ﺟﻨﺖ ﺑﻐﺮﻓﺘﻲ ﻣﺘﻤﺪﺩ ﻋﻠﻰ ﺍﻟﺴﺮﻳﺮ ﻭﺍﻧﻲ ﻣﺴﻠﻮﺑﻪ ﻣﻨﻲ ﺍﻟﺤﻴﺎﻩ ﻭﺗﺎﺭﻙ ﻛﻞ ﺷﻲ ﺷﻐﻠﻲ ﻭﺣﻴﺎﺗﻲ ﻭﻛﺎﻧﻪ ﻣﺪﻓﻮﻥ ﺑﺎﻟﺪﻧﻴﺎ ﻭﺍﻟﺠﻜﺎﺭﻩ ﻣﺘﻔﺎﺭﻙ ﺍﺻﺎﺑﻌﻲ ﺍﻧﻔﺚ ﺍﻟﺪﺧﺎﻥ ﻭﺍﺷﻮﻑ ﺍﻟﻲ ﺻﺎﺭ ﻭﺍﻏﻤﺾ ﻋﻴﻮﻧﻲ ﺍﺭﻳﺪ ﻣﺎﺍﺷﻮﻑ ﻭﻻﺍﺳﻤﻊ ﻭﺍﻧﻲ ﻋﻠﻰ ﻫﺎﻟﺤﺎﻝ ﺍﺟﺎﻧﻲ ﺍﺑﻦ ﺍﺧﻮﻳﻪ ﻭﻛﻠﻲ ﺟﺪﻭ ﻳﺮﻳﺪﻙ ﻫﺰﻳﺖ ﺍﻟﻪ ﺭﺍﺳﻲ ﺑﺒﺮﻭﺩ ﻭﻳﺄﺱ ﺑﺪﻭﻥ ﻣﺎﺍﻧﻄﻖ ﻭﻃﻔﻴﺖ ﺍﻟﺠﻜﺎﺭﻩ ﺑﻨﻔﺎﺿﻪ ﻣﻠﻴﺎﻧﻪ ﺑﺎﻟﺴﻜﺎﻳﺮ ﻣﻮﺿﻮﻋﻪ ﺑﺠﺎﻧﺐ ﺍﻟﺴﺮﻳﺮ ﻭﻛﻤﺖ ﻣﻦ ﻧﺰﻟﺖ ﺟﻮﻩ . ﺻﺎﺭﺕ ﮔﺒﺎﻟﻲ ﻋﻤﺘﻲ ﻛﻮﺍﻛﺐ ﺍﺧﺖ ﺍﺑﻮﻳﻪ ﻭﻫﻲ ﺗﺒﺎﻭﻋﻠﻲ ﺑﻨﻈﺮﺍﺕ ﻏﺮﻳﺒﻪ ﺿﻮﺟﺘﻨﻲ ﻋﻄﺖ ﺑﻴﻬﺎ ﺑﻌﺼﺒﻴﻪ - ﺧﻴﺮ ﺷﺒﻴﺞ ﺭﺍﺡ ﺗﺎﻛﻠﻴﻨﻲ ﺑﻌﻴﻮﻧﺞ ؟ ﻛﻮﺍﻛﺐ : ﻋﺰﺍ ﺍﻟﻌﺰﺍﻙ ﺍﻧﺖ ﻣﻨﻮ ﻳﻤﻚ ﺟﻬﺎﺩ : ﻫﺎﻱ ﻧﻀﺮﺍﺗﺞ ﻭﺣﺮﻛﺎﺗﺞ ﻭﻣﺎﻣﺴﻮﻳﻪ ﺷﺊ؟؟ ﻛﻮﺍﻛﺐ : ﻭﻟﻚ ﺍﺳﺘﺤﻲ ﺍﻧﻲ ﻋﻤﺘﻚ ﺍﺣﺘﺮﻣﻨﻲ ﺟﻬﺎﺩ : ﻫﻮ ﺍﻧﻲ ﺭﻭﺣﻲ ﻣﺎﻣﺤﺘﺮﻣﻬﺎ ﺗﺮﺩﻳﻨﻲ ﺍﺣﺘﺮﻣﺞ؟؟ ﻛﻮﺍﻛﺐ : ﻻﺗﻨﺴﻰ ﻫﺎﺍ ﺗﺮﻩ ... ﺟﻬﺎﺩ : ﻣﺎﺧﻠﻴﺘﻬﺎ ﺗﻜﻤﻞ ﻛﻼﻣﻬﺎ ﻛﺘﻠﻬﺎﺍ . ﻫﻴﻴﻴﻪ ﻭﺍﻧﺖ ﻫﻢ ﻻﺗﻨﺴﻴﻦ ﺍﻧﻲ ﺣﺬﺭﺗﺞ ﻭﺗﻌﺮﻓﻴﻨﻲ ﺑﺎﻳﻊ ﺍﻟﺪﻧﻴﺎ ﻭﺧﺎﺳﺮﻫﺎﺍ ﺧﻠﻴﺘﻬﺎ ﺩﺍﺭﺕ ﻇﻬﺮﻫﺎ ﻭﺭﺍﺣﺖ ﻭﻫﻲ ﺗﻬﻒ ﺑﻴﺪﻫﺎ . ﻟﺰﻣﺖ ﺭﺍﺳﻲ ﻭﻏﻤﻀﺖ ﻋﻴﻮﻧﻲ ﻭﺍﻧﻲ ﺍﺣﺲ ﻣﻴﺖ ﻭ ﺿﺎﻳﻊ ﻭﺗﻮﺟﻬﺖ ﻟﻼﺳﺘﻘﺒﺎﻝ ﺍﺷﻮﻑ ﺍﺑﻮﻳﻪ . ﺩﺧﻠﺖ ﻋﻠﻴﻪ ﺷﻔﺘﻪ ﻳﺒﺎﻭﻋﻠﻲ ﻧﻈﺮﺍﺕ ﻭﻛﺎﻧﻪ ﻣﺘﻔﺎﺟﺊ ﺑﺸﻜﻠﻲ ﺻﺎﺭﻟﻲ ﻫﻮﺍﻱ ﺑﺎﻟﺒﻴﺖ ﺑﺲ ﺣﺎﺑﺲ ﻧﻔﺴﻲ ﺑﺎﻟﻐﺮﻓﻪ ﻭﻣﺤﺪ ﻳﺸﻮﻓﻨﻲ . ﺟﻬﺎﺩ : ﺧﻴﺮ ﻳﺎﺑﻪ ﻃﻠﺒﺘﻨﻲ ؟؟ ﺍﺑﻮ ﺟﻬﺎﺩ : ﺟﻬﺎﺩ ﻟﺸﻮﻛﺖ ﺭﺍﺡ ﺗﺒﻘﻰ ﺣﺎﺑﺲ ﻧﻔﺴﻚ ﻭﺗﺎﺭﻙ ﺷﻐﻠﻚ ﻣﻮ ﺍﻧﺘﻪ ﺍﻟﻤﻼﺯﻡ ﺍﻟﻤﻮﻛﻒ ﺍﻟﺒﺼﺮﺓ ﻋﻠﻰ ﺗﻚ ﺭﺟﻞ ﻫﻴﺞ ﺗﻀﻌﻒ ﻣﻦ ﺍﻭﻝ ﻣﻮﻗﻒ؟؟ ﺟﻬﺎﺩ : ﻟﻴﺶ ﺍﻟﻲ ﺻﺎﺭ ﺷﻮﻳﻪ ﻳﻌﻨﻲ ﺍﻧﻲ ﺍﻧﻬﺪﺍﻟﻲ ﻋﺎﺭ ﻭﺗﺮﻳﺪﻧﻲ ﺍﻧﺴﻰ ﺑﺴﻬﻮﻟﻪ ﺷﻨﺴﻰ ﻳﺎﻳﺎﺑﻪ ﺷﻨﺴﻰ ؟ ﺍﻻﺏ : ﺍﻧﺖ ﻗﺎﺗﻠﻬﺎ ﻣﻮﻭ ؟؟ ﺟﻬﺎﺩ : ﻭﺍﺫﺍ ﻗﺎﺗﻠﻬﺎ ﻫﺬﺍ ﻭﺳﺎﻡ ﺷﺮﻑ ﻭﺍﻋﻠﻜﻪ ﺑﺼﺪﺭﻱ ﺍﻻﺏ : ﻟﻴﺶ ﻣﺎﺩﻭﺭ ﻋﻠﻰ ﻋﺮﺿﻚ ﻟﻌﺪ ؟ ﺟﻬﺎﺩ : ﻋﺮﺿﻲ ﻟﻤﺎ ﺣﻔﻀﻨﻲ ﻣﺎﺍﺭﻳﺪﻩ ﻟﻠﺠﻴﺮ ﺍﻻﺏ : ﻟﻚ ﺍﻧﺖ ﺻﺎﻳﺮ ﻣﻮ ﺭﺟﺎﻝ ﺟﻬﺎﺩ : ﻭﻳﻦ ﺍﻛﻮﻭ ﺭﺟﻮﻟﻪ ﻭﺍﻧﻲ ﺍﺳﻤﻊ ﻟﻜﻞ ﻳﺘﻬﺎﻣﺲ ﻣﺮﺕ ﺟﻬﺎﺩ ﺍﻧﻬﺰﻣﺖ ﻭﻳﻪ ﺍﺑﻦ ﻋﻤﻪ ﺍﻻﺏ ﺑﻐﻀﺐ : ﻟﻚ ﺍﻧﺘﻪ ﺭﺟﺎﻝ ﻭﻏﺼﺒﺎ ﻋﻠﺊ ﺍﻟﻜﻞ ﺗﻌﺒﺖ ﻭﻛﺒﺮﺗﻚ ﻭﻭﺻﻠﺘﻚ ﺻﺮﺕ ﻣﻼﺯﻡ ﺑﺠﻬﻮﺩﻱ ﺍﻧﻲ ﺍﻓﺘﺨﺮ ﺑﻴﻚ ﻫﻴﺞ ﺗﺼﻴﺮ ﺿﻌﻴﻒ ﻭﺗﻨﺰﻝ ﺭﺍﺳﻚ ﻣﺮﻩ ؟؟ ﺟﻬﺎﺩ ﺑﻘﻬﺮ : ﻻ ﻣﺎﻧﺰﻝ ﺭﺍﺳﻲ ﻭﺭﺍﺡ ﺍﺛﺒﺖ ﻟﻠﻜﻞ ﻣﻮ ﻣﺮﺓ ﻟﺘﻨﺰﻝ ﺭﺍﺳﻲ ﺭﺍﺡ ﺍﻛﻮﻟﻬﻢ ﺍﻧﻲ ﺍﻧﻬﺪﺍﻟﻲ ﻋﺎﺭ ﺑﺲ ﺭﻓﻀﺘﻪ ﺍﻻﺏ : ﺍﻱ ﻋﻔﻴﻪ ﻫﺬﺍ ﺍﺑﻨﻲ ﺍﻟﺴﺒﻊ ﻫﺬﺍ ﻟﻤﺎ ﺗﻐﻠﺒﻪ ﺍﻟﻀﺮﻭﻑ ﻭﻳﻮﻛﻒ ﻋﻠﺊ ﺣﻴﻠﻪ ﻭﻫﺬﺍ ﺟﻬﺎﺩ ﺍﻟﺒﻄﻞ ﺟﻬﺎﺩ : ﻳﺎﺑﻪ ﺍﻧﻲ ﺗﻌﺒﺎﻥ ﻭﺍﺭﻳﺪ ﺍﺭﺗﺎﺡ ﺗﺮﻳﺪ ﺷﻲ ﺑﻌﺪ ؟؟ ﺍﻻﺏ : ﺭﻭﺡ ﺍﺭﺗﺎﺡ ﺍﺑﻨﻲ ﻭﻏﻴﺮ ﻭﻗﺖ ﻧﻜﻤﻞ ﺣﺠﻲ . ﺟﻬﺎﺩ : ﺻﺎﺭ ﻳﺎﺑﻪ ﻣﻦ ﺭﺧﺼﺘﻚ ﻃﻠﻌﺖ ﻣﻦ ﺍﻻﺳﺘﻘﺒﺎﻝ ﻭﻓﺘﺖ ﺑﺎﻟﻤﻤﺮ ﺍﺳﻤﻊ ﺍﺻﻮﺍﺕ ﺍﻫﻠﻲ ﺍﺻﻮﺍﺕ ﺗﺒﺚ ﺍﻟﺤﻴﺎﺓ ﺍﺣﺲ ﺍﻟﻜﻞ ﻋﺎﻳﺶ ﺑﺲ ﺍﻧﻲ ﻣﻴﺖ ﻗﺒﻞ ﻓﺘﺮﻩ ﺟﻨﺖ ﻣﻠﺘﺤﻖ ﺑﻮﺣﺪﺗﻲ ﺑﺎﻟﺒﺼﺮﻩ ﺍﺗﺼﻠﻮﺍ ﻋﻠﻴﻪ ﺍﻫﻠﻲ . ﺍﺧﻮﻳﻪ ﻓﺆﺍﺩ ﮔﻠﻲ ﺗﻌﺎﻝ ﺯﻭﺟﺘﻚ ﻣﺎﻛﻮ ﺑﺎﻟﺒﻴﺖ ﺍﺧﺘﻔﺖ ﻭﺣﺘﻰ ﺍﻫﻠﻬﺎ ﻣﻴﻌﺮﻓﻮﻥ ﻋﻨﻬﺎ ﺷﻲ . ﻭﺑﻌﺪﻫﺎ ﺣﺠﻮﺍ ﻭﻳﺎﻳﻪ ﺍﻣﻲ ﻭﺍﺑﻮﻳﻪ ﺳﺄﻟﻮﻧﻲ ﺍﺫﺍ ﺍﻋﺮﻑ ﻋﻨﻬﺎ ﺷﻲ ﺍﻧﻲ ﻫﻤﻴﻦ ﻛﺘﻠﻬﻢ ﻣﺎﺍﻋﺮﻑ ﻣﻦ ﻭﻳﻦ ﺍﻋﺮﻑ ﻭﺍﻧﻲ ﺑﺎﻟﺒﺼﺮﻩ ﻭﺻﺎﺭ ﺍﻟﻲ ﻳﻮﻣﻴﻦ ﻣﻠﺘﺤﻖ ﻭﻫﻲ ﺑﺎﻟﺒﻴﺖ ﻳﻤﻜﻢ ﺍﺑﻐﺪﺍﺩ؟؟ ﺍﻛﺪﻭﺍ ﻋﻠﻴﻪ ﺍﺭﺟﻊ ﻭﺭﺟﻌﺖ ﻟﻠﺒﻴﺖ ﺟﺎﻥ ﻣﺨﺒﻮﺹ ﺧﺒﺺ ﻭﻫﻮﺳﻪ . ﺍﻧﻲ ﺟﻬﺎﺩ ﻋﻤﺮﻱ 33 ﺳﻨﻪ ﻣﻼﺯﻡ ﺍﻭﻝ ﺑﺎﻟﺪﺍﺧﻠﻴﻪ ﻭﺍﺩﺍﻭﻡ ﺑﺎﻟﺒﺼﺮﻩ ﻣﺘﺰﻭﺝ ﻣﻦ ﺳﻨﺘﻴﻦ ﻭﻣﺎﻋﻨﺪﻱ ﺍﻃﻔﺎﻝ . ﺻﺎﺭ ﻳﻮﻣﻴﻦ ﻋﻠﻰ ﺍﺧﺘﻔﺎﺋﻬﺎ ﻭﺍﻛﺘﺸﻔﻨﺎ ﺑﻨﻔﺲ ﺍﻟﻮﻗﺖ ﺍﺑﻦ ﻋﻤﻲ ﻫﻢ ﻣﺨﺘﻔﻲ ﻫﻨﺎ ﺍﻟﻜﻞ ﺻﺎﺭ ﻳﺸﻚ ﺑﺎﻟﻤﻮﺿﻮﻉ ﺧﺎﺻﺔ ﺟﺎﻧﺖ ﺍﻛﻮ ﻋﻼﻣﺎﺕ ﻋﻠﻴﻬﺎ ﺍﻧﻪ ﻋﺪﻫﺎ ﻋﻼﻗﻪ ﻭﻳﺎ ﻭﺍﻟﻜﻞ ﺻﺎﺭ ﻣﻘﺘﻨﻊ ﺍﻧﻬﻢ ﺍﻧﻬﺰﻣﻮﺍ ﺳﻮﻩ  ﺑﺲ ﻭﺻﻠﺖ ﻟﻠﺒﻴﺖ ﺗﻠﻜﺘﻨﻲ ﺍﻣﻲ ﻭﻫﻲ ﺗﺒﺠﻲ ﻣﺜﻞ ﺍﻟﻤﻔﺠﻮﻋﻪ ﺍﻻﻡ : ﻳﻤﻪ ﺟﻬﺎﺩ ﻣﺎﻋﻨﺪﻙ ﺣﻆ ﻳﻴﻤﻪ ﻣﺮﺗﻚ ﻧﻬﺒﺖ ﻭﻧﻜﺴﺖ ﺭﺍﺳﻚ ﻭﺭﺍﺳﻨﻪ ﻛﻠﻨﻪ ﻭﺍﻟﻤﺼﻴﺒﻪ ﻧﻬﺒﺖ ﻭﻱ ﺍﺑﻦ ﻋﻤﻚ ﺷﺤﺠﻲ ﺷﻜﻮﻝ ﺍﻟﻌﺎﻟﻢ ﺷﺘﻜﻮﻝ ﻋﻠﻴﻨﺎ . ﺑﻮﺳﺖ ﺭﺍﺳﻬﺎ ﻭﺣﻀﻨﺘﻬﺎ ﺑﻘﻮﻩ ﺿﺎﻋﺖ ﺑﻴﻦ ﺍﻳﺪﻱ ﻫﻲ ﻗﺼﻴﺮﻩ ﻭﻧﺎﻋﻤﻪ ﻭﺍﻧﻲ ﺿﺨﻢ ﺑﺲ ﻣﺎﺣﺠﻴﺖ ﻛﻠﻤﻪ ﻣﺒﻴﻦ ﻋﻠﻴﻪ ﺍﻟﺒﺮﻭﺩ ﺑﺲ ﺑﺪﺍﺧﻠﻲ ﺑﺮﺍﻛﻴﻦ ﻧﻴﺮﺍﻥ ﻣﺘﻮﺟﺮﻩ ﻭﻫﺬﺍ ﺍﻟﻮﺻﻒ ﻗﻠﻴﻞ ﺑﺤﻖ ﺍﻟﻲ ﺩﺍﺣﺲ ﺑﻲ . ﻃﻠﻊ ﺍﺑﻮﻳﻪ ﻭﻇﻞ ﻳﺤﺠﻲ ﺑﻌﺼﺒﻴﻪ ﻋﻠﻰ ﺍﻣﻲ ﺍﻻﺏ : ﻋﻠﻰ ﻛﻴﻔﺞ ﻳﺎﻣﺮﻩ ﻫﺴﻪ ﻣﻨﻮ ﻳﻜﻮﻝ ﻧﻬﺒﺖ ﻭﻱ ﺍﺑﻦ ﻋﻤﻪ ﻣﻮ ﻳﻤﻜﻦ ﻋﻨﺪﻩ ﺿﺮﻑ ﻃﺎﻟﻊ ﻣﺴﺎﻓﺮ ﺻﺎﺭﻟﻪ ﺷﻲ ﻟﻴﺶ ﺗﻀﻠﻤﻴﻦ ﺑﺨﺘﻬﺎ ﻭﺑﺨﺘﻪ ﺗﻌﺎﻝ ﺍﺑﻨﻲ ﺗﻌﺎﻝ ﺍﺑﻮ ﺯﻭﺟﺘﻚ ﻳﻨﺘﻈﺮﻙ . ﺟﻬﺎﺩ : ﺗﻨﻔﺴﺖ ﺑﺎﻟﻢ ﻭﺭﺣﺖ ﻭﺭﻩ ﺍﺑﻮﻳﻪ ﻟﻼﺳﺘﻘﺒﺎﻝ ﺟﺎﻧﻮﺍ ﻛﺎﻋﺪﻳﻦ ﺍﺑﻮ ﺯﻭﺟﺘﻲ ﺭﺅﻯ ﻭﺍﺧﻮﻫﺎ ﺩﺧﻠﺖ ﻗﺒﻞ ﻻﺍﺳﻠﻢ ﻭﻛﻒ ﺍﺑﻮﻫﺎ ﻣﻦ ﻛﻌﺪﺗﻪ ﻭﺗﻠﮕﺎﻧﻲ ﺑﻠﻬﻔﻪ ﻭﺣﺰﻥ ﻭﻣﺒﻴﻦ ﻋﻠﻴﻪ ﺍﻻﻧﻜﺴﺎﺭ ﺍﺑﻮ ﺭﺅﻯ : ﺑﻮﻳﻪ ﺟﻬﺎﺩ ﻛﻮﻝ ﻣﺮﺗﻚ ﺧﻄﻔﻮﻫﺎ ﻛﻮﻝ ﻋﻨﺪﻙ ﻋﺪﺍﻭﻩ ﻭﻱ ﺍﺣﺪ ﻛﻮﻝ ﺑﺤﻜﻢ ﺷﻐﻠﻚ ﺑﺎﻟﺪﻭﻟﻪ ﺻﺎﺭ ﻫﺎﻟﺸﻲ . ﺟﻬﺎﺩ : ﻧﻔﺲ ﺍﻟﺤﺴﺮﻩ ﺟﺮﻳﺘﻬﺎ ﺑﻮﺟﻊ ﺟﺎﻭﺑﺘﻪ ﻭﺍﻧﻲ ﻛﻮﻩ ﺍﻃﻠﻊ ﺍﻟﻜﻠﻤﻪ ﻭﻣﺎﻟﻲ ﻧﻔﺲ ﺣﺘﻰ ﻻﺳﺘﻨﺸﺎﻕ ﺍﻟﻬﻮﺍ ﻛﺘﻠﻪ ﻳﺎﻋﻤﻲ ﺍﻧﻲ ﻣﺎﻋﻨﺪﻱ ﻋﺪﺍﻭﻩ ﻭﻱ ﺍﺣﺪ ﻃﻮﻝ ﻋﻤﺮﻱ ﺍﻣﺸﻲ ﺑﺼﻒ ﺍﻟﺤﺎﻳﻂ ﻭﺑﻌﺪﻳﻦ ﻓﺮﺿﺎ ﺍﺣﺪ ﻳﺮﻳﺪ ﻳﺴﺘﻬﺪﻓﻨﻲ ﺍﻧﻲ ﺷﻐﻠﻲ ﺑﺎﻟﺒﺼﺮﻩ ﻳﺴﺘﻬﺪﻓﻨﻲ ﻫﻨﺎﻙ ﻣﻮ ﻫﻨﺎ . ﺑﻌﺪ ﻃﻮﻝ ﻛﻼﻡ ﻻﻳﻮﺩﻱ ﻭﻻﻳﺠﻴﺐ ﻭﻻﺑﻲ ﻓﺎﻳﺪﻩ ﺗﻘﺮﺭ ﺍﻻﻧﺘﻈﺎﺭ 3 ﺍﻳﺎﻡ ﺍﺫﺍ ﺑﻘﺖ ﻣﺨﺘﻔﻴﻪ ﻭﺍﺑﻦ ﻋﻤﻲ ﻫﻤﺎﺕ ﻧﻠﺠﺄ ﻟﻠﻨﺴﻮﺍﻥ ﻭﻧﺸﻮﻑ ﺣﺠﻴﻬﻦ ﺍﺫﺍ ﺷﺎﻛﺎﺕ ﺑﺎﻟﻤﻮﺿﻮﻉ ﺍﻭ ﻻ . ﺧﻠﺺ ﺍﻟﻨﻘﺎﺵ ﻭﺭﺍﺣﻮﺍ ﺍﻫﻞ ﺭﺅﻯ ﻟﺒﻴﺘﻬﻢ ﻃﻠﻌﺖ ﻣﻦ ﺍﻻﺳﺘﻘﺒﺎﻝ ﻭﻛﻞ ﺍﻟﻌﻴﻮﻥ ﻋﻠﻴﻪ ﺧﻮﺍﺗﻲ ﻭﻣﺮﺕ ﺍﺧﻮﻳﻪ ﻭﻋﻤﺘﻲ ﻭﻧﻈﺮﺍﺗﻬﺎ ﺍﻻﺳﺘﻔﺰﺍﺯﺍﻳﻪ ﻃﻜﻴﺘﻬﺎ ﺧﺰﺭﻩ ﺧﺎﻓﺖ ﻭﺩﺧﻠﺖ ﺟﻮﻩ ﺑﻌﺪ ﻣﺎﺷﻔﺘﻬﺎ . ﺍﻣﻲ ﺟﺎﻧﺖ ﻛﺎﻋﺪﻩ ﻭﺗﺒﺠﻲ ﻭﺗﻀﺮﺏ ﻋﻠﻰ ﺭﺟﻠﻬﺎ ﺗﻠﻄﻢ ﻭﺗﺒﺠﻲ ﻛﻌﺪﺕ ﻛﺒﺎﻟﻬﺎ ﻋﻠﻰ ﺭﻛﺒﻲ ﻭﺑﻮﺳﺖ ﺭﺍﺳﻬﺎ ﻛﺘﻠﻬﺎ ﻳﻤﻪ ﻛﺎﻓﻲ ﻛﺎﻓﻲ ﻻﻳﺮﻭﺡ ﻳﺼﻴﺮ ﺑﻴﺞ ﺷﻲ ﻳﻌﻨﻲ ﺷﺘﺮﺩﻳﻨﻲ ﺍﺳﻮﻱ ﺍﺿﺮﺏ ﺭﻭﺣﻲ ﻃﻠﻘﻪ ﻭﺍﺧﻠﺺ ﻣﻦ ﺍﻟﻌﺎﺭ ﺍﻻﻡ : ﻻ ﻳﻴﻤﻪ ﻻﺗﻜﻮﻟﻬﺎ ﺍﻟﻒ ﺍﺳﻢ ﺍﻟﻠﻪ ﻋﻠﻴﻚ ﻣﻦ ﻏﺪﻳﺖ ﻓﺪﻭﺍﺕ ﺍﻟﮕﻠﺒﻚ ﻣﺎﻋﻨﺪﻙ ﺣﻆ ﻳﻴﻤﻪ ﻳﺠﻬﺎﺩ ﻣﺎﻋﻨﺪﻙ ﺣﻆ ﺟﻬﺎﺩ : ﺍﻧﻲ ﻣﺎﻋﻨﺪﻱ ﺣﻆ ﺷﺴﻮﻱ ﻣﺎﺗﮕﻠﻴﻠﻲ ﻛﺎﻓﻲ ﺗﺒﺠﻴﻦ ﻛﺎﺍﺍﻓﻲ . ﻋﻔﺘﻬﺎ ﻭﺻﻌﺪﺕ ﻓﻮﻙ ﻟﻐﺮﻓﺘﻲ ﻛﺮﻫﺖ ﺍﻟﻐﺮﻓﻪ ﻛﻠﻬﺎ ﻭﻛﻞ ﺷﻲ ﺑﻴﻬﺎ ﻃﻠﻌﺖ ﺑﺎﻛﻴﺖ ﺍﻟﺠﻜﺎﻳﺮ ﻭﺑﺪﻳﺖ ﺍﺣﺮﻙ ﺍﻣﺎ ﺩﺍﺧﻠﻲ ﺣﺎﻟﻪ ﻣﻦ ﺣﺎﻝ ﺍﻟﺠﻜﺎﺭﻩ ﻣﺸﺘﻌﻞ ﺷﻌﻞ . ﻃﻠﻌﺖ ﺑﺮﻩ ﺍﺍﻟﻐﺮﻓﻪ ﺻﺤﺖ ﻋﻠﻰ ﺍﺧﺘﻲ ﺿﻤﻴﺎﺀ ﻛﺘﻠﻬﻪ ﺑﺎﻋﻲ ﺍﻧﻲ ﺭﺍﻳﺢ ﺍﻧﺎﻡ ﺑﻐﺮﻓﺔ ﻋﻤﺎﺩ ﻣﻦ ﺍﻛﻌﺪ ﻣﺎﺍﻟﻜﻪ ﺍﻱ ﺷﻲ ﻳﺨﺼﻬﺎ ﺑﺎﻟﻐﺮﻓﻪ ﻣﻔﻬﻮﻭﻡ ﻣﻼﺑﺴﻬﺎ ﻣﻜﻴﺎﺟﻬﺎ ﻛﻠﻪ ﺗﻄﻠﻌﻲ ﺿﻤﻴﺎﺀ : ﻭﻳﻦ ﺍﻭﺩﻳﻬﻢ ؟؟ ﺟﻬﺎﺩ : ﻇﻠﻴﺖ ﺍﺻﻴﺢ ﺑﻌﺎﻟﻲ ﺻﻮﺗﻲ ﻣﺎﺍﺩﺭﻱ ﻭﻳﻦ ﺗﻮﺩﻳﻨﻬﻢ ﻟﻠﺰﺑﻞ ﺷﻤﺮﻳﻬﻢ ﻣﺎﺍﺭﻳﻴﻴﺪ ﺍﺷﻮﻓﻬﻢ ﮔﺒﺎﺍﻟﻲ . ﺿﻤﻴﺎﺀ : ﺑﺘﻠﻌﺜﻢ ﺻﺎﺍﺭ ﺧﻮﻳﻪ . ﺟﻬﺎﺩ : ﺣﺘﻰ ﻓﺮﺍﺵ ﺍﻟﺠﺮﺑﺎﻳﻪ ﻫﻢ ﺷﻤﺮﻱ ﻣﻔﻬﻮﻭﻡ . ﻋﻔﺘﻬﺎ ﻣﺼﺪﻭﻣﻪ ﻭﺭﺣﺖ ﻟﻐﺮﻓﺔ ﺍﺧﻮﻱ ﺍﻟﺼﻐﻴﺮ ﻋﻤﺎﺩ ﻣﻤﺘﺰﻭﺝ ﻣﺠﺎﻥ ﻣﻮﺟﻮﺩ ﺑﺴﺎﻋﺘﻬﺎ ﻗﻔﻠﺖ ﺍﻟﺒﺎﺏ ﻣﻦ ﺟﻮﻩ ﻭﺗﻤﺪﺩﺕ ﻉ ﺍﻟﺴﺮﻳﺮ ﻭﺧﻠﻴﺖ ﺍﻟﻤﺨﺪﻩ ﻋﻠﻰ ﺭﺍﺳﻲ ﻭﺑﻘﻴﺖ ﺑﺎﻟﺴﺎﻋﺎﺕ ﻛﺎﻋﺪ ﺍﺣﺲ ﻧﻔﺴﻲ ﻋﺎﺟﺰ ﺣﺘﻰ ﻋﻦ ﺍﻟﻨﻔﺲ . ﻣﺮﺕ ﺍﻟﺜﻼﺙ ﺍﻳﺎﻡ ﺑﺴﺮﻋﻪ ﻭﺍﻱ ﺧﺒﺮ ﻋﻦ ﺭﺅﻯ ﻭﺍﺑﻦ ﻋﻤﻲ ﻋﺎﻣﺮ ﻣﺎﻛﻮ !!! ﺍﻻﻳﺎﻡ ﺍﻟﻤﺮﺕ ﺍﻧﻲ ﻛﻀﻴﺘﻬﺎ ﺑﺎﻟﺒﻴﺖ ﻭﻛﻌﺖ ﺑﺎﻟﻤﺮﺽ ﺍﻱ ﺷﻲ ﻳﺪﺧﻞ ﻣﻌﺪﺗﻲ ﻣﻴﺒﻘﻰ ﺑﻴﻬﺎ ﻟﺪﺭﺟﺔ ﺑﻘﻴﺖ ﺑﻼ ﺍﻛﻞ ﻏﺬﺍﺋﻲ ﺍﻟﺘﺪﺧﻴﻦ ﻭﺑﺲ . ﻣﺎﻛﻮ ﺷﻲ ﻳﺨﻔﻒ ﻋﻨﻲ ﺳﻮﻯ ﻣﻮﺍﺳﺎﺕ ﺍﻣﻲ ﺍﻟﻲ ﻭﺩﻋﻮﺍﺗﻬﺎ ﻭﻛﻼﻡ ﺍﺑﻮﻱ ﺍﻟﻲ ﻳﺼﺒﺮ ﻋﻠﻴﻪ ﻣﺘﻌﺠﺒﻴﻦ ﻣﻦ ﻫﺪﻭﺋﻲ ﻭﺑﺮﻭﺩﻱ ﻣﻴﺪﺭﻭﻥ ﺍﻟﻲ ﺑﺪﺍﺧﻠﻲ ﺷﻨﻮﻭ . ﺗﺤﺪﺩ ﻣﻮﻋﺪ ﺍﻟﺠﻠﺴﻪ ﺍﻟﻌﺼﺮ ﺍﺑﻴﺘﻨﺎ ﻭﺍﺟﻮﺍ ﻭﻟﺪ ﻋﻤﻲ ﺍﺧﻮﺗﻪ ﻟﻌﺎﻣﺮ ﻭﺍﻣﻪ ﻭﺯﻭﺟﺘﻪ ﻭﺍﻫﻞ ﺭﺅﻯ ﺍﻣﻬﺎ ﻭﺍﺑﻮﻫﺎ ﻭﺍﺧﻮﺗﻬﺎ ﺻﺎﺭﺕ ﺟﻠﺴﺔ ﻧﺴﻮﺍﻥ ﻭﺯﻟﻢ ﺑﻌﺪ ﻣﺎﺳﺄﻟﻮﻫﻦ ﺍﻣﻲ ﻛﺎﻟﺖ ﺍﻧﻲ ﻳﺎﻣﺎ ﺣﺬﺭﺗﻬﺎ ﻟﺒﻨﺘﻜﻢ ﻭﻛﺘﻠﻬﺎ ﺗﺼﻴﺮ ﺍﺩﻣﻴﻪ ﺑﺲ ﻫﻲ ﻣﺘﺎﺧﺬ ﺍﻟﺤﺠﻲ ﺷﻜﻴﺘﻬﺎ ﻟﺠﻬﺎﺩ ﺑﺼﻮﺭﻩ ﻏﻴﺮ ﻣﺒﺎﺷﺮﻩ ﻛﺘﻠﻪ ﻳﻴﻤﻪ ﻣﺮﺗﻚ ﻣﺎﻣﺤﺘﺸﻤﻪ ﻭﻣﻴﺎﻧﺘﻬﺎ ﺯﺍﻳﺪﻩ ﻭﻱ ﺍﺑﻦ ﻋﻤﻚ ﺗﺸﺎﻗﻪ ﻭﺗﻀﺤﻚ ﻫﻮﺍﻱ ﻫﻴﺞ ﻣﻴﺼﻴﺮ ﻫﻮ ﺻﺎﺭ ﻋﺼﺒﻲ ﻭﺻﺎﺭﺕ ﻣﺸﻜﻠﺔ ﺟﺒﻴﺮﻩ ﻳﺠﻲ ﺗﻌﺒﺎﻥ ﻣﻦ ﺍﻟﺒﺼﺮﻩ ﻛﻠﺖ ﻣﺎﺍﺭﻳﺪ ﺍﺗﻌﺒﻪ ﻟﺬﻟﻚ ﺷﻜﻴﺘﻬﺎ ﻻﻣﻬﺎ ﻭﻫﻲ ﻛﺪﺍﻣﻜﻢ ﺍﻡ ﺭﺅﻯ ﻣﺎﺟﻴﺖ ﻛﺘﻠﺞ ﺍﻧﻲ ﻉ ﺍﻟﺘﺴﻮﻱ ﺑﻨﺘﺞ . ﺍﻡ ﺭﺅﻯ : ﺍﻱ ﻭﺍﻟﻠﻪ ﺟﻴﺘﻲ ﻭﺍﻧﻲ ﺣﺎﺟﻴﺘﻬﺎ ﻛﺘﻠﻬﻪ ﻧﻜﺮﺕ ﻭﺩﻛﺖ ﺍﻟﻘﺮﺃﻥ ﺍﺑﻮ ﺭﺅﻯ ﻛﺎﻡ ﻳﺮﻳﺪ ﻳﻬﺪ ﻋﻠﻰ ﻣﺮﺗﻪ ﻟﻮ ﻣﺎﺍ ﺍﻭﻻﺩﻩ ﺳﻜﺘﻮﺍ ﻇﻞ ﻳﺼﻴﺢ ﻭﻟﺞ ﻫﺴﻪ ﺗﺤﺠﻴﻦ ﺑﻌﺪ ﻣﺎﻃﺎﺡ ﺍﻟﻔﺎﺱ ﺑﺎﻟﺮﺍﺱ ﻟﻴﺶ ﻣﺎﻛﻠﺘﻲ ﻣﻦ ﺍﻻﻭﻝ . ﺯﻭﺟﺔ ﻋﺎﻣﺮ : ﻛﺎﻟﺖ ﺍﻧﻲ ﺟﻨﺖ ﺷﺎﻛﻪ ﺑﺎﻟﻤﻮﺿﻮﻉ ﻭﻳﺎﻣﺎ ﺣﺎﺟﻴﺘﻪ ﺑﺲ ﻫﻮ ﻭﻻ ﻳﻤﻪ ﻛﺘﻠﻪ ﻓﻜﺮ ﺑﺎﺑﻨﻚ ﻟﻴﺶ ﻫﻴﺞ ﺗﺴﻮﻱ ﻭﻛﻢ ﻣﺮﻩ ﺍﻛﻮﻝ ﺍﻟﻌﻤﺘﻲ ﻋﻠﻴﻪ ﺍﺻﻌﺪ ﻓﻮﻙ ﺍﻟﺴﻄﺢ ﺍﺷﻮﻓﻬﺎ ﺗﺴﻮﻟﻒ ﻭﻳﺎ ﺣﺘﻰ ﺯﻋﻠﺖ ﻣﻨﻪ ﻭﻣﺎﻓﺎﺩ ﺍﺧﺮ ﻟﻴﻠﻪ ﻃﻠﻊ ﻧﺺ ﺍﻟﻠﻴﻞ ﻭﺑﻌﺪ ﻣﺎﺭﺟﻊ ﻟﻠﺒﻴﺖ . ﺧﻠﺼﺖ ﺍﻟﻨﻘﺎﺷﺎﺕ ﻭﺗﺼﺪﻗﺖ ﺍﻗﻮﺍﻝ ﺍﻟﻨﺴﻮﺍﻥ ﺍﺑﻮ ﺭﺅﻯ ﺑﺎﻟﻢ ﻭﺍﻧﻜﺴﺎﺭ ﻭﻳﺄﺱ ﻧﺰﻉ ﻋﻜﺎﻟﻪ ﻭﻛﺎﻝ ﻣﺎﻟﻠﺒﺴﻪ ﺍﻟﻪ ﺗﺮﺟﻊ ﻭﺍﻏﺴﻞ ﻋﺎﺭﻱ ﻣﻨﻬﺎ . ﺍﺧﻮﻫﺎ ﻛﺎﻝ ﺩﻣﻬﺎ ﻭﺩﻣﻪ ﻣﻬﺪﻭﺭ ﺍﻣﺎ ﺍﺧﻮﺓ ﻋﺎﻣﺮ ﺭﻓﻀﻮﺍ ﻫﺬﺍ ﺍﻟﺸﻲ ﻭﻛﺎﻟﻮﺍ ﺍﻧﺘﻮﺍ ﻋﻠﻴﻜﻢ ﺍﺑﻨﺘﻜﻢ ﻭﺍﺣﻨﻪ ﻧﻌﺎﻗﺐ ﺍﺑﻨﺎ . ﺟﻬﺎﺩ : ﺍﻧﻲ ﺟﻨﺖ ﺻﺎﻓﻦ ﻋﻠﻰ ﻛﻞ ﺍﻟﻲ ﻳﺼﻴﺮ ﺑﻌﺪ ﻣﺎﺧﻠﺼﺖ ﺍﻟﻨﻘﺎﺷﺎﺕ ﻭﻛﻠﻤﻦ ﺭﺍﺡ ﻟﺒﻴﺘﻪ ﺍﺧﺬﻧﻲ ﺍﺧﻮﻳﻪ ﻓﺆﺍﺩ ﻋﻠﻰ ﺻﻔﺤﻪ ﺷﻨﻮ ﻫﺎﻟﺒﺮﻭﺩ ﺍﻟﻌﻨﺪﻙ ﺻﺪﻙ ﺟﺬﺏ ﺟﻬﺎﺩ ﺩﻣﺸﻲ ﻧﺪﻭﺭ ﻋﻠﻴﻬﺎ ﻭﻧﺴﻠﻤﻬﺎ ﻻﻫﻠﻬﺎ ﺧﻠﻲ ﻳﻐﺴﻠﻮﻥ ﻋﺎﺭﻫﺎ ﺟﻬﺎﺩ : ﻻﺍﺩﻭﺭ ﻭﻻﺗﻌﺐ ﺭﻭﺣﻲ ﻭﻳﻦ ﻣﺎﺗﻮﻟﻲ ﺧﺘﻮﻟﻲ ﻟﻠﻠﺠﻴﻴﻴﺮ . ﻓﺆﺍﺩ : ﺍﻧﺖ ﺻﺪﻙ ﺗﺤﺠﻲ ﺟﻬﺎﺩ ﺷﺒﻴﻚ ﺍﻧﺖ ﻣﻮ ﺟﻬﺎﺩ ﺍﻟﻲ ﺍﻋﺮﻓﻚ ﺟﻬﺎﺩ : ﺟﻬﺎﺍﺩ ﻣﺎﺍﺕ ﺧﻠﺼﻮﻧﻲ ﺗﻌﺒﺖ ﺳﺪﻭﺍﺍﺍ ﻫﺎﻟﺴﻴﺮﻩ ﻫﻲ ﺳﺪﻭﻫﺎﺍﺍﺍ . ﻓﺆﺍﺩ : ﻟﻚ ﻋﻴﺐ ﻣﻦ ﺍﻫﻠﻬﺎ ﻫﻢ ﺟﺎﻱ ﻳﺪﻭﺭﻭﻥ ﻋﻠﻴﻬﺎ ﻣﺎﺧﻠﻮﻭ ﻣﺴﺘﺸﻔﺊ ﻭﻻ ﻣﻨﺘﺰﻫﺎﺕ ﻭﻻﺍﻃﺮﺍﻑ ﺑﻐﺪﺍﺩ ﻛﻠﻬﺎ ﺩﻭﺭﻭﻫﺎ ﻭﺍﻧﺖ ﻧﺎﻳﻤﻪ ﺣﺎﻟﻚ ﺣﺎﻟﻚ ﺣﺎﻝ ﺍﻟﻨﺴﻮﺍﻥ . ﺟﻬﺎﺩ : ﻋﻔﺘﻪ ﻭﺻﻌﺪﺕ ﻓﻮﻙ ﺍﻟﻐﺮﻓﺘﻲ . ﺍﻟﻜﻞ ﻣﺘﻌﺠﺐ ﻣﻦ ﺑﺮﻭﺩﻱ ﻭﺍﻧﻲ ﻧﺎﺭ ﺗﺎﻛﻞ ﺑﻴﻪ . ﻣﺮﺕ 6 ﺃﺷﻬﺮ ﻋﻠﻰ ﺍﺧﺘﻔﺎﺋﻬﻢ ﻭﻣﺎﻛﻮ ﺧﺒﺮ ﻋﻨﻬﻢ ﺍﺑﺪ