رواية اعشقه كرها | المقدمة.
ﻗﺼﻪ ﺗﺘﺤﺪﺙ ﻋﻦ ﺷﻴﺦ ﻣﺴﺘﺒﺪ ﻭﻗﻮﻱ ﻭﻗﺎﺳﻲ ﺍﻟﻘﻠﺐ ﻭﻣﺴﺘﻌﺪ ﻛﻠﺸﻲ ﻳﺴﻮﻱ ﺑﺲ ﻋﻠﻤﻮﺩ ﻳﺼﻴﺮ ﻫﻮ ﺍﻟﺸﻴﺦ ﻭﻫﻮ ﺍﻟﺴﺒﺐ ﺑﻌﺬﺍﺏ ﺣﺒﻴﺒﺘﻪ ﻏﺰﻝ ﺍﻟﻲ ﺧﺴﺮﺕ ﺍﻫﻠﻬﺎ ﺑﺴﺒﺒﻪ
.
.
ﻻ ﺗﺨﺎﻑ ﺍﻟﺬﻳﺐ ﺧﺎﻑ ﺇﻣﻦ ﺍﻟﺒﺸﺮﻣﺎ ﺳﻤﻌﻨﻪ ﺍﺑﺬﻳﺐ ﺑﺬﻳﺎﺑﻪ ﻏﺪﺭ
.
ﻻﺗﺼﺎﺣﺐ ﺷﻤﺲ ﻭﺗﺰﺍﻋﻞ ﺍﻟﻠﻴﻞ
ﻻﻥ ﺗﺸﺒﻊ ﻣﺬﻟﻪ ﺍﺑﻮﻛﺖ ﺍﻟﻐﺮﻭﺏ
ﻭﻻ ﺗﺼﺎﺣﺐ ﺷﻤﻊ ﻭﺗﺎﻣﻦ ﺍﺑﺴﺎﻉ
ﺗﺮﻩ ﺍﻟﺸﻤﻌﻪ ﺗﻐﺪﺭﻙ ﻟﻤﻦ ﺍﺗﺬﻭﺏ
ﻭﻻ ﺗﻌﺎﺷﺮ ﺑﺸﺮ ﻳﻀﺤﻜﻠﻚ ﺍﺑﺴﺎﻉ
ﺗﺮﻩ ﺗﻀﻴﻊ ﺍﺑﺼﺤﺒﺘﻚ ﺑﻴﻦ ﺍﻟﺪﺭﻭﺏ
ﻭﻻ ﺗﻌﺸﻚ ﺷﺨﺺ ﻭﺗﺼﺪﻙ ﺍﻟﻴﻨﻜﺎﻝ
ﺍﻣﺸﻲ ﺍﺑﺸﻮﺭ ﻋﻘﻠﻚ ﻣﻮ ﺑﺎﻟﻜﻠﻮﺏ
ﻭﻻ ﺗﺠﺮﺡ ﺷﺨﺺ ﺩﻳﺮ ﺑﺎﻟﻚ ﺍﻧﺘﻪ ﺍﺑﻬﺎﻱ
ﺣﻂ ﻧﻔﺴﻚ ﻣﻜﺎﻧﻪ ﺷﻠﻮﻥ ﺷﻮﻓﻪ ﺍﻳﻠﻮﺏ
ﺍﻟﺤﻴﺎﻩ ﺣﻠﻮﻩ ﻣﻦ ﺍﺣﻨﺎ ﺻﻐﺎﺍﺭ ﻣﻨﺸﻮﻑ ﻣﻨﻬﺎ ﺑﺲ ﺍﻟﻔﺮﺡ ﻭﺍﻟﻠﻌﺐ ﺗﻜﻌﺪ ﻉ ﺻﻮﺕ ﺍﻫﻠﻚ ﻭﻫﻤﻪ ﻳﺼﻴﺤﻮﻙ ﻭﺗﺼﺒﺢ ﺑﻮﺟﻬﻢ ﻭﻫﻤﻪ ﻳﺒﺘﺴﻤﻮﻥ
ﺟﻨﺖ ﺍﻛﻌﺪ ﻭﺍﺷﻮﻑ ﺿﺤﻜﻪ ﺍﻣﻲ ﻭﺍﺑﻮﻳﻪ ﻭﺍﺧﻮﻳﻪ ﺻﺢ ﺻﻐﻴﺮﻩ ﺑﺲ ﺍﺣﺲ ﻭﻳﺎﻫﻢ ﺑﺎﻻﻣﺎﻥ ﻛﺎﻥ ﺣﺎﺱ ﻛﻠﺒﻲ ﺣﻨﺤﺮﻡ ﻣﻨﻬﻢ
ﻛﻤﻠﺖ ﺍﻛﻠﻲ ﻭﻫﺴﻪ ﺍﺭﻭﺡ ﺍﺩﻭﺭ ﻉ ﺍﻣﻴﺮ ﻻﻥ ﻣﺎ ﻋﻨﺪﻱ ﺍﺣﺪ ﺍﻟﻌﺐ ﻭﻳﺎﻩ
ﺍﻣﻴﺮ ﻭﻳﺎﻳﻪ ﻣﻦ ﺍﺣﻨﺎ ﺍﺻﻐﺎﺭ ﻭﻧﻠﻌﺐ ﺳﻮﻩ ﺍﺷﻮﻓﻪ ﺩﺍﺋﻤﺎ ﻋﺼﺒﻲ ﺑﺲ ﻣﻦ ﻳﺠﻲ ﻳﻤﻲ ﺍﺿﺤﻜﻪ ﻭﻧﻠﻌﺐ ﻭﻧﺘﻮﻧﺲ ﺳﻮﻩ ﺑﺲ ﻫﻮﺍﻳﻪ ﻳﺮﺯﻟﻨﻲ ﺷﺎﻳﻒ ﺭﻭﺣﻪ ﺍﻛﺒﺮ ﻣﻨﻲ ﺑﻬﻮﺍﻳﻪ ﺍﻱ ﻫﻲ ﺳﻨﺘﻴﻦ ﺑﺲ ﺩﺍﺋﻤﺎ ﻳﻜﻮﻟﻲ ﺍﻧﺘﻲ ﻗﺰﻭﻣﻪ
ﻭﺍﻟﻴﻮﻡ ﺣﺼﻴﺮ ﻃﻮﻭﻳﻠﻪ ﻭﺍﺭﻳﺪ ﺍﺷﻮﻑ ﺷﻠﻮﻥ ﻳﻜﻮﻝ ﺑﻌﺪ ﻋﻠﻴﻪ ﻗﺰﻣﻪ
ﺍﻧﻲ ﻛﻢ ﻣﺮﻩ ﻛﺘﻠﺞ ﻟﺘﺠﻴﻦ ﺍﻫﻨﺎ ﻫﺬﺍ ﻣﻜﺎﻥ ﻣﻴﺼﻴﺮ ﺍﻟﺒﻨﺎﺕ ﻳﺠﻮﻥ ﺑﻴﻪ
ﻭﺍﻧﺖ ﺷﻌﻠﻴﻚ ﺍﻧﻲ ﺑﻜﻴﻔﻲ ﻭﺍﺻﻼ ﻭﻳﻦ ﻣﻴﻌﺠﺒﻨﻲ ﺍﺭﻭﺡ ﻣﺤﺪ ﻳﺪﺧﻞ
ﻳﻠﻪ ﺍﻧﺰﻟﻲ ﻣﻦ ﻓﻮﻙ ﺣﺘﻮﻛﻌﻴﻦ ﻭﺗﻨﻜﺴﺮ ﺭﺟﻠﺞ
ﺍﻫﻮﻭﻭ ﺍﻧﺖ ﻟﻴﺶ ﺗﺪﺧﻞ ﺍﻣﻴﺮ ﺍﻧﺖ ﻣﻌﻠﻴﻚ ﺧﻠﻴﻨﻲ ﺍﺷﻮﻑ ﻣﻨﺎ ﻻﻥ ﺍﺻﻴﺮ ﺍﻃﻮﻝ
ﻭﻟﺞ ﺍﻧﺘﻲ ﻗﺰﻣﻪ ﻭﺗﺒﻘﻴﻦ ﻃﻮﻝ ﻋﻤﺮﺝ ﻗﺰﻣﻪ ﻳﻠﻪ ﻏﺰﻝ ﺭﺍﺡ ﺍﺣﺴﺐ ﻣﻦ ﺍﻟﻮﺍﺣﺪ
ﻟﻠﺜﻼﺛﻪ ﺍﺫﺍ ﻣﻨﺰﻟﺘﻲ ﺍﻋﻮﻓﺞ ﻭﺍﺭﻭﺡ
ﻭﺍﺣﺪ ﺍﺛﻨﻴﻦ ﻻ ﺍﻭﻭﻭﻛﻒ ﺣﻨﺰﻝ
ﻳﻠﻪ ﻧﺰﻟﻲ ﻭﺭﻭﺣﻲ ﻟﺒﻴﺘﻜﻢ ﺍﻣﺞ ﺍﺗﺮﻳﺪﺝ
ﻳﻼ ﺣﺮﺟﻊ ﺑﺲ ﺯﺍﻋﻠﺘﻚ ﻭﺑﻌﺪ ﻣﺎ ﺍﻟﻠﻌﺐ ﻭﻳﺎﻙ
ﻣﻴﺨﺎﻟﻒ ﻟﺘﻠﻌﺒﻴﻦ ﺍﻟﻤﻬﻢ ﻣﺘﻮﻛﻌﻴﻦ
ﻭﺭﺍﺣﺖ ﻏﺰﻝ ﻭﺍﻧﻲ ﺭﺟﻌﺖ ﻟﻠﺒﻴﺖ ﻭﺍﻭﻝ ﻣﺪﺧﻠﺖ ﺍﺑﺎﻭﻉ ﻉ ﺍﻟﻜﻞ ﺷﻠﻮﻥ ﺍﻟﺨﻮﻑ
ﺑﻌﻴﻨﻬﻢ ﻣﻨﻲ ﺑﺎﻟﺮﻏﻢ ﻣﻦ ﺻﻐﺮ ﺳﻨﻲ ﺑﺲ ﻳﺨﺎﻓﻮﻥ ﻣﻨﻲ ﺑﺲ ﺧﻠﻴﻬﻢ ﻫﻴﺠﻲ ﺍﺣﺴﻦ ﻻﻥ ﺣﻴﺠﻲ ﻳﻮﻡ ﻭﺍﺻﻴﺮ ﺍﻧﻲ ﺷﻴﺦ ﺍﻟﻌﺸﻴﺮﻩ ﻭﺷﺤﺪﻩ ﺍﻟﻲ ﻳﻔﻚ ﺣﻠﻜﻪ ﻭﻟﻮ ﻳﺠﺮ ﻧﻔﺲ ﻭﺍﻧﻲ ﻣﻮﺟﻮﺩ
ﺩﺧﻞ ﺍﻣﻴﺮ ﻟﻠﺒﻴﺖ ﻭﻛﺎﻥ ﺍﺧﻮﻩ ﺍﻻﻛﺒﺮ ﻧﻤﻴﺮ ﻛﺎﻋﺪ ﺑﺼﺎﻟﻪ ﺍﻟﻲ ﻫﻲ ﻣﺨﺼﺼﻪ ﺗﻜﻮﻥ ﻟﺸﻴﺦ ﺍﻟﻌﺸﻴﺮﻩ ﻭﻣﻦ ﺩﺧﻞ ﺍﺧﻮﻩ ﺳﺎﻟﻪ ﻭﻛﺎﻝ ﺍﻧﺖ ﺷﻤﺴﻮﻱ ﺟﺎﻭﺑﻪ ﺍﻣﻴﺮ ﺷﻨﻮ
ﻧﻤﻴﺮ / ﻟﻴﺶ ﺿﺎﺭﺏ ﺍﺑﻦ ﺍﻟﺸﻴﺦ ﻣﺼﻌﺐ ﺍﻧﺖ ﻟﻴﺶ ﻣﺠﻮﺯ ﻣﻦ ﺳﻮﺍﻟﻔﻚ
ﻭﻛﻒ ﺍﻣﻴﺮ ﻭﻛﺎﻝ ﻟﺤﻀﻪ ﺧﻠﻲ ﺍﺫﻛﺮ ﻳﻤﻜﻦ ﺳﻮﻩ ﺷﻲ ﻣﻌﺠﺒﻨﻲ ﻭﺿﺮﺑﺘﻪ
ﺍﺑﺘﺴﻢ ﻧﻤﻴﺮ ﺍﻧﺖ ﺻﺪﻙ ﺗﺤﺠﻲ ﺻﺤﻴﺢ ﺍﻧﻲ ﻭﻳﺎﻙ ﺍﺧﻮﻩ ﻭﻣﻮ ﻣﻦ ﻧﻔﺲ ﺍﻻﻡ ﺑﺲ ﺣﺘﻰ ﺍﻃﺒﺎﻋﻨﻪ ﻣﺘﺸﺎﺑﻪ ﺍﻧﺖ ﻋﻠﻴﻤﻦ ﻫﻴﺠﻲ ﻃﺎﻟﻊ ﺷﺮﺱ ﻭﻣﺘﺘﻔﺎﻫﻢ ﻭﺍﻟﻜﻞ ﻳﺨﺎﻑ ﻣﻨﻚ
ﺍﻣﻴﺮ ﻭﻧﻤﻴﺮ ﺍﺧﻮﻩ ﺑﺲ ﻣﻮ ﻧﻔﺲ ﺍﻻﻡ ﺍﻣﻴﺮ ﺍﻣﻪ ﻛﺎﻧﺖ ﺍﻣﺮﺍﻩ ﻋﺎﺩﻳﻪ ﻭﻣﻮ ﻣﻦ ﺑﻴﺖ ﻋﺸﻴﺮﻩ ﻣﻌﺮﻭﻓﻪ ﻭﻛﺎﻧﺖ ﻛﻞ ﻫﻤﻬﺎ ﺗﺤﻤﻲ ﺍﺑﻨﻬﺎ ﻻﻥ ﻛﺎﻧﺖ ﺗﻌﺮﻑ ﺍﻧﻮ ﻫﻤﻪ ﺣﻴﺒﻘﻮﻥ ﻳﻌﻴﺮﻭﻩ ﺑﺎﻣﻪ ﺍﻟﻲ ﺗﻌﺘﺒﺮ ﺍﻧﺴﺎﻧﻪ ﻓﻘﻴﺮﻩ ﻭﻣﻮ ﺑﻨﺖ ﻋﺸﺎﻳﺮ ﺑﺲ ﺍﻣﻪ ﺍﺗﻮﻓﺖ ﻭﺑﻘﺖ ﺯﻭﺟﻪ ﺍﺑﻮﻩ ﺗﺮﺑﻴﻪ ﺑﺲ ﺍﺑﺪﺍ ﻻﻫﻮ ﻛﺎﻥ ﻳﺤﺒﻬﺎ ﻭﻻ ﻫﻲ ﻛﺎﻧﺖ ﺗﺤﺒﻪ ﻻﻥ ﻳﻌﺘﺒﺮ ﺍﺑﻦ ﺿﺮﺗﻬﺎ ﻭﻫﻲ ﻛﺎﻧﺖ ﺗﺮﻳﺪ ﺍﺑﻨﻬﺎ ﺍﻟﻲ ﻳﻜﻮﻥ ﺷﻴﺦ ﺍﻟﻌﺸﻴﺮﻩ ﺑﻌﺪ ﻭﻓﺎﻩ ﺍﺑﻮﻩ ﻭﻓﻌﻼ ﻫﺬﺍ ﺍﻟﻲ ﺻﺎﺭ ﺻﺎﺭ ﻧﻤﻴﺮ ﺷﻴﺦ ﺍﻟﻌﺸﻴﺮﻩ ﻭﻣﺮﺕ ﺍﻟﺴﻨﻴﻦ ﻭﺍﻣﻴﺮ ﻭﻧﻤﻴﺮ ﻛﺒﺮﻭ ﺑﺲ ﺍﻣﻴﺮ ﻛﺎﻥ ﺍﻛﻮ ﺣﻘﺪ ﺑﺪﺍﺧﻠﻪ ﻳﻮﻡ ﺑﻌﺪ ﻳﻮﻡ ﻳﻜﺒﺮ ﺣﺘﻰ ﻫﻮ ﻳﺼﻴﺮ ﺍﻟﺸﻴﺦ ﻭﻗﻮﺗﻪ ﻭﺟﺒﺮﻭﺗﻪ ﺗﻜﺒﺮ ﻭﻳﺎﻩ
ﻧﺠﻲ ﻉ ﻏﺰﻝ ﺍﻱ ﺍﻟﻲ ﻛﺎﻧﺖ ﺍﻟﺒﻨﻴﻪ ﺍﻟﻤﻤﻴﺰﻩ ﻋﻨﺪ ﺍﻣﻴﺮ
ﻛﺎﻧﺖ ﻋﺎﻳﺸﻪ ﺑﻴﺖ ﻛﺒﻴﺮ ﻭﺑﻨﺖ ﻋﺎﺋﻠﻪ ﻣﻌﺮﻭﻓﻪ ﺑﻴﻦ ﺍﻟﺸﻴﻮﺥ ﻭﻛﺎﻥ ﺍﺑﻮﻫﺎ ﻭﺍﻣﻬﺎ ﻭﻳﺎﻫﺎ ﻭﻋﺎﻳﺸﻪ ﻭﻳﺎﻫﻢ ﻣﺮﺑﻴﺘﻬﺎ ﺍﻟﻲ ﻋﻤﺮﻫﺎ ﻣﻔﺎﺭﻗﺘﻬﺎ ﻭﺍﺳﻤﻬﺎ ﻟﻤﻴﺎﺀ
ﻭﻛﺎﻥ ﻟﻐﺰﻝ ﺍﺥ ﻭﺍﺣﺪ ﻭﻣﻜﺎﻥ ﻋﺎﻳﺶ ﻭﻳﺎﻫﻢ ﺑﻨﻔﺲ . ﺍﻟﺒﻴﺖ ﻻﻥ ﻛﺎﻥ ﻳﺪﺭﺱ ﺑﺎﻟﻤﺪﻳﻨﻪ ﺑﻤﺪﺭﺳﻪ ﺩﺍﺧﻠﻴﻪ ﻭﻛﺎﻧﺖ ﻫﺬﻩ ﻋﻘﻮﺑﻪ ﻭﺍﻟﺪﻩ ﺍﻟﻪ ﻻﻥ ﻫﻮ ﻛﺎﻥ ﻋﻨﺪﻩ ﻋﻼﻗﺎﺕ ﻫﻮﺍﻳﻪ ﻭﻳﻪ ﺍﻟﺒﻨﺎﺕ ﻭﺍﺑﻮﻩ ﺭﺍﺩ ﺍﻳﺄﺩﺑﻪ ﻓﺮﺳﻠﻪ ﻟﻠﻤﺪﻳﻨﻪ ﺑﻤﺪﺭﺳﻪ ﺩﺍﺧﻠﻴﻪ ﻟﻼﻭﻻﺩ
ﺑﻌﺪ ﻣﺎ ﻛﺒﺮﺕ ﻏﺰﺍﻝ ﻭﺻﺎﺭ ﻋﻤﺮﻫﺎ 19 ﺳﻨﻪ ﻭﺍﻣﻴﺮ ﻭﺻﺎﺭ ﻋﻤﺮﻩ 21 ﺳﻨﻪ ﺑﺪﺃ ﻳﺨﻄﻂ ﺷﻠﻮﻥ ﻳﺼﻴﺮ ﻫﻮ ﺷﻴﺦ ﺍﻟﻌﺸﻴﺮﻩ ﻭﻳﺨﻠﺺ ﻣﻦ ﺍﺧﻮﻩ ﺑﻌﺪ ﻣﺎ ﺑﺪﺃ ﻳﺤﻂ ﺍﻟﺨﻄﻂ ﻭﺑﻤﺴﺎﻋﺪﻩ ﺻﺪﻳﻘﻪ ﺍﻟﻤﻘﺮﺏ ﺟﺪﺍ ﻓﺮﺍﺱ ( ﺯﻳﻨﺐ ﻋﺒﺪ ﺍﻟﻤﻄﻠﺐ )
ﻃﻠﺐ ﺍﻣﻴﺮ ﻣﻦ ﻓﺮﺍﺱ ﺍﻧﻮ ﻳﺒﺪﻱ ﺑﺨﻄﻪ ﻭﻫﻲ ﺑﻘﺘﻞ ﺍﺧﻮﻩ ﻭﺍﻛﻴﺪ ﻣﺤﺪ ﺣﻴﻌﺮﻑ ﺍﻧﻮ ﻫﻮ ﺍﻟﻲ ﻗﺘﻠﻪ ﻻﻥ ﻛﺎﻥ ﻣﺤﻀﺮ ﺷﺨﺺ ﻳﺮﻣﻲ ﻋﻠﻴﻪ ﺗﻬﻤﻪ ﺍﻟﻘﺘﻞ ﻭﻫﻮ ﻳﺘﺮﺍﺱ ﺑﺤﻜﻢ ﻋﺸﻴﺮﺗﻪ ﻭﻃﻠﺐ ﻓﺮﺍﺱ ﺍﻟﻤﺴﺎﻋﺪﻩ ﻣﻦ ﺍﻟﺤﺮﺱ ﺍﻟﻲ ﻣﻮﺟﻮﺩﻳﻦ ﺑﺎﻟﻤﺴﺎﻋﺪﻩ ﻭﺍﻛﻴﺪ ﻭﺍﻓﻘﻮ ﺧﻮﻓﺎ ﻣﻦ ﺍﻣﻴﺮ ﻣﻦ ﺍﻥ ﻳﻘﺘﻠﻬﻢ ﻭﺍﺟﺎﻩ ﺍﻟﻴﻮﻡ ﺍﻟﻲ ﻻﺯﻡ ﻳﺴﻮﻱ ﺑﻴﻬﺎ ﺍﻟﺨﻄﻪ ﻣﺎﻟﺘﻪ ﻭﻣﻦ ﺿﻤﻦ ﺍﻟﻨﺎﺱ ﺍﻟﻲ ﻛﺎﻥ ﻻﺯﻡ ﻳﻘﺘﻠﻬﻢ ﺍﻫﻞ ﻏﺰﻝ ﻻﻥ ﻛﺎﻧﻮ ﻳﺤﺒﻮﻥ ﻧﻤﻴﺮ ﻭﻳﻔﻀﻠﻮﻥ ﺍﻥ ﻳﺒﻘﻰ ﻫﻮ ﺷﻴﺦ ﻋﺸﻴﺮﺗﻬﻢ
ﻃﻠﺐ ﺍﻣﻴﺮ ﻣﻦ ﻓﺮﺍﺱ ﺍﻧﻮ ﻳﺨﻠﻲ ﻏﺰﻝ ﺗﻄﻠﻊ ﻣﻦ ﺍﻟﺒﻴﺖ ﺑﺄﻱ ﻃﺮﻳﻘﻪ ﺣﺘﻰ ﻳﻜﺪﺭ ﻳﻘﺘﻞ ﺍﻫﻠﻬﺎ ﻻﻥ ﻫﻮ ﻛﺎﻥ ﻣﺼﺮ ﻉ ﻗﺘﻠﻬﻢ ﻣﻦ ﺭﻏﻢ ﺣﺒﻪ ﺍﻟﻬﺎ ﺑﺲ ﻛﺎﻥ ﺍﺑﺪﺍﺍﺍ ﻣﻴﺤﺐ ﻳﻌﺘﺮﻑ ﺑﻬﺎﻟﺤﺐ ﻻﻥ ﺟﺒﺮﻭﺗﻪ ﻭﻗﻮﺗﻪ ﻣﺘﺴﻤﺤﻠﻪ ﺑﻬﺎﻟﺸﻲ
ﻛﺎﻥ ﻓﺮﺍﺱ ﻳﺤﺐ ﻟﻤﻴﺎﺀ ﺍﻟﻲ ﻫﻲ ﻛﺎﻧﺖ ﻋﺎﻳﺸﻪ ﻭﻳﻪ ﻏﺰﻝ ﺑﻌﺪ ﻣﺎ ﺍﻫﻠﻬﺎ ﺗﻮﻓﻮ ﺑﺲ ﻣﻜﺎﻥ ﺍﺣﺪ ﻳﻌﺮﻑ ﺑﺤﺐ ﻓﺮﺍﺱ ﻟﻤﻴﺎﺀ ﻻﻥ ﻛﺎﻥ ﻳﺨﺎﻑ ﻋﻠﻴﻬﺎ ﻣﻦ ﺍﻣﻴﺮ ﻻﻥ ﻣﻜﺎﻥ ﻳﻌﺘﺮﻑ ﺑﺸﻲ ﺍﺳﻤﻪ ﺣﺐ ﻭﻓﻌﻼ ﻃﻠﺐ ﻓﺮﺍﺱ ﻣﻦ ﻟﻤﻴﺎﺀ ﺍﻥ ﺗﺎﺧﺬ ﻏﺰﻝ ﻭﺗﻄﻠﻊ ﻭﺣﺎﻭﻟﺖ ﺗﻌﺮﻑ ﺍﻟﺴﺒﺐ ﺑﺲ ﻫﻮ ﻟﺢ ﻋﻠﻴﻬﺎ ﺗﺎﺧﺬﻫﺎ ﺑﺪﻭﻥ ﻣﻜﺎﻝ ﺍﻟﻬﺎ ﺷﻨﻮ ﺍﻟﺴﺒﺐ ﻭﻣﻦ ﺧﻮﻑ ﻟﻤﻴﺎﺀ ﻣﻦ ﻓﺮﺍﺱ ﻻﻥ ﻛﺎﻧﺖ ﺗﻌﺮﻑ ﺻﺪﺍﻗﺘﻪ ﺍﻟﻤﻘﺮﺑﻪ ﺑﺎﻣﻴﺮ ﻭﻣﻠﺤﺖ ﻋﻦ ﺍﻟﺴﺒﺐ ﺍﺧﺬﺕ ﻏﺰﻝ ﻭﻃﻠﻌﺖ ﻭﺑﺪﺍﺕ ﺧﻄﻪ ﺍﻣﻴﺮ
ﻭﺑﺎﻟﻔﻌﻞ ﻗﺘﻞ ﺍﺧﻮﻩ ﻭﻗﺘﻞ ﻛﻞ ﺍﻟﻲ ﻳﺤﺒﻮﻩ ﻭﻃﻠﺐ ﻣﻦ ﻓﺮﺍﺱ ﻳﺎﺧﺬ ﻭﻳﺎﻩ ﺟﻤﺎﻋﺘﻪ ﻭﻳﻘﺘﻠﻮﻥ ﺍﻣﻬﺎ ﻭﻳﺠﻴﺐ ﺍﺑﻮﻫﺎ ﺍﻟﻪ ﺑﺲ ﻣﻜﺎﻥ ﺍﻣﻴﺮ ﻣﺘﻮﻗﻊ ﺍﻧﻮ ﻏﺰﻝ ﺗﺮﺟﻊ ﻟﻠﺒﻴﺖ ﻭﺗﺸﻮﻑ ﺍﻣﻬﺎ ﻣﻘﺘﻮﻟﻪ ﻭﻛﺎﻧﺖ ﺧﺎﻳﻔﻪ ﻭﺗﺼﺮﺥ ﻭﻣﻜﺎﻥ ﺍﻟﻬﺎ ﻣﻠﺠﺎ ﺗﺮﻭﺡ ﺍﻟﻪ ﻏﻴﺮ ﺍﻣﻴﺮ ﺣﺘﻰ ﺗﻌﺮﻑ ﻣﻨﻮ ﺍﻟﻲ ﻗﺘﻞ ﺍﻣﻬﺎ ﻭﺗﺴﺎﻟﻪ ﻋﻦ ﺍﺑﻮﻫﺎ ﺍﻟﻲ ﻣﻤﻮﺟﻮﺩ ﻭﻛﻞ ﺗﻮﻗﻌﻬﺎ ﺍﻧﻮ ﺍﻣﻴﺮ ﺭﺍﺡ ﻳﺤﻤﻴﻬﺎ ﺑﺲ ﺍﻟﻲ ﺻﺎﺭ ﻋﻜﺲ ﺍﻟﻲ ﻛﺎﻧﺖ ﺗﻔﻜﺮ ﺑﻴﻪ ﻧﻬﺎﺋﻴﺎﺍﺍﺍ
.
ﺭﺍﺣﺖ ﻋﺰﻝ ﻻﻣﻴﺮ ﺑﺲ ﻣﻦ ﺩﺧﻠﺖ ﺍﻟﻪ ﺍﻧﺼﺪﻣﺖ ﻣﻦ ﺷﺎﻓﺖ ﺍﺧﻮﻩ ﻧﻤﻴﺮ ﻣﻴﺖ ﻭﻣﺮﻣﻲ ﻉ ﺍﻻﺭﺽ ﻭﺍﺑﻮﻫﺎ ﻭﺍﻛﻒ ﻳﻢ ﺟﺜﺘﻪ ﻭﻣﻨﺰﻝ ﺭﺍﺳﻪ ﻟﻼﺭﺽ ﻭﺍﻣﻴﺮ ﻛﺎﻋﺪﻩ ﻭﺑﻜﻞ ﺑﺮﻭﺩ ﻳﺒﺎﻭﻉ ﻋﻠﻴﻬﺎ ﻫﻲ ﺿﻠﺖ ﺻﺎﻓﻨﻪ ﻭﻣﺪﺗﺴﺘﻮﻋﺐ ﺍﻟﻲ ﺩﻳﺼﻴﺮ ﺍﺑﻮﻫﺎ ﻟﻴﺶ ﺍﻫﻨﺎ ﻭﻧﻤﻴﺮ ﻟﻴﺶ ﻣﻴﺖ ﻭﺍﻣﻴﺮ ﻛﺎﻋﺪ ﺑﻤﻜﺎﻥ ﺍﺧﻮﻩ ﻭﺍﻟﺒﺮﻭﺩ ﺍﻟﻲ ﺑﻮﺟﻪ ﺭﺍﺣﺖ ﻉ ﺍﺑﻮﻫﺎ ﻭﺣﻀﻨﺘﻪ ﻭﻛﻠﺘﻠﻪ
ﻏﺰﻝ / ﺑﺎﺑﺎ ﺷﺼﺎﺭ ﻟﻴﺶ ﺍﻧﺖ ﺍﻫﻨﺎ ﻭﺍﻣﻲ ﻣﺎﺍﺍﺗﺖ ﻟﻴﺶ ﻋﺎﻳﻔﻬﺎ ﻭﺍﺟﻴﺖ ﻭﻣﻨﻮ ﺍﻟﻲ ﻗﺘﻠﻬﺎ ﻭﻧﻤﻴﺮ ﻟﻴﺶ ﻣﻴﺖ ﻭﻫﺬﺍ ﻟﻴﺶ ﻛﺎﻋﺪ ﺑﻤﻜﺎﻧﻪ ﺍﻣﻴﺮ ﻓﻬﻤﻨﻲ ﺷﺼﺎﻳﺮ
ﺍﻣﻴﺮ / ﺍﺑﻮﺝ ﻗﺘﻞ ﺍﺧﻮﻳﻪ ﻭﺍﻧﺤﻜﻢ ﻋﻠﻴﻪ ﺑﺎﻟﺨﻴﺎﻧﻪ ﻭﺍﻟﻘﺘﻞ
ﻏﺰﻝ / ﻻ ﻣﺴﺘﺤﻴﻞ ﺍﺑﻮﻳﻪ ﻣﻴﻘﺘﻞ ﻧﻤﻴﺮ ﻳﺤﺒﻪ ﺍﻧﺖ ﺩﺗﻜﺬﺏ
ﺍﻣﻴﺮ / ﺑﻬﺬﺍ ﺍﻟﺸﻲ ﺍﻟﻲ ﻛﻠﺘﻴﻪ ﺻﺢ ﺍﺑﻮﺝ ﻳﺤﺐ ﻧﻤﻴﺮ ﺑﺲ ﺍﻧﻲ ﻻ ﺍﺣﺐ ﻧﻤﻴﺮ ﻭﻻ ﺣﺘﻰ ﺍﺑﻮﺝ ﻻﻥ ﺍﺑﻮﺝ ﻛﺎﻥ ﻣﻦ ﺿﻤﻦ ﺍﻟﻨﺎﺱ ﺍﻟﻲ ﻛﺮﻫﺖ ﺍﻣﻲ ﻭﻋﻤﺮﻱ ﻣﺴﺎﻣﺤﺘﻪ ﻭﻻ ﺭﺍﺡ ﺍﺳﺎﻣﺤﻪ ﻭﻧﻤﻴﺮ ﻣﺎﺕ ﻭﻫﻮ ﻳﺴﺘﺤﻖ ﻫﺎﻟﺸﻲ ﻻﻥ ﺍﺧﺬ ﻣﻜﺎﻥ ﻣﻮ ﺍﻟﻪ ( ﺯﻳﻨﺐ ﻋﺒﺪ ﺍﻟﻤﻄﻠﺐ )
ﻋﺰﻝ / ﺍﻧﺖ ﺷﻜﺎﻋﺪ ﺗﺤﺠﻲ ﻣﺴﺘﺤﻴﻞ ﺍﻟﻲ ﺩﺗﻜﻮﻟﻪ ﺷﺴﻮﻳﺖ ﺍﻧﺖ ﻣﻨﻮ ﺍﻧﺖ ﻣﻌﻘﻮﻟﻪ ﺍﻧﺖ ﺍﻣﻴﺮ ﻟﻴﺶ ﻫﻴﺠﻲ ﺗﺴﻮﻱ ﻟﻴﺶ ﮔﻠﺒﻚ ﻣﻠﻴﺎﻥ ﺣﻘﺪ ﻉ ﺍﻟﻨﺎﺱ ﺍﻣﻚ ﻣﺎﺗﺖ ﻭﺭﺍﺣﺖ ﺍﻧﺖ ﻫﺴﻪ ﺧﻠﻴﺖ ﺍﻣﻚ ﺗﺘﻌﺬﺏ ﺑﻘﺒﺮﻫﺎ ﻉ ﺍﻟﻲ ﺳﻮﻳﺘﻪ
ﺍﻣﻴﺮ / ﺍﻧﻲ ﺍﻟﻲ ﺳﻮﻳﺘﻪ ﺍﻟﻤﻔﺮﻭﺽ ﻳﻜﻮﻥ ﻣﻦ ﺯﻣﺎﻥ ﺑﺲ ﻛﻨﺖ ﻣﻨﺘﻀﺮ ﺍﻟﻠﺤﻈﻪ ﺍﻟﻤﻨﺎﺳﺒﻪ ﻭﺍﻟﻌﻤﺮ ﺍﻟﻲ ﺍﻛﺪﺭ ﺍﺣﻜﻢ ﺑﻴﻪ ﻛﻞ ﻫﺎﻟﻌﺸﺎﻳﺮ ﻭﺍﺻﻴﺮ ﺍﻧﻲ ﺷﻴﺨﻬﻢ
ﻏﺰﻝ / ﺍﻧﺖ ﺣﻴﺎﺗﻚ ﺍﻧﺘﻬﺖ ﻭﻣﺮﺍﺡ ﺗﻜﺪﺭ ﺗﻄﻠﻊ ﻣﻨﺎ ﻻﻥ ﻗﺘﻠﺖ ﺍﺧﻮﻙ
ﺍﻣﻴﺮ / ﻭﻣﻨﻮ ﻛﺎﻝ ﺍﻧﻲ ﺍﻟﻲ ﻗﺘﻠﺘﻪ ﺍﻛﻮ ﺷﻬﻮﺩ ﺗﺜﺒﺖ ﺍﻧﻮ ﺍﺑﻮﺝ ﺍﻟﻲ ﻗﺘﻠﻪ ﻣﻮ ﺍﻧﻲ
ﻏﺰﻝ / ﺑﺎﺑﺎ ﺍﻣﺸﻲ ﻧﻄﻠﻊ ﻣﻨﺎ ﻭﻣﻌﻠﻴﻚ ﺑﻴﻪ ﻣﺤﺪ ﻳﺼﺪﻛﻪ ﺍﻧﺖ ﻣﻘﺘﻠﺖ ﻭﺍﻧﻲ ﺍﺷﻬﺪ ﻉ ﻫﺎﻟﺸﻲ
ﺍﻣﻴﺮ / ﻭﻣﻨﻮ ﺣﻴﺴﻤﺢ ﻻﺑﻮﺝ ﻳﻄﻠﻊ ﺍﺻﻼ ﺍﺑﻮﺝ ﺍﻧﺤﻜﻢ ﻋﻠﻴﻪ ﺑﺎﻻﻋﺪﺍﻡ ﻭﺍﻧﻲ ﺍﻟﻲ ﺭﺍﺡ ﺍﻧﻔﺬ ﺍﻟﺤﻜﻢ
ﻋﺰﻝ / ﺍﻣﻴﺮ ﻣﻌﻘﻮﻟﻪ ﺗﺴﻮﻳﻬﺎ ﻫﺬﺍ ﺍﺑﻮﻳﻪ ﻣﻌﻘﻮﻟﻪ ﺗﻘﺘﻠﻪ ﻭﻛﻠﺒﻚ ﻳﻨﻄﻴﻚ ﺗﻘﺘﻞ ﺍﺑﻮ ... ﺳﻜﺘﺖ ﻭﻣﻜﻤﻠﺖ ﺍﻟﻜﻠﻤﻪ ﺍﺑﻮ ﺣﺒﻴﺒﺘﻚ ﻻﻥ ﻛﺎﻧﺖ ﺗﻌﺮﻑ ﺍﻧﻮ ﺍﻣﻴﺮ ﻳﺤﺒﻬﺎ ﻣﺜﻞ ﻣﺎ ﻫﻲ ﺗﺤﺒﻪ
ﺍﻣﻴﺮ / ﺍﻱ ﻟﻴﺶ ﻻ ﺍﺑﻮﺝ ﺧﺎﺋﻦ ﻭﺍﻟﺨﺎﺋﻦ ﻣﻴﻌﻴﺶ ﺑﻨﺼﻨﻪ
ﻏﺰﻝ / ﻛﺎﻣﺖ ﺗﺼﺮﺥ ﻭﺗﺘﻮﺳﻞ ﺑﺎﻣﻴﺮ ﺣﺘﻰ ﻣﻴﻘﺘﻞ ﺍﺑﻮﻫﺎ ﻭﻛﻞ ﻫﺬﺍ ﻭﺍﻻﺏ ﻛﺎﻥ ﻭﺍﻛﻒ ﻭﻣﺘﺤﺮﻙ ﺳﺎﻛﻦ ﻭﻏﺰﻝ ﻛﺎﻧﺖ ﻣﺴﺘﻐﺮﺑﻪ ﻣﻦ ﺗﺼﺮﻑ ﺍﺑﻮﻫﺎ ﻭﺑﺮﻭﺩﻩ ﻟﺤﺪ ﻣﺎ ﺍﺑﻮﻫﺎ ﻧﻄﻖ ﻭﻛﺎﻝ ﺍﻟﻤﻮﺕ ﺍﺭﺣﻢ ﺍﻟﻲ ﻣﻦ ﺍﻇﻞ ﻋﺎﻳﺶ ﺗﺤﺖ ﺭﺣﻤﻪ ﻭﺍﺣﺪ ﺧﺎﻳﻦ
ﻛﺎﻡ ﺍﻣﻴﺮ ﻣﻦ ﻣﻜﺎﻧﻪ ﻭﺑﻠﺤﻀﻪ ﺭﻓﻊ ﺳﻴﻒ ﻣﻮﺟﻮﺩ ﻉ ﺟﺜﻪ ﺍﺧﻮﻩ ﻭﺣﻄﻪ ﻉ ﺭﻗﺒﻪ ﺍﺑﻮ ﻏﺰﻝ ﻭﻗﺘﻠﻪ .....
ﺑﻠﺤﻀﻪ ﻭﻗﻮﻉ ﺍﺑﻮ ﻏﺰﻝ ﻉ ﺍﻻﺭﺽ ﻣﺎﺕ ﻭﻭﻗﻌﺖ ﻏﺰﻝ ﻣﻐﻤﻲ ﻋﻠﻴﻬﺎ ﻣﻦ ﺍﻟﻤﻨﻈﺮ ﺍﻟﻲ ﺷﺎﻓﺘﻪ ﺷﺎﻓﺖ ﺍﺑﻮﻫﺎ ﻛﺪﺍﻡ ﻋﻴﻨﻬﺎ ﺍﻧﻘﺘﻞ ﻭﻣﻨﻴﻦ ﻣﻦ ﺍﻋﺰ ﺍﻧﺴﺎﻥ ﻉ ﻛﻠﺒﻬﺎ ﻭﺑﺎﻻﺛﻨﺎﺀ ﺩﺧﻞ ﻓﺮﺍﺱ ﻭﺷﺎﻑ ﻏﺰﻝ ﻭﺍﻛﻌﻪ ﻭﺍﻣﻴﺮ ﻛﻠﻪ ﺩﻡ ﻭ ﻭﺍﻛﻒ ﺑﻤﻜﺎﻧﻪ ﻭﻣﻴﺘﺤﺮﻙ ﺍﺑﺪﺍ ﺻﺮﺥ ﻓﺮﺍﺱ ﻉ ﺍﻣﻴﺮ ﺣﺘﻰ ﻳﺼﺤﻰ ﻭﺑﻨﻔﺲ ﺍﻟﻮﻗﺖ ﻳﺼﺮﺥ ﻋﻠﻴﻪ ﺷﻠﻮﻥ ﻳﻘﺘﻞ ﺍﺑﻮﻫﺎ ﻛﺪﺍﻡ ﻋﻴﻨﻬﺎ ﻭﺑﻜﻞ ﺑﺮﻭﺩ ﺍﻣﻴﺮ ﺟﺎﻭﺏ
ﺍﻣﻴﺮ / ﻋﻤﺮﻱ ﻣﺎ ﺍﻧﺴﻪ ﺍﻧﻮ ﻫﻮ ﻛﺎﻥ ﻣﻦ ﺿﻤﻦ ﺍﻻﺳﺒﺎﺏ ﺍﻟﻲ ﺧﻠﺖ ﺍﻣﻲ ﺗﻤﻮﺕ ﻭﻋﻤﺮﻱ ﻣﺴﺎﻣﺤﺘﻪ ﻭﻻ ﺣﺴﺎﻣﺤﻪ
العضوة: 522131 , 5 years ago
ﺍﻣﻴﺮ . ﺍﻧﻲ ﺍﺩﺭﻱ ﺑﻴﻚ ﻏﺒﻲ ﺍﻟﻲ ﺗﺨﻠﻲ ﻣﺮﺍﻩ ﺗﻬﺰﻣﻚ ﻣﻨﻲ ﺑﺲ ﻣﺴﺘﻐﺮﺏ ﻉ ﻏﺒﺎﺋﻚ ﺍﻟﻲ ﺟﺎﺑﻚ ﻳﻤﻲ ﻣﺮﻩ ﺛﺎﻧﻴﻪ ﻓﻮﺍﺿﺢ ﺍﻧﻮ ﺍﻧﺖ ﺍﻟﻲ ﺍﺷﺘﺎﻗﻴﺘﻠﻲ ﺑﺲ ﻣﻨﻮ ﻫﺎﻟﻤﺮﻩ ﺣﻴﻨﻘﺬﻙ ﻣﻨﻚ ﻳﺎﺍﺍﺍﺍﺍﺍ ﺧﻮﻭﻭﻳﻪ ﻛﺮﻡ . ﻫﻲ ﻧﻔﺴﻬﺎ ﺍﻟﻲ ﺳﻤﻤﺖ ﺭﻭﺣﻬﺎ ﺑﺲ ﻋﻠﻤﻮﺩ ﺍﻃﻠﻌﻨﻲ ﺯﻭﺟﺘﻚ ﻏﺰﻝ . ﻛﺎﻓﻲ ﻛﺮﻡ ﺭﻭﻭﺡ ﺍﻣﻴﺮ ﺧﻠﺺ ﺣﻴﺴﺎﻣﺤﻚ ﻭﺗﺘﺼﺎﻟﺤﻮﻥ ﺍﻣﻴﺮ . ﺳﺪﻱ ﺣﻠﻜﺞ ﺍﻧﺘﻲ ﻭﺧﺮﺕ ﻏﺰﻝ ﻭ ﻭﻛﻔﺖ ﺑﻴﻨﺎﺗﻬﻢ . ﺭﻭﺡ ﻛﺮﻡ ﺍﻧﻲ ﺍﺿﻤﻨﻠﻚ ﻣﺎﻛﻮ ﺑﻌﺪ ﻋﺪﺍﻭﻩ ﺑﻴﻨﻜﻢ ﺑﺲ ﺭﻭﺡ ﺳﺤﺒﻬﺎ ﺍﻣﻴﺮ . ﻛﺘﻠﺞ ﺳﺪﻱ ﺣﻠﻜﺞ ﻛﺮﻡ . ﻟﻮ ﺍﻧﻲ ﺑﻤﻜﺎﻧﺞ ﺍﺳﺪ ﺣﻠﻜﻲ ﺑﺲ ﺍﻟﻤﻬﻢ ﺍﻧﻲ ﺍﺟﻴﺖ ﺣﺘﻰ ﺍﺧﺬ ﺷﻨﻮ ﻣﻦ ﺣﻘﻲ ﺻﺤﻴﺢ ﻏﺰﻝ ﺑﻌﺪ ﻣﺎ ﺍﻧﺖ ﻃﻠﻌﺖ ﻋﺎﻳﺶ ﺭﺟﻌﺖ ﺯﻭﺟﺘﻚ ﺍﻟﻚ ﺑﺲ ﺍﻧﻲ ﺍﺭﻳﺪ ﺍﺧﺬﻫﺎ ﺍﻟﻲ ﺍﻣﻴﺮ . ﻣﺘﺎﺧﺬﻫﺎ ﻭﺍﻧﻲ ﺍﺷﻢ ﻫﻮﻩ ﺍﺳﺘﻐﺮﺑﺖ ﻏﺰﻝ ﺧﻮﻑ ﺍﻣﻴﺮ ﻋﻠﻴﻬﺎ ﻛﺮﻡ ﺑﻴﺖ ﺍﻣﻴﺮ ﻳﻌﻨﻲ ﺍﻣﻴﺮ ﻻﺯﻡ ﻳﻜﻮﻥ ﻣﺴﻴﻄﺮ ﻭﺣﺮﺍﺳﻪ ﻭﻛﻞ ﺍﻟﻲ ﻳﺸﺘﻐﻠﻮﻥ ﻭﻳﺎﻩ ﺭﺍﺡ ﻳﺴﺎﻋﺪﻭﻩ ﻛﺮﻡ . ﺷﻜﺪ ﻛﻨﺖ ﺍﺗﻤﻨﻰ ﻫﻴﺠﻲ ﺗﻜﻮﻝ ﻭﻳﻨﻜﻢ ﺭﻭﺣﻮ ﺟﻴﺒﻮﻫﺎ ﺍﻟﻲ ﻭﺍﻭﻝ ﻣﺘﻘﺪﻣﻮ ﺍﺛﻨﻴﻦ ﺿﺮﺑﻬﻢ ﺍﻣﻴﺮ ﻭ ﻭﻛﻌﻮ ﺑﺎﻟﻜﺎﻉ ﻭﺷﺎﻓﺖ ﻏﺰﻝ ﺍﻧﻮ ﺍﻣﻴﺮ ﺷﻜﻠﻪ ﺩﺍﻳﺦ ﻫﻮ ﺻﺢ ﺷﺎﺭﺏ ﻣﺒﻴﻦ ﻋﻠﻴﻪ ﺑﻌﺪﻩ ﻣﺼﺎﺣﻲ ﻫﺎﻓﺖ ﻏﺰﻝ ﻋﻠﻴﻪ ﻭﻛﺎﻧﺖ ﺗﺼﺮﺥ ﺗﺮﻳﺪ ﺍﻟﺤﺮﺍﺱ ﻣﺎﻛﻮ ﺍﺣﺪ ﻳﺤﻲ ﺗﺒﺎﻭﻉ ﻉ ﻛﺮﻡ ﻭﻫﻮ ﻳﺒﺎﻭﻉ ﻉ ﺍﻣﻴﺮ ﻭﻫﻮ ﻳﺘﻌﺎﺭﻙ ﻭﻛﺎﻥ ﺑﻴﻪ ﺷﻲ ﻫﻲ ﺗﻌﺮﻑ ﺍﻟﺸﺮﺏ ﻣﻴﺴﻮﻱ ﻫﻴﺠﻲ ﺑﻴﻪ ﻟﻴﺶ ﻣﺒﻴﻦ ﻋﻠﻴﻪ ﺣﻴﻔﻘﺪ ﺳﺎﻓﺖ ﻭﺍﺣﺪ ﻭﻛﻒ ﻭﺭﻩ ﺍﻣﻴﺮ ﺩﻳﻀﺮﺑﻪ ﻣﺒﺎﺷﺮﺗﺎ ﺻﺎﺭﺕ ﻭﺭﺍﻩ ﺣﺘﻰ ﺗﺤﻤﻴﻪ ﻭﻏﻤﻀﺖ ﻋﻴﻨﻬﺎ ﻣﺴﺘﺴﻠﻤﻪ ﻟﻠﻤﻮﺕ ﺑﺲ ﺣﺴﺖ ﺑﺴﺤﺒﻪ ﺍﻣﻴﺮ ﺍﻟﻬﺎ ﻭﺣﻀﻨﻬﺎ ﻭﻫﻮ ﺍﻟﻲ ﺍﺧﺬ ﺍﻟﻀﺮﺑﻪ ﻓﺘﺤﺖ ﺣﻴﻨﻬﺎ ﻭﺷﺎﻓﺘﻪ ﻣﻀﺮﻭﺏ ﺑﻀﻬﺮﻩ ﻭﺑﺪﺍ ﺍﻟﺪﻡ ﻳﻨﺰﻝ ﻣﻨﻪ ﺣﻀﻨﺘﻪ ﺣﺘﻰ ﻣﻴﻮﻛﻊ ﻭﺗﺼﺮﺥ ﺍﻣﻴﺮ ﺑﺎﻭﻉ ﻋﻠﻴﻪ ﻭﻣﺴﻜﺖ ﻭﺟﻬﻪ ﺑﺎﻭﻉ ﻋﻠﻴﻪ ﻓﺪﻭﻩ ﺣﺎﻭﻝ ﺍﻣﻴﺮ ﻳﻔﺘﺢ ﻋﻴﻨﻪ ﻋﺮﻑ ﺑﺮﻭﺣﻪ ﻛﺎﻥ ﻣﺨﺪﺭ ﻣﻮ ﻣﺴﻤﻮﻡ ﻻﻥ ﻟﻮ ﺳﻢ ﻛﺎﻥ ﺣﺲ ﺑﺲ ﻫﻮ ﻛﺎﻥ ﻣﺨﺪﺭ ﺍﻳﺮﻳﺪ ﻳﺼﺤﻰ ﻣﻴﻜﺪﺭ ﺟﺴﻤﻪ ﻣﻠﻪ ﺛﻜﻞ ﻣﺴﻚ ﻏﺰﻝ ﺣﻴﻴﻞ ﺣﺘﻰ ﻣﻴﺎﺧﺬﻭﻫﺎ ﻻﻥ ﻋﺮﻑ ﺣﺘﺮﻭﺡ ﻣﻨﻪ ﻛﺮﻡ ﺣﻴﺎﺧﺬﻫﺎ ﻭﻫﺬﺍ ﺍﻛﺜﺮ ﺷﻲ ﺩﻣﺮﻩ ﻳﺴﻤﻊ ﻏﺰﻝ ﻭﻫﻲ ﺗﺼﺮﺥ ﺑﺲ ﻣﺪﻳﻜﺪﺭ ﻳﺴﻮﻱ ﺷﻲ ﺑﺲ ﺣﺎﺿﻨﻬﺎ ﻟﻮ ﻳﻌﺮﻑ ﻳﻜﻄﻌﻮﻩ ﻭﻣﻴﺘﺮﻛﻬﺎ ﺍﺑﺪ ﻏﺰﻝ . ﺍﻧﻲ ﻳﻤﻚ ﺣﺒﻴﺒﻲ ﻣﺤﺪ ﻳﻜﺪﺭ ﻳﺎﺧﺬﻧﻲ ﻣﻨﻚالعضوة: 522131 , 5 years ago
ﺍﺫﻛﺮﺕ ﻏﺰﻝ ﺑﻠﺤﻈﻪ ﻣﻮﺕ ﺍﻣﻪ ﻛﺎﻥ ﺣﺎﺿﻨﻬﺎ ﻻﻣﻪ ﻭﻳﺒﺠﻲ ﻭﻣﻦ ﺷﺎﻑ ﻏﺰﻝ ﺭﻛﺾ ﻋﻠﻴﻬﺎ ﻭﻗﺘﻬﺎ ﻭﺣﻀﻨﻬﺎ ﺣﺘﻰ ﻣﺘﺮﻛﻪ ﻭﻫﺴﻪ ﻧﻔﺲ ﺍﻟﺸﻲ ﺣﻀﻨﺘﻪ ﻭﻣﺮﺍﺡ ﺍﺗﺮﻛﻪ ﺭﺍﺩﻭ ﻳﻀﺮﺑﻮﻩ ﺑﻌﺪ ﺑﺲ ﻛﺮﻡ ﻛﺎﻝ ﻻ ﺗﺮﻛﻮﻩ ﺍﻧﻲ ﺍﻟﻲ ﺣﻘﺘﻠﻪ ﺑﺲ ﻣﻮ ﻫﻨﺎ ﻭﻻﻫﺴﻪ ﺻﻔﻦ ﻉ ﺍﻣﻴﺮ ﻭﻉ ﻗﻮﺗﻪ ﺍﻟﺤﺮﺱ ﺍﺗﺨﺪﺭﻭ ﻭﻣﺒﺎﺷﺮﺗﺎ ﻓﻘﺪﻭ ﺍﻻ ﻫﻮ ﻇﻞ ﺻﺎﺣﻲ ﻭﻳﻘﺎﻭﻡ ﻓﻌﻼ ﻗﻮﻱ ﻭﺩﻳﺘﺤﻤﻞ ﺑﻮﺟﻊ ﻗﻮﻱ ﺍﻛﺜﺮ ﺭﺟﺎﻝ ﺧﺎﻑ ﻣﻨﻪ ﻧﻀﺮﻩ ﻣﻨﻪ ﺗﺨﻠﻲ ﺍﻗﻮﻯ ﻭﺍﺣﺪ ﻳﺨﺎﺍﻑ ﺑﺲ ﻫﺴﻪ ﻻ ﻣﺮﺍﺡ ﺍﺧﻠﻲ ﺧﻮﻓﻲ ﻳﺴﻴﻄﺮ ﻋﻠﻴﻪ ﺿﺎﺝ ﻣﻦ ﺍﻟﻤﻨﻈﺮ ﺍﻟﻜﺪﺍﻣﻪ ﻣﺼﻮﺏ ﻭﻻﺧﺮ ﻟﺤﻈﻪ ﺣﺎﺿﻦ ﻏﺰﻝ ﺍﻣﻴﺮ . ﻳﻠﻪ ﻛﺎﻓﻲ ﻟﻌﺐ ﺟﻴﺒﻮﻫﺎ ﺻﺮﺧﺖ ﻏﺰﻝ ﺑﺎﻋﻠﻰ ﺻﻮﺗﻬﺎ ﻭﺍﻣﻴﺮ ﻳﺤﻀﻨﻬﺎ ﻛﺎﻧﻮ ﻳﺮﻳﺪ ﻳﺪﺧﻠﻬﺎ ﺑﻀﻠﻮﻋﻪ ﺭﺟﻌﻮ ﻳﻀﺮﺑﻮﻥ ﺍﻣﻴﺮ ﻭﻫﻲ ﺗﺸﻮﻓﻪ ﺩﻳﺘﺎﺫﻯ ﻭﺍﺫﺍ ﺑﻘﻮ ﻫﻴﺠﻲ ﺣﻴﻤﻮﺗﻮﻩ ﻓﺸﺎﻭﺭﺗﻪ ﻭﻛﺎﻟﺖ . ﻋﻤﺮﻱ ﻛﻠﻬﺎ ﺍﺑﻘﻰ ﺑﺲ ﺍﻟﻚ ﺣﻀﻨﻬﺎ ﺍﻗﻮﻯ ﻛﺎﻧﻮ ﻋﺮﻑ ﺷﻨﺎﻭﻳﻪ ﺗﺴﻮﻱ ﺍﻣﻴﺮ . ﻻ ﺍﻳﺎﺝ ﺗﺮﻭﺣﻴﻦ ﺍﻧﺘﻲ ﺍﻟﻲ ﺍﻧﻲ ﺍﺣﻤﻴﺞ ﻏﺰﻝ . ﺍﻋﺮﻑ ﺍﻧﺖ ﺭﺍﺡ ﺗﺤﻤﻴﻨﻲ ﻭﺍﻋﺮﻑ ﻧﻬﺎﻳﺘﻨﻪ ﺷﻠﻮﻥ ﺣﺘﻜﻮﻥ ﺑﺲ ﺣﻨﺘﻀﺮﻙ ﺳﺤﺒﺖ ﻧﻔﺴﻬﺎ ﻣﻨﻪ ﻣﺴﻚ ﺍﻳﺪﻫﺎ ﻭﺍﻟﺮﻳﺎﺟﻴﻞ ﺳﺤﺒﻮﻫﺎ ﺑﺲ ﺣﺴﺖ ﺍﻧﻮ ﺍﻳﺪﻫﺎ ﺣﺘﻨﺨﻠﻊ ﻫﻠﻜﺪ ﻣﻀﻐﻂ ﻋﻠﻴﻬﺎ ﻭﺳﺤﺒﻬﺎ ﺍﻟﻪ ﺿﺮﺑﻮﻩ ﺑﻜﻞ ﻗﻮﺗﻬﻢ ﻭﺳﺤﺒﻮﻫﺎ ﻋﻴﻮﻧﻪ ﻋﻠﻴﻬﺎ ﻣﻴﺮﻣﺶ ﺑﺲ ﻳﺒﺎﻭﻉ ﻭﻣﻴﻜﺪﺭ ﻻ ﻳﺘﺤﺮﻙ ﻭﻻ ﺍﻱ ﺷﻲ ﺷﻤﺮﻭﻫﺎ ﻉ ﻛﺮﻡ ﻭﻫﻲ ﺗﺼﺮﺥ ﺍﻧﺖ ﺷﺴﻮﻳﺖ ﻟﻮ ﺗﺎﺭﻛﺘﻚ ﺗﻤﻮﺕ ﻋﻮﻓﻨﻪ ﺷﺘﺮﻳﺪ ﻣﻨﻪ ﻛﺮﻡ . ﺍﻛﻮ ﻭﺣﺪﻩ ﻫﻴﺠﻲ ﺗﺴﺘﻘﺒﻞ ﺯﻭﺟﻬﺎ ﺑﻌﺪ ﻛﻞ ﺍﻟﻲ ﺳﻮﻳﺘﻪ ﻋﻠﻤﻮﺩﺝ ﺑﻌﺪﻳﻦ ﻟﺘﺨﺎﻓﻴﻦ ﻣﺎﺑﻴﻪ ﺷﻲ ﺑﺲ ﻣﺨﺪﺭ ﻣﺮﺍﺡ ﻳﻤﻮﺕ ﺍﻟﻌﺎﺭ ﺍﻣﻴﺮ ﻭﺑﺼﻮﺕ ﻧﺎﺻﻲ . ﺩﻳﺮ ﺑﺎﻟﻚ ﺗﻠﻤﺴﻬﺎ ﻭﺧﺮ ﺍﻳﺪﻙ ﺍﻟﻘﺬﺭﻩ ﻋﻨﻬﺎ ﺍﻧﺪﺍﺭﺕ ﻏﺰﻝ ﻋﻠﻴﻪ ﻭﻓﺮﺣﺖ ﻣﻦ ﺷﺎﻓﺘﻪ ﻛﺎﻋﺪ ﻭﻳﺤﺠﻲ ﻳﻌﻨﻲ ﻓﻌﻼ ﻣﻤﺎﺕ ﻏﺰﻝ . ﻟﺘﺨﺎﻑ ﻋﻠﻴﻪ ﻣﺎﺑﻴﻪ ﺷﻲ ﻣﺴﻜﻬﺎ ﻛﺮﻡ ﻣﻦ ﺭﻛﺒﺘﻬﺎ . ﺷﻮﻑ ﻳﺎ ﺧﻮﻳﻪ ﺷﻮﻓﻬﺎ ﺍﺭﻳﺪﻙ ﺗﺤﻔﺮ ﻫﺎﻟﺼﻮﺭﻩ ﺑﺮﺍﺳﻚ ﻭﺍﻧﺘﻲ ﺷﻮﻓﻲ ﻣﻨﻀﺮﻩ ﺍﻟﻲ ﻳﻘﻬﺮ ﺷﻮﻓﻲ ﺯﻭﺟﺞ ﺍﻟﺤﻴﻮﺍﻥ ﺍﻟﻲ ﻛﺎﻥ ﺑﺲ ﺍﻳﺎﺫﻳﺞ ﻭﻳﻌﺬﺑﺞ ﻭﻳﻌﺎﻣﻠﺞ ﻣﺜﻞ ﺍﻟﺤﻴﻮﺍﻧﺎﺕ ﺣﺘﻰ ﺻﺪﻙ ﻛﻞ ﺍﻟﻜﻼﻡ ﺍﻟﻲ ﻛﻠﺘﻪ ﺻﺪﻙ ﻣﻦ ﻛﺘﻠﻪ ﺍﻧﻮ ﺍﻧﺘﻲ ﻗﺘﻠﺘﻲ ﺍﺑﻨﻪ ﺑﻌﺪ ﻣﻤﺎﺕ ﻭﺻﺪﻙ ﻋﻼﻗﺘﻲ ﻭﻳﺎﺝ ﻛﺰﻭﺝ ﻭﺯﻭﺟﻪ ﺑﺎﻭﻉ ﻉالعضوة: 522131 , 5 years ago
ﺍﻣﻴﺮ ﺍﺍﺍﻱ ﻛﻠﻪ ﻛﺬﺏ ﻛﻞ ﺍﻟﻲ ﻛﻠﺘﻪ ﻣﺼﺎﺭ ﻻ ﻃﻔﻞ ﻭﻻ ﺯﻭﺍﺝ ﻭﻟﻚ ﻭﺣﺘﻰ ﻭﺍﻧﺖ ﻣﻴﺖ ﻫﻲ ﻛﺎﻧﺖ ﻣﺨﻠﺼﻪ ﺍﻟﻚ ﺣﺘﻰ ﻭﺍﻧﺖ ﻣﻴﺖ ﺣﺒﺘﻚ ﺑﺲ ﻛﻞ ﻫﺬﺍ ﺣﻴﺨﻠﺺ ﻣﺮﺍﺡ ﺍﻗﺘﻠﻚ ﻫﺴﻪ ﻻ ﻛﻠﺸﻲ ﺣﻴﻨﺎﻫﻲ ﻣﻦ ﺗﺠﻲ ﻭﺗﻮﺍﺟﻬﻨﻲ ﻭﺑﺼﻮﺭﻩ ﻧﻬﺎﺋﻴﻪ ﻫﺎﻟﻤﺮﻩ ﻭﻫﺴﻪ ﻻﺯﻡ ﻧﺮﻭﺡ ﻭﺳﺤﺐ ﻏﺰﻝ ﻭﻃﻠﻊ ﻭﻫﻲ ﺗﺼﺮﺥ ﻭﺗﺼﻴﺢ ﺑﺎﺳﻤﻪ ﻭﻧﻀﺮﺍﺗﻪ ﺍﻟﻬﺎ ﻭﻫﻤﻪ ﻳﺎﺧﺬﻭﻫﺎ ﻛﺴﺮﺕ ﻛﻠﺒﻬﺎ ﻋﻤﺮﻫﺎ ﻣﺸﺎﻓﺘﻪ ﺑﻬﺎﻟﺤﺎﻟﻪ ﺑﺎﻟﻀﻌﻒ ﻋﺮﻓﺖ ﺍﻧﻮ ﻫﻮ ﺣﻴﻠﻮﻡ ﻧﻔﺴﻪ ﺑﺎﻭﻋﺖ ﻋﻠﻴﻪ ﻭﻧﻀﺮﺍﺗﻬﺎ ﻛﻠﻬﺎ ﺣﺐ ﻭﻛﺎﻟﺖ . ﺭﻭﺣﻲ ﺣﺘﺒﻘﻰ ﻳﻤﻚ ﻣﺮﺍﺡ ﺍﺗﺮﻛﻚ ﺍﺑﺪ ﺣﺮﻙ ﻋﻴﻮﻧﻪ ﻋﻠﻴﻬﺎ ﻛﺎﻧﻮ ﻳﺮﻳﺪﻫﺎ ﻣﺘﺮﻭﺡ ﺍﺑﺘﺴﻤﺖ . ﺍﻧﻲ ﺍﺣﺒﻚ ﻭﺭﺍﺣﺖ ﻭﺍﺧﺘﻔﺖ ﻣﻦ ﻛﺪﺍﻡ ﻋﻴﻮﻧﻪ ﻭﺑﻘﻰ ﻫﻮ ﻭﺣﺪﻩ ﻳﺼﺎﺭﻉ ﺍﻟﻤﻮﻭﺕ . ﺍﻟﺼﺒﺢ ﻓﺰ ﻓﺮﺍﺱ ﻉ ﺻﻮﺕ ﺍﻟﺼﺮﺍﺥ ﺍﻟﻲ ﺑﺎﻟﺒﻴﺖ ﻣﻌﺮﻑ ﺷﻨﻮ ﺍﻟﺼﺎﻳﺮ ﻣﺴﻜﺘﻪ ﻟﻤﻴﺎﺀ ﻣﻦ ﺍﻳﺪﻩ ﻭﺑﺨﻮﻑ ﻟﻤﻴﺎﺀ . ﺷﻜﻮ ﺷﻨﻮ ﺍﻟﻲ ﺻﺎﺭ ﻭﻛﻒ ﺑﺴﺮﻋﻪ ﻭﺑﺪﻝ ﻣﻼﺑﺴﻪ ﻭﻛﺎﻝ ﻟﻤﻴﺎﺀ . ﻛﻮﻣﻲ ﺑﺴﺮﻋﻪ ﻭﺭﻭﺣﻲ ﻉ ﻣﻼﻙ ﻟﻐﺮﻓﺘﻬﺎ ﻭﻣﻄﻠﻌﻮﻥ ﻣﻨﻬﺎ ﺍﻻ ﺍﻧﻲ ﺍﺟﻴﻜﻢ ﻟﻤﻴﺎﺀ . ﺑﺲ ﻓﻬﻤﻨﻲ ﺷﻜﻮ ﻭﺷﻨﻮ ﻫﺎﻟﻌﻴﺎﻁ ﺍﺟﺎﻫﻠﻬﺎ ﻓﺮﺍﺱ ﻭﻛﻤﻞ ﺗﺒﺪﻳﻞ ﻣﻼﺑﺴﻪ ﻭﻛﺎﻝ . ﺳﻮﻱ ﺍﻟﻜﺘﻠﺞ ﻋﻠﻴﻪ ﻭﺭﺍﺩ ﻳﻄﻠﻊ ﻟﻤﻴﺎﺀ . ﻫﺎﻟﻤﺮﻩ ﺣﻨﺘﻀﺮﻙ ﺩﻳﺮ ﺑﺎﻟﻚ ﺗﺨﻄﻂ ﺷﻲ ﻭﺣﺪﻙ ﻫﺎﻟﻤﺮﻩ ﻣﺜﻞ ﻗﺒﻞ ﻭﺭﺑﻲ ﺍﻗﺘﻠﻚ ﻫﺎﻟﻤﺮﻩ ﻓﺮﺍﺱ . ﺗﺨﺒﻠﻴﻦ ﻭﺍﻧﺘﻲ ﻣﻌﺼﺒﻪ ﺑﺲ ﺻﺪﻛﻲ ﻣﺎ ﺍﺗﺮﻛﺞ ﻫﺎﻟﻤﺮﻩ ﻟﻮ ﺍﻋﺮﻑ ﻳﻄﻠﻌﻮﻥ ﻛﻠﺒﺞ ﻣﻦ ﻣﻜﺎﻧﻪ ﻭﻻ ﺍﺟﺮﺣﻪ ﺍﻧﻲ ﻭﻃﻠﻊ ﻟﻤﻴﺎﺀ . ﻳﺎﺭﺑﻲ ﻟﻴﺶ ﻛﻠﻤﺎ ﻧﺼﺎﻟﺢ ﺑﺎﻟﻠﻴﻞ ﺛﺎﻧﻲ ﻳﻮﻡ ﺍﻟﺼﺒﺢ ﺗﺼﻴﺮ ﻣﺼﻴﺒﻪ ﻭﺍﻟﻠﻪ ﺗﻌﺒﺖ ﺷﻨﻮ ﻫﺎﻟﺪﺭﺟﻪ ﺍﺣﻨﺎ ﻣﺸﺆﻣﻴﻦ ﻃﻠﻊ ﻓﺮﺍﺱ ﻭﺷﺎﻑ ﺍﻟﻜﻞ ﻳﺮﻛﺾ ﺻﺎﺡ ﺷﻜﻮ . ﻭﺟﺎﻭﺑﻮﻩ . ﺍﻟﺪﻧﻴﺎ ﺍﻧﻜﻠﺒﺖ ﻳﻤﻌﻮﺩ ﺭﺍﺡ ﻧﺮﻭﺡ ﻓﺮﺍﺱ . ﻭﻳﻦ ﻧﺮﻭﺡ ﻣﻮ ﻉ ﺍﺳﺎﺱ ﺑﻌﺪ ﻳﻮﻣﻴﻦ ﻧﻄﻠﻊ ﺷﺒﻴﻚ ﺷﻨﻮ ﻣﺘﺪﺭﻱ ﻣﻮ ﻛﺮﻡ ﺍﺟﻪ ﺗﺤﻮﻝ ﺷﻜﻞ ﻓﺮﺍﺱ ﻭﺻﺎﺭ ﻭﺟﻬﻪ ﺍﺻﻔﺮ ﻭﻣﺮﻋﻮﺏ ﻓﺮﺍﺱ . ﺷﻨﻮﻭﻭ ﻭﻳﻦ ﺍﺟﻪ ﺍﻫﻨﺎ ﻭﻉ ﺍﻱ ﺍﺳﺎﺱ ﻭﻟﻴﺶ ﻭﺷﻠﻮﻥ ﺩﺧﻞ ﺍﻟﺤﺮﺍﺱ ﻭﻳﻦ ﺟﺎﻧﻮ ﺑﺲ ﻟﺤﻈﻪ ﻫﻮ ﻟﻴﺶ ﺍﺟﻪ؟؟؟ ﻓﺮﺍﺱ ﺍﻧﺖ ﻗﺎﻓﻞ ﻣﻦ ﺍﻟﺮﺋﻴﺴﻲ ﻭﻟﻚ ﺍﺧﺬ ﻏﺰﻝ ﻭﺧﺪﺭ ﻛﻞ ﺍﻟﺤﺮﺱ ﻭﺣﺘﻰ ﺍﻣﻴﺮ ﻃﻠﻊ ﺣﺎﻃﻴﻠﻪ ﺍﻟﻤﺨﺪﺭ ﺑﺎﻟﺸﺮﺏ ﻻﻥ ﻣﺤﺪ ﻳﻜﺪﺭﻟﻪ ﻭﻫﻮ ﺻﺎﺣﻲ ﻓﺮﺍﺱ ﺍﻫﻨﺎ ﺍﺭﻋﺐ ﺑﺎﻟﺰﺍﻳﺪ ﻭﻛﺎﻝ . ﺷﻠﻮﻥ ﻳﻌﻨﻲ ﻫﺴﻪ ﺭﺍﺣﺖ ﻏﺰﻝ ﺍﺧﺬﻫﺎ ﻛﺮﻡ ﺍﻱ ﺍﺧﺬﻭﻫﺎ ﻭﺩﺧﻠﻨﻪ ﻉ ﺍﻣﻴﺮ ﻟﻜﻴﻨﺎﻩ ﻭﺍﻛﻊ ﻭﺿﺎﺭﺑﻴﻪ ﺑﻀﻬﺮﻩ ﺑﺲ ﺿﺮﺑﺘﻪ ﻣﻮ ﺧﻄﻴﺮﻩ ﻭﻛﻞ ﺍﻟﻜﺎﻟﻪ ﺍﻟﻨﻪ ﺍﺳﺘﻌﺪﻭ ﻧﺮﻭﺡ ﺍﻟﻬﻢ ﻭﺧﻔﻨﻪ ﻧﺤﺠﻲ ﺍﻱ ﺷﻲ ﺭﺣﻨﻪ ﻉ ﺍﻟﺪﻛﺘﻮﺭ ﻭﺭﺑﻲ ﻣﻦ ﻛﻠﻨﺎﻟﻪ ﺗﻌﺎﻝ ﻛﺎﻡ ﻳﺒﺠﻲ ﻣﻦ ﺍﻟﺨﻮﻭﻑ ﻻﻥ ﺷﻜﻞ ﺍﻣﻴﺮ ﺻﺪﻙ ﻳﺨﻮﻑ ﻭﺧﺎﻳﻔﻴﻦ ﻟﻴﻨﻔﺠﺮ ﺑﺄﻱ ﻟﺤﻈﻪ ﻓﺮﺍﺱ . ﻭﺭﺑﻲ ﻫﺎﻟﻤﺮﻩ ﺍﺫﺍ ﻟﺰﻣﺖ ﻛﺮﻡ ﺍﻻ ﺍﺳﻠﺦ ﺟﻠﺪﻩ ﻫﺎﻟﺠﺒﺎﻥ ﺍﻟﻨﺬﻝ ﻋﺮﻑ ﻧﻔﺴﻪ ﻫﺎﻟﻤﺮﻩ ﺧﺴﺮﺍﻥ ﻭﺍﺧﺬ ﻏﺰﻝ ﺣﺘﻰ ﻳﻌﺮﻑ ﺷﻠﻮﻥ ﻳﻮﻛﻊ ﺍﻣﻴﺮ ﻭﻫﺴﻪ ﺗﺤﻀﺮﻭ ﻣﻨﺎ ﻟﺴﺎﻋﻪ ﻃﺎﻟﻌﻴﻦ ﻭﺭﻭﺣﻮ ﺷﻮﻓﻮﻟﻲ ﻣﻦ ﺍﻟﺨﺎﻳﻦالعضوة: 522131 , 5 years ago
ﺍﻟﻲ ﺧﺪﺭ ﺍﻟﺤﺮﺱ ﻭﺍﻣﻴﺮ ﺍﻧﻲ ﺭﺍﻳﺢ ﺍﺷﻮﻓﻪ ﻭﻛﻒ ﻓﺮﺍﺱ ﻛﺪﺍﻡ ﻏﺮﻓﻪ ﺍﻣﻴﺮ ﻭﻣﺎﻋﻨﺪﻩ ﺟﺮﺋﻪ ﻳﺪﺧﻞ ﻣﻮ ﺧﻮﻓﺎ ﻣﻦ ﺍﻣﻴﺮ ﻻ ﺑﺲ ﻣﺎﻋﻨﺪﻩ ﺷﺠﺎﻋﻪ ﻭﻫﻮ ﻳﺸﻮﻓﻪ ﺑﻬﺎﻟﺤﺎﻟﻪ ﻻﻥ ﻳﻌﺮﻑ ﺑﺮﻭﺣﻪ ﻏﺰﻝ ﺍﻧﻘﺘﻞ ﺍﻣﻴﺮ ﻣﻦ ﺟﻮﻩ ﺿﺎﺝ ﻣﻦ ﻧﻔﺴﻪ ﻻﻥ ﻫﻮ ﻣﻜﺎﻥ ﻣﻮﺟﻮﺩ ﻭﻳﺤﻤﻴﻪ ﺑﺲ ﻣﻮ ﻭﻗﺖ ﺍﻟﻌﺘﺐ ﻭﺍﻟﻤﻼﻣﻪ ﻫﺴﻪ ﻻﺯﻡ ﻳﺘﻘﻮﻯ ﻭﺩﺧﻞ ﻟﻠﻐﺮﻓﻪ ﻭﺷﺎﻓﻪ ﻧﺎﻳﻢ ﻉ ﺑﻄﻨﻪ ﻭﺍﻟﺪﻛﺘﻮﺭ ﻣﻌﺎﻟﺠﻪ ﻭﺍﻣﻴﺮ ﺻﺎﻓﻦ ﺳﺎﻝ ﺍﻧﻴﺮ ﺍﻟﺪﻛﺘﻮﺭ ﺍﻟﻮﺍﻛﻒ ﻭﺷﻜﻠﻪ ﻛﺎﻥ ﻛﻠﺶ ﺧﺎﻳﻒ ﻓﺮﺍﺱ . ﻃﻤﻨﻲ ﻋﻨﻪ ﺍﻟﺪﻛﺘﻮﺭ . ﺍﻟﺠﺮﺡ ﻣﻮ ﻋﻤﻴﻖ ﻣﺒﻴﻦ ﻣﻜﺎﻧﻮ ﻧﺎﻭﻳﻦ ﻳﻘﺘﻠﻮﻩ ﺑﺲ ﺟﺴﻤﻪ ﻛﺎﻥ ﻣﺨﺪﺭ ﺑﺲ ﺑﺪﺍ ﻣﻔﻌﻮﻝ ﺍﻟﺘﺨﺪﻳﺮ ﻳﺨﺘﻔﻲ ﻓﺮﺍﺱ . ﺗﻤﺎﻡ ﻳﻠﻪ ﺍﻃﻠﻊ ﺍﻟﺪﻛﺘﻮﺭ . ﻻ ﻫﺬﺍ ﻭﺍﺟﺒﻲ ﻭﻃﻠﻊ ﻳﻮﻛﺾ ﻇﻞ ﻛﺮﻡ ﻳﺒﺎﻭﻉ ﻉ ﺍﻣﻴﺮ ﻭﻣﻴﺤﺠﻲ ﺷﻲ ﻣﻴﻌﺮﻑ ﺷﻴﻜﻮﻝ ﻭﺍﻣﻴﺮ ﺍﻟﺼﺎﻓﻦ ﻳﺪﺭﻱ ﺑﻴﻪ ﺩﻳﺘﻮﺟﻊ ﻭﺭﻩ ﻓﺘﺮﻩ ﺗﺤﺮﻙ ﻛﺮﻡ ﻭﻛﻌﺪ ﺑﺎﻟﻜﺎﻉ ﻳﻢ ﺳﺮﻳﺮ ﺍﻣﻴﺮ ﻭﻇﻞ ﺳﺎﻛﺖ ﻟﺤﺪ ﻣﺎ ﺣﺠﻪ ﺍﻣﻴﺮ ﺍﻣﻴﺮ . ﺍﺧﺬﻫﺎ ﻣﻦ ﺍﻳﺪﻱ ﻭﻛﺪﺭﺕ ﺍﺳﻮﻱ ﺷﻲ ﺻﺮﺕ ﻣﺜﻞ ﺍﻟﺬﺑﻴﺤﻪ ﻭﺍﻛﻊ ﺑﺎﻟﻜﺎﻉ ﻭﻫﻤﻪ ﻳﺎﺧﺬﻭﻫﺎ ﻣﻨﻲ ﻓﺮﺍﺱ . ﻻ ﺍﺧﺬﻭﻫﺎ ﻣﻨﻚ ﺑﺎﻟﻐﺶ ﺍﺧﺬﻭﻫﺎ ﻣﻨﻚ ﻻﻥ ﺍﻛﻮ ﺧﺎﻳﻦ ﺍﻫﻨﺎ ﺳﺎﻋﺪﻫﻢ ﺑﺲ ﻭﺭﺍﺱ ﺑﻨﺘﻲ ﺍﻻ ﺍﺭﺟﻊ ﻏﺰﻝ ﻟﻮ ﺍﻋﺮﻑ ﺍﻣﻮﺕ ﺑﺲ ﺍﻻ ﺍﺭﺟﻌﻬﺎ ﺍﻣﻴﺮ ﻳﺤﺠﻲ ﻭﻛﺎﻧﻮ ﻣﻴﺴﻤﻊ ﺍﻱ ﺷﻲ . ﺍﺧﺬﻫﺎ ﻣﻨﻲ ﻭﻫﻲ ﺗﺼﻴﺢ ﺑﺎﺳﻤﻲ ﻟﺤﺪ ﻫﺎﻟﻠﺤﻈﻪ ﺻﻮﺗﻬﺎ ﺑﺎﺫﻧﻲ ﺗﺪﺭﻱ ﻫﻲ ﺳﺎﻣﺤﺘﻨﻲ ﺗﺪﺭﻱ ﺍﻧﻔﻘﺖ ﻭﻳﺎﻫﺎ ﺍﺗﻐﻴﺮ ﻭﺣﺴﻮﻱ ﻛﻞ ﺍﻟﻲ ﺗﺮﻳﺪﻩ ﺑﺲ ﻋﻮ ﺍﺧﺬﻫﺎ ﺍﺧﺬ ﺯﻭﺟﺘﻲ ﺍﺧﺬ ﺭﻭﺣﻲ ﻣﻨﻲ ﻭﻃﻠﻊ ﺍﻧﻲ ﺍﻣﻴﺮ ﺍﻟﻲ ﺍﺳﻤﻲ ﺍﻟﻜﻞ ﻳﺮﺟﻒ ﻣﻦ ﻳﺴﻤﻌﻪ ﺻﺎﺭ ﻣﺜﻞ ﺍﻟﺬﺑﻴﺤﻪ ﻭﻫﻤﻪ ﻳﺎﺧﺬﻭﻥ ﺯﻭﺟﺘﻪ ﻣﻨﻪ ﻭﻟﻚ ﺭﺍﺣﺖ ﻣﻨﻲ ﻏﺰﻝ ﻭﻟﻚ ﻭﺍﺣﺖ ﻣﻦ ﺍﻳﺪﻱ ﻓﺮﺍﺱ ﻭﻫﻮ ﻳﻠﻌﻦ ﺭﻭﺣﻪ . ﺷﻮﻭﻑ ﺍﻟﻲ ﺻﺎﺭ ﻣﻨﻜﺪﺭ ﻧﻐﻴﺮﻩ ﺑﺲ ﺍﻟﻲ ﺣﻴﺼﻴﺮ ﺑﻴﺪﻙ ﺍﻧﺖ ﺍﻟﻲ ﺗﻜﺪﺭ ﺗﺴﻮﻳﻪ ﻭﻧﻘﺘﻠﻬﻢ ﻛﻠﻬﻢ ﺷﻮﻑ ﺍﻟﻜﻞ ﻣﻨﺘﻀﺮﻙ ﺗﻜﻮﻭﻡ ﻭﺗﺘﺤﺮﻙ ﺣﺘﻰ ﻧﺮﻭﺡ ﻭﻛﻮﻭﻡ ﻳﻠﻪ ﺍﻣﻴﺮ ﺍﻟﻲ ﺍﻋﺮﻓﻪ ﻳﺤﺮﻙ ﺍﻟﺪﻧﻴﺎ ﻋﻠﻤﻮﺩ ﻏﺰﻝ ﻭﺣﻨﺮﺟﻌﻬﺎ ﻣﻨﻬﻢ ﺑﺎﻭﻉ ﺍﻣﻴﺮ ﻉ ﻓﺮﺍﺱ ﻭﻣﻼﻣﺤﻪ ﺗﺨﻮﻑ ﻣﻼﻣﺤﻪ ﺍﻟﻲ ﻋﻤﺮﻩ ﻣﺸﺎﻓﻬﺎ ﺑﻴﻪ ﻛﺮﻡ ﺍﻟﻐﺒﻲ ﺳﻮﻩ ﺍﻏﺒﻪ ﺷﻲ ﺑﺤﻴﺎﺗﻪ ﻣﻦ ﺍﺧﺬ ﻏﺰﻝ ﻻﻥ ﻫﻲ ﺍﻟﺸﻲ ﺍﻟﻮﺣﻴﺪ ﺍﻟﻲ ﻳﺨﻠﻴﻪ ﻣﺴﻴﻄﺮ ﻉ ﺭﻭﺣﻪ ﻫﻲ ﺍﻟﻮﺣﻴﺪﻩ ﺍﻟﻲ ﺗﺨﻠﻴﻪ ﻣﻴﻄﻠﻊ ﻛﻞ ﺍﻟﻲ ﺑﺪﺍﺧﻠﻪ ﻣﻦ ﺣﻘﺪ ﻭﻇﻠﻢ ﺑﺮﻭﺣﺘﻬﺎ ﺣﻴﺎﺗﻪ ﺣﺘﺼﻴﺮ ﻇﻠﻤﻪ ﻭﻣﻦ ﻫﺴﻪ ﻻﺯﻡ ﺍﻟﻜﻞ ﻳﺨﺎﺍﻑ ﻣﻨﻪ .العضوة: 522131 , 5 years ago
ﺍﻣﻴﺮ . ﺍﺣﺮﻛﻬﻢ ﻻ ﺭﺍﺡ ﺍﺳﻮﻱ ﺷﻲ ﺑﻴﻬﻢ ﻋﻤﺮﻫﻢ ﻣﺸﺎﻳﻔﻴﻦ ﻣﻨﻪ ﻭﺑﺎﻟﻨﺴﺒﻪ ﻟﻜﺮﻡ ﻓﺤﺴﺎﺑﻪ ﺣﻴﻜﻮﻥ ﻣﻤﻴﺰ ﻭﻳﺨﺘﻠﻒ ﻫﻮ ﻣﻮ ﻳﺮﻳﺪ ﺣﺮﺏ ﺭﺍﺡ ﺍﺳﻮﻳﻬﺎ ﺍﻟﻪ ﺻﻴﺤﻠﻲ ﺍﻟﺪﻛﺘﻮﺭ ﺍﺭﻳﺪ ﻣﻮﺭﻓﻴﻦ ﺑﺴﺮﻋﻪ ﺍﻛﻮ ﻭﺟﻊ ﺑﻀﻬﺮﻱ ﻣﺎ ﺍﺭﻳﺪﻩ ﻳﺒﻘﻰ ﻭﺑﻠﻎ ﺍﻟﻜﻞ ﻫﺴﻪ ﺣﻨﻄﻠﻊ ﻃﻠﻊ ﻓﺮﺍﺱ ﺑﺪﻭﻥ ﻣﻴﻨﻄﻖ ﺍﻱ ﺣﺮﻑ ﻭﺭﺍﺡ ﻳﻨﻔﺬ ﺍﻭﺍﻣﺮ ﺍﻣﻴﺮ ﻃﻠﻌﻮ ﻭﺍﺟﺘﻬﻢ ﻟﻤﻴﺎﺀ ﻣﺎﺳﻜﻪ ﻣﻼﻙ . ﻓﺮﺍﺱ . ﺟﻨﺖ ﺭﺍﻳﺪ ﺍﺟﻲ ﺍﻭﺩﻋﻜﻢ ﻗﺒﻞ ﻣﺎ ﺍﺭﻭﺡ ﻭﻧﺰﻝ ﺭﺍﺳﻪ ﻉ ﻣﻼﻙ ﻭﺣﻀﻨﻬﺎ ﻭﺷﺎﻟﻬﺎ . ﻭﻟﺞ ﻛﺎﺍﻓﻲ ﺗﺎﻛﻠﻴﻦ ﺣﺘﺼﻴﺮﻳﻦ ﺑﺮﻣﻴﻞ ﺻﺎﻳﺮﻩ ﺛﻜﻴﻠﻪ ﺿﺤﻜﺖ . ﺣﺒﻴﺒﻲ ﺑﺎﺑﺎ ﺣﻨﺘﻀﺮﻙ ﺗﺮﺟﻊ ﻣﻮ ﺗﺘﺎﺧﺮ ﻓﺮﺍﺱ . ﺍﻛﻴﺪ ﺣﺒﻴﺒﺘﻲ ﺍﺭﺟﻌﻠﻜﻢ ﺍﻧﺸﺎﻟﻠﻪ ﻭﺑﺎﺳﻬﺎ ﺑﺎﻭﻉ ﻉ ﻟﻤﻴﺎﺀ ﺍﻟﻲ ﺗﺒﺎﻭﻉ ﻋﻠﻴﻪ ﻭﻋﻴﻮﻧﻬﺎ ﻛﻠﻬﺎ ﺩﻣﻮﻉ ﻭﻛﺎﻝ . ﻟﺘﺨﺎﻓﻴﻦ ﺣﺮﺟﻊ ﻏﺰﻝ ﺳﺎﻟﻤﻪ ﺑﺎﻭﻋﻲ ﻋﻠﻴﻪ ﻭﺍﺷﺮ ﻉ ﺍﻣﻴﺮ ﺍﺣﻠﻔﻠﺞ . ﺍﻧﻮ ﺣﻴﺮﺟﻌﻬﺎ ﻟﻮ ﻧﺎﺯﻟﻪ ﻟﺴﺎﺑﻊ ﺍﺭﺽ ﻭﻧﺮﺑﺢ ﻭﻧﺮﺟﻊ ﻟﻤﻴﺎﺀ ﻭﻫﻲ ﺗﺒﺠﻲ . ﻭﺍﻟﻠﻪ ﺍﺩﺭﻱ ﺑﺲ ﺣﻴﻈﻞ ﺑﺎﻟﻲ ﻳﻤﻜﻢ ﺑﺎﺳﻬﺎ ﻣﻦ ﺭﺍﺳﻬﺎ ﻭﻃﻠﺐ ﻣﻨﻬﺎ ﺍﺩﻳﺮ ﺑﺎﻟﻬﺎ ﻉ ﻧﻔﺴﻬﺎ ﻭﻉ ﻣﻼﻙ ﻓﺮﺍﺱ . ﺗﻌﺎﻟﻲ ﻣﻼﻙ ﺍﻭﻛﻔﺞ ﻳﻢ ﻫﺬﻭﻟﻪ ﺍﻟﺸﻴﻮﺥ ﻭﺍﺭﻳﺪﺝ ﺗﺤﺠﻴﻦ ﻭﻳﺎﻫﻢ ﺑﺸﻐﻼﺕ ﺍﺩﻭﺧﻬﻢ ﺣﺘﻰ ﺍﺭﻓﻊ ﺭﺍﺳﻲ ﺑﻴﺞ ﻭﻳﻜﻮﻟﻮﻥ ﻭﺍﻟﻠﻪ ﺑﻨﺖ ﻓﺮﺍﺱ ﺫﻛﻴﻪ ﻭﻳﻐﺎﺭﻭﻥ ﺿﺤﻜﺖ ﻋﻠﻴﻪ ﻟﻤﻴﺎﺀ ﻭﺍﻧﺪﺍﺭﺕ ﻉ ﺍﻣﻴﺮ ﻣﻦ ﺷﺎﻓﺘﻪ ﻭﺷﺎﻓﺖ ﻣﻼﻣﺤﻪ ﺍﻟﻲ ﺗﺨﻮﻑ ﺭﺍﺣﺖ ﺍﺑﺘﺴﺎﻣﺘﻬﺎ ﺍﺗﻘﺪﻡ ﺍﻣﻴﺮ ﻋﻠﻴﻬﺎ ﻭﺑﻠﻐﻬﺎ ﺍﻧﺘﻲ ﺣﺎﻟﻴﺎ ﺍﺣﺠﺎﻳﺘﺞ ﺣﺘﻜﻮﻥ ﻣﺴﻤﻮﻋﻪ ﺑﻐﻴﺎﺑﻲ ﻫﺬﺍ ﺿﻤﺎﻥ ﻟﺴﻼﻣﺘﺞ ﺍﻧﺘﻲ ﻭﻣﻼﻙ ﻭﺑﺎﻭﻉ ﻉ ﻓﺮﺍﺱ . ﻟﺘﺨﺎﻓﻴﻦ ﻋﻠﻴﻪ ﺣﻴﺮﺟﻊ ﺍﻟﻜﻢ ﻭﺍﺭﻳﺪ ﻣﻨﺞ ﺷﻐﻠﻪ ﺍﻧﺘﻲ ﺍﻟﻲ ﻻﺯﻡ ﺗﻨﻔﺬﻳﻬﺎ ﻭﻫﻲ ﮔﻤﺮ ﻻﻥ ﻋﺮﻓﺖ ﻫﻲ ﺍﻟﻲ ﺧﺎﻧﺘﻨﻲ ﻭﺍﻟﻲ ﺧﺪﺭﺗﻨﻲ ﺍﻧﻲ ﻭﺍﻟﺤﺮﺱ ﺍﺳﺘﻐﺮﺑﺖ ﻟﻤﻴﺎﺀ ﻻﻥ ﻫﺬﻩ ﺍﻟﻤﺮﻩ ﺍﻻﻭﻟﻰ ﺍﻟﻲ ﻳﺤﺠﻲ ﻭﻳﺎﻫﺎ ﺍﻣﻴﺮ ﻭﺟﻬﺎ ﻟﻮﺟﻪ ﻭﺑﺪﻭﻥ ﻣﻴﻜﻮﻥ ﻳﻬﺪﺩ ﻭﻻﻭﻝ ﻣﺮﻩ ﺑﺤﻴﺎﺗﻬﺎ ﺗﻨﺘﺒﻪ ﺍﻧﻮ ﻭﻻ ﻣﺮﻩ ﺑﺤﻴﺎﺗﻬﺎ ﻋﺎﻣﻠﻬﺎ ﻣﻌﺎﻣﻠﻪ ﻣﻮ ﺯﻳﻨﻪ ﻭﻻ ﻣﺮﻩ ﺻﻐﺮﻫﺎ ﻛﺪﺍﻡ ﺍﺣﺪ ﻭﻻ ﻣﺮﻩ ﻫﺎﻧﻬﺎ ﻭﻻ ﻋﺎﻣﻠﻬﺎ ﻣﺜﻞ ﺍﻟﺨﺪﻣﻪ ﻛﺎﻥ ﺯﻳﻦ ﻭﻳﺎﻫﺎ ﺑﻄﺮﻳﻘﺘﻪ ﺍﻟﺨﺎﺻﻪ ﻳﻤﻜﻦ ﻣﻜﺎﻥ ﻣﻮﺯﻳﻦ ﻣﺜﻞ ﻣﻴﻜﻮﻟﻮﻥ ﻳﻤﻜﻦ ﻛﺎﻥ ﻛﻼﻡ ﻏﺰﻝ ﺻﺤﻴﺢ ﻭﺍﻧﻲ ﺍﻟﻲ ﻛﻨﺖ ﻣﻤﻨﺘﺒﻪ ﺍﺑﺘﺴﻤﺖ ﻟﻤﻴﺎﺀ ﻭﻛﺎﻟﺖ . ﺭﺑﻲ ﻳﺤﻔﻀﻜﻢ ﻭﺗﺮﺟﻌﻮﻥ ﻭﺗﺮﺟﻊ ﻏﺰﻝ ﺍﺧﺘﻲ ﻭﻳﺎﻛﻢ ﻭﺑﺎﻟﻨﺴﺒﻪ ﻟﻠﺨﺎﻳﻨﻪ ﺣﺴﺎﺑﻬﺎ ﺣﻴﻜﻮﻥ ﻭﻳﺎﻳﻪ ﻫﺬﺍ ﺍﺧﺮ ﻛﻼﻡ ﺻﺎﺭ ﺑﻴﻨﻬﻢ ﻭﺭﺍﺣﻮ ﻭﻫﻲ ﻭﻣﻼﻙ ﺗﺒﺎﻭﻉ ﻋﻠﻴﻬﻢ ﻭﺗﺪﻋﻲ ﻳﺮﺟﻌﻮﻥ ﺳﺎﻟﻤﻴﻦ ﻋﻦ ﻗﺮﻳﺐ ﻣﻼﻙ . ﺍﻟﺸﻴﺦ ﺍﻣﻴﺮ ﺣﻴﺮﺟﻊ ﺧﺎﻟﻪ ﻏﺰﻝ ﻭﺑﺎﺑﺎ ﺳﺎﻟﻤﻴﻦ ﻣﻮ ﻣﺎﻣﺎ ﻟﻤﻴﺎﺀ . ﺍﻱ ﺣﺒﻴﺒﺘﻲ ﻭﻫﺴﻪ ﺭﻭﺣﻲ ﻟﻌﺒﻲ ﺑﺎﻟﻐﺮﻓﻪ ﻻﻥ ﻋﻨﺪﻱ ﺣﺴﺎﺏ ﻭﻳﻪ ﮔﻤﺮ ﻻﺯﻡ ﺍﺧﻠﺼﻪ ﺍﻟﻴﻮﻡالعضوة: 522131 , 5 years ago
ﺑﻌﺪ ﻋﺪﻩ ﺍﻳﺎﻡ ﻏﺰﻝ ﺍﻟﻲ ﻛﺎﻧﺖ ﻣﺤﺒﻮﺳﻪ ﺑﻴﺖ ﻗﺮﻳﺐ ﻉ ﻣﻜﺎﻥ ﺍﻟﺘﺠﻤﻊ ﻳﻢ ﺍﻟﻮﺍﺩﻱ ﻭﻛﺎﻧﺖ ﺍﻳﺪﻳﻬﺎ ﻣﺮﺑﻮﻃﻪ ﻭﺗﺤﺎﻭﻝ ﺗﻔﺘﺤﻪ ﺑﺲ ﻛﺎﻟﻌﺎﺩﻩ ﻣﺘﻜﺪﺭ ﻋﻘﻠﻬﺎ ﺣﻴﻨﻔﺠﺮ ﻣﻦ ﺍﻟﺘﻔﻜﻴﺮ ﻣﻦ ﺍﻟﻴﻮﻡ ﺍﻟﻲ ﺟﺎﺑﻬﺎ ﻛﺮﻡ ﻭﻫﻮ ﺣﺎﺑﺴﻬﺎ ﻭﻛﻠﺸﻲ ﻣﺘﻌﺮﻑ ﻋﻦ ﺍﻣﻴﺮ ﺗﺮﻛﺘﻪ ﻭﻫﻮ ﺣﺎﻟﺘﻪ ﺗﻌﺒﺎﻧﻪ ﻛﻠﺶ ﺗﺒﺠﻲ ﻻﻥ ﻫﻲ ﺍﻟﺴﺒﺐ ﺑﺎﻟﻲ ﺻﺎﺭ ﻛﻞ ﺣﻴﺎﺗﻬﺎ ﻭﻫﻲ ﻣﻤﺮﺗﺎﺣﻪ ﻭﻻ ﻣﺮﺗﺎﺡ ﺍﻣﻴﺮ ﻭﻳﺎﻫﺎ ﺍﺫﻛﺮﺕ ﺍﻟﻴﻮﻡ ﺍﻟﻲ ﺍﺟﻪ ﻛﺮﻡ ﻭﺍﺧﺬﻫﺎ ﻛﺎﻧﺖ ﺑﻠﻴﻠﺘﻬﺎ ﺍﺳﻌﺪ ﺍﻧﺴﺎﻧﻪ ﺑﺎﻟﺪﻧﻴﺎ ﺑﻬﺎﻟﻠﻴﻠﻪ ﺷﺎﻓﺖ ﺍﻟﺴﻌﺎﺩﻩ ﺑﻌﻴﻮﻥ ﺍﻣﻴﺮ ﺗﻤﻨﺖ ﻟﻮ ﺗﺮﺟﻊ ﻫﺎﻟﻠﻴﻠﻪ ﺗﻤﻨﺖ ﺗﻌﻴﺶ ﻭﻳﻪ ﺍﻣﻴﺮ ﻭﺑﺪﻭﻥ ﻣﺸﺎﻛﻞ ﺗﺤﺒﻪ ﺗﻌﺸﻘﻪ ﺷﻠﻮﻥ ﻓﻜﺮﺕ ﺍﻧﻮ ﺗﺮﻛﻪ ﺷﻠﻮﻥ ﻓﻜﺮﺕ ﺍﻧﻮ ﻳﻮﻡ ﺣﺘﻜﺪﺭ ﻣﺘﺸﻮﻓﻪ ﺍﺗﻤﻨﺖ ﻟﻮ ﺗﺸﻮﻓﻪ ﻟﺤﻈﻪ ﻟﻮ ﺑﺲ ﺛﺎﻧﻴﻪ ﻭﻫﻲ ﺗﻔﻜﺮ ﻭﺩﺗﺒﺠﻲ ﺣﺴﺖ ﺍﻛﻮ ﺍﺣﺪ ﺣﻴﺠﻲ ﻋﻠﻴﻬﺎ ﻣﺴﺤﺖ ﺩﻣﻮﻋﻬﺎ ﺣﺘﻰ ﻟﺘﺒﻴﻦ ﺿﻌﻔﻬﺎ ﻛﺪﺍﻣﻪ ﺗﻮﻗﻌﺖ ﻛﺮﻡ ﺍﻟﻲ ﺍﺟﺎﻫﺎ ﺑﺲ ﻻ ﺩﺧﻠﺖ ﻋﻠﻴﻬﺎ ﺳﻤﺮﻩ ﻫﺬﻩ ﺧﺼﺼﻬﺎ ﺍﻟﻬﺎ ﻛﺮﻡ ﻓﻘﻂ ﻫﻲ ﺍﻟﻮﺣﻴﺪﻩ ﺍﻟﻲ ﺗﺪﺧﻞ ﻟﻐﺰﻝ ﻫﻲ ﺣﻠﻮﻩ ﻭﺷﻌﺮﻫﺎ ﺍﺣﻤﺮ ﻭﺷﻜﻠﻬﺎ ﺣﻠﻮ ﺑﺲ ﻟﺴﺎﻧﻬﺎ ﺍﺑﺪﺍ ﻣﻴﺴﻜﺖ ﺩﺧﻠﺖ ﻟﻐﺰﻝ ﻭﺟﺎﻳﺒﻪ ﻭﻳﺎﻫﺎ ﺍﻻﻛﻞ ﻛﻞ ﻫﺎﻟﻔﺘﺮﻩ ﺗﺠﻲ ﻟﻐﺰﻝ ﻭﺗﺤﺠﻲ ﻭﻏﺰﻝ ﺍﺑﺪﺍ ﻣﻨﻄﻘﺖ ﻭﻻ ﺣﺮﻑ ﻛﺪﺍﻣﻬﺎ ﻻﻥ ﻛﺮﻫﺖ ﻛﻞ ﺷﺨﺺ ﻳﺸﺘﻐﻞ ﻭﻳﻪ ﻛﺮﻡ ﻻﻥ ﻫﻮ ﺍﻟﺴﺒﺐ ﺑﺪﻣﺎﺭ ﺣﻴﺎﺗﻬﺎ ﺣﺎﻟﻴﺎ ﻫﻮ ﺍﻟﺴﺒﺐ ﺑﻜﻠﺸﻲ ﺩﻳﺼﻴﺮ ﺳﻤﺮﻩ . ﻳﻌﻨﻲ ﻫﻢ ﻣﺎﻛﻠﺘﻲ ﻛﻠﻤﺎ ﺍﺟﻴﺐ ﺍﻻﻛﻞ ﺍﻟﺞ ﻭﺍﺭﺟﻊ ﺍﻟﻜﺎﻩ ﻉ ﺣﻄﺘﻪ ﺗﺮﻩ ﻣﻴﺼﻴﺮ ﻫﻴﺠﻲ ﺍﻟﻤﻲ ﻣﺮﺍﺡ ﻳﻌﻴﺸﺞ ﺷﻮﻓﻲ ﺷﻜﻠﺞ ﺷﻠﻮﻥ ﺻﺎﺭ ﻣﻦ ﺍﺟﻴﺘﻲ ﻟﻠﻴﻮﻡ ﺷﻠﻮﻥ ﺿﻌﻔﺘﻲ ﺣﺘﻰ ﻣﻦ ﺍﺣﺠﻲ ﻭﻳﺎﺝ ﻣﺘﺮﺩﻳﻦ ﻋﻠﻴﻪ ﺷﻨﻮ ﻛﺎﺻﻴﻦ ﻟﺴﺎﻧﺞ ﻣﺘﺮﺩﻳﻦ ﻋﻠﻴﻪ ﺑﺲ ﺍﺣﺠﻲ ﻭﻳﻪ ﺭﻭﺣﻲ ﺑﻠﺸﺖ ﺗﻨﻈﻒ ﺍﻟﻐﺮﻓﻪ ﻭﻫﻲ ﺗﻠﻐﻲ ﻭﻏﺰﻝ ﺗﺒﺎﻭﻉ ﻋﻠﻴﻬﺎ ﺗﺪﺭﻳﻦ ﻃﻮﻝ ﻋﻤﺮﻱ ﺍﺗﻤﻨﻰ ﺍﺷﻮﻑ ﺍﻟﺸﻴﺦ ﺍﻣﻴﺮ ﻳﻜﻮﻟﻮﻥ ﻳﺨﻮﻑ ﻭﻣﺤﺪ ﻳﻜﺪﺭ ﻳﺒﺎﻭﻉ ﺑﻌﻴﻮﻧﻪ ﺑﺲ ﺍﻧﺘﻲ ﻭﻟﻮﻣﺎ ﺍﻧﺘﻲ ﻛﺎﻥ ﺳﻴﻄﺮ ﻛﻞ ﻛﻞ ﺍﻟﺪﻳﺮﻩ ﺳﻤﻌﺖ ﻫﻮﺍﻳﻪ ﻗﺼﺺ ﻭﺍﻟﻲ ﺻﺎﺭ ﻗﺒﻞ ﺳﻨﻮﺍﺕ ﺑﻬﺬﺍ ﺍﻟﻮﺍﺩﻱ ﻭﺍﻧﻮ ﺍﻧﺘﻲ ﺍﻟﺴﺒﺐ ﺑﻤﻮﺗﻪ ﺍﻧﺘﻲ ﺍﻟﻲ ﺧﻠﻴﺘﻲ ﻛﺮﻡ ﻳﺨﻠﺺ ﻣﻨﻪ ﺑﺲ ﺍﻧﺘﻲ ﺍﻟﻲ ﺭﺟﻌﺘﻴﻪ ﻟﻴﺶ ﻣﻮ ﺍﻧﺘﻲ ﺍﻟﻲ ﺧﻠﺼﺘﻴﻨﻪ ﻣﻨﻪ ﺗﺪﺭﻳﻦ ﻛﻢ ﻭﺍﺣﺪ ﻣﺎﺕ ﻣﻦ ﻭﺭﺍﻩ ﺑﻌﺪﻳﻦ ﻟﻴﺶ ﺧﻨﺘﻲ ﻛﺮﻡ ﻭﺍﻟﻠﻪالعضوة: 522131 , 5 years ago
ﺣﻠﻮ ﻭﻳﺨﺒﻞ ﻳﻮﻣﻴﺎ ﺍﺩﻋﻲ ﻫﻮ ﺍﻟﻲ ﻳﺮﺑﺢ ﺑﺲ ﺗﺪﺭﻳﻦ ﺷﻐﻠﻪ ﺯﻭﺟﺞ ﺍﻟﻲ ﺳﻮﺍﻩ ﺩﻳﺨﻮﻓﻨﻪ ﻛﻠﻤﺎ ﺍﺣﺪ ﻳﺮﻭﺣﻠﻪ ﺣﺘﻰ ﻳﺘﻔﺎﻫﻤﻮﻥ ﻣﻴﺮﺟﻊ ﻻﻥ ﺯﻭﺟﺞ ﻳﻘﺘﻠﻪ ﻭﻟﺞ ﺳﻮﺍﻫﺎ ﻣﺠﺰﺭﻩ ﻳﻜﺘﻞ ﺑﺎﻻﻭﺍﺩﻡ ﺷﻨﻮ ﻣﺤﺪ ﻳﻜﺪﺭﻟﻪ ﺗﻜﻮﻟﻴﻦ ﺷﺎﺩ ﻣﺤﺮﻙ ﻭﻳﺜﺮﻡ ﺑﺎﻟﻌﺎﻟﻢ . ﺑﻌﺪ ﻣﺎ ﺳﻤﻌﺖ ﻏﺰﻝ ﻫﺎﻟﻜﻼﻡ ﺍﻧﺪﺍﺭﺕ ﻉ ﺳﻤﺮﻩ ﻣﺘﻔﺎﺟﺌﻪ ﻋﺮﻓﺖ ﺍﻧﻮ ﺍﻣﻴﺮ ﻋﺎﻳﺶ ﻳﻌﻨﻲ ﺍﻣﻴﺮ ﻣﺎﺑﻴﻪ ﺷﻲ ﻛﻠﺒﻬﺎ ﺭﺍﺩ ﻳﻮﻛﻒ ﻏﺰﻝ . ﺷﻨﻮ ﺷﻜﻠﺘﻲ ﺯﻭﺟﻲ ﻗﺮﻳﺐ ﻳﻌﻨﻲ ﻫﻮ ﺯﻳﻦ ﻳﻌﻨﻲ ﻣﺎﺑﻴﻪ ﺷﻲ ﻭﻳﻨﻪ ﻫﻮ ﻛﻮﻟﻴﻠﻲ ﺳﻤﺮﻩ . ﻳﺎﺍﺍﺍ ﻃﻠﻊ ﻋﻨﺪﺝ ﻟﺴﺎﻥ ﻭﺻﻮﺗﺞ ﺣﻠﻮ ﺗﻐﺮﺩﻳﻦ ﻣﺜﻞ ﺍﻟﺒﻠﺒﻞ ﻭﺗﺤﺠﻴﻦ ﻫﻮﺍﻳﻪ ﻛﻞ ﻫﺎﻻﺳﺌﻠﻪ ﻣﺮﻩ ﻭﺣﺪﻩ ﺳﺎﻟﺘﻴﻬﻢ ﺑﺜﺎﻧﻴﻪ ﺑﺲ ﺑﻜﻞ ﺍﻻﺣﻮﺍﻝ ﻣﺎ ﺍﻛﺪﺭ ﺍﺟﺎﻭﺑﺞ ﻻﻥ ﺍﺗﻌﺎﻗﺐ ﺍﺫﺍ ﺗﻄﻠﻊ ﻣﻨﻲ ﻛﻠﻤﻪ ﻭﺣﺪﻩ ﺍﺗﻘﺪﻣﺖ ﺣﺘﻰ ﺗﺎﺧﺬ ﺍﻟﺼﻴﻨﻴﻪ ﻣﺴﻜﺘﻬﺎ ﻏﺰﻝ ﻣﻦ ﺍﻳﺪﻫﺎ ﻏﺰﻝ . ﻓﺪﻭﻩ ﺑﺲ ﻛﻮﻟﻴﻠﻲ ﻫﻮ ﺯﻳﻦ ﻭﺍﻟﻠﻪ ﻣﺎ ﺍﻛﻮﻝ ﻻﺣﺪ ﻭﺍﻟﻠﻪ ﺗﺮﻛﺘﻪ ﻭﻫﻮ ﻭﺍﻛﻊ ﺑﺪﻣﻪ ﻭﺍﻟﻠﻪ ﻋﻔﺘﻪ ﺩﻳﻤﻮﺕ ﺑﺲ ﻛﻮﻟﻴﻠﻲ ﻭﺍﻟﻠﻪ ﺍﻧﻄﻴﺞ ﺍﻟﻲ ﺗﺮﻳﺪﻳﻪ ﻭﺑﺠﺖ ﺑﺼﻮﺕ ﻋﺎﻟﻲ ﺳﻤﺮﻩ . ﺯﻳﻦ ﻟﺘﺒﺠﻴﻦ ﻭﺍﻧﻲ ﺍﻟﻲ ﻋﺒﺎﻟﻲ ﺍﻧﺘﻲ ﻭﺣﺪﻩ ﺣﺘﻰ ﻗﻠﺐ ﻣﺎ ﻋﻨﺪﺝ ﻟﺘﺨﺎﻓﻴﻦ ﻫﻮ ﻛﻠﺶ ﺯﻳﻦ ﻭﻫﻤﺴﺖ ﺣﺘﻰ ﺳﻤﻌﺖ ﺍﻟﺸﻴﻮﺥ ﻳﺤﺠﻮﻥ ﺑﻴﻪ ﻭﺩﻳﺮﺟﻔﻮﻥ ﻣﻨﻪ ﻣﺪﺯﻭ ﺍﺣﺪ ﺍﺫﺍ ﻣﻘﺘﻠﻪ ﻭﺣﺘﻰ ﺍﻛﻮ ﺷﻴﺦ ﻳﻤﻜﻦ ﻳﺼﻴﺤﻮﻟﻪ ﺍﺑﻮ ﻣﻬﺎ ﺻﺮﺥ ﻉ ﻛﺮﻡ ﻳﻜﻮﻟﻪ ﻻﺯﻡ ﻧﻘﺘﻠﻪ ﺷﻨﻮ ﻣﺸﻜﻠﺘﻪ ﻭﻳﻪ ﺯﻭﺟﺞ ﺍﻳﻜﻮﻝ ﺍﻧﻮ ﻫﻮ ﻗﺘﻞ ﺑﻨﺘﻪ ﺻﺪﻙ ﻫﺎﻟﺤﺠﻲ ﻟﻮ ﺧﺮﺭﻳﻂ ﺳﻮﻟﻔﻴﻠﻲ ﻏﺰﻝ . ﺍﻱ ﺻﺢ ﺑﺲ ﺗﺴﺘﺎﻫﻞ ﺍﻟﻜﺬﺍﺑﻪ ﻭﻫﺴﻪ ﺍﻟﻤﻬﻢ ﺍﻧﻮ ﺍﻣﻴﺮ ﺑﺨﻴﺮ ﻭﻋﺮﻓﺖ ﻟﻴﺶ ﻟﺤﺪ ﻫﺎﻟﻠﺤﻈﻪ ﺍﻣﻴﺮ ﻣﺎﺟﺎﻩ ﻭﻫﺠﻢ ﻋﻠﻴﻬﻢ ﻻﻥ ﺍﻧﻲ ﺍﻫﻨﺎ ﻭﻟﻬﺎﻟﺴﺒﺐ ﻛﺮﻡ ﺣﻄﻨﻲ ﺍﻫﻨﺎ ﺣﺘﻰ ﻳﻀﻤﻦ ﺳﻼﻣﺘﻪ ﻻﻥ ﻳﺪﺭﻱ ﻫﺎﻟﻤﺮﻩ ﺍﻧﻮ ﺣﻴﺨﺼﺮ ﻛﺪﺍﻡ ﺍﻣﻴﺮ ﺑﻬﺎﻻﺛﻨﺎﺀﺀ ﺩﺧﻞ ﻛﺮﻡ ﻭﺩﺍﺭﺕ ﻭﺟﻬﺎ ﻋﻨﻪ ﻭﺳﻤﺮﻩ ﺍﺧﺬﺕ ﺍﻟﺼﻴﻨﻴﻪ ﻭﻃﻠﻌﺖ ﻭﻛﻒ ﻛﺪﺍﻡ ﻏﺰﻝ ﻭﺻﻔﻦ ﻭﻫﻲ ﻣﺘﺒﺎﻭﻉ ﻋﻠﻴﻪ ﻛﻌﺪ ﺑﻌﻴﺪ ﻋﻨﻬﺎ ﻭﻇﻞ ﺳﺎﻛﺖ ﻭﺍﺻﻼ ﻣﻦ ﺍﻟﻴﻮﻡ ﺍﻟﻲ ﺟﺎﺑﻬﺎ ﻟﻠﻴﻮﻡ ﻣﺤﺠﻪ ﻭﻻ ﻛﻠﻤﻪ ﻭﻫﺎﻟﺸﻲ ﺍﺣﺴﻦ ﻟﻐﺰﻝ ﻻﻥ ﻣﺤﺎﺑﻪ ﺍﺻﻼ ﺗﺴﻤﻊ ﺻﻮﺗﻪ ﺿﻠﺖ ﺳﺎﻛﺘﻪ ﺑﺲ ﻣﺘﺤﻤﻠﺖ ﻭﺣﺠﺖ . ﻫﺎﺍ ﺍﻧﺖ ﻫﺴﻪ ﻣﺮﺗﺎﺡ ﺷﻔﻴﺖ ﻏﻠﻴﻠﻚ ﻛﻮﻟﻲ ﻟﺸﻮﻛﺖ ﺣﺘﻈﻞ ﺗﻤﺎﻃﻞ ﺣﺘﻰ ﻳﺠﻴﻚ ﺍﻣﻴﺮ ﻭﻟﻚ ﻛﻞ ﺍﻟﻲ ﻭﻳﺎﻙ ﺑﺲ ﻳﺠﻲ ﺍﻣﻴﺮ ﻳﺪﻳﺮﻭﻥ ﺿﻬﺮﻫﻢ ﺍﻟﻚ ﻭﻳﺼﻴﺮﻭﻥ ﻣﺜﻞ ﺍﻟﺨﺮﻓﺎﻥ ﺟﻮﺍﻩ ﻛﺮﻡ . ﻟﺘﻜﻮﻟﻴﻦ ﺍﻧﻮ ﺍﻧﺘﻲ ﺧﺎﻳﻔﻪ ﻋﻠﻴﻪ ﻣﺴﺘﺤﻴﻞ ﺍﺻﺪﻙ ﻫﺎﻟﺸﻲالعضوة: 522131 , 5 years ago
ﻏﺰﻝ . ﻛﺎﻓﻲ ﻛﺮﻡ ﺻﺪﻛﻨﻲ ﺣﺘﺨﺼﺮ ﻭﻫﻮﺍﻳﻪ ﻧﺎﺱ ﺣﺘﺮﻭﺡ ﺍﻧﻲ ﺍﺣﺠﻲ ﻭﻳﻪ ﺍﻣﻴﺮ ﻭﺗﺼﺎﻟﺤﻮﻥ ﺻﺢ ﺍﻧﺖ ﻗﻮﻱ ﺑﺲ ﻫﻮ ﻋﻤﺮﻩ ﻛﻠﻪ ﻛﻀﺎﻩ ﻳﺘﻌﺎﺭﻙ ﻭﻳﻘﺘﻞ ﻣﺮﺍﺡ ﺗﻜﺪﺭ ﺗﻮﻛﻒ ﺑﻮﺟﻪ ﻛﺮﻡ . ﻛﺎﺍﺍﻓﻲ ﻣﺎ ﺍﺭﻳﺪ ﺍﺳﻮﻳﻠﺞ ﺷﻲ ﺍﻧﺪﻡ ﻋﻠﻴﻪ ﺳﺪﻱ ﺣﻠﻜﺞ ﻭﻛﻠﺸﻲ ﺣﻴﺨﻠﺺ ﻋﻦ ﻗﺮﻳﺐ ﺑﻤﻜﺎﻥ ﺛﺎﻧﻲ ﻣﻴﺒﻌﺪ ﻋﻦ ﻏﺰﻝ ﻛﺎﻥ ﺍﻣﻴﺮ ﻛﺎﻋﺪ ﻭﺩﺧﻞ ﻋﻠﻴﻪ ﻓﺮﺍﺱ ﻓﺮﺍﺱ . ﺷﻔﺖ ﺍﺷﻠﻮﻥ ﻣﻦ ﺍﻟﺠﺮﺩﺍﻥ ﻳﺠﻮﻥ ﻳﺘﻮﺳﻠﻮﻥ ﺷﻔﺖ ﺷﻠﻮﻥ ﺿﺮﺑﺘﻬﻢ ﻭﺍﻟﻠﻪ ﺍﻧﻲ ﻗﻮﻱ ﺣﺘﻔﺮﺡ ﺑﻴﻪ ﻟﻤﻴﺎﺀ ﻻﻥ ﺯﻭﺟﻬﺎ ﺑﻄﻞ ﻭﺍﻟﻠﻪ ﺍﻣﻴﺮ ﻛﺎﻥ ﺻﺎﻓﻦ ﻭﻣﻤﻬﺘﻢ ﻛﻞ ﺗﻔﻜﻴﺮﻩ ﺑﻐﺰﻝ ﻻ ﻧﻮﻡ ﻭﻻ ﺍﻛﻞ ﻣﻦ ﻳﻮﻡ ﺍﻟﻲ ﺭﺍﺣﺖ ﻓﺮﺍﺱ . ﺍﻣﻴﺮ ﻧﺎﻡ ﺷﻮﻳﻪ ﺍﺭﺗﺎﺡ ﺷﻜﻠﻚ ﺣﻴﻴﻞ ﺗﻌﺒﺎﻥ ﺍﻣﻴﺮ . ﺍﻧﻲ ﺯﻳﻦ ﻣﺎﺑﻴﻪ ﺷﻲ ﻓﺮﺍﺱ . ﺷﻮﻑ ﺍﻣﻴﺮ ﻣﺒﻘﻰ ﺷﻲ ﻭﻧﺮﺟﻊ ﻏﺰﻝ ﺍﺻﻼ ﻳﺒﻌﺪﻭﻥ ﻋﻨﻪ ﺑﺲ ﻛﻢ ﺳﺎﻋﻪ ﻭﻣﻴﻜﺪﺭ ﻛﺮﻡ ﺍﻳﺎﺫﻳﻬﺎ ﻟﺸﻴﻞ ﻫﻢ ﺑﺲ ﻻﺯﻡ ﺍﻧﺖ ﺗﺮﺗﺎﺡ ﺍﻣﻴﺮ . ﻛﺘﻠﻚ ﻣﺎﺑﻴﻪ ﺷﻲ ﻋﻮﻓﻨﻲ ﻭﺣﺪﻱ ﺷﺎﻑ ﻓﺮﺍﺱ ﺍﻧﻮ ﻣﺎﻛﻮ ﻓﺎﻳﺪﻩ ﻭﻳﺎﻩ ﻓﺎﺣﺴﻦ ﺣﻞ ﻳﻄﻠﻊ ﻭﻳﺴﻜﺖ ﺍﻣﻴﺮ . ﻭﻟﻚ ﻣﺪﺍ ﺍﻛﺪﺭ ﺍﻧﺪﺍﺭ ﻓﺮﺍﺱ ﻋﻠﻴﻪ . ﻣﺎ ﺍﻛﺪﺭ ﺍﻏﻤﺾ ﻋﻴﻮﺗﻲ ﻻﻥ ﺍﺷﻮﻓﻬﺎ ﻣﻦ ﺗﺼﺮﺥ ﻭﺍﺗﺼﻴﺤﻨﻴﺮﺍﺡ ﺍﺗﺨﺒﻞ ﻣﻦ ﺍﻟﺘﻔﻜﻴﺮ ﻣﺪﺍ ﺍﻛﺪﺭ ﺍﺗﻨﻔﺲ ﻛﻞ ﺍﻟﻲ ﺍﺣﺲ ﺑﻴﻪ ﻫﻮ ﺍﻟﻌﺼﺒﻴﻪ ﺭﻭﺣﻲ ﺭﺍﺣﺖ ﻣﻦ ﺍﺧﺬﻭﻫﺎ ﺗﺪﺭﻱ ﺍﻧﻮ ﻫﻲ ﻣﻦ ﺍﺧﺬﻭﻫﺎ ﻣﻜﺎﻧﺖ ﻃﻴﺒﺎﻧﻪ ﺭﺟﻠﻬﺎ ﺑﻌﺪﻫﺎ ﻣﻄﺎﺑﺖ ﻣﺎ ﺍﻋﺮﻑ ﺷﺴﻮﻟﻬﺎ ﺑﺲ ﺍﻓﻜﺮ ﺑﻬﺎﻟﺸﻲ ﺍﺗﻤﻨﻰ ﺍﻃﻠﻊ ﻛﻠﺒﻲ ﻣﻦ ﻣﻜﺎﻧﻪ ﻭﺍﺭﺗﺎﺡ ﻣﻦ ﺍﻟﻮﺟﻊ ﺍﻟﻲ ﺑﻴﻪ ﻻﺯﻡ ﺍﺷﻐﻞ ﺭﻭﺣﻲ ﻻﺯﻡ ﻣﺎ ﺍﻧﺎﻡ ﺣﺘﻰ ﻣﺎ ﺍﻓﻜﺮ ﻭﻳﻘﺘﻠﻨﻲ ﺍﻟﺘﻔﻜﻴﺮ ﻓﺮﺍﺱ . ﺻﺪﻛﻨﻲ ﻫﻲ ﺯﻳﻨﻪ ﺗﺬﻛﺮ ﻣﻦ ﺍﻧﺖ ﺗﻜﻮﻝ ﺍﻧﻲ ﺭﺑﻴﺘﻬﺎ ﻉ ﺍﻳﺪﻱ ﻣﺘﺎﻛﺪ ﺍﻧﻲ ﻫﺴﻪ ﻫﻲ ﺣﺎﻟﻴﺎ ﻣﻜﻔﺮﺗﻬﻢ ﺍﺻﻼ ﻣﺎ ﺍﺳﺘﻐﺮﺏ ﺍﺫﺍ ﺍﺟﻮﻱ ﻫﺴﻪ ﻭﻛﺎﻟﻮﻟﻚ ﺍﺣﻨﺎ ﻟﻐﻴﻨﻪ ﻛﻠﺸﻲ ﺑﺲ ﺍﺧﺬﻫﺎ ﻭﺭﻭﺡ ﺣﺸﻮﻓﻬﺎ ﻋﻦ ﻗﺮﻳﺐ ﺻﺪﻛﻨﻲ . ﺍﻣﻴﺮ . ﺍﻟﻠﻪ ﻛﺮﻳﻢ ﻫﺎﻳﻪ ﺷﻨﻮ ﺑﻴﺪﻙ ﻓﺮﺍﺱ . ﻫﺎ ﺭﺩﺕ ﺍﻧﺴﻪ ﻫﺬﻩ ﺭﺳﺎﻟﻪ ﺍﺟﺘﻲ ﺩﺍﺯﻳﻬﺎ ﻣﻦ ﻃﺮﻓﻬﻢ ﺍﻛﻴﺪ ﻫﺬﻩ ﺭﺳﺎﻟﻪ ﺍﻟﻌﺎﺷﺮﻩ ﺍﻭ ﺍﻻﻛﺜﺮ ﺍﻟﻲ ﻳﻄﻠﺒﻮﻥ ﺑﻴﻬﺎ ﺍﻟﺸﻴﻮﺥ ﺍﻧﻮ ﺗﺴﺎﻣﺤﻢ ﻻﻥ ﻋﺮﻓﻮ ﺷﻐﻠﻪ ﺍﻣﻴﺮ ﺗﻌﺒﺎﻧﻪ ﻭﻳﻜﻮﻟﻮﻥ ﺧﻠﺺ ﺍﺣﻨﺎ ﻣﻌﻠﻴﻨﻪ ﺑﻜﺮﻡ ﺍﺧﺬ ﺍﻟﺮﺳﺎﻟﻪ ﺍﻣﻴﺮ ﻭﻓﺘﺤﻬﺎ ﻭﻣﻦ ﻗﺮﺍﻫﺎ ﻇﻞ ﺻﺎﻓﻦ ﻓﺮﺍﺱ . ﺷﻜﻮ ﺷﻤﻜﺘﻮﺏ ﺑﺎﻭﻉ ﻋﻠﻴﻪ ﺍﻣﻴﺮ . ﺭﻭﺡ ﺍﻃﻠﻊ ﺧﻠﻴﻨﻲ ﻭﺣﺪﻱ ﺍﺭﻳﺪ ﺍﺭﺗﺎﺡ ﻓﺮﺍﺱ . ﺷﻔﺖ ﺷﻠﻮﻥ ﻗﻨﻌﺘﻚ ﺗﺮﺗﺎﺡ ﻭﻟﻚ ﺍﻧﻲ ﻋﻨﺪﻱ ﻣﻤﻴﺰﺍﺕ ﻛﻠﺶ ﻫﻮﺍﻳﻪ ﻭﺍﻟﻠﻪ ﻫﻨﻴﺎﻟﻬﺎ ﻋﻠﻴﻪ ﻟﻤﻴﺎﺀ ﻫﺴﻪ ﻋﺮﻓﺖ ﻣﻼﻙ ﻋﻠﻴﻤﻦ ﺫﻛﻴﻪ ﻃﺎﻟﻌﻪ ﻉ ﺍﺑﻮﻫﺎ ﻓﺪﻳﺘﻬﺎﻭﻃﻠﻊ ﻭﻫﻮ ﻓﺮﺣﺎﻥ ﺑﻤﻜﺎﻥ ﺛﺎﻧﻲالعضوة: 522131 , 5 years ago
ﺩﺧﻠﺖ ﺳﻤﺮﻩ ﻉ ﻏﺰﻝ ﺟﺎﻳﺒﻪ ﺍﻟﻬﺎ ﺍﻻﻛﻞ ﺑﺲ ﻟﻜﺘﻬﺎ ﻧﺎﻳﻤﻪ ﺳﻤﺮﻩ . ﻏﺰﻝ ﻳﻠﻪ ﻛﻮﻣﻲ ﺍﻛﻠﻲ ﻏﺰﻝ . ﻟﻴﺶ ﻛﻌﺪﺗﻴﻨﻲ ﺳﻤﺮﻩ . ﺍﻟﻈﺎﻫﺮ ﻛﻨﺘﻲ ﺗﺤﻠﻤﻴﻦ ﺣﺒﻴﻴﺐ ﺍﻟﻘﻠﺐ ﺳﻮﻟﻔﻴﻠﻲ ﻋﻨﻪ ﺻﺪﻙ ﻳﻜﻮﻟﻮﻥ ﻛﻠﺶ ﺣﻠﻮ ﻭﻣﻜﺎﻥ ﺭﺟﺎﻝ ﺑﺠﻤﺎﻟﻪ ﺿﺎﺟﺖ ﻏﺰﻝ ﻭﻏﺎﺭﺕ ﻉ ﺍﻣﻴﺮ ﺑﺲ ﻋﺮﻓﺖ ﻃﺒﻊ ﺳﻤﺮﻩ ﻭﺟﺎﻭﺑﺘﻬﺎ ﺗﺪﺭﻳﻦ ﻣﻦ ﻛﻨﺎ ﺍﻃﻔﺎﻝ ﻛﻨﺖ ﺍﺣﻂ ﺍﻟﻄﻴﻦ ﻉ ﻭﺟﻬﻪ ﻻﻥ ﺣﻠﻮ ﺣﺘﻰ ﻣﺤﺪ ﺗﺒﺎﻭﻉ ﻋﻠﻴﻪ ﻭﻫﻮ ﻛﻞ ﻣﺮﻩ ﻳﻨﻄﻴﻨﻲ ﻣﺠﺎﻝ ﺍﻭﺳﺦ ﻭﺟﻬﻪ ﺑﺲ ﻳﺒﻴﻦ ﻋﻠﺴﺎﺱ ﺿﺎﺝ ﻧﺰﻟﺖ ﺭﺍﺳﻬﺎ ﻭﻫﻲ ﺗﺬﻛﺮ ﺍﺣﻠﻰ ﺍﻳﺎﻡ ﺣﻴﺎﺗﻬﺎ ﺳﻤﺮﻩ . ﻣﺒﻴﻦ ﻋﻠﻴﺞ ﻛﻠﺶ ﺗﺤﺒﻴﻪ ﺍﺗﻤﻨﻰ ﺍﻟﻜﻲ ﻭﺍﺣﺪ ﻣﺜﻠﻪ ﻳﺤﺒﻨﻲ ﻭﺍﺣﺒﻪ ﻏﺰﻝ . ﻻ ﺍﻧﺘﺒﻬﻲ ﺗﺮﻩ ﺻﺪﻛﻴﻨﻲ ﻫﻴﺠﻲ ﺣﺐ ﻳﻌﺬﺏ ﻭﺍﻧﺘﺒﻬﺖ ﻉ ﺍﻟﺒﺎﺏ ﺳﻤﺮﻩ . ﻟﺘﺨﺎﻓﻴﻦ ﻣﻴﺠﻲ ﻛﺮﻡ ﻫﺴﻪ ﺍﺻﻼ ﺍﻟﻜﻞ ﻣﺠﺘﻤﻊ ﻣﺎ ﺍﻋﺮﻑ ﻟﻴﺶ ﺍﻳﻜﻮﻟﻮﻥ ﺍﻛﻮ ﻭﺍﺣﺪ ﺍﺟﻪ ﻭﻛﻠﺶ ﻣﻬﻢ ﺑﺲ ﻣﺒﻴﻦ ﻳﺨﻮﻑ ﻻﻥ ﺍﻟﻜﻞ ﻣﺴﻨﻔﺮ ﻭﻣﺒﻴﻦ ﻋﻠﻴﻬﻢ ﺍﻟﺨﻮﻭﻑ ﻏﺰﻝ . ﻃﺰﺯﺯ ﺑﻴﻬﻢ ﻣﻴﻬﻤﻨﻲ ﺍﻱ ﺍﺣﺪ ﻋﺴﺎﻫﻢ ﺑﺎﻟﻤﻮﺕ ﺳﻤﺮﻩ . ﻟﻌﺪ ﺭﺟﻌﻲ ﻧﺎﻣﻲ ﺍﺭﺗﺎﺣﻲ ﺍﻧﺘﻲ ﻣﻨﺎ ﻣﺘﺎﻛﻠﻴﻦ ﻉ ﺍﻻﻗﻞ ﺍﻟﻨﻮﻡ ﻳﺮﻳﺤﺞ ﺑﺪﻭﻥ ﺍﻱ ﻣﻘﺪﻣﺎﺕ ﺑﻠﺸﺖ ﻏﺰﻝ ﺗﺼﺮﺥ ﻭﺗﺒﺠﻲ . ﻣﺎ ﺍﺭﻳﺪ ﺍﻧﺎﺍﻡ ﺳﻤﺮﻩ . ﺗﻤﺎﻡ ﻟﺘﻨﺎﻣﻴﻦ ﺍﻧﻲ ﺍﺳﻔﻪ ﺑﺲ ﻟﺘﺒﺠﻴﻦ ﺷﺒﻴﺞ ﻓﻬﻤﻴﻨﻲ ﻏﺰﻝ . ﻣﺸﺘﺎﻗﺘﻠﻪ ﻛﻠﺶ ﻭﺍﻟﻠﻪ ﻛﻠﺸﻲ ﺑﻴﻪ ﻣﺸﺘﺎﻗﻠﻪ ﺑﻌﺪ ﻣﺎ ﺍﺗﺤﻤﻞ ﻛﻠﺒﻲ ﺩﻳﻮﺟﻌﻨﻲ ﻭﺗﺒﺠﻲ ﺑﺎﻋﻠﻰ ﺻﻮﺗﻬﺎ ﺍﺣﺲ ﺑﺮﻭﺣﻲ ﺣﻴﻤﻮﺕ ﻗﺒﻞ ﻣﺎ ﺍﺷﻮﻓﻪ ﺩﺍ ﺍﺣﺲ ﺑﻨﻔﺲ ﺍﻟﺸﻌﻮﺭ ﺍﻟﻲ ﺻﺎﺭ ﺑﻴﻪ ﻗﺒﻞ ﺧﻤﺲ ﺳﻨﻮﺍﺕ ﻣﻦ ﺭﺍﺡ ﻣﻨﻲ ﺩﺍ ﺍﺣﺲ ﺣﻴﺮﻭﺡ ﻣﻨﻲ ﺩﺍ ﺍﺣﺲ ﻛﺮﻡ ﻳﺴﺘﻐﻠﻨﻲ ﺣﺘﻰ ﻳﻘﺘﻠﻪ ﺭﻓﻌﺖ ﺭﺟﻠﻬﺎ ﻭﺣﻄﺖ ﺭﺍﺳﻬﺎ ﺑﻴﻦ ﺭﺟﻠﻬﺎ ﻭﺗﺒﺠﻲ ﺑﺎﻋﻠﻰ ﺻﻮﺗﻬﺎ ﻣﻮﻛﻔﺖ ﻣﻦ ﺍﻟﺒﺠﻲ ﻟﺤﺪ ﻣﺴﻤﻌﺖ ﺻﻮﺕ ﺧﻼﻫﺎ ﺗﺠﻔﻞ ﺭﻓﻌﺖ ﺭﺍﺳﻬﺎ ﻭﺍﻧﺼﺪﻣﺖ ﺑﻠﻲ ﻛﺪﺍﻣﻬﺎ ﺍﻣﻴﺮ ﻭﺑﺎﺑﺘﺴﺎﻣﻪ ﻫﺎﺩﺋﻪ . ﻭﻛﻨﺘﻲ ﺗﺮﻳﺪﻥ ﺗﻌﻮﻓﻴﻨﻲ ﺷﻠﻮﻥ ﺗﺴﻮﻳﻬﺎ ﻭﺍﻧﺘﻲ ﺍﻫﻨﺎ ﺻﺎﺭﻟﺞ ﺍﻳﺎﻡ ﻣﻤﺘﺤﻤﻠﻪ ﺑﻌﺪﻱ ﻋﻨﺞ ﺑﻠﻌﺖ ﻏﺰﻝ ﺭﻳﻜﻬﺎ ﻣﻤﺼﺪﻛﻪ ﺍﻟﻲ ﻛﺪﺍﻣﻬﺎ ﻋﺒﺎﻟﻬﺎ ﺩﺗﺤﻠﻢ ﺿﻠﺖ ﺻﺎﻓﻨﻪ ﻳﻤﻜﻦ ﺍﺗﺨﺒﻠﺖالعضوة: 522131 , 5 years ago
ﺩﺧﻞ ﻛﺮﻡ . ﻛﺪﺍﻣﻚ ﺳﺎﻋﻪ ﻭﺣﺪﻩ ﻭﺩﻳﺮ ﺑﺎﻟﻚ ﺍﺗﺴﻮﻱ ﺍﻱ ﺷﻲ ﺍﺩﺭﻱ ﺗﻜﺪﺭ ﻫﺴﻪ ﺗﻘﺘﻞ ﺍﻟﻜﻞ ﺑﺲ ﻣﺘﻜﺪﺭ ﺗﻄﻠﻊ ﻣﻨﺎ ﻭﻫﻲ ﻭﻳﺎﻙ ﻟﻠﻦ ﻭﻟﺤﺪ ﻣﻨﻜﻢ ﺣﻴﻤﻮﺕ ﻭﺍﻛﻴﺪ ﺣﻴﻜﻮﻥ ﺍﺷﺮ ﻉ ﻏﺰﻝ ﺍﺷﺮ ﻟﺴﻤﺮﻩ ﺣﺘﻰ ﺗﻄﻠﻊ ﻭﻃﻠﻌﻮ ﻭﺗﺮﻛﻮ ﺍﻣﻴﺮﻭﻏﺰﻝ ﺳﻮﻩ ﻏﺰﻝ ﻭﻫﻲ ﺗﻔﻜﺮ ﺍﻧﻮ ﻛﺮﻡ ﺩﺧﻞ ﻭﺣﺠﻪ ﻭﻳﻪ ﺍﻣﻴﺮ ﻳﻌﻨﻲ ﻣﺪﺗﺘﺨﻴﻞ ﻳﻌﻨﻲ ﻫﻮ ﻛﺪﺍﻣﻲ ﺯﻳﻦ ﺷﻠﻮﻥ ﺍﻟﻒ ﺳﺆﺍﻝ ﺍﺟﻪ ﺑﺮﺍﺳﻬﺎ ﺍﺑﺘﺴﻢ ﺍﻣﻴﺮ ﺑﺎﻟﺮﻏﻢ ﻣﻦ ﺟﻮﺍﻩ ﺩﻳﺘﻜﻄﻊ ﻉ ﻏﺰﻝ ﻋﻴﻮﻧﻬﺎ ﻣﻨﺘﻔﺨﻪ ﻣﻦ ﺍﻟﺒﺠﻲ ﻭﺟﻬﺎ ﺫﺑﻼﻥ ﻣﺒﻴﻦ ﻋﻠﻴﻬﺎ ﻣﺘﺎﻛﻞ ﻭﻣﺘﻨﺎﻡ ﻭﺍﻳﺪﻫﺎ ﺍﻟﻤﺮﺑﻮﻃﻪ ﺣﺎﻭﻝ ﻣﻴﻌﺼﺐ ﺣﺘﻰ ﻣﻴﻄﻠﻊ ﻭﻳﻘﺘﻠﻬﻢ ﻛﻠﻬﻢ ﻫﺴﻪ ﺿﻠﺖ ﻏﺰﻝ ﺳﺎﻛﺘﻪ ﻭﺻﺎﻓﻨﻪ ﻋﻠﻴﻪ ﻭﻣﻤﺼﺪﻛﻪ ﻫﻮ ﻛﺪﺍﻣﻬﺎ ﻟﺤﺪ ﻣﺎ ﺗﻘﺪﻡ ﺍﻣﻴﺮ ﻋﻠﻴﻬﺎ ﻭﻛﻌﺪ ﻳﻤﻬﺎ ﻭﻇﻞ ﻳﺒﺎﻭﻉ ﻋﻠﻴﻬﺎ ﻳﺎ ﺍﻟﻠﻪ ﺷﻜﺪ ﻣﺸﺘﺎﻕ ﻟﻬﺎﻟﻮﺟﻪ ﻟﻬﺎﻟﻤﻼﻣﺢ ﻫﺴﻪ ﻳﺎﻟﻪ ﺣﺘﻨﻔﻐﺰﻝ ﺗﺒﺎﻭﻉ ﻋﻠﻴﻪ ﻭﻋﻴﻮﻧﻬﺎ ﺑﻠﺸﺖ ﺗﻨﺰﻝ ﺍﺗﺎﻛﺪﺕ ﺍﻣﻴﺮ ﻛﺪﺍﻣﻬﺎ ﺍﻣﻴﺮ ﻭﻫﻮ ﻳﻤﺴﺢ ﺩﻣﻮﻋﻬﺎ . ﺗﻌﺮﻓﻴﻦ ﺷﺼﺎﺭ ﺑﻴﻪ ﺑﻐﻴﺎﺑﺞ ﺍﺗﻮﻗﻌﺖ ﺑﻌﺪ ﻣﺎ ﺍﺷﻮﻓﺞ ﺭﺩﺕ ﺍﺗﺨﺒﻞ ﻭﻟﺞ ﺍﻟﻰ ﻣﺘﻰ ﺣﺘﻈﻠﻴﻦ ﻫﻴﺠﻲ ﺗﻌﺬﺑﻴﻨﻲ ﺍﻫﻨﺎ ﻏﺰﻝ ﻣﺘﺤﻤﻠﺖ ﻭﺷﻤﺮﺕ ﻛﻞ ﺟﺴﻤﻬﺎ ﻉ ﺍﻣﻴﺮ ﻭﺗﺤﺎﻭﻝ ﺗﺤﻀﻨﻪ ﻭﺗﺸﻢ ﺭﻳﺤﺘﻪ ﻭﻫﻮ ﻳﺸﻤﻬﺎ ﻭﻛﺎﻧﻮ ﺷﻢ ﺭﻳﺤﻪ ﺍﻟﺤﻴﺎﻩ ﺣﻀﻨﻬﺎ ﻭﻫﻮ ﻣﻤﺼﺪﻙ ﻏﺰﻝ ﻭﻫﻲ ﺗﺒﺠﻲ . ﺍﻧﻲ ﺍﺳﻔﻪ ﻻﻥ ﻛﻞ ﺍﻟﺼﺎﺭ ﻣﻦ ﻭﺭﺍﻳﻪ ﺍﺷﺘﺎﻗﻴﺘﻠﻚ ﺑﻌﺪ ﻟﺘﺘﺮﻛﻨﻲ ﺍﺑﺪ ﻣﺎ ﺍﻛﺪﺭ ﺑﻠﻴﺎﻙ ﺍﻧﻲ ﺍﺣﺒﻚ ﺍﻣﻴﺮ . ﻭﺍﻧﻲ ﻫﻢ ﻭﺻﺪﻛﻲ ﺍﻟﺸﻲ ﺍﻟﻲ ﻣﻨﻌﻨﻲ ﺍﻗﺘﻞ ﺭﻭﺣﻲ ﺍﻧﻮ ﺣﺮﺟﻊ ﺍﺷﻮﻓﺞ ﺷﻮﻭ ﺑﺎﻭﻋﻲ ﻋﻠﻴﻪ ﺍﺭﻳﺪ ﺍﺷﻮﻓﺞ ﺯﻳﻦ ﻣﺒﻴﻦ ﻋﻠﻴﺞ ﺍﻟﺘﻌﺐ ﻏﺰﻝ . ﺩﺷﻮﻑ ﺷﻜﻠﻚ ﻋﻠﺴﺎﺱ ﺍﻧﺖ ﻣﻘﺼﺮ ﻣﺒﻴﻦ ﻋﻠﻴﻚ ﺍﻟﺘﻌﺐ ﺷﻠﻮﻥ ﺗﺮﻳﺪ ﺗﻨﻘﺬﻧﻲ ﻭﺍﻧﺖ ﻫﺬﻩ ﺣﺎﻟﺘﻚ ﺍﻣﻴﺮ ﻭﻫﻮ ﻳﻐﻤﺰ ﺍﻟﻬﺎ . ﻣﻨﻮ ﻛﺎﻝ ﺗﻌﺒﺎﻥ ﻣﺸﻔﺘﻲ ﻫﺬﻩ ﺍﻡ ﺍﻟﺸﻌﺮ ﺍﻻﺣﻤﺮ ﺷﻠﻮﻥ ﺗﺒﺎﻭﻉ ﻋﻠﻴﻪ ﺣﺘﻰ ﻣﻜﺪﺭﺕ ﺗﺘﻨﻔﺲ ﻣﻦ ﺷﺎﻓﺘﻨﻲ ﻣﻦ ﺟﻤﺎﻟﻲ ﺿﺮﺑﺘﻪ ﻏﺰﻝ ﻭﺿﺤﻜﺖ ﻏﺰﻝ . ﺷﻜﺪ ﻣﻐﺮﻭﺭ ﻣﺴﻚ ﺍﻣﻴﺮ ﺍﻳﺪﻫﺎ ﻭﻋﻴﻮﻧﻪ ﺣﻤﺮﺕ ﻓﺘﺢ ﺍﻟﺤﺒﻞ ﻭﻛﺎﻝ . ﺍﻻ ﺍﻛﺴﺮ ﺍﻳﺪﻩ ﻭﺍﻟﻠﻪ ﺍﻻ ﺍﺧﻠﻴﻪ ﻳﻨﺪﻡ ﻉ ﺍﻟﻲ ﺳﻮﺍﻩ ﺑﻴﺞ ﻏﺰﻝ . ﻭﺍﻟﻠﻪ ﺍﻧﻲ ﻣﺎ ﺑﻴﻪ ﺷﻲ ﻭﻻ ﻣﺘﻮﺟﻌﻪ ﺑﺲ ﺍﻧﻲ ﺧﺎﻳﻔﻪ ﺷﻠﻮﻥ ﺍﺟﻴﺖ ﺍﻫﻨﺎ ﻫﺪﺩﻭﻙ ﺑﻴﻪ ﻣﻮ . ﺍﻣﻴﺮ . ﻛﻠﺸﻲ ﺍﺣﺠﻴﻠﺞ ﺑﺲ ﺍﺭﻳﺪ ﺍﺷﺒﻊ ﻣﻨﺞ ﺷﻮﻑ ﻫﺴﻪ ﻭﺣﻀﻨﻬﺎ ﻳﺎ ﺍﻟﻠﻪ ﺷﻜﺪ ﻣﺸﺘﺎﻗﻠﺞ ﻣﺜﻞ ﺍﻟﻤﺨﺎﺑﻴﻞ ﻭﻟﺞ ﻭﺭﺑﻲ ﺍﻧﺘﻲ ﺣﺘﻜﻮﻧﻴﻦ ﺳﺒﺐ ﻣﻮﺗﻲالعضوة: 522131 , 5 years ago
ﺑﻌﺪ ﻗﺎﻳﻖ ﻭﻏﺰﻝ ﻛﺎﻧﺖ ﺣﺎﺿﻨﻪ ﺍﻣﻴﺮ ﺑﺲ ﻗﻠﻘﻪ . ﺍﻛﻮﻟﻚ ﺍﻣﻴﺮ ﺷﻌﺠﺐ ﻭﺍﻓﻘﻮ ﻉ ﺍﻟﺼﻠﺢ ﺍﺧﺎﻑ ﻫﺬﻩ ﻟﻌﺒﻪ ﻣﻨﻬﻢ ﻻﻥ ﻳﺪﺭﻥ ﺍﻧﺖ ﻣﻌﺼﺐ ﻋﻠﻴﻬﻢ ﻟﻴﺶ ﻛﺮﻡ ﻗﺒﻞ ﺑﻜﻞ ﺑﺴﺎﻃﻪ ﺷﻨﻮ ﺍﻟﻲ ﺩﻳﺼﻴﺮ ﺍﺣﺠﻴﻠﻲ ﺍﻧﺖ ﺿﺎﻡ ﻋﻠﻴﻪ ﺷﻲ ﺍﻣﻴﺮ . ﻛﺘﻠﺞ ﻣﺎﻛﻮ ﺷﻲ ﻟﺘﺨﺎﻓﻴﻦ ﺍﻟﻜﻞ ﻭﺍﻓﻖ ﻉ ﺍﻟﺼﻠﺢ ﻭﺍﻧﺘﻬﻰ ﺍﻟﻤﻮﺿﻮﻉ ﺧﻠﻴﻨﻲ ﻫﺴﻪ ﺍﺷﺒﻊ ﻣﻨﺞ ﺣﻀﻨﻬﺎ ﻭﺩﻓﻌﺘﻪ ﻏﺰﻝ ﻏﺰﻝ . ﺍﻣﻴﺮ ﻟﺘﻈﻞ ﺗﻌﺎﻣﻠﻨﻲ ﻣﺜﻞ ﺍﻟﻐﺒﻴﻪ ﺷﺴﻮﻳﺖ ﺣﺘﻰ ﻳﻮﺍﻓﻘﻮﻥ ﻋﻠﻴﻚ ﺍﺣﺪ ﻛﻠﻚ ﺍﻧﻲ ﺛﻮﻟﻪ ﻭﺍﺻﺪﻙ ﺑﻜﻼﻣﻚ ﻭﺍﺻﺪﻙ ﺍﻧﻮ ﻛﺮﻡ ﺣﻴﺘﻨﺎﺯﻝ ﻋﻦ ﻛﻠﺸﻲ ﺍﺣﺠﻴﻠﻲ ﺷﻨﻮ ﺍﻟﺼﺎﺭ ﺍﻣﻴﺮ . ﻛﺘﻠﺞ ﻛﻠﺸﻲ ﺍﻧﺘﻬﻰ ﻛﺎﺍﻓﻲ ﻏﺰﻝ . ﺷﻮﻑ ﺍﺩﺭﻱ ﺑﻴﻚ ﺩﺗﻜﺬﺏ ﻣﺒﻴﻦ ﻋﻠﻴﻚ ﻣﻦ ﻋﻴﻮﻧﻚ ﺍﺣﺠﻴﻠﻲ ﺍﻟﺼﺪﻙ ﻭﺍﻟﻠﻪ ﺑﻌﺪ ﻣﺎ ﺍﺗﺤﻤﻞ ﺍﺗﺼﻴﺮ ﺑﻌﺪ ﻣﺼﻴﺒﻪ ﺟﺪﻳﺪﻩ ﻛﻮﻝ ﻟﻴﺶ ﻭﺍﻓﻘﻮ ﻉ ﺍﻟﺼﻠﺢ ﺍﻣﻴﺮ . ﻻﻥ ﺍﻧﻲ ﺟﺒﺮﺗﻬﻢ ﻏﺰﻝ . ﺑﺲ ﻛﺮﻡ ﻣﻜﺎﻥ ﻭﻣﻜﺪﺭﺕ ﺗﻜﻤﻞ ﻛﻼﻣﻬﺎ ﻭﻫﺠﻢ ﺍﻣﻴﺮ ﻋﻠﻴﻬﺎ ﺍﻣﻴﺮ . ﻣﻌﻠﻴﺞ ﺑﻜﺮﻡ ﺍﻧﻲ ﻛﺘﻠﺞ ﺍﻟﻲ ﺻﺎﺭ ﻏﺰﻝ . ﻣﻮ ﻛﺘﻠﻚ ﻣﺮﺍﺡ ﺗﺘﻐﻴﺮ ﺍﺑﺪ ﺷﻮﻑ ﺣﺘﻰ ﻣﺎ ﺍﻛﺪﺭ ﺍﺗﻨﺎﻗﺶ ﻭﻳﺎﻙ ﺍﺫﺍ ﻣﺘﻌﺼﺐ ﻭﺗﺮﻳﺪ ﺗﻀﺮﺑﻨﻲ ﺍﺫﺍ ﻛﻼﻣﻚ ﺻﺢ ﻟﻌﺪ ﻳﻠﻪ ﺍﻣﺸﻲ ﻧﺮﻭﺡ ﻣﻨﺎ ﻭﻧﺮﺟﻊ ﺍﻣﻴﺮ . ﺑﺎﺟﺮ ﺍﺟﻲ ﺍﺧﺬﺝ ﺑﺲ ﻳﺨﻠﺺ ﺍﻻﺟﺘﻤﺎﻉ ﻏﺰﻝ . ﺍﻱ ﺻﺪﻛﺘﻚ ﺍﺣﺠﻴﻠﻲ ﺷﻨﻮ ﺍﻟﻲ ﺻﺎﺭ ﺷﻨﻮ ﺿﺎﻣﻪ ﻋﻠﻴﻪ ﻭﻛﺎﻣﺖ ﺗﺼﺮﺥ ﻭﺍﻟﻠﻪ ﺗﻌﺒﺖ ﺍﻧﻲ ﺗﻌﺒﺖ ﻭﺑﺮﻣﺸﻪ ﻋﻴﻦ ﺳﺤﺒﻬﺎ ﺍﻣﻴﺮ ﻭﺩﻓﻌﻬﺎ ﻉ ﺍﻟﺤﺎﻳﻂ ﺍﻣﻴﺮ ﻭﻫﻮ ﻣﻌﺼﺐ . ﻛﺘﻠﺞ ﻣﻀﻤﻴﺖ ﻋﻠﻴﺞ ﺍﻱ ﺷﻲ ﺍﻧﺸﺎﻟﻠﻪ ﺍﻟﻜﻞ ﻳﻤﻮﺕ ﻣﻌﻠﻴﻪ ﺑﻴﻪ ﻣﺎ ﻏﺰﻳﺪ ﺷﻲ ﺑﻌﺪ ﺍﻛﺘﺸﻔﺖ ﺍﻧﻮ ﻛﻠﺸﻲ ﻣﻴﺴﻮﻩ ﻭﺳﺦ ﺭﺟﻠﺞ ﺍﻧﻲ ﻫﺴﻪ ﻫﺎﺩﺉ ﻻﻥ ﺍﺫﺍ ﺍﻋﺼﺐ ﻭﺍﺧﻠﻴﻪ ﻳﺴﻴﻄﺮ ﻋﻠﻴﻪ ﺭﺍﺡ ﺍﻃﻠﻊ ﻭﺍﻗﺘﻠﻬﻢ ﻛﻠﻬﻢ ﺑﺲ ﻫﺎﻟﺸﻲ ﺣﻴﺨﻠﻴﺞ ﺍﺿﻮﺟﻴﻦ ﺍﻧﻲ ﻫﺎﺩﺉ ﻭﺍﺑﺎﻭﻉ ﻉ ﻋﻴﻮﻧﺞ ﺍﻟﻲ ﻣﻤﺼﺪﻙ ﺩﺍ ﺍﺷﻮﻓﻬﺎ ﺣﺠﻴﺘﻠﺞ ﺍﻟﺼﺪﻙ ﻭﺑﻌﺪ ﻣﺎﻛﻮ ﺍﻱ ﻣﺸﺎﻛﻞ ﺑﻴﻨﻪ ﺑﺎﺟﺮ ﻛﻠﺸﻲ ﺣﻴﺨﻠﺺ ﻭﻋﺪ ﻣﻨﻲ ﻭﻗﺪﻡ ﻭﺟﻬﺎ ﻋﻠﻴﻪ ﺍﻳﺮﻳﺪ ﻳﺒﻮﺳﻬﺎ ﺑﻌﺪ ﻏﺰﻝ ﻭﺟﻬﺎ ﻋﻨﻪ ﻭﺍﻣﻴﺮ ﻛﺎﻝ . ﺗﺒﻮﺳﻴﻨﻲ ﻟﻮ ﺍﺟﺒﺮﺝ ﻏﺰﻝ . ﻣﻮ ﻋﻠﺴﺎﺱ ﻣﻌﺎﻣﻠﺘﻚ ﺣﺘﺘﻐﻴﺮ ﻭﻳﺎﻳﻪ ﻫﻢ ﺭﺟﻌﺖ ﺗﺘﺎﻣﺮ ﺍﻣﻴﺮ . ﻛﺬﺑﺖ ﺑﺲ ﻣﻦ ﺍﺷﺮﺏ ﺍﺗﻐﻴﺮ 😉 ﻏﺰﻝ . ﺑﺲ ﻣﻮ ﺍﻫﻨﺎ ﻭﻟﻚالعضوة: 522131 , 5 years ago
ﺍﻣﻴﺮ . ﺷﻨﻮ ﻣﺸﺘﺎﻗﻠﺞ ﻭﻟﺞ ﻛﺎﻥ ﺳﻮﻳﺖ ﺣﺮﺏ ﺑﺲ ﻋﻠﻤﻮﺩﺝ ﻣﺎ ﺍﺳﺘﺎﻫﻞ ﺷﻲ ﻋﻠﻴﻬﺎ ﻏﺰﻝ . ﺑﺲ ﺗﻌﺮﻑ ﺷﻜﺪ ﺑﺮﻩ ﺍﻟﺒﻴﺖ ﻫﺬﺍ ﻭﻫﻤﻪ ﻳﺘﻤﻨﻮﻥ ﻣﻮﺗﻚ ﻭﻳﻘﺘﻠﻮﻙ ﺍﻣﻴﺮ . ﻭﺷﻨﻮ ﺍﻟﻐﻠﻂ ﺑﺎﻟﻤﻮﺿﻮﻉ ﺍﺻﻼ ﺣﻠﻮ ﻫﺎﻟﺸﻲ ﺍﻟﻜﻞ ﻳﻜﺮﻫﻨﻪ ﺑﺮﻩ ﻭﺍﻟﻤﻮﺕ ﻣﺤﺎﻭﻁ ﺑﻴﻨﻪ ﺍﺻﻼ ﻫﺎﻟﺸﻲ ﻛﻠﺶ ﺭﻭﻣﺎﻧﺴﻲ 😉 ﻏﺰﻝ . ﻳﻌﻨﻲ ﻧﻌﺘﺒﺮﻩ ﺗﻐﻴﻴﺮ ﺑﺲ ﺣﻴﺠﻮﻥ ﻋﻠﻴﻨﻪ ﺍﻣﻴﺮ . ﻻ ﻣﺤﺪ ﻳﺠﻲ ﻳﺠﻲ ﻛﺘﻠﻪ ﺳﺎﻋﻪ ﻭﺍﻃﻠﻊ ﻭﺑﻌﺪﻫﺎ ﻣﺨﻠﺼﺖ ﺍﻟﺴﺎﻋﻪ ﻏﺰﻝ . ﻫﻬﻬﻬﻬﻬﻪ ﻭﺭﺑﻲ ﺍﻧﺖ ﻣﺨﺒﻞ ﺍﻣﻴﺮ . ﺑﻴﺞ ﺑﻌﺪ ﺍﻗﻞ ﻣﻦ ﺳﺎﻋﻪ ﺩﺧﻠﺖ ﺳﻤﺮﻩ ﺣﺘﻰ ﺑﻠﻎ ﺍﻣﻴﺮ ﺍﻧﻮ ﻛﺮﻡ ﻳﻨﺘﻀﺮﻩ ﺑﺮﻩ ﻏﺰﻝ . ﺣﻴﻈﻞ ﺑﺎﻟﻲ ﻳﻤﻚ ﺍﻣﻴﺮ . ﺑﺎﺟﺮ ﺣﻨﻜﻮﻥ ﺳﻮﻩ ﻟﻼﺑﺪ ﻛﻌﺪﻱ ﺍﻫﻨﺎ ﻭﻟﻄﻠﻌﻴﻦ ﻭﻟﺘﺴﻮﻳﻦ ﺍﻱ ﺷﻲ ﺑﺲ ﺍﻧﺘﻀﺮﻳﻨﻲ ﻏﺰﻝ . ﺗﻤﺎﻡ ﺑﺲ ﺍﺣﻠﻔﻠﻲ ﺍﻧﻮ ﻣﺤﻴﺼﻴﺮﻟﻚ ﺍﻱ ﺷﻲ ﺍﻣﻴﺮ . ﺻﺪﻛﻴﻨﻲ ﻣﻴﺼﻴﺮ ﺷﻲ ﻏﺰﻝ . ﺣﻂ ﺍﺑﺎﻟﻚ ﻣﺎﻋﻨﺪﻱ ﻏﻴﺮﻙ ﺍﻧﺖ ﻛﻞ ﺳﻌﺎﺩﺗﻲ ﺳﺤﺒﻬﺎ ﺍﻣﻴﺮ ﻭﺑﺎﺳﻬﺎ ﻭﻃﻠﻊ ﺣﺘﻰ ﺑﺪﻭﻥ ﻣﻴﻠﺘﻔﺖ ﻭﺩﻋﺘﻪ ﻏﺰﻝ ﺑﺪﻣﻮﻋﻬﺎ ﻭﺗﺘﻤﻨﻰ ﺍﻟﺴﻮﺀ ﻳﻜﻮﻥ ﺑﺮﻭﺣﻬﺎ ﻭﻻ ﺑﻴﻪ ﻃﻠﻊ ﺍﻣﻴﺮ ﻭﻣﻌﺼﺐ ﻻﻥ ﺗﺮﻩ ﺣﺐ ﺣﻴﺎﺗﻪ ﺑﺪﻭﻥ ﺣﺘﻰ ﻣﻴﻠﺘﻔﺖ ﻋﻠﻴﻬﺎ ﻻﻥ ﻳﻌﺮﻑ ﻧﻔﺴﻪ ﺍﺫﺍ ﺍﻧﺪﺍﺭ ﻋﻠﻴﻬﺎ ﻣﺮﺍﺡ ﻳﺘﺮﻛﻬﺎ ﺍﺑﺪﺍ ﻛﺮﻡ . ﺷﻨﻮ ﺷﻌﻮﺭﻙ ﻣﻦ ﺗﺘﺮﻙ ﺯﻭﺟﺘﻚ ﻳﻢ ﺭﺟﺎﻝ ﺛﺎﻧﻲ ﻭﺍﻧﺖ ﻣﺘﻜﺪﺭ ﺗﺴﻮﻱ ﺷﻲ ﻫﺎﺍﺍ ﺑﺎﻭﻉ ﺍﻣﻴﺮ ﻋﻠﻴﻪ ﺑﻜﻞ ﺣﻘﺪ ﻭﺑﻠﻤﺢ ﺍﻟﺒﺼﺮ ﻣﺴﻜﻪ ﻣﻦ ﺭﻛﺒﺘﻪ ﺭﺍﺩ ﻳﺨﻨﻜﻪ ﻛﺮﻡ ﻭﻧﻔﺴﻪ ﻣﺘﻘﻄﻊ . ﻻﺯﻡ ﺭﺟﻌﺖ ﻋﻦ ﺍﻻﺗﻔﺎﻗﻴﻪ ﺑﻌﺪ ﻣﺸﻔﺘﻬﺎ ﺍﻣﻴﺮ . ﺑﺎﺟﺮ ﺍﻻ ﺍﺧﻠﻴﻚ ﺗﺪﻓﻊ ﺍﻟﺜﻤﻦ ﺑﺎﺟﺮ ﺍﻧﺪﻣﻚ ﻉ ﺍﻟﻠﺤﻈﻪ ﺍﻟﻲ ﺭﻓﻌﺖ ﻋﻴﻨﻚ ﺑﻴﻬﺎ ﻟﻐﺰﻝ ﺗﺮﻳﺪ ﻧﺘﻌﺎﺭﻙ ﻣﻮ ﺣﻨﺘﻌﺎﺭﻙ ﻭﺷﻤﺮﻩ ﺑﺎﻟﻜﺎﻉ ﻭﻛﺮﻡ ﻛﻮﻩ ﻳﺘﻨﻔﺲ ﺍﻟﺘﻔﺖ ﻉ ﺍﻣﻴﺮ ﺑﻌﺪ ﻣﺘﺮﻛﻪ ﻭﺻﺎﺡ . ﺑﺎﺟﺮ ﺑﺲ ﺍﻧﻲ ﻭﻳﺎﻙ ﺍﻟﻲ ﺣﻨﺘﻌﺎﺭﻙ ﻭ ﻭﺍﺣﺪ ﻣﻦ ﻋﺪﻧﻪ ﺣﻴﻄﻠﻊ ﻋﺎﻳﺶ ﺍﻣﻴﺮ ﺍﻟﺘﻔﺖ ﻋﻠﻴﻪ . ﺍﻱ ﺻﺢ ﺑﺎﺟﺮ ﻧﺤﺴﻤﻬﺎ ﻟﻮ ﺍﻧﻲ ﻟﻮ ﺍﻧﺖ ﻣﺎ ﺍﺭﻳﺪ ﺑﻌﺪ ﺍﺣﺪ ﻳﺨﺴﺮ ﺭﻭﺣﻪ ﻋﻠﻤﻮﺩﻧﻪ ﻳﻼ ﻧﺎﻡ ﺯﻳﻦ ﻻﻥ ﻫﺬﻩ ﺍﺧﺮ ﻳﻮﻡ ﺍﻟﻚ ﻭﺍﻧﺖ ﻋﺎﻳﺶ ﻭﻫﺬﻩ ﺍﺧﺮ ﻛﻠﻤﻪ ﻛﺎﻟﻬﺎ ﺍﻣﻴﺮ ﻭﺭﺍﺡ ﺿﺤﻚ ﻛﺮﻡ ﺑﺲ ﺑﻘﻬﺮ ﻭﺻﺎﺡ . ﺗﺼﺒﺢ ﻉ ﺧﻴﺮ ﺧﻮﻭﻳﻪ . ﺑﻌﺪ ﺳﺎﻋﺎﺕ ﻛﺎﻥ ﻓﺮﺍﺱ ﻳﺼﺮﺥ ﻻﻥ ﺍﻣﻴﺮ ﺭﺍﺡ ﻭﺣﺪﻩ ﻭﺍﺗﻔﻖ ﻭﺷﻠﻮﻥ ﺗﺮﻛﻪ ﻭﺣﺪﻩ ﺍﻣﻴﺮ . ﻻﻥ ﻣﻜﺎﻥ ﻋﻨﺪﻱ ﻣﺠﺎﻝ ﺍﺗﻨﺎﻗﺶ ﻭﻳﻪ ﺍﺣﺪ ﻓﺮﺣﺖ ﻭﺣﺪﻱ ﻓﺮﺍﺱ . ﺷﻨﻮ ﻣﺎﻋﻨﺪﻙ ﻣﺠﺎﻝ ﻭﺷﻠﻮﻥ ﺗﺘﻔﻖ ﺍﻧﻮ ﻣﻨﺘﻌﺎﺭﻙ ﻭﻳﺎﻫﻢالعضوة: 522131 , 5 years ago
ﺑﺲ ﺍﻧﺖ ﻭﻛﺮﻡ ﻭﺭﺍﻫﺎ ﻛﻠﺸﻲ ﻳﻨﺘﻬﻲ ﺷﻠﻮﻥ ﺗﺼﺪﻛﻬﻢ ﺗﺮﻩ ﻛﻞ ﻫﺬﺍ ﺍﻟﻲ ﺩﻳﺴﻮﻩ ﻣﺮﺍﻭﻏﻪ ﻻﻥ ﻳﻌﺮﻓﻮﻥ ﺍﻧﺖ ﺍﻟﻲ ﻣﺴﻴﻄﺮ ﻭﺍﻛﺜﺮ ﺷﻴﺦ ﻳﺨﺎﻓﻮﻥ ﻣﻨﻪ ﻭﻳﺴﻴﻄﺮ ﻋﻠﻴﻬﻢ ﺍﻣﻴﺮ . ﻛﺎﺍﻓﻲ ﻓﺮﺍﺱ ﺑﻌﺪ ﻗﺮﺭﺕ ﻭﺗﺪﺭﻱ ﺍﻧﻲ ﻣﻦ ﺍﻛﻮﻝ ﺷﻲ ﻣﺎ ﺍﺗﺮﺍﺟﻊ ﻋﻨﻪ ﻣﺎ ﺍﺭﻳﺪ ﺍﺣﺪ ﻳﺘﺎﺫﻯ ﺑﻌﺪ ﻣﻦ ﻭﺭﺍﻳﻪ ﺍﻧﻲ ﻭﺣﺪﻱ ﺍﺣﻠﻬﺎ ﻓﺮﺍﺱ . ﻭﺍﻟﻠﻪ ﺻﺎﻳﺮ ﺗﻔﻜﺮ ﺯﻳﻦ ﻳﻌﻨﻲ ﺗﻀﺤﻲ ﺑﻨﻔﺴﻚ ﻋﻠﻤﻮﺩ ﺳﻼﻣﺘﻨﻪ ﺑﺎﻭﻉ ﺍﻣﻴﺮ ﻧﻀﺮﻩ ﻉ ﻓﺮﺍﺱ ﺧﻼﻩ ﻳﺴﻜﺖ ﻭﺭﻩ ﺩﻗﺎﺋﻖ ﻫﻢ ﺳﺎﻟﻪ . ﺍﻛﻮﻟﻚ ﻳﻤﻜﻦ ﺍﻟﻲ ﺻﺎﺭ ﻟﺼﺎﻟﺤﻨﻪ ﻻﻥ ﻣﺴﺘﺤﻴﻞ ﻛﺮﻡ ﻳﻜﺪﺭﻟﻚ ﺍﻣﻴﺮ . ﻣﺎ ﺍﻧﻜﺮ ﺍﻧﻮ ﻫﻮ ﻗﻮﻱ ﺑﺲ ﻣﺴﺘﺤﻴﻞ ﻳﻜﺪﺭﻟﻲ ﻓﺮﺍﺱ . ﺯﻳﻦ ﻣﻌﻘﻮﻟﻪ ﻣﻬﺪﺩﻙ ﺑﺸﻲ ﻋﻠﻤﻮﺩ ﻫﺎﻻﺗﻔﺎﻕ ﺍﻣﻴﺮ . ﻻ ﺍﻧﻲ ﺍﻟﻲ ﺍﻗﺘﺮﺣﺖ ﻋﻠﻴﻪ ﻭﺑﺎﻗﻲ ﺍﻟﺸﻴﻮﺥ ﻭﺍﻓﻘﻮ ﺑﺎﻟﻨﺘﻴﺠﻪ ﻓﺮﺍﺱ . ﺗﻤﺎﻡ ﻟﻌﺪ ﻻﺯﻡ ﻧﺘﺤﻀﺮ ﻫﻮ ﺷﻮﻛﺖ ﺣﻨﺮﻭﺣﻠﻬﻢ ﺍﻣﻴﺮ . ﺍﻟﺼﺒﺢ ﻓﺮﺍﺱ . ﺷﻨﻮ ﺑﻌﺪ 3 ﺳﺎﻋﺎﺕ ﻟﻠﺼﺒﺢ ﺷﻮﻛﺖ ﺍﻟﺤﻚ ﺍﺭﺍﻫﻦ ﻋﻠﻤﻮﺩﻛﻢ ﻭﺍﻟﻠﻪ ﺣﺮﺑﺢ ﻛﻮﻭﻣﻪ ﻣﻦ ﻭﺭﺍﻙ ﻳﻠﻪ ﺍﻧﺖ ﻧﺎﻡ ﺍﺭﺗﺎﺡ ﺷﻮﻳﻪ ﻭﺍﻧﻲ ﺣﺮﻭﺡ ﺍﺟﻤﻌﻬﻢ ﻋﻠﻤﻮﺩ ﺍﻟﺮﻫﺎﻥ ﻭﻃﻠﻊ ﺑﻌﺪ ﻣﻄﻠﻊ ﺍﻣﻴﺮ ﻳﻔﻜﺮ ﻣﺒﻘﻰ ﺷﻲ ﻭﻳﺎﺧﺬ ﻏﺰﻝ ﺑﺤﻈﻨﻪ ﺷﻢ ﻣﻼﺑﺴﻪ ﻛﺎﻥ ﻋﻄﺮﻫﺎ ﺑﻴﻬﺎ ﻇﻞ ﻳﺸﻢ ﻛﺎﻧﻮ ﻫﺬﺍ ﺍﺧﺮ ﻧﻔﺲ ﻳﺎﺧﺬﻩ ﺻﺒﺎﺣﺎ ﻛﺎﻋﺪﻩ ﻏﺰﻝ ﻭﻋﻴﻮﻧﻬﺎ ﻉ ﺍﻟﺒﺎﺏ ﺣﺘﻰ ﻳﺠﻲ ﺍﻣﻴﺮ ﻣﻨﺎﻣﺖ ﻟﺤﻈﻪ ﻭﺣﺪﻩ ﺗﺮﻳﺪ ﺑﺲ ﻳﻄﻠﻊ ﺍﻟﺼﺒﺢ ﺣﺘﻰ ﺗﺮﻭﺡ ﻛﺎﻧﺖ ﻗﻠﻘﺎﻧﻪ ﺣﺘﻰ ﻛﺮﻡ ﻣﻦ ﺍﻟﺒﺎﺭﺣﻪ ﺑﻌﺪ ﻣﺸﺎﻓﺘﻪ ﻭﺣﺘﻰ ﺳﻤﺮﻩ ﻛﻠﻤﺎ ﺗﺴﺎﻟﻬﺎ ﺷﻲ ﺗﻜﻮﻟﻠﻬﺎ ﻣﺎ ﺍﻋﺮﻑ ﻛﺎﻣﺖ ﻭﺗﺮﻭﺡ ﻭﺗﺠﻲ ﺑﺎﻟﻐﺮﻓﻪ ﻭﺗﻠﻌﻦ ﻫﺎﻻﺗﻔﺎﻕ ﺍﻟﻲ ﺍﺗﻔﻘﻮﻩ ﻟﻴﺶ ﺍﺗﺎﺧﺮ ﺍﻛﻮ ﺷﻲ ﺩﺍﺧﻠﻬﺎ ﻳﻜﻮﻟﻠﻬﺎ ﺣﺘﺼﻴﺮ ﻣﺼﻴﺒﻪ ﻭﻛﻞ ﺍﺣﻼﻣﻬﺎ ﺣﺘﺮﻭﺡ ﺑﺲ ﻻ ﻻﺯﻡ ﺗﻮﺧﺮ ﻫﺎﻻﻓﻜﺎﺭ ﻣﻦ ﺭﺍﺳﻬﺎ ﺑﺲ ﺍﻟﻮﻗﺖ ﻛﻠﺶ ﺑﻄﺊ ﻣﺪﻳﻤﺸﻲ ﻭﻫﺬﻩ ﺳﻤﺮﻩ ﻭﻳﻨﻬﺎ ﻣﻦ ﻛﻌﺪﺕ ﺑﺲ ﻣﺮﻩ ﻭﺣﺪﻩ ﺍﺣﺘﻲ ﺑﻤﻜﺎﻥ ﺛﺎﻧﻲ ﺑﻌﻴﺪ ﺑﻤﺴﺎﻓﻪ ﺑﺴﻴﻄﻪ ﻋﻦ ﻏﺰﻝ ﻫﺎﻟﻤﻜﺎﻥ ﻛﺎﻥ ﻓﻌﻼ ﻳﻤﺜﻞ ﺍﻟﻘﻠﻖ ﻭﺍﻟﺨﻮﻑ ﺍﻟﻲ ﺑﻘﻠﺐ ﻏﺰﻝ ﺍﻟﻜﻞ ﻛﺎﻥ ﺳﺎﻛﺖ ﻭﺍﻛﻔﻴﻦ ﻭﻳﺒﺎﻭﻋﻮﻥ ﻉ ﺍﻗﻮﻯ ﺍﺛﻨﻴﻦ ﻣﺘﻮﺍﺟﻬﻴﻦ ﻓﺮﺍﺱ ﻛﺎﻥ ﻣﺘﺎﻛﺪ ﺍﻧﻮ ﺍﻣﻴﺮ ﻣﺤﺪ ﻳﻜﺪﺭﻟﻪ ﺑﺲ ﺣﺎﺱ ﺍﻛﻮ ﺷﻲ ﻣﻮ ﺯﻳﻦ ﺣﻴﺼﻴﺮ ﻳﺒﺎﻭﻉ ﻛﺮﻡ ﻉ ﺍﻣﻴﺮ ﺍﻟﻲ ﻭﺟﻪ ﻛﺎﻥ ﻓﻌﻼ ﻳﺨﻮﻑ ﻣﺴﺘﺤﻴﻞ ﺭﺟﺎﻝ ﻳﻮﻛﻒ ﻣﻘﺎﺑﻴﻠﻪ ﻭﻣﻴﺨﺎﻑ ﻣﻨﻪ ﺑﺲ ﻣﻮ ﻫﻮ ﺍﻟﻲ ﺣﻴﺨﺎﻑ ﻻﻥ ﻛﻞ ﺍﻟﻲ ﻳﺤﺲ ﺑﻴﻪ ﻫﻮ ﺍﻟﻜﺮﻩ ﻭﺑﻠﺸﻮ ﻳﺘﻌﺎﺭﻛﻮﻥ ﻭﺛﺎﺭﺕ ﺍﻟﺮﻣﺎﻝ ﺍﻟﻲ ﺟﻮﺍﻫﻢ ﻣﻦ ﻗﻮﻩ ﺍﻟﻀﺮﺑﺎﺕ ﺍﻟﻲ ﺑﻴﻨﻬﻢ ﺍﻟﻜﻞ ﻳﺒﺎﻭﻉ ﻉ ﺍﻟﻮﺣﺸﻴﻦ ﺍﻟﻲ ﺩﻳﺘﻘﺎﺗﻠﻮﻥ ﻓﺮﺍﺱ ﻳﻔﻜﺮ ﺑﺎﻣﻴﺮ ﻭﻳﺸﻮﻑ ﻗﺮﻩ ﻛﺮﻡ ﻓﻌﻼ ﻛﺎﻥ ﻗﻮﻱ ﺣﻄﺖ ﻏﺰﻝ ﺍﻳﺪﻫﺎ ﻉ ﻛﻠﺒﻬﺎ ﺣﺴﺖ ﺍﻛﻮ ﺷﻲ ﻣﻮ ﺯﻳﻦ ﺩﻳﺼﻴﺮ ﺿﻠﺖ ﺗﺮﻭﺡ ﻭﺗﺠﻲ ﻭﺍﻳﺪﻫﺎ ﻉ ﺭﺍﺳﻬﺎ ﺧﻮﻭﻑ ﻭﻗﻠﻖ ﻣﺴﻴﻄﺮ ﻋﻠﻴﻬﺎ ﻉ ﺍﻣﻴﺮ ﻭﻟﻴﺶ ﻣﺤﺪ ﺍﺟﻪ ﻟﺤﺪ ﻫﺴﻪ ﻋﻠﻴﻬﺎ ﻛﺎﻧﺖ ﺧﺎﻳﻔﻪ ﻛﻠﺶ ﺍﻭﻝ ﻣﺮﻩ ﺗﺨﺎﻑ ﺑﻬﺎﻟﻄﺮﻳﻘﻪ ﻻﻥ ﻋﺮﻓﺖ ﺍﻟﻲ ﺣﻴﺼﻴﺮ ﻫﻮ ﻧﻬﺎﻳﻪ ﻟﻜﻠﺸﻲالعضوة: 522131 , 5 years ago
ﺳﻤﻌﺖ ﺻﻮﺕ ﺍﺣﺪ ﺟﺎﻱ ﻣﺴﺤﺖ ﺩﻣﻮﻋﻬﺎ ﻭﺑﺪﻭﻥ ﻣﺘﻠﺘﻔﺖ ﻛﺎﻟﺖ . ﻟﻴﺶ ﺍﺗﺎﺧﺮﺗﻲ ﻭﺍﻟﻠﻪ ﺍﻟﻒ ﺣﺴﺒﻪ ﺍﺟﺘﻲ ﺍﺑﺎﻟﻲ ﺍﻧﺪﺍﺭﺕ ﻭﺍﻧﺼﺪﻣﺖ ﻣﻦ ﺍﻟﻲ ﺷﺎﻓﺘﻪ ﻭﺣﺴﺖ ﺑﻮﺟﻊ ﻣﻮ ﻃﺒﻴﻌﻲ ﺑﻜﺘﻔﻬﺎ ﺷﺎﻓﺖ ﺍﺑﻮ ﻣﻬﺎ ﻭﻫﻮ ﻳﺤﻂ ﺍﻟﺨﻨﺠﺮ ﺑﻴﻬﺎ ﻭﺳﺤﺒﻪ ﺷﻨﻮ ﺍﻟﻲ ﺩﻳﺼﻴﺮ ﻟﻴﺶ ﺩﺗﺤﺲ ﻛﻠﺸﻲ ﻭﻛﻒ ﻛﺪﺍﻣﻬﺎ ﻛﻠﺸﻲ ﺗﺤﻄﻢ ﻻ ﻻ ﻳﺎﺍﺍﺭﺏ ﻣﻮ ﺍﻫﻨﺎ ﺍﻣﻮﺕ ﻻ ﻣﺮﺍﺡ ﻳﺘﺤﻤﻞ ﻣﻦ ﻳﻌﺮﻑ ﺷﻬﻜﺖ ﻭﻫﻲ ﺗﺒﺎﻭﻉ ﺑﻌﻴﻮﻥ ﺍﺑﻮ ﻣﻬﺎ ﻭﻛﻞ ﺗﻔﻜﻴﺮﻫﺎ ﻳﻢ ﺍﻣﻴﺮ ﻭﺷﻨﻮ ﺣﻴﺼﻴﺮ ﺑﻴﻪ ﺍﺑﻮ ﻣﻬﺎ . ﺍﺗﻮﻗﻌﺘﻲ ﺭﺍﺡ ﺍﺳﺎﻣﺤﺞ ﺍﻧﺘﻲ ﻭﺯﻭﺟﺞ ﻉ ﺍﻟﻲ ﺳﻮﻳﺘﻮﻩ ﺑﻨﺘﻲ ﺍﻟﻮﺣﻴﺪﻩ ﺧﻠﻲ ﻛﺮﻡ ﻳﺘﻔﻖ ﺑﻜﻴﻔﻪ ﻭﻳﺎﻩ ﺑﺲ ﺍﻧﻲ ﻻ ﻫﺬﺍﻙ ﺍﻟﻮﺣﺶ ﺍﺧﺬ ﻣﻨﻲ ﺍﻏﻠﻰ ﺷﻲ ﺍﻣﻠﻜﻪ ﻭﻫﻮ ﺑﻨﺘﻲ ﻭﺍﻧﻲ ﺍﻟﻲ ﺭﺍﺡ ﺍﺧﺬ ﻣﻨﻪ ﺍﻏﻠﻰ ﺷﻲ ﻳﻤﻠﻜﻪ ﺧﺎﻓﺖ ﻏﺰﻝ ﻻﻥ ﻋﺮﻓﺖ ﺣﺘﻤﻮﺕ ﺣﺴﺖ ﺍﻻﻟﻢ ﻳﻨﺰﻝ ﻉ ﻛﻠﺒﻬﺎ ﻭﻛﻮﻩ ﺗﺘﻨﻔﺲ ﻭﺍﻟﺪﻡ ﻣﻴﻮﻛﻒ ﺗﻔﻜﺮ ﺍﻧﻮ ﺣﺘﺮﻭﺡ ﻭﺗﺘﺮﻙ ﺍﻣﻴﺮ ﻫﺎﻟﺸﻲ ﺧﻮﻓﻬﺎ ﺍﻛﺜﺮ ﻣﻦ ﺍﻟﻤﻮﺕ ﻧﻔﺴﻪ ﻧﺰﻟﺖ ﺩﻣﻮﻋﻬﺎ ﻭﻋﺮﻓﺖ ﻫﺬﻩ ﻫﻲ ﻧﻬﺎﻳﺘﻬﺎ ﻣﻮ ﻣﺜﻞ ﺍﻟﻘﺼﺺ ﺗﻨﺘﻬﻲ ﺑﻨﻬﺎﻳﺎﺕ ﺳﻌﻴﺪﻩ ﻏﻤﻀﺖ ﻋﻴﻮﻧﻬﺎ ﻭﻫﻲ ﺗﻔﻜﺮ ﺑﻜﻞ ﻟﺤﻈﻪ ﻋﺎﺷﺘﻬﺎ ﻭﻳﻪ ﺍﻣﻴﺮ ﻣﺴﺘﺴﻠﻤﻪ ﻟﻠﻤﻮﺕ ﻭﺗﺮﺣﺐ ﺑﻴﻪ ﺑﻬﺎﻟﻠﺤﻈﻪ ﺳﻤﻌﺖ ﺻﺮﺧﻪ ﺳﻤﺮﻩ ﻭﻫﻲ ﺗﺮﻛﺾ ﻉ ﺍﺑﻮ ﻣﻬﺎ ﻭﺿﺮﺑﺘﻪ ﻭﻗﺘﻠﺘﻪ ﺑﻤﻜﺎﻧﻪ ﻭ ﻭﻛﻊ ﻉ ﺍﻟﻜﺎﻉ ﺷﻬﻜﺖ ﻏﺰﻝ ﻣﻦ ﺷﺎﻓﺘﻬﺎ ﺳﻤﺮﻩ . ﺩﻡ ﺩﻡ ﺩﻳﻄﻠﻊ ﻣﻨﺞ ﻫﻮﺍﻳﻪ ﺩﻡ ﻋﻔﻴﻪ ﻟﺘﻤﻮﺗﻴﻦ ﻓﺘﺤﻲ ﻋﻴﻮﻧﺞ ﻭﺑﺎﻭﻋﻲ ﻋﻠﻴﻪ ﻣﺤﺪ ﻣﻮﺟﻮﺩ ﺣﺘﻰ ﻳﺴﺎﻋﺪﻧﻲ ﻳﺎﺭﺏ ﺷﺴﻮﻱ ﺣﺎﻭﻟﺖ ﻏﺰﻝ ﺗﺤﺠﻲ ﺑﺲ ﻣﺘﻜﺪﺭ ﻭﺳﻤﺮﻩ ﻛﻠﺸﻲ ﻣﺪﺗﻔﻬﻢ ﻭﻧﺰﻟﺖ ﺭﺍﺳﻬﺎ ﺣﺘﻰ ﺗﺴﻤﻌﻬﺎ ﻏﺰﻝ . ﻭﺩﻳﻨﻲ ﻉ ﺯﻭﺟﻲ ﺳﻤﺮﻩ . ﻻ ﻻ ﺣﺮﻭﺡ ﺍﺷﻮﻓﻠﺞ ﺩﻛﺘﻮﺭ ﻻﺯﻡ ﻳﻌﺎﻟﺠﺞ ﻭﻳﻮﻛﻒ ﺍﻟﺪﻡ ﻛﺎﻣﺖ ﻭﻣﺴﻜﺖ ﻏﺰﻝ ﻓﺴﺘﺎﻥ ﺳﻤﺮﻩ ﻏﺰﻝ . ﺍﻧﻲ ﺩﺍ ﺍﻣﻮﺕ ﺍﺗﺮﺟﺎﺝ ﺳﺎﻋﺪﻳﻨﻲ ﻭ ﻭﺩﻳﻨﻲ ﻳﻢ ﺯﻭﺟﻲ ﻟﻠﻤﺮﻩ ﺍﻻﺧﻴﺮﻩ ﻭﺩﻣﻮﻋﻬﺎ ﺗﻨﺰﻝ ﺗﺒﺎﻭﻉ ﻋﻠﻴﻬﺎ ﺳﻤﺮﻩ ﻭﻛﻠﺒﻬﺎ ﻳﺘﻘﻄﻊ . ﺗﻤﺎﻡ ﺣﺎﺧﺬﺝ ﺍﻟﻪ ﻣﻴﺒﻌﺪ ﻋﻨﻪ ﺑﺲ ﺩﻗﺎﻳﻖ ﻛﻮﻣﻲ ﺍﺧﺬﺝ ﻭﻛﻮﻣﺘﻬﺎ ﻭﻫﻲ ﺗﺼﺮﺥ ﻣﻦ ﺍﻻﻟﻢالعضوة: 522131 , 5 years ago
ﺍﻣﺎ ﻏﺰﻝ ﻭﻛﺮﻡ ﻓﻄﻮﻝ ﺍﻟﻮﻗﺖ ﺍﻟﻀﺮﺏ ﺑﻴﻨﻬﻢ ﻣﺘﻮﺍﺻﻞ ﺻﺢ ﺍﺛﻨﻴﻨﻬﻢ ﺍﺗﺎﺫﻭ ﺑﺲ ﻭﻻ ﻭﺍﺣﺪ ﻣﻨﻬﻢ ﺍﺳﺘﺴﻠﻢ ﺍﺳﺘﻐﺮﺏ ﺍﻣﻴﺮ ﻣﻦ ﻛﺮﻡ ﻻﻥ ﺷﻜﺪ ﻣﻀﺮﺑﻪ ﻭﺍﺫﺍﻩ ﻭﻛﺴﺮﻩ ﺑﺲ ﻻﺧﺮ ﻟﺤﻈﻪ ﻫﻮ ﻣﻘﺎﻭﻡ ﺍﻟﻜﻞ ﻛﺎﻥ ﻣﺴﺘﻐﺮﺏ ﻣﻨﻬﻢ ﻭﺷﻠﻮﻥ ﻣﺘﺤﻤﻠﻴﻦ ﻛﻞ ﻫﺎﻟﻀﺮﺏ ﻭﻓﺮﺍﺱ ﻛﺎﻥ ﻣﺴﺘﻐﺮﺏ ﺷﻠﻮﻥ ﻛﻞ ﻫﺎﻟﻀﺮﺏ ﺑﻜﺮﻡ ﻭﻣﺘﺤﻤﻞ ﻓﻌﻼ ﻛﺎﻥ ﺍﻣﻴﺮ ﺩﻳﻀﺮﺑﻪ ﺑﻜﻞ ﻗﻮﺗﻪ ﺑﺲ ﻫﻮ ﻣﺴﺘﺴﻠﻢ ﻛﺮﻡ . ﻫﺎﺍ ﺗﻌﺒﺖ ﺗﺮﻩ ﺑﻌﺪﻧﻪ ﺑﺎﻟﺒﺪﺍﻳﻪ ﺍﻣﻴﺮ ﺗﻌﺐ ﺣﻴﻞ ﻭﻣﺴﺘﻐﺮﺏ ﻭﻛﺎﻝ . ﺿﺮﺑﻲ ﺍﻟﻚ ﻃﻮﻝ ﺍﻛﺜﺮ ﻣﻦ ﻣﺎ ﻛﻨﺖ ﺍﻋﺘﻘﺪ ﺍﻋﺘﺮﻓﻠﻚ ﺍﻧﻮ ﺍﻧﺖ ﻣﻮ ﺿﻌﻴﻒ ﺑﺲ ﻣﻜﻨﺖ ﻣﺼﻮﺭﻙ ﺑﺲ ﺍﻟﺼﺮﺍﺣﻪ ﺗﺮﻩ ﻣﻠﻴﺖ ﻛﺮﻡ . ﺻﺤﻴﺢ ﻳﺎ ﺍﺧﻮﻳﻪ ﺍﻧﻲ ﻫﻢ ﻣﻠﻴﺖ ﻻﺯﻡ ﻧﻨﻬﻲ ﻫﺴﻪ ﻛﻠﺸﻲ ﺍﻣﻴﺮ ﻭﺑﺎﻋﻠﻰ ﺻﻮﺗﻪ . ﺍﻧﺖ ﻫﻮﻭﻭﺍﻳﻪ ﺗﺤﺠﻲ ﻭﻫﺠﻢ ﻋﻠﻴﻪ ﻭﻣﻦ ﺳﺮﻋﻪ ﺍﻣﻴﺮ ﻟﻜﺮﻡ ﻣﺤﺪ ﻛﺪﺭ ﻳﺸﻮﻑ ﺷﻨﻮ ﺍﻟﻲ ﺻﺎﺭ ﺑﻠﻤﺢ ﺍﻟﺒﺼﺮ ﻫﺠﻢ ﺍﻣﻴﺮ ﻋﻠﻴﻪ ﻭﺿﺮﺑﻪ ﻭﻓﻘﺪ ﻛﺮﻡ ﻭ ﻭﻛﻊ ﺑﺎﻟﻜﺎﻉ ﺍﻟﻀﻮﺑﻪ ﻛﺎﻧﺖ ﻗﻮﻳﻪ ﺑﺎﺗﺠﺎﻩ ﻛﻠﺒﻪ ﻭﻛﻊ ﻓﺮﺍﺱ ﻭﻛﺎﻥ ﻣﻴﻜﺪﺭ ﻳﺘﻨﻔﺲ ﺑﺴﻬﻮﻟﻪ ﻋﺮﻑ ﺍﻧﻮ ﻫﻮ ﺣﻴﻤﻮﺕ ﻣﻦ ﺍﻟﺒﺪﺍﻳﻪ ﺑﺲ ﺍﻟﻲ ﺳﻮﺍﻩ ﺣﺘﻰ ﻳﺜﺒﺖ ﻟﻐﺰﻝ ﻭﻻﻣﻴﺮ ﺍﻧﻮ ﻫﻮ ﻣﻮ ﺟﺒﺎﻥ ﺍﺑﺘﺴﻢ ﻛﺮﻡ . ﺗﺪﺭﻱ ﺍﻣﻴﺮ ﺩﺍﺋﻤﺎ ﻛﻨﺖ ﺍﻋﺮﻑ ﻫﺎﻟﺸﻲ ﺣﻴﺼﻴﺮ ﺑﺲ ﺗﺪﺭﻱ ﻫﺎﻟﺸﻲ ﺯﻳﻦ ﺍﻣﻮﺕ ﻉ ﺍﻳﺪ ﺍﺧﻮﻳﻪ ﺍﺣﺴﻦ ﻣﻦ ﻣﺎ ﺍﻣﻮﺕ ﻉ ﺍﻳﺪ ﻫﺎﻟﺠﺒﻨﺎﺀ ﻻﻥ ﻣﻨﺎﻭﻳﻦ ﻳﺘﺮﻛﻮﻙ ﻋﺎﻳﺶ ﻛﻞ ﺍﻟﻲ ﺻﺎﺭ ﻣﺠﺮﺩ ﺍﻧﻮ ﻳﻠﻬﻮﻙ ﻭﻳﻜﺴﺒﻮﻥ ﻭﻗﺖ ﺍﺧﻮ ﺯﻭﺟﺘﻚ ﻋﺮﻑ ﺍﻧﻮ ﮔﻤﺮ ﺧﺎﻧﺘﻚ ﻭ ﻭﺻﻞ ﺧﺒﺮ ﺍﻧﻮ ﻫﻲ ﻣﺎﺗﺖ ﻭﻋﺮﻑ ﺍﺧﻮﻫﺎ ﺍﻧﺖ ﺍﻟﻲ ﺍﻣﺮﺕ ﺑﻬﺎﻟﺸﻲ ﻭﻫﻮ ﺣﺎﻟﻴﺎ ﻣﺘﻮﺟﻪ ﻟﺒﻴﺘﻚ ﺍﻣﻴﺮ . ﻭﻟﻴﺶ ﻫﺴﻪ ﺩﺗﻜﻮﻝ ﻫﺎﻟﺸﻲ ﻛﺮﻡ . ﻣﺎ ﺍﻋﺮﻑ ﻳﻤﻜﻦ ﺍﻛﺮﻫﻢ ﺍﻛﺜﺮ ﻣﻦ ﻣﺎ ﺍﻛﺮﻫﻚ ﺍﻛﻮﻟﻚ ﻉ ﺳﺮ ﺍﻧﻲ ﻣﻜﺮﻫﺘﻚ ﺍﻧﻲ ﺑﺲ ﻛﻨﺖ ﻣﻌﺼﺐ ﻋﻠﻴﻚ ﻻﻥ ﻣﻦ ﺍﺑﻮﻳﻪ ﻣﺎﺕ ﺍﻣﻲ ﺍﺟﺘﻲ ﻭﻛﻠﺘﻠﻲ ﺍﻧﻮ ﺍﻧﺖ ﺍﺧﻮﻳﻪ ﻭﻋﻤﻲ ﻭﺯﻭﺟﺘﻪ ﺍﺧﺬﻭﻙ ﻣﻨﻬﺎ ﻣﻮ ﻻﻥ ﻣﻴﺼﻴﺮ ﻋﺪﻫﻢ ﺍﻃﻔﺎﻝ ﻻﻥ ﻫﻤﻪ ﻛﺎﻥ ﻋﺪﻫﻢ ﺍﺑﻦ ﺑﺲ ﺑﻌﺪ ﻣﺎ ﺍﺧﻮﻙ ﻧﻤﻴﺮ ﺍﻧﻮﻟﺪ ﻣﻜﺪﺭﺕ ﺍﻣﻚ ﺗﺤﺒﻞ ﺑﻌﺪ ﻓﺤﺒﺘﻚ ﻭﺍﺧﺬﺗﻚ ﻣﻦ ﺍﻣﻲ ﻭﺍﻣﻲ ﻛﺎﻧﺖ ﻣﻮﺍﻓﻘﻪ ﺑﻬﺎﻟﺸﻲ ﻭﺭﺍﻫﺎ ﻭﻟﺪﺗﻨﻲ ﻭﻇﻠﺖ ﺗﺤﺒﻚ ﻣﻦ ﺑﻌﻴﺪ ﺩﺍﺋﻤﺎ ﻣﻦ ﻛﻨﺖ ﺍﺟﻲ ﻭﻳﺎﻫﺎ ﻭﺍﺯﻭﺭﻛﻢ ﻛﺎﻧﺖ ﺗﺸﺘﺮﻳﻠﻚ ﻛﻠﺸﻲ ﻭﺍﺩﻟﻠﻚ ﻭﺍﻧﻲ ﺍﻛﻮﻝ ﺷﻨﻮ ﺍﻧﻲ ﻣﻮ ﺍﺑﻨﻬﺎ ﻟﻴﺶ