ﻛﻢ ﻣﻦ ﺍﻟﻤﺮﺍﺕ ﺍﺳﺌﻞ ﻧﻔﺴﻲ
ﺍﻳﻦ ﻋﻤﺮﻱ ﻭﻛﻴﻒ ﺻﺎﺭ ﻭﻣﻀﻰ
ﺩﻭﻥ ﺍﻥ ﻳﺨﺒﺮﻧﻰ ﺑﻤﺎ ﺟﺮﻯ ...
ﺍﺳﺘﺮﺟﻊ ﺫﻛﺮﻳﺎﺗﻰ ﻭﺍﺑﻘﻰ ﺻﺎﻣﺘﻪ ..
ﻛﻴﻒ ﻛﺎﻧﺖ ﺣﻴﺎﺗﻲ ﺍﻟﻤﻬﻤﺸﻪ ..
ﺍﺳﻔﺔ ﻋﻠﻰ ﺫﻛﺮﻳﺎﺗﻰ ﻭﻋﻤﺮﺍ ﺿﺎﻉ
ﺍﻧﺎ ﺍﻣﺮﺃﺓ ﺩﻭﻥ ﻗﻨﺎﻉ ﺍﻫﻮﻯ ﺍﻟﺤﺐ
ﻭﺍﻛﺮﻩ ﺍﻟﺨﺪﺍﻉ ﻓﻴﺎ ﻋﻤﺮﻯ ﻛﻔﺎﻧﻰ ﺍﻧﻴﻦ ﺍﻟﺬﻛﺮﻳﺎﺕ ﺍﺭﻳﺪ ﺍﻥ ﺍﺳﺘﻌﻴﺪ ﻧﻔﺴﻲ ﻭﺣﻴﺎﺗﻲ ﻷﻋﻴﺶ ﻛﻤﺎ ﻳﻌﻴﺶ ﺍﻟﺴﻌﺪﺍﺀ ..
ﻣﺮﺣﺒﺎ ﺍﺳﻤﻲ ﺳﻤﺮﺍ .. ﻳﮕﻠﻮﻟﻲ ﺳﻤﺮﻩ ﻫﻴﺞ ﻣﻮ ﺑﺎﻻﻑ ﺍﻧﻲ ﺣﻨﻄﺎﻭﻳﻪ ﺑﺲ ﻋﻴﻮﻧﻲ ﺭﺻﺎﺻﻲ ﺣﻠﻮﻩ ﻭﺷﻌﺮﻱ ﺍﺳﻮﺩ .. ﻭﺍﻟﺪﺗﻲ ﺗﺮﺗﻜﺖ ﻭﺍﻟﺪﻱ ﻭﺍﻧﻲ ﺻﻐﻴﺮﻩ ﺍﻭ ﺑﺎﻻﺣﺮﻯ ﺗﺮﻛﺘﻨﺎ ﺍﺣﻨﺎ ﺍﻻﺛﻨﻴﻦ ﺣﺘﻰ ﻣﺎﺍﺫﻛﺮ ﻣﻼﻣﺤﻬﺎ ﻭﺷﻜﻠﻬﺎ .. ﻻﻥ ﺑﺎﺑﺎ ﻣﺨﻠﻰ ﺻﻮﺭﻩ ﺍﻟﻬﺎ ﺣﺘﻰ ﺍﺷﻮﻓﻬﺎ .. ﻭﻟﺤﺪ ﺍﻻﻥ ﺍﻟﺼﺮﺍﺣﻪ ﻣﺎﺍﻋﺮﻑ ﻟﻴﺶ ﺗﺮﻛﺘﻪ ﺍﻭ ﺷﻨﻮ ﺍﻟﺴﺒﺐ ..
ﻻﻥ ﺑﺎﺑﺎ ﻣﻴﺠﻴﺐ ﺳﻴﺮﺗﻬﺎ ﻫﻮﺍﻳﻪ .. ﺑﺎﺑﺎ ﺗﺰﻭﺝ ﻋﻤﻮﺩﻱ .. ﺍﺳﻢ ﺯﻭﺟﺘﻪ ﺳﻌﺎﺩ ﺭﺑﺘﻨﻲ ﻭﻧﻄﺘﻨﻲ ﺍﻟﺤﻨﺎﻥ .. ﻟﻜﻦ ﺭﻏﻢ ﻛﻮﻟﺸﻲ ﻛﻨﺖ ﺍﺗﻤﻨﻰ ﻣﺎﻣﺎ ﻣﻮﺟﻮﺩﻩ .. ﻭﺗﺮﻋﺎﻧﻲ ﻫﻲ ﻭﻛﻨﺖ ﺩﺍﻳﻤﺎ ﺍﺳﺄﻝ ﻭﺍﻟﺪﻱ ﻋﻠﻴﻬﺎ ﺑﺲ ﻫﻮ .. ﻣﻴﺠﺎﻭﺏ ﻭﻳﻌﻴﻂ ﻋﻠﻴﻪ ﻭﻳﮕﻮﻟﻲ ﻟﺘﺴﺄﻟﻴﻦ ﻋﻠﻴﻬﺎ .. ﺍﻣﺞ ﺳﻌﺎﺩ ..
ﺻﺤﻴﺢ ﺍﻧﻲ ﻛﻨﺖ ﺩﺍﻳﻤﺎ ﺍﮔﻮﻝ ﻣﺎﻣﺎ ﺳﻌﺎﺩ .. ﻻﻥ ﺍﻟﺤﻖ ﻳﻘﺎﻝ ﻣﻤﻘﺼﺮﻩ ﻋﻠﻴﻪ ﺑﺸﻲ ..
ﻣﺎﻣﺎ ﺳﻌﺎﺩ ﻣﺘﺰﻭﺟﻪ ﻗﺒﻞ ﻭﻣﻄﻠﻘﻪ ﻭﻣﻴﺼﻴﺮ ﻋﻨﺪﻫﺎ ﺍﻭﻻﺩ .. ﻟﻬﺬﺍ ﺑﺎﺑﺎ ﺗﺰﻭﺟﻬﺎ ﺣﺘﻰ ﺗﺮﺑﻴﻨﻲ ﻭﺗﻌﻮﺽ ﺍﻻﻣﻮﻣﻪ ﺑﻴﻪ ﻭﺑﺎﺑﺎ ﺍﻛﺘﻔﻰ ﺑﻴﻪ ﻭﺩﻟﻠﻨﻲ .. ﺑﺲ ﺍﻧﻲ ﻛﺎﻥ ﺍﻛﻮ ﺷﻲ ﻣﻜﺴﻮﺭ ﺩﺍﺧﻠﻲ .. # ﺷﻤﺲ
ﺭﻏﻢ ﻛﻞ ﺍﻟﺪﻻﻝ ﻭﺍﻟﺤﻨﺎﻥ .
ﻟﻮ ﺑﺎﺑﺎ ﻣﺮﻳﺢ ﮔﻠﺒﻲ ﻭﻳﮕﻮﻟﻲ ﻟﻴﺶ ﻣﺎﻣﺎ ﺗﺮﻛﺘﻨﺎ ﻛﺎﻥ ﺍﺭﺗﺎﺣﻴﺖ ..
ﺑﺲ ﻫﺬﺍ ﺍﻟﺸﻲ ﺍﻟﻲ ﻣﺨﻠﻴﻨﻲ ﻣﻤﺮﺗﺎﺣﻪ ﻭﻛﻞ ﻣﺎﺍﻛﺒﺮ ﺗﻜﺜﺮ ﺗﺴﺎﺅﻻﺗﻲ ..
ﻭﺗﺤﺎﻭﻝ ﻣﺎﻣﺎ ﺳﻌﺎﺩ ﺗﻨﺴﻴﻨﻲ ﻭﻻﻥ ﺍﺷﻮﻓﻬﻪ ﺗﻀﻮﺝ ﻣﻦ ﺍﺳﺄﻝ .. ﺑﻄﻠﺖ ﺍﺳﺄﻝ ﻻﻥ ﻫﻲ ﺧﻄﻴﻪ ﺗﻌﺒﺖ ﻭﺭﺑﺘﻨﻲ ﻭﺗﺎﻟﻲ ﺍﻧﻲ ﺍﺟﺮﺣﻬﺎ ﺑﺴﺆﺍﻟﻲ ..
ﻛﺎﻧﻮ ﻋﻤﺎﻣﻲ ﻭﻋﻤﺎﺗﻲ .. ﻣﺎﻫﻠﮕﺪ ﻳﺤﺒﻮﻧﻲ .. ﻭﻳﮕﻠﻮﻟﻲ ﺑﻨﺖ ﺟﻨﺎﻥ ﺍﻛﻴﺪ ﺗﻄﻠﻌﻴﻦ ﻧﻔﺲ ﺍﻣﺞ .. ﺑﺲ ﻋﻨﺪﻱ ﺑﻨﺖ ﻋﻤﻲ ﺯﻳﻨﻪ ﻫﻲ ﺑﻌﻤﺮﻱ ﻭﻳﺎﻱ ﺑﺎﻟﻤﺪﺭﺳﻪ ﺍﺳﻤﻬﺎ ﻫﺪﻯ ..
ﻫﺬﺍ ﺍﻟﺸﻲ ﻳﻀﻮﺟﻨﻲ ﻭﻣﺎﺍﺣﺐ ﺍﺭﻭﺡ ﺍﻟﻬﻢ .. ﻣﻦ ﻫﺬﺍ ﺍﻟﺸﻲ ..
ﻳﻌﻨﻲ ﺗﻘﺮﻳﺒﺎ ﻛﻨﺖ ﻣﻨﻄﻮﻳﻪ ﻉ ﻧﻔﺴﻲ ..
ﺑﺲ ﻛﻨﺖ ﻃﻤﻮﺣﻪ ﻭﺍﺣﺐ ﺍﻟﺤﻴﺎﺓ .. ﻭﻛﺎﻧﺖ ﺷﺨﺼﻴﺘﻲ ﻗﻮﻳﻪ .. ﻭﺍﻟﻲ ﻳﻈﻠﻤﻨﻲ ﻣﺎﺍﺳﻜﺘﻠﻪ .. # ﺷﻤﺲ
ﺑﺄﻣﺘﺤﺎﻧﺎﺕ ﺍﻟﺴﺎﺩﺱ ﺍﻋﺪﺍﺩﻱ .. ﺑﺎﺑﺎ ﺗﻤﺮﺽ ﺻﺎﺭﺕ ﻋﻨﺪﻩ ﺟﻠﻄﻪ ﻭﺍﻟﺘﻬﻴﻨﺎ ﻭﻳﺎﻩ ﺣﺘﻰ ﻣﺎﺩﺭﺳﺖ ﺯﻳﻦ .. ﻭﺍﻣﺘﺤﺎﻧﺎﺗﻲ ﮔﻀﻴﺘﻬﺎ ﺑﻴﻦ ﺍﻟﻤﺴﺘﺸﻔﻰ ﻭﺍﻟﺒﻴﺖ ..
ﻳﻌﻨﻲ ﻣﺮﺕ ﻋﻠﻴﻪ ﺍﺳﻮﺀ ﺍﻳﺎﻡ ..
ﻭﺧﻠﺼﺖ ﺍﻻﻣﺘﺤﺎﻧﺎﺕ ﻭﺍﻧﻲ ﻣﺎﺍﻋﺮﻑ ﺷﻠﻮﻥ ﺧﻠﺼﺘﻬﻦ .. ﻻﻥ ﻛﺎﻥ ﺣﻠﻢ ﺑﺎﺑﺎ ﺍﻧﻪ ﺍﻛﻤﻞ .. ﻓﺮﺟﻌﺖ ﻟﻠﺒﻴﺖ .. ﺣﺘﻰ ﺍﻏﻴﺮ ﻣﻼﺑﺴﻲ ﻭﺍﺭﻭﺡ .. ﻟﻠﻤﺴﺘﺸﻔﻰ ﺍﺷﻮﻑ ﺑﺎﺑﺎ ﻭﻫﻢ ﺗﺮﺟﻊ ﻣﺎﻣﺎ ﺳﻌﺎﺩ ﺧﻄﻴﻪ ﺗﻌﺒﺖ .. # ﺷﻤﺲ
ﻣﻦ ﺭﺟﻌﺖ ﻟﻠﺒﻴﺖ . ﺷﻔﺖ ﻫﻮﺳﻪ ﻭﻋﻤﺎﻣﻲ ﻭﺍﮔﻔﻴﻦ ﺑﺎﻟﺒﺎﺏ ﻭﻋﻴﺎﻁ ﺟﻮﻩ ﺍﻟﺒﻴﺖ ..
ﻋﺮﻓﺖ ﺑﺎﺑﺎ ﺻﺎﺭ ﻋﻠﻴﻪ ﺷﻲ .. ﺑﺲ ﻣﺼﺪﮔﺖ ﻭﺩﺧﻠﺖ ﺍﺑﺠﻲ ﻭﺍﻋﻴﻂ .. ﺍﺗﺒﺎﻭﻉ ﻛﻮﻟﻬﻪ ﻻﺑﺴﻪ ﺍﺳﻮﺩ ﻭﺗﺒﺠﻲ ..
ﺭﺣﺖ ﺍﻟﻤﺎﻣﺎ ﺳﻌﺎﺩ ﻭﺣﻈﻨﺘﻬﺎ ﻭﺍﺑﺠﻲ ..
ﮔﻮﻟﻲ ﻣﺒﻲ ﺷﻲ .. ﻟﺘﮕﻮﻟﻴﻦ ﺑﺎﺑﺎ ﺭﺍﺡ .. ﺑﺎﺑﺎ ﺣﺒﻴﺒﻲ ﻫﻮ ﺍﻟﻲ ﺑﻘﺎﻟﻲ ﺑﻬﺬﻱ ﺍﻟﺪﻧﻴﺎ ..
ﺷﻮﻳﻪ ﻭﺍﺟﻮ ﻋﻤﺎﻣﻲ ﺟﺎﻳﺒﻴﻦ ﺑﺎﺑﺎ ﻣﻦ ﺍﻟﻤﺴﺘﺸﻔﻰ ﺣﺘﻰ ﻧﻮﺩﻋﻪ .. # ﺷﻤﺲ
ﺍﻧﻲ ﻣﻦ ﺷﻔﺖ ﺍﻟﺘﺎﺑﻮﺕ .. ﻓﻘﺪﺕ ﺭﻛﻀﺖ ﻭﺣﻀﻨﺘﻪ .. ﺍﻭﻭﻭﻭﻑ ﺑﺎﺑﺎ ﻟﻴﺶ ﻫﻴﺞ . ﻫﺎﻥ ﻋﻠﻴﻚ ﺗﺘﺮﻛﻨﻲ ﻭﺗﺮﻭﺡ ﺷﻠﻮﻥ ﻧﻄﺎﻙ ﮔﻠﺒﻚ ﺗﺘﺮﻛﻨﻲ ﻭﺣﺪﻱ ﺑﻬﺬﻱ ﺍﻟﺪﻧﻴﺎ ..
ﺑﺎﺑﺎ ﻣﻨﻮ ﺍﻟﻲ ﺑﻌﺪﻙ .. ﻣﻨﻮ ﺳﻨﺪﻱ ﺑﻌﺪﻙ ﺑﺎﺍﺍﺍﺍﺍﺍﺍﺍﺍﺍﺑﺎﺍﺍﺍﺍﺍﺍﺍﺍﺍ
ﻭﺍﻋﻴﻂ ﻭﺍﺑﺠﻲ ﻭﻧﺴﻴﺖ ﺍﻟﻨﺎﺱ ﻛﻮﻟﻬﻪ ﻭﺑﺲ ﺍﺑﺠﻲ ﻭﺍﺣﺠﻲ ﻭﻱ ﺑﺎﺑﺎ ﻭﻳﺮﺩﻭﻥ ﻳﺸﻠﻮﻧﻲ ﻣﻦ ﺍﻟﺘﺎﺑﻮﺕ ﻣﻴﮕﺪﺭﻭﻥ ..
ﻻ ﻋﻔﻴﻪ ﻋﻮﻓﻮﻧﻲ ﺧﻠﻮﻧﻲ ﺍﺷﺒﻊ ﻣﻨﻪ .. ﺑﻌﺪ ﻣﺎﺍﺷﻮﻓﻪ ﺧﻠﻮﻧﻲ ﺍﺷﺘﻢ ﺭﻳﺤﺘﻪ .. ﻭﺍﻧﺎﻡ ﺑﺤﻈﻨﻪ 😭
ﺍﺧﺬﻧﻲ ﻭﻳﺎﻙ ﺑﻮﻳﻪ ﺍﺭﻳﺪﻙ ﻣﺎﺍﺭﻳﺪ ﺍﻟﻐﻴﺮ ♡ ﻭﻛﻮﻥ ﺍﺑﺴﺪﻙ # ﺍﻛﻌﺪ ﻭﺍﻛﻌﺪ ﺍﺑﺴﺪﻱ ♡ # ﻟﺘﺨﻠﻴﻨﻲ ﻭﺣﺪﻱ ♡ ﻣﻨﻴﻦ ﺍﻋﺮﻑ # ﻧﺎﺱ ﻻ ﺍﻛﺪﺭ ﺍﻋﺎﺷﺮ ﻻ # ﺧﻠﻚ ﻋﻨﺪﻱ ♡ ﺍﮔﻌﺪ ﻳﺒﻮﻳﻪ ﺍﻟﻔﺮﮔﻪ ﺗﻜﺘﻞ ﺣﻴﻞ ﺍﮔﻌﺪ ﻭﺣﺪﻱ ﻻﺗﺨﻠﻴﻨﻲ 😭
ﺟﺮﻧﻲ ﻋﻤﻲ ﺣﻴﻞ ﻭﺍﺧﺬﻭﺍ ﺍﺑﻮﻳﻪ ﻣﻨﻲ .. ﻭﺑﻘﻴﺖ ﺍﻋﻴﻂ ﻭﺭﺍﻩ ﻭﺍﺑﺠﻲ ﻭﺍﻟﻨﺎﺱ ﺗﺒﺠﻲ ﻉ ﺣﺎﻟﻲ ﻣﺪﺭﻱ ﻉ ﺑﺎﺑﺎ ..
ﮔﻠﺘﻠﻬﻢ ﺍﺭﻭﺡ ﻭﻳﺎﻛﻢ .. ﻭﺟﺎﺑﺖ ﻫﺪﻯ ﺑﻨﺖ ﻋﻤﻲ ﻋﺒﺎﻳﻪ ﺍﺳﻼﻣﻴﻪ ﻓﻮﮒ ﻣﻼﺑﺴﻲ ﻭﻟﺒﺴﺘﻨﻲ .. # ﺷﻤﺲ
ﻭﺭﺍﺣﻨﺎ ﻭﻳﺎﻫﻢ .. ﺑﻘﻴﺖ ﺍﻟﻄﺮﻳﻖ ﻛﻮﻟﻪ ﺍﺑﺠﻲ .. ﻭﻣﺎﻣﺎ ﺳﻌﺎﺩ ﺑﺼﻔﻲ ﺣﺎﻇﻨﺘﻨﻲ ﻭﺗﺒﺠﻲ ..
ﻭﺻﻠﻨﺎ ﻏﺴﻠﻮﻩ ﻭﺩﻓﻨﻮﻩ ﻭﺷﻠﻮﻥ ﺑﺎﺑﺎ ﺻﺎﺭ ﺟﻮﻩ ﺍﻟﺘﺮﺍﺏ .. ﺍﺗﺮﺟﻴﺘﻬﻢ ﺍﻧﺎﻡ ﻉ ﮔﺒﺮﻩ ﻭﺍﺷﻢ ﺭﻳﺤﺔ ﺗﺮﺍﺑﻪ ﺍﻻﺧﺮ ﻣﺮﻩ ..
ﻓﺴﺤﻮﻟﻲ ﻣﺠﺎﻝ ﻭﺧﻠﻮﻧﻲ ﺍﻧﻲ ﻭﺑﺎﺑﺎ ﻧﺘﻌﺎﺗﺐ .. # ﺷﻤﺲ
ﻋﻤﺖ ﻋﻴﻦ ﺍﻟﺘﺮﺍﺏ ﺍﻟﺼﺮﺕ ﺟﻮﺍﻩ ﻳﺎﺍﺍﺍﺍﺑﻪ 😭
ﻭﺗﺮﻛﺖ ﻭﻳﺎﻱ ﺍﺣﻠﻰ ﺍﻳﺎﻣﻲ ﻭﺳﻨﻴﻨﻲ
ﻣﻨﻮ ﺑﻌﺪﻙ ﺍﻟﻲ ﻭﻣﻨﻮ ﺍﺫﺍ ﻣﺮﺿﺖ ﻳﮕﻠﻲ ﺷﻠﻮﻥ ﺻﺮﺗﻲ ﻳﺎﻋﻴﻨﻲ .
ﻣﻨﻮ ﻳﺸﻴﻞ ﻫﻤﻲ ﻭﺍﻧﺎ ﻫﻤﻲ ﻛﺒﻴﺮ ﻣﻦ ﺻﻐﺮ ﺳﻨﻲ ..
ﺍﻧﻲ ﻣﻦ ﺍﺷﻮﻓﻚ ﺍﻧﺴﻰ ﻧﻔﺴﻲ ﻭﺍﻧﺴﻰ ﺍﻣﻲ ﺍﻟﻲ ﻋﺎﻓﺘﻨﻲ .
ﻻﻥ ﺍﻧﺖ ﺍﺑﻮﻱ ﻭﺍﻧﺖ ﺍﻣﻲ ﻭﺍﻧﺘﻲ ﻛﻮﻟﺸﻲ ﺍﻟﻲ ﻳﺎﺑﻌﺪ ﻋﻤﺮﻱ
ﻫﻢ ﺑﺎﻟﻘﻮﻩ ﺷﺎﻟﻮﻧﻲ ﻣﻦ ﺗﺮﺍﺑﻪ .. ﻣﻌﻘﻮﻟﻪ ﺍﺑﻮﻳﻪ ﺻﺎﺭ ﺟﻮﻩ ﺍﻟﺘﺮﺍﺏ ﻭﺑﻌﺪ ﻣﺎﺍﺷﻮﻓﻪ .. # ﺷﻤﺲ
ﺍﻟﻄﺮﻳﻖ ﻛﻮﻟﻪ ﺍﻓﻜﺮ ﺑﺤﻴﺎﺗﻲ ﺑﻌﺪﻩ ﺷﻠﻮﻥ ﺭﺍﺡ ﺗﻜﻮﻥ .. ﻭﺍﻧﻲ ﺣﺘﻰ ﻋﻤﺎﻣﻲ ﻭﻋﻤﺎﺗﻲ ﻣﻴﺤﺒﻮﻧﻲ ..
ﻭﺷﻠﻮﻥ ﺭﺍﺡ ﺍﻋﻴﺶ .. ﺻﺤﻴﺢ ﺑﺎﺑﺎ ﻣﻮﺿﻒ ﻭﻋﻨﺪﻩ ﺭﺍﺗﺐ .. ﺑﺲ ﻭﺟﻮﺩﻩ ﻏﻴﺮ .. ﻳﻜﻔﻲ ﻛﺎﻥ ﻣﻮﺟﻮﺩ ﺑﻴﻨﺎ ﻭﺍﺣﺲ ﺑﺎﻻﻣﺎﻥ ﺑﻮﺟﻮﺩﻩ .. ﻭﺍﻧﻲ ﺣﺘﻰ ﺍﺥ ﻣﺎﻋﻨﺪﻱ ﻳﺤﻤﻴﻨﻲ ﻣﻦ ﻏﺪﺭ ﺍﻟﺪﻧﻴﺎ
ﻋﺸﺖ ﺍﻳﺎﻡ ﺍﻟﻔﺎﺗﺤﻪ ﻉ ﺍﻟﻤﻐﺬﻱ .. ﻻﺍﻛﻞ ﻭﻻﺍﺷﺮﺏ .. ﻭﺑﺲ ﺩﻣﻮﻋﻲ ﺗﻨﺰﻝ ﻭﺣﺎﺿﻨﻪ ﻣﻼﺑﺲ ﺑﺎﺑﺎ ﻭﺍﺑﺠﻲ .. # ﺷﻤﺲ
ﻭﺍﻟﻨﺴﻮﺍﻥ ﺗﺒﺎﻭﻋﻠﻲ ﺑﺸﻔﻘﻪ ﻭﺗﮕﻮﻝ ﺧﻄﻴﻪ ﻟﻮ ﺍﻣﻬﺎ ﻣﺎﺗﺎﺭﻛﺘﻬﺎ ﻫﺴﺎ ﺣﺘﺒﻘﻰ ﻋﻨﺪ ﺯﻭﺟﻪ ﺍﻻﺑﻮ ﻭﻫﺬﺍ ﺍﻟﻜﻼﻡ ﻛﺎﻥ ﻳﻀﻮﺝ ﻣﺎﻣﺎ ﺳﻌﺎﺩ .. ﻭﻓﻌﻼ ﻻﻥ ﻫﻲ ﻣﻘﺼﺮﺕ ﻭﻳﺎﻱ ﺑﺸﻲ ﺑﺲ ﻟﻮ ﻭﻗﺖ ﻏﻴﺮ ﻫﺬﺍ ﻛﺎﻥ ﺍﻧﻲ ﻋﺮﻓﺖ ﺷﻠﻮﻥ ﺍﺳﻜﺘﻬﻢ .. ﺿﻮﺟﻨﻲ ﺣﻴﻞ ﻛﻞ ﺳﺎﻋﻪ ﺗﺪﺧﻞ ﻭﺣﺪﻩ ﺗﺒﺎﻭﻋﻠﻲ ﻭﺗﺒﻮﺳﻨﻲ ﻭﺗﻤﺸﻲ ..
ﻋﺎﺋﻠﻪ ﺑﺎﺑﺎ ﻧﺎﺱ ﻣﻌﺮﻭﻓﻴﻦ .. ﻟﻬﺬﺍ ﻋﻨﺪﻫﻢ ﻣﻌﺎﺭﻑ ﻫﻮﺍﻳﻪ ﻓﺎﻟﺒﻴﺖ ﺍﺑﺪ ﻣﻔﺮﻍ ﻣﻦ ﺍﻟﻨﺴﻮﺍﻥ .. ﻧﺎﺱ ﻃﺎﺑﻪ ﻭﻧﺎﺱ ﻃﺎﻟﻌﻪ .. ﺑﺲ ﺍﻧﻲ ﻣﺤﺎﺳﻪ ﺑﺎﻟﻨﺎﺱ ﺍﻟﻤﻮﺟﻮﺩﻩ ﻻﻥ ﺻﻮﺭﻩ ﺑﺎﺑﺎ ﻣﻘﺎﺑﻴﻠﻲ ﻓﻨﺴﻴﺖ ﺍﻟﻨﺎﺱ ﻛﻮﻟﻬﻪ . # ﺷﻤﺲ
ﺧﻠﺼﺖ ﺍﻟﻔﺎﺗﺤﻪ .. ﻭﺍﻟﻨﺎﺱ ﻫﺪﺃﺕ ﺑﺲ ﺍﻛﻮ ﻧﺴﻮﺍﻥ ﺗﺠﻲ ﺗﻌﺰﻱ ﻭﺗﺮﻭﺡ .. ﻭﺑﻴﻮﻡ ﺍﺟﺖ ﻣﺮﻩ ﻣﺒﻴﻦ ﻋﻠﻴﻬﺎ ﺍﻟﻮﻗﺎﺭ ﻭﺍﻟﻬﻴﺒﻪ .. ﻫﻲ ﻛﺒﻴﺮﻩ ﺑﺎﻟﻌﻤﺮ ﻭﻭﻳﺎﻫﻪ ﺑﻨﻴﻪ ﺻﻐﻴﺮﻩ .. ﺣﻠﻮﻩ ﻋﻤﺮﻫﺎ ﺗﻘﺮﻳﺒﺎ ﺳﻨﺘﻴﻦ .. # ﺷﻤﺲ
ﺑﻘﻴﺖ ﻋﻴﻨﻲ ﻉ ﺍﻟﻄﻔﻠﻪ ﻣﻼﻙ ﺗﺨﺒﻞ .. ﺍﺳﻤﻬﺎ ﻧﻮﺭ ﻭﻋﺮﻓﺖ ﺍﻟﺒﻨﻴﻪ ﻳﺘﻴﻤﻪ .. ﻫﻢ ﻣﺜﻠﻲ ﻫﺬﺍ ﺍﻟﺸﻲ ﺟﺬﺑﻨﻲ ﻭﻃﻠﻌﻨﻲ ﻣﻦ ﻭﺣﺪﺗﻲ . ﺍﺧﺬﺗﻬﺎ ﻭﺩﺧﻠﺖ ﻟﻠﻐﺮﻓﻪ ..
ﻟﻌﺒﺘﻬﺎ ﻭﻃﻠﻌﺘﻠﻬﺎ ﺣﻠﻮﻳﺎﺕ ﺑﻜﻨﺘﻮﺭﻱ ﻻﻥ ﻛﻨﺖ ﺩﺍﻳﻤﺎ ﻳﺸﺘﺮﻳﻠﻲ ﺑﺎﺑﺎ ﻭﺍﺿﻤﻪ ﺑﺎﻟﻜﻨﺘﻮﺭ ﻣﻦ ﺍﺷﺘﻬﻲ ﺍﻛﻞ ..
ﺍﻟﺒﻨﻴﻪ ﻓﺮﺣﺖ ﻭﺍﻛﻠﺖ ﻭﻳﺎﻱ ﻭﻛﺎﻥ ﺍﻭﻝ ﻣﺮﻩ ﺍﻛﻞ ﻭﺍﺿﺤﻚ ﺑﻌﺪ ﻭﻓﺎﺓ ﺑﺎﺑﺎ .. ﺣﺴﻴﺘﻬﺎ ﺗﺸﺒﻬﻨﻲ ﻭﻧﻔﺲ ﻣﻌﺎﻧﺎﺗﻲ ..
ﻃﻠﻌﻨﺎ ﻟﻼﺳﺘﻘﺒﺎﻝ .. ﻓﮕﻠﺘﻠﻲ ﺍﻟﻤﺮﻳﻪ .. ﻳﺎﻳﻤﻪ ﺍﻟﻠﻪ ﻳﻨﻄﻴﺞ ﺷﻌﺠﺐ ﺍﻛﻠﺖ ﻫﻲ ﺷﺎﻟﻌﻪ ﮔﻠﺒﻲ ﻣﻦ ﻳﻮﻡ ﺍﻟﻲ ﻣﺎﺗﺖ ﺍﻣﻬﺎ ﻟﺴﺎ .. ﻣﺘﺎﻛﻞ ﻭﺗﺒﺠﻲ ..
ﻗﻬﺮﺗﻨﻲ ﺣﻴﻞ ﻣﻦ ﮔﺎﻟﺖ ﻫﻴﺞ .. ﻭﻳﻤﻜﻦ ﻧﻮﺭ ﻫﻢ ﺣﺴﺘﻨﻲ ﺍﺷﺒﻬﻬﺎ ﻟﻬﺬﺍ ﺍﻛﻠﺖ ﻣﻨﻲ ..
# ﺑﻘﻠﻤﻲ _ ﺷﻤﺲ
ﻳﺘﺒﻊ ..
️❤️❤️❤️❤️❤️❤️❤
ﭐﺭﺍﺋﻜﻢ ﺍﺣﺒﺘﻲ
العضوة: 522131 , 6 years ago
ﻭﺍﻟﻌﺼﺮ ﻧﺮﻭﺡ ﺍﻻﻫﻠﻲ ﻻﻥ ﻋﺎﺯﻣﻴﻨﺎ .. ﻳﻠﻪ ﺍﻧﻲ ﻃﺎﻟﻊ . ﺍﺷﻮ ﻫﺬﺍ ﻫﻢ ﻃﻠﻊ ﻭﻗﻔﻞ ﺍﻟﺒﺎﺏ .. ﺷﮕﺪ ﺷﺎﻳﻒ ﻧﻔﺴﻪ .. ﺷﮕﺪ ﺍﻛﺮﻩ ﺍﻟﺮﺟﻞ ﺍﻟﻲ ﻳﻘﻠﻞ ﻣﻦ ﺍﺣﺘﺮﺍﻡ ﺍﻟﻤﺮﻩ . ﺍﻭﻭﻭﻭﻑ ﻳﺎﺭﺑﻲ ﺷﻮﺭﻃﺖ ﺭﻭﺣﻲ .. ﻫﺴﺎ ﺍﻧﻲ ﻋﺎﻳﻔﻪ ﻛﻠﻴﺘﻲ ﻭﮔﺎﻋﺪﻩ ﻫﻨﺎﻳﻪ ﺑﻴﻦ ﺍﺭﺑﻊ ﺣﻴﻄﺎﻥ ﺷﺄﺳﻮﻱ ﻫﺴﺎ .. ﻛﻤﻠﺖ ﺭﻳﻮﮒ ﻭﻏﺴﻠﺖ ﺍﻟﻤﻮﺍﻋﻴﻦ .. ﻭﺭﺗﺒﺘﻪ ﻭﺍﺗﺼﻠﺖ ﻉ ﻣﺎﻣﺎ .. # ﺷﻤﺲ ﻭﻣﺎﺭﺩﺕ ﺍﺿﻮﺟﻬﺎ ﻭﺍﮔﻮﻟﻬﺎ ﺍﻧﻀﺮﺑﺖ ﺑﺎﻭﻝ ﻟﻴﻠﻪ ﺯﻭﺍﺝ ﺍﻟﻲ .. ﻃﻤﻨﺘﻬﺎ ﻋﻠﻴﻪ .. ﺧﻠﺼﺖ ﺍﺗﺒﺎﻭﻉ ﻉ ﺍﻟﺼﺎﻟﻪ ﺻﻐﻴﺮ ﻭﺩﺍﺣﺴﻴﻦ ﺍﻻﺛﺎﺙ ﺑﻲ . ﻃﻠﻌﺖ ﺍﻟﻐﺮﺍﺽ ﺍﻟﺰﺍﻳﺪﻩ ﻟﻼﺳﺘﻘﺒﺎﻝ ﻭﺭﺗﺒﺘﻪ .. ﻭﺭﺗﺒﺖ ﺍﻟﺼﺎﻟﻪ ﺧﻠﻴﺖ ﺑﺲ ﺍﻟﺘﺨﻢ ﻭﺍﻟﺘﻠﻔﺰﻳﻮﻥ .. ﻭﻣﺴﺤﺖ ﺍﻻﺭﺿﻴﺎﺕ .. ﻭﺑﻌﺪﻳﻦ ﺩﺧﻠﺖ ﻟﻠﻐﺮﻓﻪ .. ﺭﺗﺒﺘﻬﺎ ﻭﻃﻠﻌﺖ ﻣﻼﺑﺴﻪ ﺍﻟﻮﺳﺨﻪ .. ﻏﺴﻠﺖ ﻣﻼﺑﺲ ﺑﺲ ﺍﺣﺘﺎﺭﻳﺖ ﺷﻠﻮﻥ ﺍﻧﺸﺮﻫﻦ ﻭﻫﻮ ﻗﺎﻓﻞ ﺍﻟﺒﺎﺏ .. ﻫﻦ ﻧﺎﺷﻔﺎﺕ ﺑﺎﻟﻤﺠﻔﻒ .. ﻃﻠﻌﺘﻬﻦ ﻭﻛﻮﻳﺘﻬﻦ ﻧﺸﻔﻦ ﻭﻋﻠﮕﺘﻬﻦ ﺑﺎﻟﻜﻨﺘﻮﺭ . .. ﺍﺧﺬﺕ ﻣﻼﺑﺴﻲ ﻛﻮﻟﻬﺎ ﻻﻥ ﻫﻢ ﻣﺨﻠﻴﻬﺎ ﺑﺎﻟﻐﺮﻓﻪ ﻭﻱ ﺍﻣﻴﺮ .. ﺍﻧﻲ ﺧﻠﻴﺘﻬﻢ ﺑﺬﻳﺞ ﺍﻟﻐﺮﻓﻪ ﺍﻟﺜﺎﻧﻴﻪ .. ﺍﺗﺼﻠﺖ ﻣﻴﻮﺳﻪ ﻭﺑﻘﻴﻨﺎ ﻧﺴﻮﻟﻒ ﻭﺳﺄﻟﺘﻬﺎ ﻉ ﻧﻮﺭ .. ﻭﮔﺎﻟﺖ ﻳﻠﻪ ﺍﺭﻭﺡ ﻣﺎﻣﺎ ﺗﺼﻴﺢ ﺍﻟﻲ ﺩﺍ ﻧﺠﻬﺰ ﻟﻠﻌﺮﺳﺎﻥ ﺣﻴﺠﻮﻧﻪ ﺍﻟﻌﺼﺮ 😉.. # ﺷﻤﺲ ﺻﺮﺍﺣﻪ ﻣﻠﻞ ﺍﺫﺍ ﻫﻴﺞ ﺍﻟﺮﻭﺗﻴﻦ ﻛﻞ ﻳﻮﻡ .. ﺷﻮﻳﻪ ﻭﺳﻤﻌﺖ ﺍﻟﺒﺎﺏ ﺍﻧﻔﺘﺢ .. ﺍﺗﺒﺎﻭﻋﺖ ﻉ ﻛﻴﻒ ﺷﻔﺖ ﺍﻣﻴﺮ ﺩﺧﻞ ﻭﻣﺤﻤﻞ ﺍﻛﻴﺎﺱ .. ﺭﺣﺖ ﻋﻠﻴﻪ .. ﮔﻮﺗﻠﻪ ﺍﻟﻠﻪ ﻳﺴﺎﻋﺪﻙ .. ﻭﺍﺧﺬﺕ ﻣﻨﻪ ﺍﻻﻛﻴﺎﺱ .. ﺭﺗﺒﺘﻬﻦ ﻣﻦ ﻏﻴﺮ ﻣﺎﺍﺣﺠﻲ ﺍﻱ ﺷﻲ ﻭﻛﻞ ﻣﺎﻳﺮﻳﺪ ﻳﻔﺘﺢ ﻣﻮﺿﻮﻉ .. ﻣﺎﺍﻫﺘﻢ .. ﺭﺗﺒﺖ ﺍﻟﻤﺴﻮﺍﮒ ﻭﺍﻧﻲ ﺳﺎﻛﺘﻪ .. ﺟﺎﻳﺐ ﺍﻟﺴﻮﮒ ﻛﻮﻟﻪ 😂 ﻗﺮﺭﺕ ﺑﻌﺪ ﻣﺎﺍﺣﺠﻲ ﻭﻳﺎﻩ ﺍﻟﻰ ﺍﻥ ﻳﻌﺮﻑ ﺷﻮﻛﺖ ﻳﻌﺎﻣﻠﻨﻲ ﺻﺢ .. ﺟﺎﻳﺐ ﺳﻤﻚ ﻣﺸﻮﻱ ﻭﻃﺮﺷﻲ .. ﻭﺧﺒﺰ ﺣﺎﺭ .. ﺧﻠﻴﺘﻬﻢ ﻉ ﺍﻟﻄﺎﻭﻟﻪ ﺑﻴﻦ ﻣﺎﺳﺒﺢ ﻭﺑﺪﻝ ﻭﻃﻠﻊ .. ﮔﻠﻲ ﺍﮔﻌﺪﻱ ﺍﻛﻠﻲ .. ﺟﺒﺖ ﺻﺤﻦ ﻭﺍﺧﺬﺕ ﻗﻄﻌﻪ ﺻﻐﻴﺮﻩ ﺳﻤﻚ .. ﻭﺧﺒﺰ ﺷﻮﻳﻪ ﻭﺧﻴﺎﺭﺗﻴﻦ ﻣﻦ ﺍﻟﻄﺮﺷﻲ .. ﺧﻠﻴﺘﻬﻢ ﺑﺼﻴﻨﻴﻪ ﺻﻐﻴﺮﻩ ﻭﺩﺧﻠﺖ ﺍﻟﻐﺮﻓﺘﻲ ﻭﻫﻮ ﺑﺲ ﻳﺒﺎﻭﻋﺎﻟﻲ .. # ﺷﻤﺲ ﺗﺎﻟﻲ ﮔﺎﻝ .. ﻭﺍﻧﻲ ﺷﻨﻮ ﮔﺎﻋﺪ ﻫﻨﺎ .. ﺳﻤﺮﺍ .. ﺷﻮﻛﺖ ﻣﺘﺘﻌﺎﻣﻞ ﻭﻳﺎﻱ ﺻﺢ .. ﺍﮔﻌﺪ ﮔﺒﺎﻟﻚ ﻭﺍﻛﻞ ﻫﺎ .. ﻏﺮﺍﺿﻲ ﻧﻘﻠﺘﻬﺎ ﻟﻠﻐﺮﻓﻪ ﺍﻟﺜﺎﻧﻴﻪ .. ﻓﻴﺎﻟﻴﺖ ﺗﺠﻴﺐ ﺳﺮﻳﺮ ﺍﻟﻲالعضوة: 522131 , 6 years ago
ﻭﺍﻟﻨﻮﺭ ﻻﻥ ﺣﺘﻨﺎﻡ ﻭﻳﺎﻱ ﺑﺎﻟﻐﺮﻓﻪ .. ﺍﻣﻴﺮ .. ﻣﺎﺍﻋﺮﻑ ﺷﻨﻮ ﺍﺣﺠﻲ ﻭﻳﺎﻫﻪ ﺍﻧﻲ ﻣﺪﺍ ﺍﺗﻘﺒﻞ ﺣﻴﺎﺗﻲ ﻭﺑﻌﺪﻧﻲ ﻣﺼﺪﻭﻡ . ﻭﻫﻲ ﻣﺒﻴﻦ ﻋﻠﻴﻬﺎ ﻗﻮﻳﻪ ﻭﺣﺘﻌﺒﻨﻲ .. ﺷﻠﻮﻥ ﻳﺎﺭﺑﻲ ﺍﻭﻭﻩ ﻳﺎﺑﻪ ﺧﻠﻲ ﺗﻮﻟﻲ ﻭﻫﺴﺎ ﺍﻧﻲ ﻟﻴﺶ ﻣﻬﺘﻢ ﺯﺍﻳﺪ .. ﻛﻤﻠﺖ ﻏﺪﺍ ﻭﺩﺧﻠﺖ ﻟﻠﻐﺮﻓﻪ ﺍﺭﺗﺎﺡ .. ﻭﻏﻔﻴﺖ ﺷﻮﻳﻪ . ﻣﺎﺣﺴﻴﺖ ﺍﻻ ﺍﻟﺒﺎﺏ ﺗﻨﺪﮒ .. ﺻﻮﺕ ﺳﻤﺮﺍ . ﺍﻣﻴﺮ ﺍﻟﺴﺎﻋﻪ ﺍﺭﺑﻌﻪ ﻣﻮ ﻋﺴﺎﺱ ﻧﺮﻭﺡ ﺍﻻﻫﻠﻚ .. ﻃﻔﺮﺕ .. ﻫﺴﺎ ﺟﺎﻱ .. ﻧﺴﻴﺖ ﻣﺘﻮﺍﻋﺪ ﻭﻱ ﺍﻫﻠﻲ .. ﻓﺘﺤﺖ ﺍﻟﻜﻨﺘﻮﺭ ﺷﻔﺖ ﻣﻼﺑﺴﻲ ﻣﺎﻝ ﺑﺎﺭﺣﻪ ﻣﻐﺴﻮﻻﺕ ﻭﻣﻜﻮﻳﺎﺕ ﻭﻣﻌﻄﺮﺍﺕ . ﺍﺑﺘﺴﻤﺖ .. ﻃﻠﻌﺖ ﻗﻤﻴﺺ ﻭﺑﻨﻄﺮﻭﻥ ﺣﻈﺮﺗﻬﻦ ﻭﻃﻠﻌﺖ ﻏﺴﻠﺖ ﻭﺭﺟﻌﺖ ﻭﻣﺎﺷﻔﺖ ﺳﻤﺮﺍ ﺍﻛﻴﺪ ﺩﺍ ﺗﺤﻈﺮ ﺭﻭﺣﻬﺎ .. # ﺷﻤﺲ ﻃﻠﻌﺖ ﺻﺤﺖ ﺳﻤﺮﺍ ﻭﻳﻨﺞ ﺧﺒﺼﺘﻴﻨﻲ ﻭﺗﺎﻟﻲ ﻟﺴﺎ ﻣﻤﺨﻠﺼﻪ ﻓﺘﺤﺖ ﺍﻟﺒﺎﺏ ﺗﻌﺠﺒﺖ ﻣﻮ ﺫﻳﺞ ﺳﻤﺮﺍ ﺍﻟﻲ ﺍﻋﺮﻓﻬﺎ .. ﺳﻤﺮﺍ .. ﺍﻟﻈﻬﺮ ﻣﺎﻧﻤﺖ ﻧﻀﻔﺖ ﺍﻟﻤﻄﺒﺦ .. ﻭﺩﺧﻠﺖ ﺳﺒﺤﺖ ﻭﻧﺸﻔﺖ ﺷﻌﺮﻱ ﻭﺧﻠﻴﺖ ﻣﻴﻚ ﺍﺏ ﺧﻔﻴﻒ ﻭﻛﺤﻠﻪ ﺍﻭﻝ ﻣﺮﻩ ﺍﺧﻠﻲ ﺣﺪﺩﻥ ﻋﻴﻮﻧﻲ ﻭﻃﻠﻌﻦ ﻳﺨﺒﻠﻦ .. ﻭﺧﻠﻴﺖ ﻣﺎﺳﻜﺮﺍ .. ﺍﻣﻤﻤﻤﻢ ﺭﻣﻮﺷﻲ ﺻﺎﺭﺕ ﻋﺒﺎﻟﻚ ﺍﺻﻄﻨﺎﻋﻲ .. ﻭﻟﺒﺴﺖ ﻛﻴﻠﻮﺕ ﻣﺎﺭﻭﻧﻲ ﻃﻮﺥ ﻭﻗﻤﻴﺺ ﺍﺑﻴﺾ ﻭﻓﻮﮔﺎﻩ ﺳﺘﺮﻩ ﻣﺎﺭﻭﻧﻲ ﺣﻠﻮﻩ ﻭﻟﻔﻴﺖ ﺷﺎﻝ ﺍﺑﻴﺾ ﻭﺑﻲ ﻧﻘﺸﻪ ﻣﺎﺭﻭﻧﻲ ﻓﺪﻳﺘﻨﻲ ﺍﺧﺒﻞ .. ﻣﻦ ﮔﺎﻡ ﻳﻌﻴﻂ ﺍﻣﻴﺮ . ﻓﺘﺤﺖ ﺍﻟﺒﺎﺏ ﻫﻮ ﺻﺎﺭ 😨 ﻫﻴﺞ ﻫﻬﻬﻬﻪ .. ﻛﻞ ﺍﻟﺮﺟﺎﻝ ﻫﻴﺞ ﻳﺴﻮﻭﻥ ﻧﻔﺴﻬﻢ .. ﺯﻭﺭﻭ ﻭﺗﺎﻟﻲ ﻣﻦ ﻳﺸﻮﻓﻮﻥ ﻭﺣﺪﻩ ﻻﺑﺴﻪ ﻭﺣﻠﻮﻩ ﻳﺼﻴﺮﻭﻥ ﺭﻭﻣﻴﻮ 😂 ﺷﻠﺖ ﺧﺸﻤﻲ ﻋﻠﻴﻪ ﻭﻃﻠﻌﺖ ﮔﺪﺍﻣﻪ .. ﻫﻮ ﺑﻘﻰ ﺻﺎﻓﻦ ﺍﻟﺘﻔﺘﺖ ﻋﻠﻴﻪ .. ﮔﻮﺗﻠﻪ ﺩﻳﻠﻪ ﻣﺘﻤﺸﻲ ﻟﻮ ﻏﻴﺮﺕ ﺭﺃﻳﻚ .. # ﺑﻘﻠﻤﻲ _ ﺷﻤﺲ # ﻳﺘﺒﻊ …العضوة: 522131 , 6 years ago
ﺳﻤﺮﺍ ﺫﺍﺏ ﺍﻟﻘﻠﺐ ﻓﻲ ﻫﻮﺍﻫﺎ ﻭﺗﺎﻩ 😍 ﺍﺩﺭﻱ ﺑﻴﻬﺎ ﺗﺮﻳﺪ ﺗﺨﺒﻠﻨﻲ ﺳﻤﺮﺍ .. ﺍﻭﻭﻭﻭﻑ ﻣﻨﺞ ﻳﻤﻪ ﻣﻨﻴﻦ ﺟﺒﺘﻴﻠﻲ ﻫﺬﻱ ﺍﻟﻄﺮﮔﺎﻋﻪ .. ﺣﻠﻮﻩ ﻭﻗﻮﻳﻪ .. # ﺷﻤﺲ ﻭﺻﻠﻨﺎ ﺍﻟﺒﻴﺖ ﺍﻫﻠﻲ ﻭﻟﮕﻴﺖ ﺑﻴﺖ ﻋﻤﻲ ﻫﻢ ﻫﻨﺎﻙ .. ﺟﺎﻳﻴﻦ ﺣﺘﻰ ﻳﺒﺎﺭﻛﻮﻥ .. ﻣﻦ ﺩﺧﻠﺖ ﺷﻔﺖ ﺭﺍﻓﺪ ﺟﺎﻱ ﻭﻳﺎﻫﻢ . ﺿﺠﺖ ﻫﻮ ﺍﺑﻦ ﻋﻤﻲ ﻭﺍﺣﺒﻪ ﺑﺲ ﺍﺑﻮ ﺑﻨﺎﺕ ﻭﻋﻴﻨﻪ ﺯﺍﻳﻐﻪ .. ﻭﺍﻧﻲ ﺻﺎﺭﺕ ﻋﻨﺪﻱ ﺣﺎﻟﻪ ﺍﻏﺎﺭ ﻣﻦ ﺍﻟﻬﻮﻯ ﺣﺘﻰ ﻉ ﺑﻨﺘﻲ . ﻭﻃﺒﻌﺎ ﺍﻧﻲ ﺍﻏﺎﺭ ﺣﺘﻰ ﻉ ﻣﻴﻮﺳﻪ ﻣﻨﻪ ﻣﻮ ﺑﺲ ﻉ ﺳﻤﺮﺍ .. ﺳﻤﺮﺍ ﺩﺧﻠﺖ ﺍﻟﺒﻴﺖ ﺍﻫﻠﻪ ﺳﻠﻤﺖ ﻋﻠﻴﻬﻢ ﻭﺑﻮﺳﺖ ﺍﻳﺪ ﻋﻤﻲ .. ﻧﺎﺱ ﻃﻴﺒﻴﻦ ﻭﺣﺒﺎﺑﻴﻦ ﻭﺳﻠﻤﺖ ﻉ ﺑﻴﺖ ﻋﻤﻬﻢ ﺟﺎﻳﻴﻦ ﻳﺒﺎﺭﻛﻮﻥ . ﺻﺎﺭﺕ ﻋﻴﻨﻲ ﺑﻌﻴﻦ ﻭﻟﺪ ﺣﻠﻮ ﻭﺍﺷﮕﺮ ﺍﻭﻭﻭﻑ ﻳﺎﺭﺑﻲ ﻫﺎﻱ ﺍﻟﻌﺎﺋﻠﻪ ﻛﻮﻟﻬﺎ ﺻﺎﻛﻪ .. ﻻﺣﻈﺘﻪ ﻋﻴﻨﻪ ﻣﺸﺎﻟﻬﻪ ﻋﻦ ﻣﻴﻮﺳﻪ ﻭﻣﻴﻮﺳﻪ ﺧﺠﻼﻧﻪ ﻭﺗﻀﺤﻚ .. ﻋﺮﻓﺖ ﺍﻛﻮ ﺷﻲ ﺑﻴﻨﻬﻢ .. ﺍﻧﻲ ﺑﺎﻭﻋﺘﻠﻪ ﻻ ﺍﺭﺍﺩﻳﺎ ﻭﺍﺑﺘﺴﻤﺖ ﺍﻟﺘﻔﺘﺖ ﻟﮕﻴﺖ ﺍﻣﻴﺮ ﻳﺒﺎﻭﻋﻠﻲ ﻭﻳﺨﻮﺯﺭ ﻋﻠﻴﻪ .. ﺣﺴﻴﺘﻪ ﺿﺎﺝ .. ﺍﻭﻭﻭﻭﻑ ﻫﺎﻱ ﺷﻠﻮﻥ ﺳﺎﻟﻔﻪ . ﺍﺧﺬﺕ ﻣﻴﻮﺳﻪ ﻭﺩﺧﻠﺖ ﻟﻠﻐﺮﻓﻪ ﻟﮕﻴﺖ ﻧﻮﺭ ﻧﺎﻳﻤﻪ ﺑﻮﺳﺘﻬﺎ ﻭﮔﻮﻟﺖ ﺍﻟﻤﻴﻮﺳﻪ ﺣﻈﺮﻱ ﻏﺮﺍﺿﻬﺎ ﺣﺘﻰ ﻧﺎﺧﺬﻫﺎ ﻭﻳﺎﻧﺎ .. ﻣﻴﺲ .. ﻳﻤﻌﻮﺩﻩ ﺑﻌﺪﻛﻢ ﻋﺮﺳﺎﻥ ﺧﻠﻴﻬﺎ ﻫﻨﺎ ﻛﻢ ﻳﻮﻡ .. ﺳﻤﺮﺍ .. ﻟﺞ ﻳﺎﻋﺮﺳﺎﻥ ﺧﻠﻲ ﺳﺎﻛﺘﻪ ﺍﺣﺲ . ﻣﻴﺲ .. ﻫﻬﻬﻬﻪ ﺍﻛﻴﺪ ﺍﻣﻴﺮ ﻛﺮﻫﺞ ﺑﺎﻟﺰﻭﺍﺝ .. ﺳﻤﺮﺍ .. ﻫﻬﻬﻬﻬﻬﻪ ﻭﺍﻟﺘﻔﺘﺖ ﻟﮕﻴﺖ ﺍﻣﻴﺮ ﻭﺭﺍﻱ .. ﺳﻜﺘﺖ .. ﮔﺎﻟﻬﻪ ﻣﻴﺲ ﺍﻃﻠﻌﻲ ﺷﻮﻳﻪ .. ﻃﻠﻌﺖ ﻭﻗﻔﻞ ﺍﻟﺒﺎﺏ .. ﺍﺗﻘﺮﺏ ﻣﻨﻲ .. ﮔﻮﺗﻠﻪ ﻫﺎ ﺧﻴﺮ ﻭﺍﻫﺰ ﺑﺮﺍﺳﻲ . ﺍﺗﻘﺮﺏ ﻛﻮﻟﺸﻲ ﻭﺣﺼﺮﻧﻲ ﻉ ﺍﻟﻜﻨﺘﻮﺭ ﻭﺧﻠﻪ ﺭﺍﺳﻪ ﻉ ﺭﺍﺳﻲ ﻻﻥ ﻫﻮ ﺍﻃﻮﻝ ﻣﻨﻲ .. ﺣﺴﻴﺖ ﻧﻔﺴﻲ ﻳﺘﺴﺎﺭﻉ ﻭﮔﻠﺒﻲ ﻳﺪﻭﮒ ﺣﻴﻞ .. # ﺷﻤﺲ ﮔﻠﻲ ﺍﻭﻻ ﺑﻄﻠﻲ ﺗﺘﺒﺴﻤﻴﻦ ﻟﻠﺮﺍﻳﺢ ﻭﻟﻠﺮﺍﺟﻊ .. ﻻﺯﻡ ﻋﺠﺒﺞ ﺭﺍﻓﺪ ﺣﻠﻮ ﻣﻮ .. ﺳﻤﺮﺍ .. ﺩﻓﻌﺘﻪ ﺍﻭﻭﻭﻩ ﺷﻨﻮ ﻫﺬﺍ ﺍﻟﺤﺠﻲ .. ﻟﺰﻣﻨﻲ ﻣﻦ ﺍﻳﺪﻱ ﻭﻋﺼﺮﻫﺎ .. ﮔﻠﻲ ﺑﺄﺫﻧﻲ ﺑﻌﺪ ﻣﻤﻨﻮﻉ ﺗﻄﻠﻌﻴﻦ ﺍﻟﻰ ﺍﻥ ﻳﻄﻠﻊ ﺭﺍﻓﺪ .. ﺳﻤﺮﺍ .. ﺗﺮﻯ ﺍﻧﺖ ﻣﻌﻘﺪ .. ﺍﻟﻮﻟﺪ ﻻﺷﺎﻳﻔﺘﻪ ﻭﻻ ﺍﻋﺮﻓﻪ ﻭﺍﻧﺖ ﺗﻐﺎﺭ ﻣﻨﻪ .. ﺍﻣﻴﺮ .. ﻫﻬﻬﻬﻪ ﺍﻏﺎﺭ ﺷﻨﻮ ﻟﺞ ﺍﺻﻼ ﻣﺎﺍﻋﺮﻓﺞ ﻭﻳﻦ ﺻﺎﻳﺮﻩ .. ﺑﺲ ﻣﺴﻤﺎﻳﻪ ﺯﻭﺟﺘﻲ ﻭﻣﺎﺍﺭﻳﺪ ﺍﻟﻨﺎﺱ ﺗﺤﺠﻲ ﻋﻠﻴﻪ .. ﮔﻌﺪﺕ ﻧﻮﺭ ﺗﺒﺠﻲ .. ﻧﻘﺬﺗﻨﻲ ﺭﺣﺖ ﺷﻠﺘﻬﺎ ﻭﺍﺳﻜﺖ ﺑﻴﻬﺎ ﻭﺍﺑﺎﻭﻋﻠﻪ ﻣﻌﺼﺒﻪ ﻭﻫﻮ ﻃﻠﻊ . ﺍﻭﻙ ﺍﻣﻴﺮ ﻣﺘﻌﺮﻓﻨﻲ ﻭﻳﻦ ﺻﺎﻳﺮﻩ .. ﺷﻮﻑ ﺷﺮﺍﺡ ﺍﺳﻮﻱ ﺑﻴﻚالعضوة: 522131 , 6 years ago
ﺍﺟﺖ ﻣﻴﺲ ﺩﺧﻠﺖ .. ﻭﺻﺎﻳﺮﻩ ﺣﻤﺮﻩ ﻣﻦ ﺍﻟﺨﺠﻞ .. ﻋﺮﻓﺖ ﺷﺒﻴﻬﺎ .. ﮔﻮﻟﺘﻠﻬﺎ ﻣﻴﻮﺳﻪ ﺍﻧﺘﻲ ﺗﺤﺒﻴﻦ ﺭﺍﻓﺪ .. ﻣﻴﺲ .. ﻫﺎﺍﺍ 😲 ﻟﻴﺶ ﻣﺒﻴﻦ ﻋﻠﻴﻪ .. ﺳﻤﺮﺍ .. ﻫﻬﻬﻪ ﻟﺞ ﺍﺻﻼ ﻭﺟﻬﻪ ﻓﺎﺿﺤﺞ .. ﻣﻴﺲ .. ﺻﺪﻭﮒ ﻭﺍﻟﻠﻪ .. ﻟﺞ ﻫﻢ ﻳﺎﻟﻴﺖ ﺣﺐ .. ﻫﻮ ﺑﺲ ﻳﺒﺎﻭﻋﻠﻲ ﻭﻣﺎﺍﻋﺮﻓﻪ ﻳﺤﺒﻨﻲ ﻟﻮ ﻻ .. ﺣﺘﻰ ﺍﻃﻤﺄﻥ .. ﺳﻤﺮﺍ .. ﻳﻌﻨﻲ ﻭﻻ ﻣﺮﻩ ﺻﺎﺭﺣﺞ .. ﻣﻴﺲ .. ﻻ ﺍﺣﺘﻤﺎﻝ ﻳﺨﺎﻑ ﻣﻦ ﺍﻣﻴﺮ ﻻﻥ ﺻﺎﻳﺮ ﻣﻌﻘﺪ ﻭﺷﻜﺎﻙ ﺣﺘﻰ ﻣﻴﺪﺭﻱ ﺑﻴﻪ ﺍﺣﺒﻪ ﺍﻭ ﻻ .. ﻻ ﻣﻦ ﻳﺠﻲ ﺍﺧﺎﻑ ﺍﻃﻠﻊ .. ﺳﻤﺮﺍ .. ﻫﻬﻬﻬﻬﻪ ﺍﻣﻴﺮ ﻣﺴﻮﻳﻠﻜﻢ ﺭﻋﺐ .. # ﺷﻤﺲ ﻋﻮﻓﻴﻬﺎ ﻋﻠﻴﻪ ﺍﺫﺍ ﻟﮕﻴﺖ ﻓﺮﺻﻪ ﺍﻧﻲ ﺍﻟﻤﺢ ﺍﻟﻪ .. ﻣﻴﺲ ﻳﻤﻌﻮﺩﻩ ﺍﺗﺮﻛﻴﻨﺎ .. ﺍﺫﺍ ﺍﻣﻴﺮ ﺷﺎﻓﺞ ﺷﻴﺨﻠﺼﻨﺎ . ﺳﻮﻳﻨﺎ ﺍﻟﻌﺸﺎ ﻭﻱ ﻣﻴﺲ ﻭﻣﺮﺕ ﺍﺣﻤﺪ .. ﻭﺣﻈﺮﻧﺎﻩ .. ﻭﺑﻴﺖ ﻋﻤﻬﻢ ﺑﻘﻮﺍ ﻉ ﺍﻟﻌﺸﺎ ﻭﺍﻣﻴﺮ ﻣﺎﺕ ﻣﻦ ﺍﻟﺤﺮﮔﻪ .. 😂 ﺣﻴﻞ ﻳﺴﺘﺎﻫﻞ ﻋﺒﺎﻟﻪ ﻛﻞ ﺍﺻﺎﺑﻌﻪ ﺳﻮﻩ .. ﻻﺯﻡ ﺍﺭﺟﻊ ﺛﻘﺘﻪ ﺑﻨﻔﺴﻪ ﻗﺒﻞ ﻛﻮﻟﺸﻲ . ﻻﻥ ﺍﻟﺜﻘﻪ ﻣﻌﺪﻭﻣﻪ ﻋﻨﺪﻩ .. ﺳﺄﻟﻨﻲ ﻋﻤﻬﻢ .. ﺍﻧﺘﻲ ﺷﻤﺨﻠﺼﻪ ﺑﺎﺑﺎ .. ﮔﻮﺗﻠﻪ ﻋﻤﻮ ﺣﺎﻟﻴﺎ ﻗﺪﻣﺖ ﻉ ﻛﻠﻴﻪ ﺍﻟﺘﺮﺑﻴﻪ ﻭﻃﻠﻌﻠﻲ ﻗﺴﻢ ﻋﻠﻮﻡ ﺑﺎﻳﻠﻮﺟﻲ .. ﺍﻧﻲ ﺭﺩﺕ ﺍﻧﮕﻠﻴﺰﻱ ﺑﺲ ﻣﺼﺎﺭﺕ . ﺭﺍﻓﺪ .. ﺟﻴﺪ ﻟﻌﺪ ﻟﻴﺶ ﻣﺘﺪﺍﻭﻣﻴﻦ .. ﺳﻤﺮﺍ .. ﺩﺍﻭﻣﺖ ﻛﻢ . ﻳﻮﻡ ﺑﺲ .… ﻭﺍﺗﺒﺎﻭﻋﺖ ﺍﻻﻣﻴﺮ ﻟﮕﻴﺘﻪ 😡😡😡😡😡😡😡 ﺿﺤﻚ ﻋﻤﻮ ﺍﺑﻮ ﺍﺣﻤﺪ .. # ﺷﻤﺲ ﺍﻛﻴﺪ ﺍﻣﻴﺮ ﺭﺍﻓﺾ .. ﺍﻣﻴﺮ .. ﻭﺍﻟﻠﻪ ﻳﺎﺑﻪ ﻫﺴﺎ ﺳﻤﻌﺖ ﺣﺎﻟﻲ ﺣﺎﻟﻜﻢ ﻭﻳﺒﺎﻭﻋﻠﻲ 😡😡 ﺑﺲ ﺍﻓﻀﻞ ﻫﺬﻱ ﺍﻟﺴﻨﻪ ﺗﺄﺟﻠﻬﺎ .. ﻋﻤﻮﺩ ﻧﻮﻧﻪ .. ﺳﻤﺮﺍ .. ﺻﺪﻭﮒ ﺿﺠﺖ ﺗﻔﺸﻠﺖ ﮔﺪﺍﻡ ﺍﻫﻠﻪ ﻭﺑﻴﺖ ﻋﻤﻪ . ﻳﺮﻳﺪ ﻳﻀﻴﻊ ﻃﻤﻮﺣﻲ .. ﺳﻤﺮﺍ .. ﻧﻮﻧﻪ ﻣﺘﺄﺛﺮ ﻉ ﺩﺭﺍﺳﺘﻲ ﺑﺎﻟﻌﻜﺲ ﻫﻲ ﻭﻧﺴﺘﻲ .. ﺍﻣﻴﺮ .. 😡😡 ﻣﻤﻜﻦ . ﺗﻐﻠﻘﻴﻦ ﺍﻟﻤﻮﺿﻮﻉ ﺑﻌﺪﻳﻦ ﻧﺴﻮﻟﻒ ﺑﻲ .. ﺳﻤﺮﺍ .. ﺍﻭﻙ ️☹ ﺧﻠﺼﻨﺎ ﻋﺸﺎ ﻭﻋﻴﻮﻥ ﺍﻣﻴﺮ ﻣﻔﺎﺭﻛﺘﻨﻲ .. ﻃﻠﻌﺖ ﻟﻠﺤﺪﻳﻘﻪ ﺍﺷﺘﻢ ﻫﻮﺍ ﻭﺗﺬﻛﺮﺕ ﺍﺑﻮﻳﻪ ﺷﻠﻮﻥ ﻳﺤﺐ ﺍﻟﺤﺪﻳﻘﻪ ﻭﻛﺎﻥ ﻳﻌﺘﻨﻲ ﺑﻴﻬﺎ .. ﺩﻣﻌﺖ ﻋﻴﻨﻲ .. ﺍﺟﻪ ﺭﺍﻓﺪ ﻳﻤﻲ ﮔﻠﻲ ﻣﻨﻮ ﺳﺒﺐ ﺩﻣﻮﻋﺞ ﺍﻣﻴﺮ .. ﻻ ﺫﻛﺮﺕ ﺍﻟﺤﺪﻳﻘﻪ ﻣﻦ ﺑﺎﺑﺎ ﻳﻌﺘﻨﻲ ﺑﻴﻬﺎ .. ﺍﻓﺘﻘﺪﻩ ﻫﻮﺍﻳﻪ ..العضوة: 522131 , 6 years ago
ﺭﺍﻓﺪ .. ﺍﻟﻠﻪ ﻳﺮﺣﻤﻪ .. # ﺷﻤﺲ ﺑﺲ ﺷﻨﻮ ﺍﻟﻲ ﺧﻼﺝ ﺗﺘﺰﻭﺟﻴﻦ ﺍﻣﻴﺮ ﻭﺍﻧﺘﻲ ﺑﻌﺪﺝ ﺻﻐﻴﺮﻩ ﻭﻋﻨﺪﺝ ﻃﻤﻮﺡ .. ﻟﻴﺶ ﺍﺭﺗﺒﻄﺘﻲ ﺑﺄﻧﺴﺎﻥ ﻣﻌﻘﺪ ﻭﻋﻨﺪﻩ ﺑﻨﻴﻪ .. ﻣﺸﺎﻳﻔﻪ ﺷﻤﺴﻮﻱ ﺑﻴﻪ ﻻﻥ ﺍﺟﻲ ﻫﻨﺎ .. ﻋﻮﺯﻩ ﺑﺲ ﻳﻄﺮﺩﻧﻲ ﻣﻊ ﺍﻧﻪ ﺍﻧﻲ ﺍﺣﺒﻬﺎ ﺍﻟﻤﻴﺲ ﻭﺍﺭﻳﺪ ﺍﺗﺰﻭﺟﻬﺎ ﺑﺲ ﺍﻧﻲ ﺍﺧﺮ ﺳﻨﻪ ﻛﻠﻴﻪ ﺣﻘﻮﻕ ﺍﺧﻠﺼﻬﺎ ﻭﺍﺗﻘﺪﻣﻠﻬﺎ .. ﺳﻤﺮﺍ .. ﻛﻮﻟﻪ ﺑﺴﺒﺐ ﻋﻤﺎﻣﻲ ﺣﺎﺭﺑﻮﻧﻲ ﻭﻳﺮﺩﻭﻥ ﻳﺰﻭﺟﻨﻲ ﺟﺒﺮ ﺍﻻﺑﻨﻬﻢ ﺣﺘﻰ ﻳﺎﺧﺬﻭﻥ ﻓﻠﻮﺳﻲ ﻭﻭﺭﺛﻲ .. ﻻﻥ ﻃﺎﻟﺒﺖ ﺑﻲ .. ﻭﻟﺴﺎ ﻣﺎﻧﻄﻮﻧﻴﺎﻩ .. ﺗﺰﻭﺟﺖ ﻣﻦ ﺍﻣﻴﺮ ﻭﺍﻧﻲ ﻣﺎﺍﻋﺮﻑ ﻫﻴﺞ ﺻﺎﺭ ﻭﻳﺎﻩ ﻻﻥ ﺭﺩﺕ ﺭﺟﺎﻝ ﻳﺤﻤﻴﻨﻲ ﻭﻳﺮﺟﻌﻠﻲ ﺣﻘﻲ ﺑﺲ ﻟﻼﺳﻒ .. ﻭﻧﺰﻟﻦ ﺩﻣﻮﻋﻲ .. ﻧﻄﺎﻧﻲ ﻛﻠﻴﻨﻜﺲ .. ﻭﮔﻠﻲ ﺍﻣﺴﺤﻲ ﺩﻣﻮﻋﺞ ﺑﺲ ﺑﻴﻬﺎ ﻭﺭﻗﻪ ﺩﺍﺧﻠﻬﺎ ﺍﻧﻄﻴﻬﺎ ﺍﻟﻤﻴﺲ ﻻﻥ ﺍﺧﺎﻑ ﺍﻧﻄﻴﻬﺎ ﺑﻴﺪﻫﺎ ﻭﺣﺴﻴﺖ ﻋﻠﻴﺞ ﻗﺮﻳﺒﻪ ﻣﻨﻬﺎ .. ﻭﺍﺗﻤﻨﻰ ﻳﻜﻮﻥ ﻫﺬﺍ ﺍﻟﺸﻲ ﺑﻴﻨﺎ #.. ﺷﻤﺲ ﻭﺍﺫﺍ ﻉ ﺍﻣﻴﺮ ﺍﻧﺘﻲ ﺑﻴﺪﺝ ﺗﮕﺪﺭﻳﻦ ﺗﺮﺟﻌﻴﻪ ﻟﻼﺣﺴﻦ ﻭﺍﻱ ﻣﺴﺎﻋﺪﻩ ﺗﺮﺩﻳﻬﺎ ﺍﻧﻲ ﺣﺎﻇﺮ . ﺍﻋﺘﺒﺮﻳﻨﻲ ﺍﺧﻮﺝ .. ﺍﺗﺒﺎﻭﻋﺘﻠﻪ ﻭﺍﺑﺘﺴﻤﺖ .. ﮔﻮﺗﻠﻪ ﺗﺴﻠﻢ .. ﺍﻟﺘﻔﺘﺖ ﻟﮕﻴﺖ ﺍﻣﻴﺮ ﻭﺭﺍﻳﻪ .. 😡😡😡 ﺭﺍﻓﺪ ﺍﺳﺘﺄﺫﻥ ﻭﺭﺍﺡ .. ﻭﺍﻣﻴﺮ ﺍﺟﻪ ﮔﻠﻲ ﺷﻨﻮ ﻫﺬﻱ ﺍﻟﻲ ﺑﺈﻳﺪﺝ .. ﮔﻮﺗﻠﻪ ﺷﻨﻮ ﻛﻠﻴﻨﻜﺲ ﻣﺘﺸﻮﻑ .. ﺷﺎﻓﻨﻲ ﺍﺑﺠﻲ ﻭﻧﻄﺎﻧﻴﺎﻫﻪ .. ﻭﻟﻴﺶ ﺗﺘﺒﺠﻴﻦ ﻭﺗﺸﻜﻴﻦ ﺍﻟﺮﺍﻓﺪ .. ﺍﻛﻴﺪ ﻋﻠﻴﻪ . ﺳﻤﺮﺍ .. ﻟﻴﺶ ﺍﺑﺠﻲ ﻋﻠﻴﻚ ﺍﻧﺖ ﻣﺘﻬﻤﻨﻲ .. ﺍﻟﺮﺟﺎﻝ ﺍﻟﻮﺣﻴﺪ ﺍﻟﻲ ﺍﺑﺠﻲ ﻋﻠﻴﻪ ﻭﺍﺣﺒﻪ ﻭﺍﻓﺘﻘﺪﻩ ﻫﻮ ﺑﺎﺑﺎ . ﻭﻋﻔﺘﻪ ﻭﺩﺧﻠﺖ .. ﻫﻮ ﺑﻘﻰ ﻳﻤﺸﻲ ﻭﺭﺍﻳﻪ . ﻭﻳﻌﻴﻂ،ﺑﺼﻮﺕ ﻭﺍﻃﻲ . ﺳﻤﺮﺍ ﺳﻤﺮﺍ ﺟﻴﺒﻲ ﺍﻟﻜﻠﻨﻜﺲ . ﻧﻄﻴﻨﻴﺎﻩ .. # ﺑﻘﻠﻤﻲ _ ﺷﻤﺲ ﻳﺘﺒﻊالعضوة: 522131 , 6 years ago
ﺟﻬﺰ ﺍﻟﻐﺮﻓﻪ ﺍﻟﺜﺎﻧﻴﻪ ﺍﻟﻤﺎﻣﺎ ﻟﻮ ﺧﺎﻟﺘﻲ ﺍﻡ ﺍﺣﻤﺪ ﻳﺠﻮﻥ ﻳﺒﺎﺗﻮﻥ ﻳﻤﻲ ﺑﻴﻮﻡ ﺍﻣﻴﺮ ﺧﻔﺎﺭﻩ .. # ﺷﻤﺲ ﺣﻴﺎﺗﻲ ﺣﻠﻮﻩ ﻭﺑﻮﺟﻮﺩ ﺍﻣﻴﺮ ﻭﺑﻨﺘﻲ ﺻﺎﺭﺕ ﺍﺣﻠﻰ .. ﺍﻣﻴﺮ .. ﺭﺍﺡ ﺍﻟﻌﻤﺎﻣﻲ ﻭﻫﺪﺩﻫﻢ ﻳﻨﻄﻮﻧﻲ ﺣﻘﻲ ﻣﻦ ﺑﺎﺑﺎ . ﻭﻋﻤﺎﻣﻲ ﻳﺨﺎﻓﻮﻥ ﻣﻦ ﺍﻣﻴﺮ ﻻﻥ ﻣﻼﺯﻡ ﻭﺍﻟﻪ ﻣﻌﺎﺭﻑ .. ﺳﻠﻤﻮﻧﻴﺎﻩ ﻣﻦ ﻏﻴﺮ ﻭﻻ ﻛﻠﻤﻪ ﻭﺍﻧﻲ ﻓﺮﺣﺎﻧﻪ .. ﻻﻥ ﺣﺴﻴﺖ ﺍﻟﻲ ﺳﻨﺪ ﻳﺨﺎﻑ ﻋﻠﻴﻪ ﻭﻳﺤﻤﻴﻨﻲ .. # ﺷﻤﺲ ﻣﺮﺕ ﺍﺷﻬﺮ ﻭﺍﺣﻨﻪ ﺍﺳﻌﺪ ﻣﺎﻳﻜﻮﻥ .. ﻭﺍﻣﻴﺮ ﻭﻛﺢ ﻛﻮﻟﺶ ﻟﻠﻴﻞ ﻳﻮﺩﻱ ﺑﻨﺘﻪ ﺍﻻﻫﻠﻪ .. ﻭﻳﺠﻲ .. ﻭﺍﻟﺼﺒﺢ ﻳﺮﺟﻌﻬﺎ .. ﺣﺘﻰ ﺍﺳﺘﺤﻲ ﻣﻨﻬﻢ ﺷﻨﻮ ﻳﮕﻮﻟﻮﻥ ﻋﻠﻴﻪ .. ﺍﻋﻮﻑ ﺍﻟﻄﻔﻠﻪ ﻋﻨﺪﻫﻢ ﺣﺘﻰ ﺍﺗﻮﻧﺲ .. ﻭﻻﺯﻡ ﻛﻞ ﻟﻴﻠﻪ ﺳﻬﺮ ﻣﺎﻳﺸﺒﻊ . # ﺷﻤﺲ ﻭﺍﻧﻲ ﻣﺨﺒﻠﺘﻪ ﺑﻠﺒﺴﻲ ﻭﺣﺮﻛﺎﺗﻲ ﻭﺳﻮﺍﻟﻔﻲ ﺧﻠﻴﺘﻪ ﻣﻴﺸﻮﻑ ﺩﺭﺑﻪ 😂😂 ﺣﺘﻰ ﮔﺎﻡ ﺑﺎﻟﻠﻴﻞ ﻳﻘﺸﻤﺮ ﺟﻤﺎﻋﺘﻪ ﺑﺎﻟﺪﻭﺍﻡ ﻭﻳﻔﻠﺖ ﻭﻳﺠﻴﻨﻲ .. ﺑﺤﺠﻪ ﺑﻨﺘﻲ ﻣﺮﻳﻀﻪ ﻟﻮ ﺍﻱ ﺣﺠﻪ . ﻧﺴﻰ ﻛﻮﻟﺸﻲ ﺭﺍﺡ .. ﻭﺍﻧﻲ ﻫﻢ ﻧﺴﻴﺖ . ﺣﺘﻰ ﻣﺎﻣﺎ ﺗﻌﺘﺐ ﻋﻠﻴﻪ ﻭﺗﮕﻮﻟﻲ ﻧﺴﻴﺘﻴﻨﻲ ﻣﻦ ﺗﺰﻭﺟﺘﻲ . ﻧﻮﻧﻪ ﻛﺒﺮﺕ .. ﻭﺳﻮﺍﻟﻔﻬﻪ ﺣﻠﻮﻩ .. ﻭﺍﻟﺴﺎﻧﻬﺎ ﺷﻄﻮﻟﻪ ﺻﺎﻳﺮ ﻭﻣﺘﻨﺎﻡ ﺍﻟﻪ ﺑﻨﺼﻨﻪ .. ﻭﺍﻣﻴﺮ ﻳﻐﺎﺭ ﻣﻨﻪ ﻭﻫﻲ ﺗﺪﻓﻊ ﺑﻲ ﻭﻣﺘﺨﻠﻲ .. ﻭﻳﮕﻮﻟﻬﻪ ﺍﻧﺘﻲ ﻣﻮ ﻭﺟﻪ ﻧﻌﻤﻪ .. ﺍﻭﺩﻳﺞ ﺍﻟﺒﻴﺖ ﺟﺪﺝ ﺍﺣﺴﻦ ﻭﺧﻄﻴﻪ ﻫﻲ ﻣﺘﻘﺒﻞ ﺗﺮﻳﺪﻧﻲ .. ﻭﺍﻧﻲ ﻫﻢ ﻣﺎﺍﻗﺒﻞ ﺑﻌﺪ ﻳﻮﺩﻳﻬﺎ .. ﻋﻴﺐ .. ﮔﻤﻨﺎ ﻧﺨﻠﻴﻬﺎ ﺗﻨﺎﻡ .. ﻳﺎﻟﻪ ﻧﮕﻌﺪ .. ﻭﻣﺮﺍﺕ ﻧﺮﻭﺡ ﺍﻟﺬﻳﺞ ﺍﻟﻐﺮﻓﻪ ﻣﻦ ﻭﺭﺍﻫﻪ ﻟﺘﮕﻌﺪ 😂 ﻃﺒﻌﺎ ﻛﻞ ﻫﺬﻱ ﺍﻟﻔﺘﺮﻩ ﻛﻨﺖ ﻣﻤﻔﻜﺮﻩ ﺑﺎﻟﻄﻔﻞ .. ﻭﻣﺮﺕ ﺳﺖ ﺍﺷﻬﺮ ﻉ ﺯﻭﺍﺟﻨﺎ .. ﺑﺲ ﺧﺎﻟﺘﻲ ﻭﻣﺎﻣﺎ ﺍﺻﺮﻭﺍ ﺍﺭﻭﺡ ﻟﻠﺪﻛﺘﻮﺭﻩ ﻭﺍﺳﻮﻱ ﻃﻔﻞ .. # ﺷﻤﺲ ﻭﺧﻄﻴﻪ ﺍﻣﻴﺮ ﻣﺮﺩﺕ ﺍﻣﻴﺮ ﻳﻨﺤﺮﻡ ﺑﻌﺪ ﺍﻟﻲ ﻋﺎﺷﻪ .. ﺭﺣﺖ ﻭﻋﺎﻟﺠﺖ ﻧﻔﺴﻲ ﻃﻠﻊ ﻋﻨﺪﻱ ﺍﻟﺘﻬﺎﺑﺎﺕ .. ﻭﮔﻠﺘﻠﻲ ﺍﻟﺪﻛﺘﻮﺭﻩ ﻻﺯﻡ ﻣﻴﺘﻘﺮﺑﻠﺞ ﺯﻭﺟﺞ ﻋﺸﺮ ﺍﻳﺎﻡ .. ﻭﻧﻄﺘﻨﻲ ﻣﻨﺸﻄﺎﺕ .. ﻫﻬﻬﻬﻬﻪ ﻟﻮ ﺗﺸﻮﻓﻮﻥ ﻭﺟﻪ ﺍﻣﻴﺮ ﻣﻦ ﮔﻮﺗﻠﻪ ﺍﻟﺪﻛﺘﻮﺭﻩ ﺗﮕﻮﻝ ﻣﻴﺼﻴﺮ ﺗﺘﻘﺮﺏ .. ﺍﺗﻬﻢ ﺍﻟﺪﻛﺘﻮﺭﻩ ﻣﺘﻔﺘﻬﻢ .. ﻭﻣﻮ ﺧﻮﺵ ﺩﻛﺘﻮﺭﻩ .. ﻭﻻﺗﺴﻤﻌﻴﻦ ﻛﻼﻣﻬﺎ .. ﺗﺮﻳﺪ ﺗﻔﺮﻗﻨﺎ . ﻫﻬﻬﻬﻬﻪ ﺳﺎﻋﺎﺕ ﺍﺣﺴﻪ ﻃﻔﻠﻲ ﻣﻮ ﺯﻭﺟﻲ .. ﺭﻏﻢ ﻣﺎﻫﻮ ﺍﻛﺒﺮ ﻣﻨﻲ ﺑﻬﻮﺍﻱ ﺑﺲ ﺑﺤﻈﻨﻲ ﻳﻜﻮﻥ ﻃﻔﻞ ﺍﻟﻲالعضوة: 522131 , 6 years ago
ﻣﺤﺘﺎﺝ ﺣﻨﺎﻥ .. ﺑﻌﺪ ﻓﺘﺮﻩ ﻭﺍﻟﺪﻭﺍﻣﺎﺕ ﻗﺮﺑﺖ . ﻃﻠﺒﺖ ﻣﻦ ﺍﻣﻴﺮ . ﺍﺭﺟﻊ ﻟﻠﺪﺭﺍﺳﻪ ﻭﻫﻮ ﻻﻧﻪ ﻭﺍﺛﻖ ﺑﻴﻪ ﻭﺍﻓﻖ ﺑﺲ ﺷﺮﻁ ﺍﻧﺘﻘﻞ ﺍﻟﺠﺎﻣﻌﻪ ﻣﻴﻮﺳﻪ ﺣﺘﻰ ﻧﺮﻭﺡ ﻭﻧﺮﺟﻊ ﺳﻮﻳﻪ ﻭﺍﺗﺮﻙ ﻧﻮﻧﻪ ﻋﻨﺪ ﺍﻫﻠﻪ .. # ﺷﻤﺲ ﻭﻓﻌﻼ ﻗﺪﻣﺖ ﺍﻭﺭﺍﻗﻲ .. ﻭﻫﻮ ﻋﻨﺪﻩ ﻭﺍﺳﻄﻪ ﻭﺭﺟﻌﻨﻲ ﻟﻠﺪﻭﺍﻡ .. ﻭﻓﺮﺣﺖ ﻻﻥ ﺣﻜﻤﻞ ﻭﺍﺧﻴﺮﺍ ﺭﺍﺡ ﺍﺣﻘﻖ ﻃﻤﻮﺣﻲ .. ﺑﺪﺕ ﺍﻟﺪﻭﺍﻣﺎﺕ .. ﻭﺍﻣﻴﺮ ﻳﺎﺧﺬﻧﺎ ﻳﻮﻡ ﻭﺍﺣﻤﺪ ﻳﻮﻡ .. ﻻﻥ ﻣﻴﺄﻣﻦ ﺑﻐﻴﺮ ﺷﺨﺺ .. ﺑﻌﺪﻩ ﺷﻜﺎﻙ ﺍﻭﻭﻭﻭﻑ ﺭﺍﻓﺪ ﺍﺗﺨﺮﺝ ﻭﻋﻼﻗﺘﻪ ﺻﺎﺭﺕ ﻗﻮﻳﻪ ﻭﻱ ﻣﻴﻮﺳﻪ .. ﻭﺣﺒﻬﻢ ﺣﻠﻮ ﻭﻗﺮﺭ ﻳﺨﻄﺒﻬﺎ .. ﻭﻓﻌﻼ ﺧﻄﺒﻬﺎ .. ﻭﺍﺭﺗﺎﺡ ﺍﻣﻴﺮ ﻻﻥ ﻛﺎﻥ ﻳﻐﺎﺭ ﻋﻠﻴﻪ ﻣﻦ ﺭﺍﻓﺪ .. ﻭﺑﻴﻮﻡ ﺧﻄﺒﻪ ﻣﻴﻮﺳﻪ .. ﺭﺣﺖ ﻭﻳﺎﻫﻪ ﻟﻠﺼﺎﻟﻮﻥ ﻭﻟﺒﺴﺖ ﻓﺴﺘﺎﻥ ﺍﺳﻮﺩ ﻃﻮﻳﻞ ﻭﺑﻲ ﺷﺬﺭ ﻭﻟﺒﺴﺖ ﻋﻠﻴﻪ ﺳﺘﺮﻩ ﻗﺼﻴﺮﻩ .. # ﺷﻤﺲ ﻭﺳﻮﻳﺖ ﺷﻌﺮﻱ ﻭﺧﻠﻴﺖ ﻣﻴﻚ ﺍﺏ ﻗﻮﻱ ﺑﻌﻴﻮﻧﻲ ﻭﺣﻤﺮﻩ ﺧﻔﻴﻔﻪ ﺑﺤﻴﺚ ﺑﺮﺯﺕ ﻟﻮﻥ ﻋﻴﻮﻧﻲ . ﻃﻠﻌﺖ ﺍﺧﺒﻞ ﻓﺪﻳﺘﻨﻲ .. ﻭﻣﻴﻮﺳﻪ ﻫﻢ ﻣﻘﺎﺻﺮﻩ .. ﺗﺨﺒﻞ ﻃﻠﻌﺖ .. ﻭﻟﺒﺴﺖ ﻧﻮﻧﻪ ﺑﺪﻟﻪ ﺣﻠﻮﻩ ﻭﺧﻠﻴﺘﻠﻬﺎ ﺣﻤﺮﻩ ﺗﺮﻳﺪ ﺣﻤﻪ ﻫﻬﻬﻬﻪ ﻓﺪﻳﺘﻬﺎ ﺍﻟﺒﻨﺘﻲ . ﺩﺧﻞ ﺭﺍﻓﺪ ﻳﻠﺒﺴﻬﺎ ﺑﻌﺪ ﻣﺎﻋﻘﺪ ﺍﻟﺴﻴﺪ .. ﻭﺍﺗﺬﻛﺮﺕ ﺍﻧﻲ ﺷﻠﻮﻥ ﺩﺧﻞ ﺍﻣﻴﺮ ﻭﻋﻴﻮﻧﻪ ﺗﺠﺪﺡ ﻫﻬﻬﻪ ﻭﻣﻜﺸﺮ .. ﺍﻟﺘﻔﺖ ﻟﮕﻴﺘﻪ ﻭﺍﮔﻒ ﻭﻳﺒﺎﻭﻋﻠﻲ ﻣﻦ ﺍﻟﻤﻄﺒﺦ .. ﺧﻠﻴﺖ ﻧﻮﺭ ﻳﻢ ﺧﺎﻟﺘﻲ ﻭﺭﺣﺖ ﺍﻟﻪ . # ﺷﻤﺲ ﮔﻠﻲ ﺣﺒﻴﺒﺘﻲ ﻃﺎﻟﻌﻪ ﺗﺨﺒﻠﻴﻦ .. ﺣﻈﻨﺘﻪ ﻭﺣﻈﻨﻲ ﻗﻮﻱ ﻭﻣﺎﺣﺴﻴﺖ ﺍﻻ ﺩﺧﺖ ﻭﺟﺴﻤﻲ ﻣﺎﺍﮔﺪﺭ ﺍﺷﻴﻠﻪ ﺭﺩﺕ ﺍﻭﮔﻊ ﺑﻴﻦ ﺍﻳﺪﻩ ﺷﺎﻟﻨﻲ ﻭﮔﻌﺪﻧﻲ ﻉ ﺍﻟﻜﺮﺳﻲ .. ﺣﺒﻴﺒﺘﻲ ﺷﺒﻴﺞ ﻭﺭﺍﺡ ﺟﺎﺑﻠﻲ ﻣﻲ .. ﺳﻤﺮﺍ .. ﺣﺒﻴﺒﻲ ﻟﺘﺨﺎﻑ ﻳﻤﻜﻦ ﻣﻦ ﺍﻟﺘﻌﺐ .. ﻭﻣﺎﺍﻛﻠﺖ ﺷﻲ ﻣﻦ ﺍﻟﺮﻳﻮﮒ ﺻﺎﺭ ﻋﻨﺪﻱ ﻫﺒﻮﻁ .. ﺧﺎﻟﺘﻲ ﺣﺴﺖ ﻋﻠﻴﻨﺎ ﺍﺟﺖ .. ﮔﺎﻟﺖ ﻫﺎﻳﻤﻪ ﺷﺒﻴﺞ .. ﺍﻣﻴﺮ .. ﻳﻤﻪ ﺭﺍﺩﺕ ﺗﻮﮔﻊ ﻫﻤﺰﻳﻦ ﻟﺰﻣﺘﻬﺎ . ﺳﻤﺮﺍ . ﻟﺘﺨﺎﻓﻴﻦ ﻋﻠﻴﻪ ﺧﺎﻟﻪ .. ﻳﻤﻜﻦ ﻫﺒﻮﻁ .. ﺧﺎﻟﺘﻲ .. ﺍﺧﺎﻑ ﺣﺎﻣﻞ ﻳﻤﻪ ﻫﻢ ﺣﺎﺳﺒﻪ ﺍﻟﺮﻭﺣﺞ .. ﺧﻄﻴﻪ ﻛﻞ ﺷﻌﺮ ﺗﺘﺄﻣﻞ .. ﺍﻛﻮﻥ ﺣﺎﻣﻞ .. ﺍﻣﻴﺮ .. ﺍﺑﺘﺴﻢ .. ﻫﻬﻬﻪ ﻭﺍﺧﻴﺮﺍ ﺣﻴﺠﻲ ﺳﻴﻮﻓﻲ .. ﺳﻤﺮﺍ .. ﻫﻬﻬﻪ ﺍﻣﻴﺮ ﺷﺒﻴﻚ ﮔﻮﺗﻠﻚ ﻫﺒﻮﻁ ﺷﺒﺴﺮﻋﻪ ﺧﻠﻴﺘﻠﻪ ﺍﺳﻢ .. ﺍﻣﻴﺮ .. ﺩﮔﻮﻣﻲ ﺑﺪﻟﻲ ﺍﻟﺤﻔﻠﻪ ﻭﺣﺘﺨﻠﺺ ﺧﻠﻴﻨﺎ ﻧﺴﻮﻱ ﺗﺤﻠﻴﻞ ﻭﻧﺘﺄﻛﺪ .. ﺳﻤﺮﺍ .. ﻫﻬﻬﻬﻬﻬﻪ ﺍﻭﻙ ﮔﺎﻳﻤﻪ ﻻﻥ ﺍﺩﺭﻱ ﺑﻴﻚ ﻣﺘﺘﺮﻛﻨﻲ ﺍﻻ ﺗﺘﺄﻛﺪ .. ﻭﻫﺎﻟﻤﺮﻩ ﺣﺎﺳﻪ ﺍﻛﻮ ﺣﻤﻞ ﻻﻥ ﻣﻦ ﺣﺴﺒﺖ ﺍﻓﺘﻬﻤﺖ .. # ﺑﻘﻠﻤﻲ _ ﺷﻤﺲ ﻳﺘﺒﻊ …العضوة: 522131 , 6 years ago
ﺣﺒﻴﺒﺘــــــــــــــــــــــﻰ ﺍﻥ ﻟﻢ ﺗﻜﻮﻧﻲ ﺍﻧﺖ ﻋﺸﻘﻲ ﻓﻤﻦ ﺗﻜﻮﻭﻥ - ﻭﺍﻥ ﻟﻢ ﺍﻛﻦ ﺍﻧﺎ ﻣﺎﻟﻚ ﻧﺒﺾ ﻗﻠﺒﻚ ﻓﻤﻦ ﻳﻜﻮﻥ - ﺍﺧﺮﺟﻲ ﻣﻦ ﺻﻤﺘﻚ ﻓﻘﺪ ﺑﻠﻐﺖ ﺣﺪ ﺍﻟﺠﻨﻮﻥ .. ﺍﺧﺬﺕ ﺳﻤﺮﺍ ﻭﺭﺣﻨﺎ ﻧﺤﻠﻞ .. ﻭﺍﻧﻲ ﻣﻨﺘﻀﺮ ﺑﻔﺎﺭﻍ ﺍﻟﺼﺒﺮ ﺍﻭﻝ ﻣﺮﻩ ﻫﻴﺞ ﺍﺣﺲ .. ﺑﻌﺪ ﻧﺺ ﺳﺎﻋﻪ .. ﻃﻠﻊ ﺍﻟﺘﺤﻠﻴﻞ .. ﺳﻤﺮﺍ ﺣﺎﻣﻞ .. ﺣﺒﻴﺒﺘﻲ ﺣﺎﻣﻞ .. ﻣﻤﺼﺪﮒ ﻧﻔﺴﻲ ﺭﻛﻀﺖ ﺑﻮﺳﺘﻬﺎ ﻭﺍﻟﻨﺎﺱ ﺗﺒﺎﻭﻋﻠﻨﺎ ﻭﻫﻲ ﺧﺠﻼﻧﻪ .. # ﺷﻤﺲ ﺳﻤﺮﺍ .. ﺷﻔﺖ ﺍﻟﻔﺮﺣﻪ ﺑﻌﻴﻮﻥ ﺍﻣﻴﺮ .. ﻓﺮﺣﺖ . ﻭﺍﻧﻲ ﺳﻮﻳﺖ ﻃﻔﻞ ﻋﻤﻮﺩﻩ ﻻﻥ ﻧﻮﻧﻪ ﻋﻨﺪﻱ ﺗﻜﻔﻴﻨﻲ ﻭﺍﻧﻲ ﻋﻨﺪﻱ ﺩﻭﺍﻡ .. ﺍﻛﻴﺪ ﻫﺬﺍ ﺍﻟﺸﻲ ﺣﻴﺘﻌﺒﻨﻲ .. # ﺷﻤﺲ ﺭﺟﻌﻨﺎ ﺍﻟﺒﻴﺖ ﺍﻫﻠﻪ .. ﻭﺑﺸﺮﻫﻢ ﻭﻫﻮ ﻓﺮﺣﺎﻥ ﻭﺧﺎﻟﻪ ﻭﻋﻤﻮ ﻫﻢ ﻓﺮﺣﻮﺍ .. ﻭﺩﺧﻠﺖ ﺑﻮﺳﺖ ﻣﻴﻮﺳﻪ ﻻﻥ ﺧﻄﻴﻪ ﺗﺮﻛﻨﺎﻫﻪ ﻭﺭﺣﻨﺎ .. ﻋﺰﻣﻨﺎ ﺍﻣﻴﺮ ﺍﺣﻨﻪ ﻭﺍﻫﻠﻪ ﻉ ﺍﻟﻌﺸﺎ ﺍﻣﻴﺮ .. ﺍﺧﺬﺗﻬﻢ ﺍﻟﻤﻄﻌﻢ ﺍﻟﺒﺴﻔﻮﺭ ﺍﻫﻠﻲ ﻭﺍﻟﻮﺍﻟﺪ ﺧﺎﺻﻪ ﻳﺤﺐ ﻫﺬﺍ ﺍﻟﻤﻄﻌﻢ .. ﻭﺍﻟﺠﻮ ﻫﻨﺎﻙ ﻳﺨﺒﻞ ﻭﺗﻮﻧﺴﻨﺎ ﻭﺍﺣﺲ ﺻﺎﺭﻟﻨﺎ ﻫﻮﺍﻳﻪ ﻣﻤﻨﺠﻤﻌﻴﻦ ﻫﻴﺞ .. ﻟﺰﻣﺖ ﺍﻳﺪ ﺳﻤﺮﺍ ﻭﺑﻮﺳﺘﻬﺎ ﻻﻥ ﻫﻲ ﺍﻟﺴﺒﺐ ﺑﺎﻟﺴﻌﺎﺩﻩ ﺍﻟﻲ ﺍﻧﻲ ﺑﻴﻬﺎ . ﺗﻮﻧﺴﻨﺎ ﻭﺭﺟﻌﻨﺎ ﺍﺧﺬﺕ ﺣﺒﻴﺒﺘﻲ ﻭﺍﻡ ﺍﺑﻨﻲ ﻭﺑﻨﺘﻲ ﺑﺤﻈﻨﻲ ﻭﻧﻤﺖ .. # ﺷﻤﺲ ﺳﻤﺮﺍ . ﻋﺸﺖ ﻓﺘﺮﺓ ﺣﻤﻞ ﺻﻌﺒﻪ .. ﻛﻮﻟﺶ ﻭﺍﻟﺪﻭﺍﻡ ﻫﻢ ﺗﻌﺒﻨﻲ ﻭﺍﺭﺟﻊ ﻟﻠﺒﻴﺖ .. ﺷﻐﻞ ﻭﻧﻮﺭﺍ ﻫﻢ ﺗﺘﺤﺮﻙ ﻫﻮﺍﻳﻪ ﻭﻻﺯﻡ ﺍﺗﺎﺑﻌﻬﺎ .. # ﺷﻤﺲ ﻭﺍﮔﻌﺪ ﺍﺩﺭﺱ .. ﻭﻳﺠﻲ ﺍﻣﻴﺮ .. ﻫﻢ ﻳﺮﻳﺪ ﻃﻠﺒﺎﺗﻪ ﻭﺭﻏﺒﺎﺗﻪ .. ﻭﻻﺯﻡ ﺍﻧﻲ ﺩﺍﻳﻤﺎ ﻣﺒﺪﻟﻪ ﻭﻣﺘﺤﻈﺮﻩ ﺍﻟﻪ . ﻣﻴﺤﺲ ﺑﻴﻪ ﺣﺎﻣﻞ ﻭﺍﺗﻌﺐ ﺑﻴﻦ ﺍﻟﺒﻴﺖ ﻭﺍﻟﺪﻭﺍﻡ .. ﻭﺻﺎﺭ ﻳﺘﻤﻠﻤﻞ ﺍﺫﺍ ﺍﮔﻮﻟﻪ ﺍﻟﻴﻮﻡ ﺗﻌﺒﺎﻧﻪ .. ﻭﻳﺘﺸﻜﻰ .. ﻭﻧﺴﻰ ﺫﻳﺞ ﺍﻟﻔﺘﺮﻩ ﻛﻮﻟﻬﺎ ﺍﻟﻲ ﺩﻟﻠﺘﻪ ﺑﻴﻬﺎ .. ﻭﻳﮕﻮﻟﻲ ﺍﻧﺘﻲ ﻣﺘﻐﻴﺮﻩ ﻭﺍﻧﻲ ﺭﺟﺎﻝ ﻭﻣﻦ ﺣﻘﻲ .. ﻭﻻﺯﻡ ﺗﻠﺒﻴﻠﻲ ﺭﻏﺒﺎﺗﻲ .. ﻳﺠﺮﺣﻨﻲ ﻫﻮﺍﻳﻪ ﺑﻜﻼﻣﻪ .. ﻭﺩﺍﻳﺸﻮﻓﻨﻲ ﻣﺎﺍﻟﺤﮓ ﺍﺳﻮﻱ ﺍﻱ ﺷﻲ .. ﺣﻤﻠﻲ ﺻﻌﺐ ﻭﺑﻄﻨﻲ ﺩﺍ ﺗﻜﺒﺮ .. ﻭﺍﻓﺘﺮ ﺑﺎﻟﺒﻴﺖ ﺑﻴﻦ ﻣﻼﺑﺲ ﻭﻃﺒﺦ ﻭﺷﻐﻞ ﻭﻋﻨﺪﻱ ﻃﻔﻠﻪ ﻭﻧﺴﺎﺗﻲ ﺻﻌﺒﻪ ﺣﺘﻰ ﺿﻌﻔﺖ ﺣﻴﻞ .. ﻣﺮﺍﺕ ﺗﺠﻲ ﻣﺎﻣﺎ ﻳﻤﻲ ﺗﺴﺎﻋﺪﻧﻲ ﺑﺲ ﺗﺴﺘﺤﻲ ﻣﻦ ﺍﻣﻴﺮ .. ﻭﺗﺘﻘﻴﺪ ﻓﺘﺮﺟﻊ ﻟﻠﺒﻴﺖ . ﺍﻣﻴﺮ ﺍﺗﻐﻴﻴﺮ .. ﺻﺎﺭ ﻉ ﺍﻗﻞ ﺷﻐﻠﻪ ﻳﻀﻮﺝ ﻭﻳﺰﻋﻞ ﻭﻳﺪﻭﺭ ﻣﺸﻜﻠﻪالعضوة: 522131 , 6 years ago
ﮔﻤﺖ ﺍﺧﻠﻲ ﻧﻮﻧﻪ ﻣﺮﺍﺕ ﻋﻨﺪ ﺍﻫﻠﻪ ﺍﻭ ﻣﺎﻣﺎ ﺣﺘﻰ ﺍﺗﻔﺮﻏﻠﻪ ﻭﻣﻴﺰﻋﻞ .. ﺑﺲ ﺍﻧﻲ ﻧﺴﺎﺗﻲ ﺻﻌﺒﻪ ﺑﻤﺠﺮﺩ ﻣﻴﺘﻘﺮﺑﻠﻲ ﺍﺳﺘﻔﺮﻍ .. ﻫﻮ ﻳﻀﻮﺝ ﻭﻳﮕﻮﻡ .. ﻭﻳﺒﺪﻱ ﻳﺘﺄﻓﺄﻑ . ﻭﻣﺮﺍﺕ ﻳﻄﻠﻊ ﻭﻱ ﺍﺻﺪﻗﺎﺋﻪ ﻟﻠﻜﻮﻓﻲ ﻭﻳﺘﺄﺧﺮ ﻟﻠﻮﺣﺪﻩ ﻳﻠﻪ ﻳﺮﺟﻊ .. ﻭﺍﻧﻲ ﺍﺑﻘﻰ ﻣﻨﺘﻀﺮﻩ .. ﻻﻥ ﺍﻗﻠﻖ ﻋﻠﻴﻪ ﻭﻣﻦ ﻳﺮﺟﻊ ﺍﺳﻮﻱ ﻧﻔﺴﻲ ﻧﺎﻳﻤﻪ .. ﻻﻥ ﺍﺩﺭﻱ ﺑﻲ ﺣﻴﻄﻠﻊ ﺣﺠﻪ ... ﺑﺲ ﺭﻏﻢ ﻛﻮﻟﺸﻲ ﻣﺎﺑﻄﻠﺖ ﺍﻟﺒﺲ ﻭﺍﻋﺘﻨﻲ ﺑﻨﻔﺴﻲ ﻭﺑﺸﻌﺮﻱ .. ﻭﻣﻴﻌﺠﺒﻪ .. # ﺷﻤﺲ ﻻﻥ ﻃﺒﻊ ﺍﻟﺮﺟﻞ ﻏﺮﻳﺰﻱ .. ﺍﺫﺍ ﻣﻴﺸﺒﻊ ﻏﺮﻳﺰﺗﻪ .. ﻳﺘﺨﺒﻞ ﻭﻳﻄﻠﻊ ﺍﻟﻤﺮﺃﺓ ﻫﺎﻣﻠﺘﻪ ﺍﻭ ﻣﻘﺼﺮﻩ ﺑﺤﻘﻮﻗﻪ .. ﻣﻦ ﻏﻴﺮ ﻣﺮﺍﻋﺎﺓ ﻟﺤﻘﻮﻗﻬﺎ .. ﺍﻭ ﺗﻌﺒﻬﺎ ﻭﻫﻲ ﺗﺮﻛﺾ ﻳﻮﻣﻴﺎ ﻣﻦ ﺍﻟﺼﺒﺢ ﻟﻠﻴﻞ ﺑﻴﻦ ﺑﻴﺘﻬﺎ ﻭﺍﻭﻻﺩﻫﺎ ﻭﺩﻭﺍﻣﻬﺎ .. ﻭﻫﻮ ﻭﺣﺪﻩ ﻳﺮﺍﺩﻟﻪ ﻭﻗﺖ . ﺍﻧﻲ ﺍﺳﻤﻲ ﺍﻟﺰﻭﺝ ﺍﻟﻄﻔﻞ ﺍﻟﻜﺒﻴﺮ ﻟﻠﺰﻭﺟﻪ ﻻﻥ ﻻﺯﻡ ﺗﻬﺘﻢ ﺑﻲ ﺍﻛﺜﺮ ﻣﻤﺎ ﺗﻬﺘﻢ ﺑﺄﻭﻻﺩﻫﺎ ﻭﺍﻻ ﻳﺰﻋﻞ .. ﻭﻳﺪﻭﺭ ﻭﺟﻬﻪ ﻭﻳﻨﺎﻡ ﻣﺜﻞ ﺍﻣﻴﺮ .. # ﺷﻤﺲ ﺑﻘﻰ ﺍﻣﻴﺮ ﻉ ﻫﺬﻱ ﺍﻟﺤﺎﻟﻪ ﻳﻄﻠﻊ ﻭﻳﺠﻲ ﻣﺘﺄﺧﺮ ﻭﻳﻮﻡ ﺩﻭﺍﻡ ﺧﻔﺎﺭﻩ ﻳﻌﻨﻲ ﻣﺎﺍﺷﻮﻑ ﺷﻲ ﻣﻨﻪ .. ﺑﺲ ﻣﻦ ﻳﺘﺄﺧﺮ ﻭﻳﺮﺟﻊ ﺑﺎﻟﻴﻞ ﻳﺠﻲ ﻳﺨﻠﻲ ﻭﺟﻬﻪ ﻳﻢ ﺷﻌﺮﻱ ﻭﻳﺤﻈﻨﻲ .. ﺍﺭﺗﺎﺡ ﻣﻦ ﻳﺴﻮﻱ ﻫﻴﺞ ﺍﺣﺴﻪ ﺑﻌﺪﻩ ﻳﺤﺒﻨﻲ ﺑﺲ ﺍﻟﻲ ﻣﻌﺠﺒﻨﻲ ﺗﺼﺮﻓﺎﺗﻪ .. ﻣﺮﺍﺕ ﺗﺠﻲ ﻣﻴﻮﺳﻪ ﻳﻤﻲ ﻭﻳﺎﻱ ﻣﻦ ﺍﻟﺪﻭﺍﻡ ﺗﺒﻘﻰ ﺗﺴﺎﻋﺪﻧﻲ .. ﻻﻥ ﺍﻣﻴﺮ ﺣﺘﻰ ﺍﻟﺪﻭﺍﻡ ﻃﻠﺐ ﻣﻨﻲ ﺃﺍﺟﻠﻪ ﻫﺬﻱ ﺍﻟﺴﻨﻪ ﻭﺍﻧﻲ ﺭﻓﻀﺖ .. ﻻﻥ ﻫﺎﻱ ﺍﻟﺴﻨﻪ ﺍﻟﺜﺎﻧﻴﻪ ﺍﻟﻲ ﺗﻀﻴﻊ ﻣﻨﻲ ﻭﺻﺎﺭ ﻛﻢ ﺷﻬﺮ ﻣﺪﺍﻭﻣﻪ .. ﻭﺍﻣﺘﺤﻨﺎ ﻛﻮﺭﺱ ﺍﻭﻝ ﻭﺩﺭﺟﺎﺗﻲ ﺯﻳﻨﻪ .. # ﺷﻤﺲ ﻣﺮﺩﺕ ﺍﺿﻴﻊ ﻫﻴﺞ ﻓﺮﺻﻪ ﻣﻨﻲ .. ﻭﺍﻧﻲ ﻣﺆﻣﻨﻪ ﻭﻗﻮﻳﻪ ﺑﺄﻧﻪ ﺍﮔﺪﺭ ﺍﻛﻔﻲ ﻛﻮﻟﺸﻲ ﺍﻟﺒﻴﺖ ﻭﺍﻣﻴﺮ ﻭﺍﻟﺪﻭﺍﻡ ﻭﺍﻭﻻﺩﻱ . ﻻﻥ ﻃﺒﻌﻲ ﺍﻟﻌﻨﺎﺩ .. ﻭﻣﺎﺭﺩﺕ ﺍﻣﻴﺮ ﺑﻜﻞ ﺷﻐﻠﻪ ﻳﻔﺮﺽ ﺭﺃﻳﻪ ﻋﻠﻴﻪ ﻭﻳﻄﻤﺲ ﺷﺨﺼﻴﺘﻲ .. ﻭﺧﺎﺻﻪ ﺑﻌﺪ ﺍﻟﻜﻼﻡ ﺍﻟﻲ ﮔﺎﻟﺘﻪ ﻣﻴﻮﺳﻪ .. ﮔﻠﺘﻠﻲ ﻫﺬﺍ ﻣﻮ ﻃﺒﻊ ﺍﻣﻴﺮ .. ﻻ ﻣﻦ ﺟﺎﻧﺖ ﺫﻳﺞ ﺯﻭﺟﺘﻪ ﺷﻤﺎ ﺗﺴﻮﻱالعضوة: 522131 , 6 years ago
ﻭﺗﺪﻟﻞ ﻋﻠﻴﻪ ﺑﺤﻤﻠﻬﺎ ﻣﻴﺤﺠﻲ .. ﻭﻣﺴﺎﻋﺪﻫﺎ .. ﺻﺪﻭﮒ ﺿﺠﺖ ﻣﻌﻘﻮﻟﻪ ﻻﻥ ﺫﻳﺞ ﻫﻮ ﺍﺧﺘﺎﺭﻫﻪ ﻭﻳﺤﺒﻬﺎ ﻳﺪﻟﻠﻬﺎ .. ﻭﺍﻧﻲ ﻻﻥ ﻣﻮ ﺍﺧﺘﻴﺎﺭﻩ ﻳﻄﻠﻊ ﻛﻞ ﺍﻟﻌﻴﻮﺏ ﺑﻴﻪ .. ﻟﻠﻴﻞ ﺍﺟﻮ ﺍﻫﻞ ﺍﻣﻴﺮ ﻳﺘﻌﺸﻮﻥ ﻋﺪﻧﺎ ﻋﺰﻣﺘﻬﻢ .. ﮔﻮﻟﺖ ﺑﻠﻜﻲ ﻳﻔﺮﺡ ﺍﻣﻴﺮ ﻭﻳﻐﻴﺮ ﺟﻮ .. # ﺷﻤﺲ ﻭﻣﻴﻮﺳﻪ ﻭﻳﺎﻱ ﺳﺎﻋﺪﺗﻨﻲ ﺑﺎﻟﻌﺸﺎ .. ﺑﺲ ﺍﻣﻴﺮ ﺿﺎﺝ ﻭﮔﻠﻲ ﻣﺘﻮﺍﻋﺪ ﻭﻱ ﺍﺻﺪﻗﺎﺋﻲ ﻏﻴﺮ ﺗﻨﻄﻴﻨﻲ ﺧﺒﺮ .. ﺧﻠﺼﻮﺍ ﺑﻴﺖ ﻋﻤﻮ ﻭﺻﺎﺭﺕ ﺍﻟﻌﺸﺮﺓ .. ﮔﺎﻟﻮﺍ ﺍﻟﻤﻴﻮﺳﻪ ﻳﻠﻪ ﺣﻈﺮﻱ ﻧﻔﺴﺞ ﺣﺘﻰ ﺗﺮﺟﻌﻴﻦ ﻭﻳﺎﻧﺎ .. ﺍﻣﻴﺮ ﮔﻠﻠﻬﻢ ﺍﻧﺘﻀﺮﻭﻧﻲ ﺍﺳﺒﺢ ﻭﻧﻄﻠﻊ ﺳﻮﻩ ﺍﻭﺻﻠﻜﻢ ﻭﻣﻨﺎﻙ ﺍﺭﻭﺡ ﺍﻻﺻﺪﻗﺎﺋﻲ .. ﻋﻤﻲ ﻣﺎﺭﺿﻪ ﮔﺎﻟﻪ ﺑﻄﻞ ﻃﻠﻌﺎﺗﻚ ﺍﻟﻮﺿﻊ ﺻﻌﺐ ﺷﻠﻮﻥ ﺗﺘﺮﻙ ﺯﻭﺟﺘﻚ ﻭﺣﺪﻫﺎ .. ﺑﻌﺪ ﻣﺎﺍﺧﺬ ﺭﺯﺍﻟﻪ ﻣﻌﺪﻟﻪ .. ﮔﻠﻠﻬﻢ ﺧﻠﺺ ﺑﺲ ﺍﻭﺻﻠﻜﻢ ﻭﺍﺭﺟﻊ ﻟﻴﺶ ﺍﺣﻤﺪ ﻳﺠﻲ ﺧﻄﻴﻪ ﻭﻫﻢ ﻳﺘﺮﻙ ﺯﻭﺟﺘﻪ .. ﺛﻮﺍﻧﻲ ﺍﺳﺒﺢ ﻭﺍﻃﻠﻊ .. ﻭﮔﻠﻲ ﺳﻤﺮﺍ ﺣﻈﺮﻱ ﻣﻼﺑﺴﻲ . ﺩﺧﻠﺖ ﻟﻠﻐﺮﻓﻪ .. ﻫﻮ ﻣﺨﻠﻲ ﻣﻮﺑﺎﻳﻠﻪ ﻉ ﺍﻟﺸﺤﻦ ﻭﺩﺍﻳﻤﺎ ﺻﺎﻣﺖ .. ﺑﺲ ﻫﺎﻟﻤﺮﻩ ﻳﻤﻜﻦ ﻣﺴﺘﻌﺠﻞ ﻭﻧﺎﺳﻲ ﻳﺴﻮﻳﻪ ﺻﺎﻣﺖ .. # ﺷﻤﺲ ﺍﺟﺖ ﺭﺳﺎﺋﻞ ﻟﻠﻤﺎﺳﻨﺠﺮ .. ﻣﺎﺍﻫﺘﻤﻴﺖ ﺣﻈﺮﺕ ﻣﻼﺑﺴﻪ ﺍﺷﻮ ﺻﺎﺭﺕ ﻣﻠﺤﻪ ﺑﺎﻟﺮﺳﺎﺋﻞ .. ﻓﺘﺤﺖ ﺍﻟﻤﻮﺑﺎﻳﻞ ﻭﺍﻧﻲ ﻣﻮ ﻣﻦ ﻃﺒﻴﻌﺘﻲ ﺍﺗﻘﺮﺏ ﺍﻟﻤﻮﺑﺎﻳﻠﻪ ﻭﻓﺘﺤﺘﻪ ﻟﮕﻴﺖ ﺭﺳﺎﺋﻞ .. ﺍﻟﻮ ﺣﺒﻲ ﻭﻳﻦ ﺍﻧﺖ ﺍﺷﻮ ﺍﻟﻴﻮﻡ ﺍﺗﺄﺧﺮﺕ ﺍﺷﺘﺎﻗﻴﺘﻠﻚ ﻭﺍﺷﺘﺎﻗﻴﺖ ﺍﻟﺤﻈﻨﻚ .. ﺣﺒﻴﺒﻲ ﺩﻳﻠﻪ ﺗﻌﺎﻝ ﻭﺩﺍﻋﺘﻚ ﻻﺳﻮﻳﻠﻚ ﻟﻴﻠﻪ ﺍﺣﻠﻰ ﻣﻦ ﺫﻳﺞ ﺍﻟﻠﻴﻠﻪ .. ﺑﻌﺪﻳﻦ ﺩﺯﺕ ﺻﻮﺭ .. ﻓﺘﺤﺘﻬﻦ ﻓﻀﺎﻳﺢ ﻛﻮﻟﻬﻪ ﺻﻮﺭ ﻋﺎﺭﻳﻪ .. ﻭﮔﻠﺘﻠﻪ .. ﻟﻌﺪ ﺍﺫﺍ ﺩﺍ ﺗﻘﺮﺃﻫﻦ .. ﻟﻴﺶ ﻣﺘﺮﺩ ﻟﻮ .. ﺯﻭﺟﺘﻚ ﺍﻟﻤﺼﻮﻥ ﻳﻤﻚ ﻭﻣﺘﮕﺪﺭ .. # ﺷﻤﺲ ﺍﻧﻲ ﺑﻘﻴﺖ ﻫﻴﺞ 😲😲 .. ﻭﺍﻳﺪﻱ ﺗﺮﺟﻒ ﻭﺭﺟﻠﻲ ﻣﺎﺍﮔﺪﺭ ﺍﻭﮔﻒ ﮔﻌﺪﺕ ﻉ ﺍﻟﺴﺮﻳﺮ ﻭﺩﻣﻮﻋﻲ ﺗﻨﺰﻝ .. ﻭﻣﻤﺼﺪﮔﻪ ﺍﻟﻲ ﺩﺍ ﺍﺷﻮﻓﻪ .. ﺑﻬﺬﻱ ﺍﻻﺛﻨﺎﺀ ﺩﺧﻞ ﺍﻣﻴﺮ ﻳﻨﺸﻒ ﺑﺸﻌﺮﻩ .. ﮔﻠﻲ ﻫﺎ ﺣﺒﻴﺒﻲ ﺣﻀﺮﺗﻲ .. ﻭﺳﻜﺖ ﺟﻤﺪ ﻣﻦ ﺷﺎﻑ ﺍﻟﺠﻬﺎﺯ ﺑﻴﺪﻱ ﻭﺍﻧﻲ ﻣﺼﺪﻭﻣﻪ ﻭﺍﺗﺒﺎﻭﻋﻠﻪ ﻭﺑﺲ ﺩﻣﻮﻋﻲ ﺗﻨﺰﻝ ﻭﻋﻴﻮﻧﻲ ﺗﺒﺎﻭﻋﻠﻪ ﺑﻌﺘﺐ .. # ﺑﻘﻠﻤﻲ _ ﺷﻤﺲ # ﻳﺘﺒﻊ …العضوة: 522131 , 6 years ago
ﻣﻦ ﺷﺎﻓﻨﻲ ﻣﺼﺪﻭﻣﻪ ﻭﺍﻟﻤﻮﺑﺎﻳﻞ ﺑﻴﺪﻱ ﻭﺍﻟﺪﻣﻮﻉ ﺗﻨﺰﻝ ﻭﺍﻟﺮﺳﺎﺋﻞ ﻣﺴﺘﻤﺮﻩ ﺑﺎﻻﺭﺳﺎﻝ . ﺍﺟﻪ ﺑﺴﺮﻋﻪ ﺳﺤﺐ ﺍﻟﺠﻬﺎﺯ ﻣﻦ ﺍﻳﺪﻱ .. ﻭﮔﻠﻲ ﺣﺒﻴﺒﺘﻲ .. ﺑﺲ ﺍﺳﻤﻌﻴﻨﻲ ﺍﻧﺘﻲ ﻓﺎﻫﻤﻪ ﻏﻠﻂ .. ﺍﻧﻲ ﺑﺲ ﺍﺗﺒﺎﻭﻋﻠﻪ ﺑﺄﺣﺘﻘﺎﺭ .. ﻭﮔﻮﺗﻠﻪ .. ﻳﻌﻨﻲ ﻛﻞ ﻟﻴﻠﻪ ﺗﺮﻭﺡ ﻳﻤﻬﺎ ﺗﻨﺎﻡ ﻭﺗﺸﺒﻊ ﻏﺮﻳﺰﺗﻚ ﻭﺗﺠﻲ ﺗﻨﺎﻡ ﻳﻨﻲ ﻭﺗﺤﻈﻨﻲ .. ﻟﻚ ﺍﻟﺸﻐﻠﻪ ﺍﻟﻲ ﻣﺘﻘﺒﻠﻬﺎ ﻉ ﻧﻔﺴﻚ ﺷﻠﻮﻥ ﺗﻘﺒﻠﻬﺎ ﻉ ﻏﻴﺮﻙ .. ﺍﻧﺖ ﺗﺪﻣﺮﺕ ﻣﻦ ﺍﻟﺨﻴﺎﻧﻪ .. ﺷﻠﻮﻥ ﺗﻌﻴﺸﻨﻲ ﺍﻟﻲ ﻋﺸﺘﻪ ﺍﻧﺖ ﺣﺮﻣﺘﻨﻲ ﻣﻦ ﺍﻟﻔﻴﺲ ﻭﻣﻦ ﺍﻟﻔﺎﻳﺒﺮ ﻭﻣﻦ ﻛﻮﻟﺸﻲ ﻭﻗﺒﻠﺖ ﻭﮔﻠﺖ ﺣﻘﻪ .. ﺍﺷﻬﺮ ﻭﺍﻧﻲ ﻣﺘﺤﻤﻠﻪ ﺍﻟﻌﻘﺪ ﺍﻟﻲ ﺑﻴﻚ ﻭﺍﺣﺎﻭﻝ ﺍﺗﺨﻄﺎﻫﻪ ﻭﺍﺧﻠﻴﻪ ﺗﺘﻌﺎﻟﺞ ﻣﻦ ﻣﺮﺽ ﻋﺪﻡ ﺍﻟﺜﻘﻪ ﺑﺎﻟﻨﺎﺱ ﺧﻠﻴﺘﻚ ﺗﺜﻖ ﺑﻴﻪ ﻭﻧﻄﻴﺘﻚ ﻛﻮﻟﺸﻲ ﺷﺒﺎﺑﻲ ﻭﻣﺴﺘﻘﺒﻠﻲ .. ﺭﺑﻴﺖ ﻧﻮﻧﻪ ﻣﺜﻞ ﺑﻨﺘﻲ ﻭﺍﻛﺜﺮ .. ﻭﺣﺴﺒﺖ ﻋﺎﺋﻠﺘﻚ ﻋﺎﺋﻠﺘﻲ . ﺑﻌﺪ ﻛﻞ ﻫﺬﺍ ﺗﺠﻲ ﺗﻄﻌﻨﻲ ﺑﻈﻬﺮﻱ ﻭﺗﺨﻮﻧﻲ .. ﻭﻣﻮ ﺑﺲ ﺭﺳﺎﺋﻞ ﻻ . ﻃﻠﻌﺖ ﺗﺮﻭﺡ ﺍﻟﻬﺎ ﻭﺗﻨﺎﻡ ﻭﻳﺎﻫﻪ .. ﻣﻠﻌﺒﺖ ﻧﻔﺴﻚ ﻣﺎﺍﺗﺬﻛﺮﺕ ﻃﻌﻢ ﺍﻟﺨﻴﺎﻧﻪ ﺍﻟﻲ ﺻﺎﺭﺕ ﻭﻳﺎﻙ .. ﺍﺻﻼ ﺍﻧﺖ ﻣﺘﻔﺮﻕ ﻋﻨﻬﺎ .. ﺍﻧﺖ ﻧﻔﺴﻬﺎ ﺗﺸﺒﻬﻬﺎ ﺑﺲ ﺍﻟﻔﺮﻕ ﻫﻲ ﺧﺎﻧﺘﻚ ﺑﻔﺮﺍﺷﻚ ﻭﺍﻧﺖ ﺧﻨﺘﻨﻲ ﺑﻔﺮﺍﺵ ﻋﺸﻴﻘﺘﻚ .. ﻫﻮ ﺍﻟﻜﻼﻡ ﻛﻮﻟﻪ ﺳﺎﻛﺖ ﺑﺲ ﻣﻦ ﻭﺻﻠﺖ ﻟﻼﺧﻴﺮ ﺗﺨﺒﻞ .. ﻭﮔﺎﻡ ﻳﻌﻴﻂ ﺣﺎﻭﻝ ﻳﺴﻜﺘﻨﻲ .. ﻛﺎﻓﻲ ﺳﻤﺮﺍ ﺍﺗﺮﺟﺎﺝ ﻛﺎﻓﻲ ﻋﺒﺎﻟﺞ ﻣﺎﻳﺄﻧﺒﻨﻲ ﺿﻤﺮﻱ ﺑﺲ ﻭﺍﻟﻠﻪ ﻏﺼﺐ ﻋﻨﻲ ﺍﺻﺪﻗﺎﺋﻲ ﻗﺸﻤﺮﻭﻧﻲ ﻭﺑﺲ ﻣﺮﻩ ﻭﺣﺪﻩ ﺭﺣﺖ ﺍﻟﻬﺎ . ﺍﻻﻳﺎﻡ ﺍﻟﺒﺎﻗﻴﻪ ﻛﻨﺎ ﻧﺴﻬﺮ ﺑﺎﻟﻜﻮﻓﻲ .. ﺍﺟﻮ ﻋﻤﻮ ﻭﺧﺎﻟﻪ ﻭﻣﻴﻮﺳﻪ ﻉ ﺻﻮﺗﻨﺎ . ﺳﻤﺮﺍ .. ﻫﻬﻬﻬﻪ ﻛﺎﻓﻲ ﻛﺬﺏ ﺍﻧﺖ ﺻﻐﻴﺮ ﻭﺿﺤﻜﻮﺍ ﻋﻠﻴﻚ ﺍﻧﺖ ﺍﻛﺒﺮ ﻭﺍﻭﻋﻰ ﻣﻨﻲ ﺭﺟﺎﻝ ﻋﻤﺮﻙ ﺣﻴﺼﻴﺮ 31 ﺳﻨﻪ ﻭﺑﻌﺪﻳﻦ ﻛﻼﻣﻬﺎ ﺍﻟﻚ ﻣﻴﮕﻮﻝ ﻫﻴﺢ .. ﻭﺣﺘﻰ ﺍﺫﺍ ﺍﻭﻝ ﻣﺮﻩ ﺍﻟﻤﻬﻢ ﺧﻨﺘﻨﻲ ﻭﻟﻤﺴﺘﻬﺎ .. ﺍﻣﻴﺮ .. ﺍﻧﺘﻲ ﺍﻟﺴﺒﺐ ﻫﻤﻠﺘﻴﻨﻲ ﻣﻦ ﺣﻤﻠﺘﻲ ﻟﺴﺎ .. ﺳﻤﺮﺍ .. ﮔﻤﺖ ﺍﻋﻴﻂ ﻋﻠﻴﻪ ﻭﮔﻮﺗﻠﻪ .. ﻳﻌﻨﻲ ﺍﺫﺍ ﺗﻤﺮﺿﺖ ﺗﺘﺮﻛﻨﻲ ﻭﺗﺸﻮﻑ ﻏﻴﺮﻱ ﻫﻮ ﻫﺬﺍ ﻣﻔﻬﻮﻣﻚ ﻟﻠﺰﻭﺍﺝ .. ﻟﻴﺶ ﻣﻨﻮ ﮔﻠﻚ . ﺍﻟﺰﻭﺟﻪ ﻣﻜﻴﻨﻪ ﺗﺠﻴﺒﻬﺎ ﺗﻠﺒﻴﻠﻚ ﻃﻠﺒﺎﺗﻚ ﻭﻏﺮﺍﺋﺰﻙ ﻭﺍﺫﺍ ﻋﻄﻠﺖ ﺗﺸﺘﺮﻱ ﻏﻴﺮﻫﺎ .. ﻣﻊ ﺍﻻﺳﻒ ﻋﻠﻴﻚ ﺍﻣﻴﺮ .. ﺍﺻﻼ ﻣﺘﺴﺘﺤﻖ ﺍﻋﻴﺶ ﻭﻳﺎﻙ ﺩﻗﻴﻘﻪ ﻻﻥ ﻧﺰﻟﺖ ﻣﻦ ﻋﻴﻨﻲ .. ﻭﻛﺮﻫﺘﻚ .. ﻟﻮ ﺍﻧﻲ ﻣﺴﻮﻳﻪ ﻫﻴﺞ ﻛﺎﻥ ﻗﺘﻠﺘﻨﻲالعضوة: 522131 , 6 years ago
ﻣﺜﻞ ﻣﺴﻮﻳﺘﻮﺍ ﺑﻠﻲ ﻗﺒﻠﻲ ﺑﺲ ﺍﻧﻲ ﻣﺎﺍﻗﺘﻠﻚ ﺭﺍﺡ ﺍﺗﺮﻛﻚ ﺗﺘﻌﺬﺏ ﺑﻀﻤﻴﺮﻙ ﻫﺎﻱ ﺍﺫﺍ ﻋﻨﺪﻙ ﺿﻤﻴﺮ .. ﻭﺍﺧﻠﻴﻚ ﺗﺘﺤﺴﺮ ﻉ ﺷﻮﻓﻪ ﺍﺑﻨﻚ . ﻭﻫﺬﺍ ﺍﻛﺒﺮ ﻋﺬﺍﺏ ﺍﻟﻚ ﻋﻤﻮ ﺑﻘﻰ ﻳﻌﻴﻂ .. ﻓﻬﻤﻮﻧﺎ ﺷﻨﻮ ﺍﻟﺴﺎﻟﻔﻪ .. ﺳﻤﺮﺍ .. ﺍﻋﺘﻘﺪ ﻓﻬﻤﺖ ﻛﻮﻟﺸﻲ ﻋﻤﻮ ﻣﻦ ﻛﻼﻣﻨﺎ .. ﺍﺑﻨﻚ ﺧﺎﻧﻲ ﻭﻱ ﻏﻴﺮﻱ ﻭﺑﺎﻟﻴﻞ ﻳﺮﻭﺡ ﺍﻟﻬﺎ ﻭﻳﻨﺎﻡ ﻳﻤﻬﺎ .. ﻟﻬﺬﺍ ﺍﻧﻲ ﺍﺭﻳﺪ ﺍﺭﻭﺡ ﺍﻻﻣﻲ ﻫﺴﺎ . ﻭﻭﺭﻗﻪ ﻃﻼﮔﻲ ﺗﺠﻲ ﻭﺭﺍﻱ .. ﻋﻤﻮ ﻭﺧﺎﻟﻪ .. ﺑﻨﻴﺘﻲ ﺍﻓﻬﻤﻴﻨﺎ ﻣﻮ ﻫﻴﺞ ﺗﺤﻠﻴﻦ ﺍﻻﻣﻮﺭ .. ﺳﻤﺮﺍ .. ﺭﺟﺎﺀ ﻋﻤﻮ ﺍﻟﺸﻐﻠﻪ ﺍﻟﻲ ﻣﺘﻘﺒﻠﻮﻫﺎ ﻉ ﺍﺑﻨﻜﻢ ﻟﺘﻘﺒﻠﻮﻫﻪ ﻋﻠﻴﻪ ﻻﻥ ﺍﻧﻲ ﺍﻋﺘﺒﺮﺗﻜﻢ ﺍﻫﻠﻲ .. ﻟﺘﻀﻠﻤﻮﻧﻲ ﻭﻱ ﺷﺨﺺ ﺧﺎﻳﻦ ﻭﻣﻴﺴﺘﺎﻫﻞ ﺣﺒﻲ .. ﻻﻥ ﺍﻣﻮﺕ ﻧﻔﺴﻲ ﻭﻻﺍﻋﻴﺶ ﻭﻳﺎﻩ .. ﻋﻤﻮ .. ﮔﺎﻝ ﻳﻠﻪ ﺑﻨﻴﺘﻲ ﺭﻭﺣﻲ ﻭﻳﺎﻧﺎ ﻟﻠﺒﻴﺖ ﻻﻥ ﺍﻣﺞ ﺧﻄﻴﻬﺮﻫﺴﺎ ﻧﺎﻳﻤﻪ ﻭﺍﺧﺎﻑ ﺗﻨﻬﺒﻂ ﺍﺫﺍ ﺭﺣﻨﺎﻟﻬﻪ ﻫﺴﺎ .. ﻧﺎﻣﻲ ﻋﺪﻧﺎ ﺍﻟﻠﻴﻠﻪ ﻭﺍﻟﺼﺒﺎﺡ ﺭﺑﺎﺡ .. ﺍﺧﺬﺕ ﻏﺮﺍﺿﻲ ﻭﻣﻼﺑﺴﻲ ﻭﻏﺮﺍﺽ ﻧﻮﻧﻪ .. ﻭﻃﻠﻌﻨﺎ ﻣﻦ ﺍﻟﻐﺮﻓﻪ ﻋﻤﻮ ﺍﺗﺠﻪ ﻉ ﺍﻣﻴﺮ .. ﻭﮔﻠﻪ .. ﺗﻒ ﻋﻠﻴﻚ ﻣﺴﺘﺤﻴﻞ ﺗﻜﻮﻥ ﺍﺑﻨﻲ ﺍﻧﺖ .. ﺍﻣﻴﺮ ﺑﻘﻰ ﻣﺨﻠﻲ ﺍﻳﺪﻳﻪ ﻉ ﺭﺍﺳﻪ ﻭﮔﺎﻋﺪ ﺑﺎﻟﺼﺎﻟﻪ .. ﺷﺎﻝ ﺭﺍﺳﻪ ﺑﺎﻭﻋﻠﻲ ﺑﺤﺰﻥ ﻭﻧﺪﻡ ﻭﻛﺄﻧﻪ ﻳﺘﻮﺳﻞ ﺑﻴﻪ .. ﻛﺎﻧﺖ ﻫﺎﻱ ﺍﺧﺮ ﻧﻀﺮﺍﺗﻲ .. ﺗﺮﻛﺘﻪ ﻭﻣﺸﻴﺖ ﺍﺟﻪ ﺍﺣﻤﺪ ﺍﺧﺬﻧﺎ .. ﺭﻏﻢ ﺣﺒﻲ ﺍﻟﻪ ﻛﺴﺮ ﮔﻠﺒﻲ ﻭﺧﺬﻟﻨﻲ .. ﻣﺎﺍﺗﻮﻗﻌﺖ ﻳﻮﻡ ﺍﻛﻮ ﺷﺨﺺ ﻳﺘﻌﺮﺽ ﻟﻠﺨﻴﺎﻧﻪ ﻭﻳﺘﺪﻣﺮ ﻭﻳﺮﺟﻊ ﻳﺨﻮﻥ ﻫﻮ .. ﻣﻬﻤﺎ ﻛﺎﻧﺖ ﺍﻻﺳﺒﺎﺏ ﻭﺍﻟﻤﺒﺮﺭﺍﺕ .. ﻣﺎﻛﻮ ﺷﻲ ﻳﻐﻔﺮ ﺍﻟﺨﻴﺎﻧﻪ .. ﺭﺟﻌﺖ ﻭﻱ ﺑﻴﺖ ﺍﻫﻞ ﺍﻣﻴﺮ ﻻﻥ ﺍﻟﺴﺎﻋﻪ ﺻﺎﺭﺕ 11 ﻭﻣﮕﺪﺭﺕ ﺍﺭﻭﺡ ﺍﻟﻤﺎﻣﺎ .. ﺍﻛﻴﺪ ﺣﺘﻘﻠﻖ .. ﺩﺧﻠﺖ ﺑﻐﺮﻓﻪ ﻣﻴﻮﺳﻪ ﻭﻧﻮﻧﻪ ﺑﺤﻈﻨﻲ ﻋﺒﺎﻟﻚ ﮔﻠﺒﻬﺎ ﻳﻌﻠﻢ ﺍﻧﻲ ﺣﺘﺮﻛﻬﻢ .. ﺑﺲ ﻧﻮﻧﻪ ﺗﻌﻮﺩﺕ ﻋﻠﻴﻬﺎ ﻭﻣﺎﺍﮔﺪﺭ ﺍﺧﺬﻫﺎ ﻭﻳﺎﻱ ﻻﻥ ﺍﻛﻴﺪ ﺍﻣﻴﺮ ﺣﻴﻄﻠﻌﻬﺎ ﺣﺠﻪ ﻭﻳﺠﻲ ﻛﻞ ﻳﻮﻡ ﻟﻠﺒﻴﺖ .. ﺑﻴﻮﻣﻬﺎ ﻟﻠﺼﺒﺢ ﺍﻧﻲ ﻣﻨﻤﺖ .. ﻭﺧﺎﻟﻪ ﻭﻋﻤﻮ ﻭﺍﺣﻤﺪ ﻭﺯﻭﺟﺘﻪ ﻛﻮﻟﻬﻢ ﻳﻘﻨﻌﻮﻥ ﺑﻴﻪ ﺍﻫﺪﺃ ﻭﻣﺎﺍﺗﺴﺮﻉ .. ﻭﺍﻧﻲ ﺑﺲ ﺻﺎﻓﻨﻪ ﻣﺠﺎﻭﺑﺘﻬﻢ .. ﻻﻥ ﻫﻢ ﻣﻌﺎﺷﻮ ﻭﻳﺎﻩ ﻭﺷﺎﻓﻮﺍالعضوة: 522131 , 6 years ago
ﺷﻠﻮﻥ ﻳﻌﺎﻣﻠﻨﻲ ﺑﺒﺪﺍﻳﻪ ﺍﻟﺰﻭﺍﺝ .. ﻋﺒﺎﻟﻚ ﻭﺣﺪﻩ ﺧﺎﻳﻨﻪ ﻳﻌﺎﻳﺮﻧﻲ ﺑﺄﻣﻲ ﻭﻳﻘﻔﻞ ﺍﻟﺒﺎﺏ ﻋﻠﻴﻪ ﻣﻦ . ﻳﻄﻠﻊ ﻭﻣﺨﻠﻪ ﺣﺘﻰ ﺭﻗﻢ ﺻﺪﻳﻘﺎﺗﻲ ﺍﺗﻮﺍﺻﻞ ﻭﻳﺎﻫﻢ ﺣﺮﻣﻨﻲ ﻣﻨﻬﻢ ﻛﻞ ﻫﺬﺍ ﻭﺍﺗﺤﻤﻠﺘﻪ .. ﻭﺧﻠﻴﺘﻪ ﻳﺤﺒﻨﻲ ﻭﺭﺟﻌﺘﻠﻪ ﺍﻟﺜﻘﻪ ﺍﻟﻲ ﻛﺎﻧﺖ ﻣﻨﻌﺪﻣﻪ ﻋﻨﺪﻩ . ﻭﺗﺎﻟﻲ ﻳﺨﻮﻧﻲ ﺑﺴﻬﻮﻟﻪ .. ﻻﻥ ﻛﻨﺖ ﺣﺎﻣﻞ ﻭﻣﺸﻐﻮﻟﻪ ﺩﺍﻳﻤﺎ .. ﻣﺎﻓﻜﺮ ﺑﻴﻪ ﻳﻮﻡ ﻭﺳﺎﻋﺪﻧﻲ ﺑﺤﻤﻞ ﺍﻟﺒﻴﺖ ﻭﻧﻮﻧﻪ ﻭﺩﻭﺍﻣﻲ .. ﻛﺎﻥ ﺍﻧﺎﻧﻲ ﻳﻔﻜﺮ ﺑﻨﻔﺴﻪ ﻭﺑﻐﺮﻳﺰﺗﻪ ﺍﻟﻲ ﻳﺮﻳﺪ ﻳﺸﺒﻌﻬﺎ ﺑﺄﻱ ﻃﺮﻳﻘﻪ .. ﻣﻴﻮﺳﻪ ﺍﻟﻮﺣﻴﺪﻩ ﺍﻟﻲ ﻓﻬﻤﺘﻨﻲ .. ﺍﻟﻜﻞ ﻳﮕﻮﻟﻲ ﻟﺘﺨﺮﺑﻴﻦ ﺑﻴﺘﺞ .. ﺻﺎﺭ ﺍﻟﺼﺒﺢ ﻃﻠﺒﺖ ﻣﻦ ﺍﺣﻤﺪ ﻳﻮﺻﻠﻨﻲ .. ﺍﺧﺬﻧﺎ ﺍﻧﻲ ﻭﻣﻴﻮﺳﻪ ﻻﻥ ﻋﻨﺪﻫﺎ ﺩﻭﺍﻡ .. ﻋﻤﺘﻲ ﺧﻄﻴﻪ ﺿﻐﻄﻬﺎ ﺍﺭﺗﻔﻊ ﺑﺴﺒﺐ ﺍﻣﻴﺮ . ﻓﻤﮕﺪﺭﺕ ﺍﺗﺮﻙ ﻧﻮﻧﻪ ﻋﻨﺪﻫﺎ ﺍﺧﺬﺗﻬﺎ ﻭﻳﺎﻱ ﺍﻟﻰ ﺍﻥ ﺗﺼﻴﺮ ﻋﻤﺘﻲ ﺯﻳﻨﻪ .. ﻭﺻﻠﻨﺎ ﻣﻴﻮﺳﻪ ﻟﻠﺠﺎﻣﻌﻪ .. ﻭﺍﺣﻨﺎ ﺭﺣﻨﺎ ﻟﻠﺒﻴﺖ ﻭﺍﻟﻄﺮﻳﻖ ﻛﻮﻟﻪ ﻳﮕﻮﻟﻲ ﺧﻮﻳﻪ ﻓﻜﺮﻱ ﺯﻳﻦ ﻟﺘﺘﺴﺮﻋﻴﻦ ﺍﻧﺘﻲ ﺗﺤﺒﻴﻦ ﺍﻣﻴﺮ ﻭﻫﻮ ﻳﺤﺒﺞ ﻭﻫﺎﻱ ﺳﺎﻋﻪ ﺷﻴﻄﺎﻧﻴﻪ . ﺳﻜﺘﺖ ﻣﺤﺠﻴﺖ ﻭﻳﺎﻩ ﻻﻥ ﺍﺑﻨﻬﻢ ﻫﻴﺞ ﻳﮕﻮﻟﻮﻥ ﺑﺲ ﻟﻮ ﻏﻴﺮ ﺍﻧﺴﺎﻥ ﻣﺘﺄﻛﺪﻩ ﺫﻣﻮﻩ .. ﻭﺍﻟﺪﻟﻴﻞ ﺯﻭﺟﻪ ﺍﻣﻴﺮ ﺍﻻﻭﻟﻰ ﺍﻧﻘﺘﻠﺖ ﻻﻥ ﺧﺎﻧﺖ ﺑﻴﻨﻤﺎ ﺍﻣﻴﺮ ﺍﻟﻜﻞ ﻳﺪﻭﺭﻟﻪ ﺍﻋﺬﺍﺭ ﻟﻴﺶ .. ﻻﻧﻪ ﺭﺟﺎﻝ .. ﻭﻣﺎﻋﻠﻴﻪ ﻋﻴﺐ .. ﻣﺠﺘﻤﻊ ﻓﺎﺷﻞ ﻳﺤﻠﻞ ﺍﻟﻲ ﺣﺮﻣﻪ ﺍﻟﻠﻪ ﻭﻫﻮ ﺍﻟﺰﻧﺎ ﻟﻤﺠﺮﺩ ﺍﻧﻪ ﺭﺟﺎﻝ .. ﻭﺻﻠﺖ ﺍﻟﺒﻴﺖ ﺍﻫﻠﻲ .. ﺩﮔﻴﺖ ﺍﻟﺒﺎﺏ ﻓﺘﺤﻬﻪ ﻭﻟﺪ ﻣﺎﺍﻋﺮﻓﻪ ﻃﻮﻳﻞ ﻭﺣﻨﻄﺎﻭﻱ ﺣﻠﻮ .. ﺍﺑﺘﺴﻢ ﺑﻮﺟﻬﻲ .. ﮔﻠﻲ ﺍﻛﻴﺪ ﺍﻧﺘﻲ ﺳﻤﺮﺍ .. ﮔﻮﺗﻠﻪ ﺑﻠﻲ ﺍﻧﻲ .. ﻣﻨﻮ ﺣﻀﺮﺗﻚ .. ﻇﺤﻚ ﻭﮔﻠﻲ ﺍﺩﺧﻠﻲ ﻭﺍﻧﺘﻲ ﺗﻌﺮﻓﻴﻦ ﺑﻘﻴﺖ ﻣﺴﺘﻐﺮﺑﻪ . ﻭﺍﺣﻤﺪ ﻫﻢ ﻋﺼﺐ ﻣﻦ ﺷﺎﻓﻪ ﻧﺰﻝ ﺍﻟﻐﺮﺍﺽ ﻛﻮﻟﻬﻪ .. ﻭﻋﻴﻨﻪ ﻉ ﺍﻟﻮﻟﺪ ..العضوة: 522131 , 6 years ago
ﺗﺎﻟﻲ ﻃﻠﻌﺖ ﻣﺎﻣﺎ ﺗﻠﮕﺘﻨﺎ .. ﻭﺍﻧﻲ ﻣﻦ ﺷﻔﺘﻬﺎ ﻧﺴﻴﺖ ﻛﻮﻟﺸﻲ ﻭﺣﻈﻨﺘﻬﺎ ﻭﺍﺑﺠﻲ ﻓﺮﻏﺖ ﻫﻤﻲ ﺑﺤﻈﻨﻬﺎ . ﻻﻥ ﻫﻲ ﺍﻛﺜﺮ ﻭﺣﺪﻩ ﺗﻔﻬﻤﻨﻲ .. ﺣﺘﻰ ﻟﻮ ﻛﺎﻧﺖ ﻣﻮ ﺍﻣﻲ ﺍﻟﺤﻘﻴﻘﻴﻪ ﺑﺲ ﻫﻲ ﺍﻟﻲ ﺭﺑﺘﻨﻲ ﻭﻋﻠﻤﺘﻨﻲ ﻉ ﺍﻟﺼﺢ ﻭﺍﻟﻐﻠﻂ ﻭﻫﻲ ﺍﻟﻲ ﺗﺤﻤﻠﺖ ﻛﻮﻟﺸﻲ ﻋﻤﻮﺩﻱ ﻫﺬﻱ ﺍﻻﻧﺴﺎﻧﻪ ﺍﻟﻲ ﺗﺴﺘﺤﻖ ﺍﺳﻤﻴﻬﺎ ﺍﻡ .. # ﺑﻘﻠﻤﻲ _ ﺷﻤﺲ ﻳﺘﺒﻊالعضوة: 522131 , 6 years ago
ﺍﺗﻌﻠﻢ # ﺍﻧﻚ ﺍﻟﻮﺣﻴﺪ ﺍﻟﺬﻱ ﺍﺧﺒﺮﺗﻪ ﺑﻤﺎ ﻳﺆﻟﻤﻨﻲ ﻭﺍﻧﺖ ﺍﻛﺜﺮ ﻣﻦ ﺍﻭﺟﻌﻨﻲ .. ﻭﻣﻦ ﻏﻴﺮﺗﻲ ﻋﻠﻴﻚ ﺑﻜﻴﺖ ﺣﺘﻰ ﺍﺩﻣﻴﺖ ﻋﻴﻨﻲ ﻭﻛﺄﻥ ﻛﻞ _# ﺫﻧﺒﻲ ﺍﻧﻨﻲ # ﻋﺸﻘﺘﻚ ﻑ ﻋﺎﻗﺒﺘﻨﻲ .. ﻑ ﻳﺎ # ﺍﺣﻤﻖ ﻻ ﺗﻌﺘﻘﺪ ﺍﻧﻚ ﺳﺘﻘﻬﺮﻧﻲ ﺍﺫﺍ ﺍﺳﺘﻔﺰﻳﺘﻨﻲ ﺏ # ﺍﻧﺜﻰ _ ﻏﻴﺮﻱ .. ﻑ ﺍﻧﺎ ﺣﻴﻦ ﻛﺮﺍﻣﺘﻲ ﺗﺒﺎ ﻟﻘﻠﺒﻲ ﻭﺗﺒﺎﺍﺍﺍﺍﺍﺍﺍﺍ ﻟﻚ ﻭﺗﺒﺎ ﻝ # ﻋﻴﻦ _ ﻻﺟﻠﻚ _ ﺗﺒﻜﻲ ﻑ # ﺍﺳﻤﻊ ﻣﺎ ﺟﻨﻴﺘﻪ ﺑﺤﻤﻘﻚ .. ﺍﻧﺎ ﺍﻧﺜﻰ ﻟﻦ ﺗﻜﺴﺮﻧﻲ ؛ﺧﻄﻮﺗﻲ ﺗﺸﻬﺪ ﻟﻬﺎ ﺍﻻﺭﺽ ﻭﻟﻄﻠﺘﻲ ___ ﺍﻟﺴﺎﺣﺮﺓ ﻳﻨﺜﺮ ﺍﻟﻮﺭﺩ .. ﻧﻌﻢ ﺍﻧﺎ ﻣﻦ # ﻋﺸﻘﺘﻚ ﻭﻣﻦ ﺭﺃﺗﻚ ﻛﻞ ﺷﻲ ﻭﻟﻜﻦ # ﻭﻋﺪﺍ ﺑﻨﻔﺲ ﺍﻟﻌﻴﻦ ﻟﻦ ﺍﻟﺘﻔﺖ ﻟﻚ ﻭﻛﺄﻧﻚ ﺷﻴﺌﺎ ﻟﻢ ﻳﻜﻦ ..... # ﻭﻋﺪﺍﺍﺍﺍﺍﺍﺍﺍﺍ ﺩﺧﻠﻨﺎ ﻟﻠﺒﻴﺖ .. ﻭﺍﺣﻤﺪ ﻫﻢ ﺩﺧﻞ ﻧﻮﻧﻪ ﻭﺍﻟﻐﺮﺍﺽ ﺑﺲ ﺑﺎﻟﺤﻘﻴﻘﻪ ﻛﺎﺗﻠﻪ ﺍﻟﻔﻀﻮﻝ ﻳﺮﻳﺪ ﻳﻌﺮﻑ ﻣﻨﻮ ﻫﺬﺍ ﺍﻟﻮﻟﺪ ﻭﺍﻟﺼﺮﺍﺣﻪ ﺍﻧﻲ ﻫﻢ .. ﮔﺎﻟﺖ ﺗﻌﺎﻟﻲ ﻣﺎﻣﺎ ﻫﺬﺍ ﺧﺎﻟﺞ ﺳﺎﻟﻢ ﺭﺟﻊ ﻣﻦ ﺍﻣﺮﻳﻜﺎ ﻭﺣﻴﺴﺘﻘﺮﻭﻥ ﻫﻨﺎ ﺑﺲ ﻳﺮﻣﻤﻮﻥ ﺑﻴﺖ ﺟﺪﺝ .. ﺍﺗﺬﻛﺮﺕ ﺧﺎﻟﻮﺍ ﻣﻦ . ﻛﻨﺖ ﺻﻐﻴﺮﻩ ﺗﺎﺧﺬﻧﺎ ﺍﻟﻬﻢ ﺑﺲ ﺑﻌﺪﻳﻦ ﻃﻠﻌﻮﺍ ﻟﻠﺨﺎﺭﺝ .. ﺭﺣﺒﺖ ﺑﻴﻬﻢ ﻭﺑﻮﺳﺖ ﻣﺮﺕ ﺧﺎﻟﻮﺍ ﻭﺑﻨﺘﻬﻢ ﻫﻢ ﺣﻠﻮﻩ ﺍﺳﻤﻬﺎ ﺭﺍﻧﻴﺎ ﺑﺲ ﺻﻐﻴﺮﻩ ﻳﻤﻜﻦ ﻋﻤﺮﻫﺎ 15 .. ﺳﻨﻪ .. ﻭﺑﻌﺪﻳﻦ ﻋﺮﻑ ﺍﻟﻮﻟﺪ ﻋﻦ ﻧﻔﺴﻪ .. ﮔﻠﻲ ﺳﻤﺮﺍ ﺍﻧﻲ ﻣﺼﻄﻔﻰ ﻣﻌﻘﻮﻟﻪ ﻣﻌﺮﻓﺘﻴﻨﻲ .. ﻛﻨﺎ ﻧﻠﻌﺐ ﺳﻮﻳﻪ ﻣﻦ ﺍﺣﻨﺎ ﺻﻐﺎﺭ ﻭﺣﺘﻰ ﻋﻴﻮﻧﺞ ﺍﺗﺬﻛﺮﻫﻦ ﻧﻔﺴﻬﻦ ﻣﺘﻐﻴﺮﻥ .. ﺳﻤﺮﺍ .. ﻫﻬﻬﻪ ﺫﺍﻛﺮﺗﻚ ﻗﻮﻳﻪ ﺑﺲ ﺍﻧﻲ ﻣﻮ ﻛﻠﺶ ﺍﺗﺬﻛﺮ .. ﺑﻌﺪﻳﻦ ﺗﺒﺎﻭﻋﺖ ﺍﻻﺣﻤﺪ ﻳﺨﺰﺭ ﺑﻤﺼﻄﻔﻰ .. ﺗﻼﺣﮕﺖ ﺍﻟﻮﺿﻊ ﻭﻋﺮﻓﺘﻬﻢ ﻉ ﺍﺣﻤﺪ ﻭﻫﻮ ﻫﻢ ﺭﺣﺐ ﺑﻴﻬﻢ .. ﺑﻌﺪﻳﻦ ﺳﻠﻢ ﻭﻃﻠﻊ ﻭﮔﻠﻲ ﺍﻱ ﺷﻲ ﺗﺤﺘﺎﺟﻴﻪ ﺍﻧﻲ ﺣﺎﻇﺮ ﺑﺲ ﺍﺗﺼﻠﻲ ﻋﻠﻴﻪ .. # ﺑﻘﻠﻤﻲ _ ﺷﻤﺲ ﺳﺄﻟﺘﻨﻲ ﻣﺮﺕ ﺧﺎﻟﻮﺍ ﻉ ﻧﻮﻧﻪ .. ﮔﻮﻟﺘﻠﻬﺎ ﺣﺎﻣﻞ .. ﮔﺎﻟﺖ ﻳﺎﻋﻴﻨﻲ .. ﺑﻌﺪﺝ ﺻﻐﻴﺮﻩ ﻭﻋﻨﺪﺝ ﻃﻔﻠﻪ ﻭﺣﺎﻣﻞ .. ﻭﺍﻣﺞ ﮔﺎﻟﺖ ﺗﺪﺍﻭﻣﻴﻦ ﺑﺎﻟﺠﺎﻣﻌﻪ ﺷﻠﻮﻥ ﺗﮕﺪﺭﻳﻦ .. ﺍﺑﺘﺴﻤﺖ ﻭﺳﻜﺘﺖ ﻣﺎﺍﻋﺮﻑ ﺷﻨﻮ ﺍﺭﺩ ﻋﻠﻴﻬﺎ ﻭﻓﻌﻼ ﺍﻧﻲ ﺻﻐﻴﺮﻩ ﻭﺣﻤﻠﺖ ﻧﻔﺴﻲ ﻣﺴﺆﻭﻟﻴﻪ ﻛﺒﻴﺮﻩ .. ﺭﺍﻧﻴﺎ ﺑﻨﺖ ﺧﺎﻟﻮ .. ﺳﻤﺮﺍ ﻳﺎﻱ ﺑﻨﺘﺞ ﺗﺨﺒﻞ ﻋﻠﻴﺞ ﻭﺍﻛﻴﺪ ﺍﺑﻮﻫﺎ ﻫﻢ ﺣﻠﻮ 😉 ﺍﺑﺘﺴﻤﺘﻠﻬﺎ ﺍﻱ ﺣﻠﻮ .. ﺍﺳﺘﺄﺫﻧﺖ ﻣﻨﻬﻢ ﻻﻥ ﺗﻌﺒﺎﻧﻪ .. ﻭﺩﺧﻠﺖ ﻟﻠﻐﺮﻓﻪ ﺭﺗﺒﺖ ﻏﺮﺍﺿﻲ ﻭﻣﻼﺑﺴﻲ .. ﻭﺍﻏﺮﺍﺽ ﻧﻮﻧﻪ ﻫﻢ ..