هحكيلكم تجربتى اللى لسة ما انتهت علشان محدش يغلط غلطتى ولو حد عنده حاجة تفيدنى ياريت ما يبخلش عليا بجد محتاجة نصايحكم ودعواتكم جدا انا اخر بريود ٢١ \ ٧ خلاص قرب التاسع ع الانتهاء ف الشهر التامن البيبي كان نازل تحت اوى و واخد وضعه الطبيعى وكنت بحس بتقل فظيع جدا ف المشى و ع طول بحس انى هولد خلاص والدكتورة قالتلى احتمال كبير تولدى طبيعى اول التاسع انا بقا اول ما دخلت التاسع اهملت ف حركتى او بمعنى اصح بقيت عايزة انام ع طول ومبقتش اتحرك او امشى كتير زى الشهر التامن و السابع فنتيجة لكدة كل اعراض الولادة راحت والجنين لحد الان منزلش ف الحوض و الدكتورة النهاردة قالتلى معاكى لحد الجمعة الجاية لو الجنين منزلش ف الحوض هفتحلك قيصرى انا اتصدمت اوى بس كنت عارفة انا اللى غلطانة يا ريت محدش يكسل ولا يعمل زيي دلوقتى انا مش عارفة اعمل ايه هل ف حد فيكم مر بتجربة زى دى والجنين نزل ف اسبوع وعملت ايه علشان ينزل الحوض هل ف امل .. ؟