل هالكابوس استغفر الله العظيم عندك الحق سبحان الله الوقت مافيه بركه ربي يكون ف عونك بالذات كانهم يروحوا من المدرسة متأخر ماتلحقي تشوفيهم لين يجي وقت النوم ياروحي مش متعود ديمه اول فترة هكي ويبي وقت عشان يتعود حاولي تحكيله بداياتك مع المدرسة😅 ووضحي له ان خوفه شي طبيعي وانك فاهمتيه بس لازم يتغلب عليه وشجعيه مامشاش للديكير قبل المدرسة ؟

العضوة: 671953 , 6 years ago

بالله عليكم اوخيتي نبي شي يسهل الاولاده الاخر اسبوع ف شهري

العضوة: 642450 , 6 years ago

@user-696912 ربي يتمملك ع خير 💛 اي حاجه تزهق كبدك منها ابتعدي عليها واي حاجه مقليه واتاعبك سيبيها حتى هي الوحم اكثر شي نفسي حاولي تغيري جوك وديري اي حاجه تحبيها تنسيك الحمل والوحم

العضوة: 642450 , 6 years ago

@user-671953 امشي للدكتورة اديرلك تحريض (توسيع) هذا احسن شي والدرج كويس ارقي وانزلي منه ربي يسهلك

العضوة: 687151 , 6 years ago

السلام عليكم ..كيف حالكم بنات ان شاء الله بخير .. عندي استفسار .. انا حامل في الشهر الرابع و حاسة بضغط وثقل أسفل بطني وكأنه في الحوض .. من عنده خلفية عالموضوع ومرت بنفس التجربه ؟

العضوة: 571125 , 6 years ago

حبيبتى بعد التوسيع خوذى زيت خروع وتمشي يساعد ع الولده....انا جبت فى شهر ثمانى

العضوة: 671953 , 6 years ago

الحمد لله ع سلامتك ياواخيتي وعقبالي يا رب