شونكم بنات ❤❤ اليوم احجيلكم عن المرحله الثانيه للولاده الطبيعيه .. واللي هي تبدي من تصير الاوجاع اللي حجيتلكم عليها بالمره السابقه .. هنا لازم عالاقل السيده عدها توسيع مقداره ٤ سم. او اكثر .. ويكون عنق الرحم خفيف او بادي يكون خفيف .. ومرات ويه هاي العلامات نشوف اكو نزول لماء رأس الطفل .. او ممكن احنه نثقب الماء حتى نسرع الولاده عن طريق الابر بالمغذي .. اخذوها قاعده انه اي وحده تصبر بهاي المرحله هي اللي تولد بعدين .. صح الالم قوي .. وابد مينحمل لكن هي ساعه رحمانيه الله يطي الحيل والقوه والصبر .. هنا الاوجاع حتزيد وحتصير ٤ او ٥ اوجاع خلال ال ١٠ دقائق .. ويتزامن معاها نزول الطفل للحوض .. هاي المرحله ممكن تكون ساعتين او ثلاثه وممكن تطول حد ١٢ ساعه خصوصا عند البكريه .. خلال هالمرحله لازم متابعه لنبض الطفل .. لان في اي وقت ممكن نجيك النبض نلاكيه مثلا يتباطأ او يتسارع وهنا ناخذ احنه القرار وممكن تتحول المريضه عمليه .. خلال هاي الساعات نراقب ممكن يصير نزيف وهنا هم ممكن نشوف انه حصل انفصال بالمشيمه وهم تتحول عمليه .. هاي الساعات من المخاض تبقى مستمره الى ان توصل السيده الى توسيع ١٠ سم .. يللا تبلش المرحله الثالثه .. واللي هي مرحلة الدفع .. هسه شتسوين من تبلش عندج المرحله الثانيه .. وطبعا انتي متدرين شكد التوسيع مالتج .. تروحين للمستشفى ويفحصوج .. وهمه حيكولولج .. نصيحه الج اذا حتولدين بالحكومي .. من يفحصوج اطيهم مجال حتى لتتاذين .. ونعرف اغلبهم ميطولون خلك .. لذلك كوني هادئه بالفحص .. ومن يكولولج روحي للبيت فد ساعتين وتعالي هم روحي وارجعي بعدين .. بشرط ان يكونون فحصوح وقاسوا نبض الجنين وجيكوج من ناحيه الضغط .. والسكر والشغلات المهمه .. الافضل تختصرين الوقت على نفسج .. اقصد وقت دخول المستشفى .. يعني ال٨ ساعات تصير ٤ بالمستشفى و٤ بالبيت .. حمام دافي على بطنج كلش يفيد .. تحاميل ملينه هم تفيد .. ومننسى الدعاء بالسلامه .. الله يحفظ الجميع .. اتمنالكم صحه وسلامه .. اتمنى تكونون استفاديتوا .. ارفعوا المنشور حتى تعم الفائده ..❤❤❤