حوامل يناير - حاسبة الحمل

العضوة: 641454 , 6 years ago

انا بحملي الاول كان ولد ماكثرت بصراحه لاني قريت بالنت انو يكبر وزي كذا فاللي باقي جديد ونظيف للحين المروش فقط والحين بنوته مره فرحانه يارب بس تجي بصحه وعافيه وافرح فيها وبصراحة مره متحمسه اجهز لها مأنو زوجي يقول لي بدري وانتظري انا والله ودي اجهز لو الاشياء المهمه مثل لفات اكياس النوم شراريب لأن بولد ع بداية برد ان شاءالله ولازم اقضي اغلب الملابس برد والله ييسر بس

العضوة: 641454 , 6 years ago

بس نبي نحمس بعض ونفيد بعض بالتجهيزات.. وبما أنها بنوته لازم ندلعها شوي

العضوة: 694167 , 6 years ago

ياريت كل وحدة تكتب شنو لازم نجهز انا اول مرة احمل ببنوته ومن الفرحه مو عارفه من وين ابدي ولا عارفه من اي شهر ابدي انا بنص الخامس وراح اولد على وجه الشتا بحملي السابق امي جهزت وساعدتني وبهذا الحمل امي توفت وحاسه نفسي وحدي لان انا بلغربه ولا احد قريب عندي ..

العضوة: 140138 , 6 years ago

ماشاء الله 😍💗 اعشق البنات ربي يتمم لك على خير انا لو طلعت بنوته راح اتحمس زيك من ايام حملي بولدي الاول لما كنت ادخل سنتربوينت ومحلات الاطفال اجلس متنحه عند قسم البنات 😂💗

العضوة: 140138 , 6 years ago

حبيبتي الله يرحمها وتشوفيها ف الجنه انا صراحه حملي الاول مع ان امي موجوده بس كنت انزل لحالي لان المول جنبي وهيا بيتها بعيد مره وعادي جهزت كل شي النت ماشاء الله ماساب شي اكتبي تجهيزات البيبي الضروريه وتطلع لك مواضيع كثير مختصره بالنسبه لي الداخلي اهم شي اول الايام لانو يتوسخ بسرعه اخد مجموعه .. وبجايم وحاجات قطنيه مريحه للطفل ف البيت ولا تكثري من مقاس زيرو الى 3 يعني كم قطعه وتبدلي بينهم .... ومناشف الصغيره كنت احتاجها وقت الرضاعه او لو حبيت امسح جسمه ورقبته بمويا دافيه ف الفتره الاولى كثير .... ومنشفة استحمام واللفات طبعا الي هيا الكوافل وشراريب عشان اطرافهم تبرد واخدله الكفوف عشان لا يخرمش وجهه ولو انتي ترضعي مختلط او صناعي خدي رضاعه من ماركات اصليه وما تسوي غازات للطفل مثل ماركة افنت من فلبس خياليه كان ولدي ما يتعب معاها ابدا .. كل شي من هذي الماركه ممتاز خاصة انهم يستخدمو بلاستيك مخصص للاطفال غير مضر وما يتفاعل مع الحراره وطبعا الوايبس والحفايظ وخدي وايبس بدون كحول وعطور وقصاصة اظافر للاطفال وطقم شاور ولوشن ومرهم بيبانثين الوردي ضروري يكون عندك تحسبا لو جاته حساسيه ف منطقة الحفاظ جدا جدا خيالي من اول ساعه يجيب مفعول وكان يرتاح ولدي عليه ... وبس والله هذا الي اتذكرو حاليا ان شاء الله البقيه يساعدوك كمان لو نسيت شي ♥️♥️

العضوة: 694167 , 6 years ago

تسلميلي ياروحي الله يوفقج وينطيج اللي تتمني

العضوة: 140138 , 6 years ago

امين حبيبتي واياك ♥️♥️♥️

العضوة: 641454 , 6 years ago

انا برضه كتبتها عشان يسهل علي التجهيز ٤ كوافل الوان لأن بعد ال٣ شهور خلاص مايحتاج اكثر ٣ اكياس اللي تحطي البيبي داخله بعد اللف مدري وش اسمها بالضبط بس ان شاءالله فهتمو والداخليات مثل ماقالت اللي هي البربتوز قلت بحط درزن والشراريب للرجل واليد طبعا كثير والقبوعات بنوته بحاول اطقمها مع كل لبس وللحمام شامبو وصابون وطقم البيبي م جونسون اللي فيها زيت ولوشن وبودره ومقص اظافر ومشط شعر وعطور قبات الصدر شنطة اغراض البيبي منشفه بطانيه رضاعات هذي اللي رتبتها وانتي ع حسب العدد اللي تحبيه وحطيت شفاط للحليب بالصدر لأن بحملي الاول كان ولدي منوم وكنت اشفط له الحين حطيت احتياط الشفاط