تعريفي 😉 ( ﻣﺮﺍﺡ ﺍﺧﻠﻴﻠﻜﻢ ﺻﻮﺭ ﻟﻼﺑﻄﺎﻝ ﺍﻧﺘﻮ ﺗﺨﻴﻠﻮﻭﻫﻢ ﺍﺣﻠﻰ ﺑﺲ ﺣﻜﺘﺐ ﻣﻮﺍﺻﻔﺎﺕ ﻟﺸﻜﻠﻬﻢ ‏) ﺍﻟﺴﺎﻋﻪ ﺏ ٦ ﺍﻟﺼﺒﺢ .. ﺍﻛﻌﺪ ﻳﻤﻪ ﺃﺳﻴﺪ ﺭﺍﺡ ﺍﻟﻮﻛﺖ ﻋﻠﻴﻚ ، ﻣﻮ ﺣﺘﻰ ﺍﻟﻤﻨﺒﻪ ﻃﻠﻌﺖ ﺭﻭﺣﻪ ﺻﺎﺭﻟﻪ ﺳﺎﻋﻪ ﻳﺪﻙ ﻳﻢ ﺭﺍﺳﻚ ﻭﺍﻧﺖ ﻭﻻ ﻉ ﺑﺎﻟﻚ ﺃﺳﻴﺪ .. ﺑﺼﻮﺕ ﻧﺎﻋﺲ ﺟﺎﻣﺪ .. ﻣﺎﺷﻲ ﻛﻤﺖ ﻛﻤﺖ ﻃﻠﻌﺖ ﺍﻻﻡ ﻭﻛﺎﻡ ﺍﻻﻓﻨﺪﻱ ﻏﺴﻞ ﻭﺑﺪﻝ ﻣﻼﺑﺴﻪ ﻧﺰﻝ ﻛﺎﻝ ﺻﺒﺎﺡ ﺍﻟﺨﻴﺮ ﻭﻃﻠﻊ ﺑﻮﺟﻬﻪ ﺣﺘﻰ ﻣﻨﺘﻈﺮ ﻳﺮﺩﻭﻥ ﻋﻠﻴﻪ ﺍﻟﺴﻼﻡ !! ﺧﻠﻲ ﺍﻋﺮﻓﻜﻢ ﺑﺸﺨﺼﻴﺘﻨﺎ ﺍﻟﻐﺎﻣﻀﻪ ... ﺃﺳﻴــ .... ﻟﺤﻀﻪ ... ﺷﻨﻮ ﺗﻌﺮﻓﻴﻦ ﺷﻨﻮ ﺷﺨﺼﻴﺘﻨﺎ؟ ! ﺍﻧﻲ ﻣﻮﺟﻮﺩ ﻭﺍﻋﺮﻑ ﻋﻦ ﻧﻔﺴﻲ ﻟﺘﺘﺪﺧﻠﻴﻦ ﺑﺸﻲ ﻣﻴﺨﺼﺞ . ﻻ ﻣﻮ ﻗﺼﺪﻱ ﺑﺲ .. ﻻ ﺑﺲ ﻭﻻ ﺗﻐﺮﺩﻳﻦ ﺍﻧﻄﻴﻨﻲ ﺍﻟﻘﻠﻢ ﻭ ﻭﺧﺮﻱ ﻋﻦ ﻭﺟﻬﻲ ﺗﺮﻯ ﻣﺎ ﺍﻟﻲ ﺧﻠﻚ ﺍﺣﺪ . ﺗﻤﺎﻡ ﺗﻤﺎﻡ ﺗﻔﻀﻞ ﺍﻟﻘﻠﻢ ﻭﻋﺮﻓﻬﻢ ﻋﻨﻚ ، ﺍﻋﺘﺬﺭ ﻣﻨﻚ ﺩﻛﺘﻮﺭ ﺍﺳﻴﺪ . ﺍﺣﻢ ﺍﺣﻢ .. ﺍﺳﻤﻲ ﺍﺳﻴﺪ ‏( ﻣﺼﻐﺮ ﺍﻻﺳﺪ *( ﻋﻤﺮﻱ 32 ﺳﻨﻪ ﺩﻛﺘﻮﺭ ﺟﺮﺍﺣﻪ ﻋﺎﻣﻪ ﻭﺣﺎﻟﻴﺎً ﺩﻛﺘﻮﺭ ﻋﺴﻜﺮﻱ ، ﺍﻟﺘﺤﻘﺖ ﺑﺎﻟﺠﻴﺶ ﻻﻥ ﻣﺎ ﺍﺣﺐ ﺟﻨﺲ ﺣﻮﺍﺀ ﺍﺑﺪ ﻭﻻ ﺍﺭﻳﺪ ﺍﻟﺘﻘﻲ ﺑﻴﻬﻦ ﻭﺑﺤﻜﻢ ﻣﻬﻨﺘﻲ ﺍﻟﻄﺐ ﺗﻔﺮﺽ ﻋﻠﻴﻪ ﺍﻋﺎﻳﻦ ﻣﺮﺍﺟﻌﻴﻦ ﺍﻧﺎﺙ !! ﻟﺬﻟﻚ ﺍﺧﺘﺼﺮﺕ ﺍﻟﻄﺮﻳﻖ ﻭﻗﺪﻣﺖ ﻉ ﺍﻟﻌﺴﻜﺮﻳﻪ ﻭﺍﺗﻌﻴﻨﺖ ﺩﻛﺘﻮﺭ ﻋﺴﻜﺮﻱ ﻭﺣﺎﻟﻴﺎً ﺭﺗﺒﺘﻲ ﺭﺍﺋﺪ ، ﺻﺎﺭﻟﻲ ﺳﻨﺘﻴﻦ ﺑﻬﺬﺍ ﺩﻭﺍﻣﻲ ﺷﻔﺖ ﺍﻧﻮﺍﻉ ﺍﻻﺻﺎﺑﺎﺕ ، ﺟﺜﺚ ﺍﻛﺜﺮ ﻣﻦ ﺷﻌﺮ ﺭﺍﺳﻲ ، ﺍﺻﺎﺑﺎﺕ ﺗﻘﺸﻌﺮ ﻟﻬﺎ ﺍﻻﺑﺪﺍﻥ ﻣﺜﻞ ﻣﻴﻜﻮﻟﻮﻥ ، ﻋﺎﻟﺠﺖ ﻭﺷﻔﺖ ﺣﺎﻻﺕ ﺍﻛﺒﺮ ﺟﺮﺍﺡ ﻳﺸﻮﻓﻬﺎ ﺗﻄﻠﻊ ﺭﻭﺣﻪ ﻭ ﻣﻴﺘﺤﻤﻞ ﺍﻟﻤﻨﻈﺮ ﺍﻟﻲ ﻣﺤﺘﺮﻙ ، ﻭﺍﻟﻲ ﻣﻔﺤﻢ ، ﻭﺍﻟﻲ ﻣﻜﻄﻮﻉ ﺭﺍﺳﻪ ، ﻭﺍﻟﻲ ﻣﺒﺘﻮﺭ ﻧﺺ ﻣﻦ ﺟﺴﻤﻪ ، ﻭ ﺍﻟﻲ ﻃﺎﻟﻌﻪ ﻣﺼﺎﺭﻳﻨﻪ ﻭﻭﻭﻭﻭﻭﻭ ﺍﺷﻜﺎﻝ ﺍﻧﻮﺍﻉ ! ﻭﻫﺬﺍ ﺍﻟﺸﻲ ﻣﻮﺕ ﻟﻲ ﮔﻠﺒﻲ ﺧﻼﻧﻲ ﺍﺻﻴﺮ ﺍﻧﺴﺎﻥ ﺑﻼ ﮔﻠﺐ ، ﺗﺤﻮﻟﺖ ﺍﻟﻲ ﺷﺨﺺ ﻗﺎﺳﻲ ﺑﻜﻞ ﻣﻌﻨﻰ ﺍﻟﻜﻠﻤﻪ ، ﮔﻠﺒﻲ ﺻﺎﺭ ﺣﺠﺮ ﻣﻴﺘﺄﺛﺮ ﺑﺄﻱ ﺷﻲ ، ﺗﻌﺎﻣﻠﻲ ﻭﻳﺎ ﺍﻟﻨﺎﺱ ﺍﺧﺘﻠﻒ ، ﺣﺘﻰ ﺍﻟﺮﺣﻤﻪ ﺍﻧﺸﺎﻟﺖ ﻣﻦ ﺩﺍﺧﻠﻲ ﻣﻦ ﮔﺪ ﺍﻟﻌﻨﻒ ﻭﺍﻟﻘﺴﻮﻩ ﻭﺍﻟﻮﺣﺸﻴﻪ ﺍﻟﻲ ﺷﻔﺘﻬﺎ ﺑـﻬﺬﻱ ﺍﻟﻮﻇﻴﻔﻪ ! ﺍﻳﻀﺎً ﺷﺨﺼﻴﺘﻲ ﺗﻐﻴﺮﺕ ، ﺻﺎﺭ ﺗﻌﺎﻣﻠﻲ ﺟﺎﻣﺪ ﻭﺍﺳﻠﻮﺑﻲ ﺟﺎﻑ ، ﻟﺪﺭﺟﻪ ﺍﺫﺍ ﺍﺑﺘﺴﻤﺖ ﻉ ﺷﻲ ﺍﻫﻠﻲ ﻳﺴﺘﻐﺮﺑﻮﻥ !! ﻃﺒﻌﺎً ﺍﻟﻌﺴﻜﺮﻳﻪ ﻭﺍﻟﻲ ﺷﻔﺘﻪ ﺑﻴﻬﺎ ﺳﺎﻫﻤﺖ ﺑﺠﺰﺀ ﻛﺒﻴﻴﻴﻴﺮ ﻣﻦ ﻫﺬﺍ ﺍﻟﺘﺤﻮﻝ ﺑﺸﺨﺼﻴﺘﻲ ! ﺑﺲ ﺍﻟﺴﺒﺐ ﺍﻻﺳﺎﺳﻲ ﺍﻟﻲ ﺃﺛﺮ ﻋﻠﻴﻪ ﻭﺧﻼﻧﻲ ﺍﺻﻴﺮ ﻫﺬﺍ ﺍﻟﺸﺨﺺ ﺍﻟﻘﺎﺳﻲ ..... ﺷﻲ ﺛﺎﻧﻲ ﺭﺍﺡ ﺗﻌﺮﻓﻮﺍ ﺑﻌﺪﻳﻦ . ﺑﺸﻜﻞ ﻋﺎﻡ ﻣﺎ ﺍﻟﺘﻘﻲ ﺑﻨﺎﺱ ﺧﺎﺭﺝ ﺍﻃﺎﺭ ﺷﻐﻠﻲ ﺍﺑﺪﺍً ، ﻭﻣﺎ ﻋﻨﺪﻱ ﺍﺻﺪﻗﺎﺀ ﻣﻘﺮﺑﻴﻦ ﻫﻮﺍﻱ ﺑﺲ ﺷﺨﺼﻴﻦ ﻭﻳﺎﻱ ﺑﺎﻟﺪﻭﺍﻡ ﻧﻘﻴﺐ ﻋﻠﻲ ، ﻭﺩﻛﺘﻮﺭ ﺳﻼﻡ ، ﻭﺷﺨﺺ ﺛﺎﻟﺚ ﺻﺪﻳﻖ ﻃﻔﻮﻟﺘﻲ ﺍﺣﻤﺪ ﻭﺍﻟﻲ ﻛﻨﺖ ﻣﻌﺘﺒﺮﻩ ﺍﺥ ﺍﻟﻲ ... ﺑﺲ ﻋﻼﻗﺘﻲ ﺍﻧﺘﻬﺖ ﺑﻲ ﻣﻦ 3 ﺳﻨﻮﺍﺕ ﺗﻘﺮﻳﺒﺎً ﻭﺍﻻﺳﺒﺎﺏ ﺟﺪﺍً ﻗﻮﻳﻪ ‏( ﻫﻢ ﺣﺘﻌﺮﻓﻮﻫﺎ ﺑﻌﺪﻳﻦ ‏) .  ﻃﺒﻌﺎً ﺍﻧﻲ ﻋﻤﻠﻲ ﻳﻌﺘﺒﺮ ﻋﺴﻜﺮﻱ ﺑﺲ ﻣﺎ ﺍﻗﺎﺗﻞ ﻭﻻ ﺍﺧﻮﺽ ﻣﻮﺍﺟﻬﺎﺕ ﺍﻻ ﻧﺎﺩﺭﺍً ﻳﻌﻨﻲ ﻟﻤﺎ ﺍﺿﻄﺮ ﻟﻬﺬﺍ ﺍﻟﺸﻲ !.. ﺍﻏﻠﺐ ﺍﻟﻮﻗﺖ ﺩﻛﺘﻮﺭ ﺍﻋﺎﻟﺞ ﺍﻟﺠﺮﺣﻰ ﻭﺍﻟﺤﺎﻻﺕ ﺍﻟﻄﺎﺭﺋﻪ ﺍﻟﻲ ﺗﺼﻴﺮ ﺍﺛﻨﺎﺀ ﺍﻟﻤﻮﺍﺟﻬﺎﺕ ، ﻭ ﻣﺘﻮﺍﺟﺪ ﻋﻠﻰ ﻃﻮﻝ ﺑﺎﻟﻤﻌﺴﻜﺮ ، ﺍﻧﺰﻝ ﺍﺟﺎﺯﺍﺕ ﻟﺒﻴﺘﻨﺎ ﻛﻞ ﺷﻬﺮ ﻣﺮﺍﺕ ﺍﻛﺜﺮ ﻭﻣﺮﺍﺕ ﺍﻗﻞ ! ﻋﻨﺪﻱ 3 ﺍﺧﻮﺍﺕ ‏( ﻧﻮﺭ ، ﻣﻨﻰ ، ﺳﺤﺮ ‏) ﻣﺘﺰﻭﺟﺎﺕ ﻭ ﺍﺥ ﻭﺍﺣﺪ ﻛﺮﺍﺭ ﻫﻢ ﻣﺘﺰﻭﺝ ﻭﻃﺎﻟﻊ ﺍﺑﻴﺖ ﻟﺤﺎﻟﻪ ﻳﻌﻨﻲ ﺑﺲ ﺍﻧﻲ ﻭﺍﻟﻮﺍﻟﺪﻩ ﺑﺎﻟﺒﻴﺖ ، ﺍﻧﻲ ﺍﻛﺒﺮﻫﻢ .. ﻭﺍﻟﺪﻱ ﻣﺘﻮﻓﻲ ﻣﻦ ﺯﻣﺎﻥ ﻗﺒﻞ ﻻ ﺍﺗﺨﺮﺝ ﻣﻦ ﺍﻻﻋﺪﺍﺩﻳﻪ ﺍﺗﻮﻓﻰ ﻛﺎﻥ ﻳﺘﻤﻨﻰ ﻳﺸﻮﻓﻨﻲ ﺩﻛﺘﻮﺭ ﻭﺍﻟﺤﻤﺪﻟﻠﻪ ﺣﻘﻘﺖ ﺍﻣﻨﻴﺘﻪ ﻭﺻﺮﺕ ﺩﻛﺘﻮﺭ ﺟﺮﺍﺡ . ﺣﺎﻟﺘﻨﺎ ﺍﻟﻤﺎﺩﻳﻪ ﻓﻮﻕ ﺍﻟﻌﺎﻟﻲ ﺍﻟﺤﻤﺪﻟﻠﻪ ﻻﻧﻮ ﺍﻟﻮﺍﻟﺪ ﻛﺎﻥ ﺭﺟﻞ ﺍﻋﻤﺎﻝ ﻣﻌﺮﻭﻑ ﻋﻠﻰ ﻣﺴﺘﻮﻯ ﺍﻟﺪﻭﻟﻪ ﻭﻋﻀﻮ ﺑﻐﺮﻓﺔ ﺍﻟﺘﺠﺎﺭﻩ ﺍﻟﺪﻭﻟﻴﻪ ‏( ﻣﻨﻈﻤﻪ ﻣﻌﺮﻭﻓﻪ ﻋﻠﻰ ﻣﺴﺘﻮﻯ ﺍﻟﻌﺎﻟﻢ ‏) ﻓﻠﻤﺎ ﺗﻮﻓﻰ ﺗﺮﻛﻠﻨﺎ ﺷﺮﻛﺎﺕ ﻭﺍﻣﻼﻙ ﻣﺘﻨﺤﺼﻲ ﻭﻻ ﺗﻨﻌﺪ ، ﺑﺲ ﺍﻧﻲ ﻣﺎ ﺍﻟﻲ ﺧﻠﻚ ﺑﻬﺬﻱ ﺍﻻﺷﻴﺎﺀ ﺗﺠﺎﺭﻩ ﻭﻣﺎ ﺗﺠﺎﺭﻩ ﻭﺍﺩﺍﺭﺓ ﺍﻻﻋﻤﺎﻝ ﻣﺒﺘﻌﺪ ﺍﺑﺘﻌﺎﺩ ﻛﻠﻲ ﻋﻦ ﺷﻐﻞ ﻭﺍﻟﺪﻱ ﻭﺗﺠﺎﺭﺗﻪ ، ﺍﺧﻮﻳﻪ ﻛﺮﺍﺭ ﻫﻮ ﺍﻟﻲ ﻻﺯﻡ ﺍﻟﺸﻐﻞ ﻃﺒﻌﺎً ﻫﻮ ﺍﺻﻐﺮ ﻣﻨﻲ ﺑﺴﻨﺘﻴﻦ ﻋﻤﺮﻩ 30 ﻣﺘﺰﻭﺝ ﻭﻋﻨﺪﻩ 2 ﻭﻟﺪ ﻭﺑﻨﻴﻪ . ﻓﻬﻮ ﺑﺤﻜﻢ ﺷﻬﺎﺩﺗﻪ ﺍﺗﺨﺮﺝ ﻣﻦ ﻛﻠﻴﻪ ﺍﻻﺩﺍﺭﻩ ﻟﺰﻡ ﺷﻐﻞ ﺍﻟﻮﺍﻟﺪ ﺍﻭﻝ ﻣﺎ ﺍﺗﺨﺮﺝ ﻳﻌﻨﻲ ﺻﺎﺭﺕ ﻋﻨﺪﻩ ﺧﺒﺮﻩ ﻭﺍﻳﻀﺎً ﻋﻤﻲ ﺍﺑﺮﺍﻫﻴﻢ ﺍﺧﻮ ﺍﺑﻮﻳﻪ ﺍﻟﻜﺒﻴﺮ ﻫﻢ ﻳﺸﺘﻐﻞ ﻭﻳﺎ ، ﻋﻤﻲ ﻫﺬﺍ ﺑﻤﺜﺎﺑﺔ ﺍﺏ ﺍﻟﻨﺎ ﻣﻦ ﺍﻭﻝ ﻣﺎ ﺗﻮﻓﻰ ﻭﺍﻟﺪﻱ ﻫﻮ ﺍﻟﻲ ﻭﻛﻔﻠﻨﺎ ﻭﻟﺰﻡ ﺍﻣﻼﻙ ﺍﺑﻮﻳﻪ ﻻﻥ ﺍﺣﻨﺎ ﻛﻨﺎ ﺻﻐﺎﺭ ﻭﻟﻤﺎ ﺻﺎﺭ ﻋﻠﻴﻨﺎ ﺍﻻﻋﺘﻤﺎﺩ ﺳﻠﻤﻬﻢ ﺍﻟﻨﺎ ﻣﻦ ﻏﻴﺮ ﻻ ﻳﺎﺧﺬ ﻓﻠﺲ ! ﻓﺄﻧﻲ ﺍﻋﺘﺒﺮﻩ ﺍﺏ ﺍﻟﻲ ﻭﺍﺣﺘﺮﻣﻪ ﺟﺪﺍً ﻛﺬﻟﻚ ﺍﺧﻮﺍﻧﻲ ﻧﻔﺲ ﺍﻟﺤﺎﻟﻪ .. ﻭ ﺍﺧﻮﻳﻪ ﻛﺮﺍﺭ ﺍﺗﺰﻭﺝ ﺑﻨﺘﻪ ﻳﻌﻨﻲ ﻋﻼﻗﺘﻨﺎ ﺻﺎﺭﺕ ﻗﻮﻳﻪ ﺍﻛﺜﺮ .. ﺍﻟﻔﻜﺮﻩ ﺍﻧﻮ ﺍﺣﻨﺎ ﺣﺎﻟﺘﻨﺎ ﺍﻟﻤﺎﺩﻳﻪ ﺟﻴﺪﻩ ﺟﺪﺍً ﻭﻣﻨﺎﻗﺼﻨﺎ ﺍﻱ ﺷﻲ ﻣﻦ ﺻﻐﺮﻱ ﻭﻋﻴﺖ ﻉ ﺍﻟﻐﻨﻰ ﻭﺍﻟﺘﺮﻑ ، ﺑﺲ ﺍﻭﻝ ﻣﺎ ﺑﻠﻐﺖ ﺍﻋﺘﻤﺪﺕ ﻋﻠﻰ ﻧﻔﺴﻲ ﻭﺻﺮﺕ ﺷﺨﺺ ﻣﺴﺘﻘﻞ ﻳﻌﻨﻲ ﻋﺎﻳﺶ ﻣﻦ ﻣﺎﻟﻲ ﺍﻟﺨﺎﺹ ﻣﺎ ﻣﻌﺘﻤﺪ ﻋﻠﻰ ﻓﻠﻮﺱ ﻏﻴﺮﻱ ، ﺍﻧﻲ ﻃﺒﻴﺐ ﻭﺍﻟﺤﻤﺪﻟﻠﻪ ﺭﺍﺗﺒﻲ ﺧﻴﺮ ﻣﻦ ﺍﻟﻠﻪ ﻋﻨﺪﻱ ﺍﺳﺘﻌﺪﺍﺩ ﺍﻓﺘﺢ ﺑﻴﺘﻴﻦ ﻣﻮ ﺑﻴﺖ ﻭﺍﺣﺪ ﺑﺲ ﺑﻘﻴﺖ ﻭﻳﺎ ﺍﻣﻲ ﺍﺑﻴﺖ ﺍﺑﻮﻳﻪ ﻻﻥ ﻣﺎﺍﻛﺪﺭ ﺍﻋﺮﻓﻬﺎ ﻭﺣﺪﻫﺎ ﻭﻫﻲ ﻣﺘﻘﺒﻞ ﺗﻌﻮﻑ ﺑﻴﺘﻬﺎ ﺍﺗﻜﻮﻝ ﻫﺬﺍ ﺑﻲ ﺭﻳﺤﺔ ﺍﺑﻮﻙ !.. ﻟﺬﻟﻚ ﺍﺿﻄﺮﻳﺖ ﺍﺑﻘﻰ ﻭﻳﺎﻫﺎ ﺑﻨﻔﺲ ﺍﻟﺒﻴﺖ ، ﻋﺪﻧﺎ ﺧﺪﻡ ﺑﺎﻟﺒﻴﺖ ﻭﺣﺮﺍﺱ ﺧﺎﺭﺝ ﺍﻟﺒﻴﺖ ﻻﻥ ﺍﻧﻲ ﻭﻇﻴﻔﺘﻲ ﺧﻄﺮﻩ ﺍﺷﻮﻳﻪ ﺑﻴﻬﺎ ﺗﻬﺪﻳﺪ ، ﻭﺍﺑﻮﻳﻪ ﻫﻢ ﺷﺨﺼﻴﻪ ﻣﻌﺮﻭﻓﻪ ﻓﻨﺨﺎﻑ ﻣﻦ ﺍﻟﺤﺮﺍﻣﻴﻪ ﻭﻏﻴﺮﻫﻢ ‏( ﺗﻌﺮﻓﻮﻥ ﺍﻟﻮﺿﻊ ‏) ﻭﻫﻢ ﻣﺎﺍﻛﺪﺭ ﺍﺑﻘﻰ ﺍﻣﻲ ﻭﺣﺪﻫﺎ ﺑﺎﻟﺒﻴﺖ ﻭﺣﺪ ﻭﻳﺎﻫﺎ .. ﻟﺬﻟﻚ ﺍﻟﺤﺮﺍﺳﻪ ﻣﻄﻠﻮﺑﻪ . ﺍﻟﻤﻬﻢ .. ﺍﻟﻴﻮﻡ ﺍﻭﻝ ﻳﻮﻡ ﺍﻟﺘﺤﺎﻕ ﻭ ﺭﻭﺣﻲ ﻃﺎﻟﻌﻪ ، ﺻﺢ ﺍﺣﺐ ﻭﻇﻴﻔﺘﻲ ﻭﺍﺭﺗﺎﺡ ﻣﻦ ﺍﺳﺎﻋﺪ ﺍﻟﺠﻨﻮﺩ ﺑﺲ ﺑﻨﻔﺲ ﺍﻟﻮﻗﺖ ﺍﻟﺪﻭﺍﻡ ﻣﺘﻌﺐ ﺟﺪﺍً ﻳﻌﻨﻲ ﻳﻬﻠﻚ ﺍﻟﻮﺍﺣﺪ 24 ﺳﺎﻋﻪ ﺍﻧﻲ ﻭﺍﻛﻒ ﻋﻠﻰ ﺭﺟﻠﻴﻪ ﻛﻞ ﺍﺷﻮﻳﻪ ﺟﺎﻳﺒﻴﻦ ﻭﺟﺒﻪ ﺷﻬﺪﺍﺀ ﻭﺟﺮﺣﻰ ! ﺍﻟﻲ ﺗﺸﻮﻓﻮ ﻭﺗﺴﻤﻌﻮ ﺑﺎﻟﺘﻠﻔﺰﻭﻥ ﻭﻏﻴﺮﻩ ﻛﻠﻪ ﻛﺬﺏ ﺑﻜﺬﺏ ، ﺍﻟﺨﺴﺎﺋﺮ ﺍﻟﺒﺸﺮﻳﻪ ﻭﺍﻻﺻﺎﺑﺎﺕ ﻛﺎﺭﺛﻴﻪ ﻭ ﻭﺣﺸﻴﻪ ﻣﻦ ﺗﺸﻮﻑ ﺍﻟﺘﻤﺜﻴﻞ ﺑﺎﻟﺠﺜﺚ ﻭﺍﻻﺳﺮﻯ ﺗﺤﺲ ﺍﻻﻧﺴﺎﻧﻴﻪ ﺍﻧﻌﺪﻣﺖ ! ﻳﻌﻨﻲ ﻣﺘﻠﺤﻚ ﺗﺴﻌﻒ ﻣﺼﺎﺏ ﻳﺠﻴﻚ ﺍﻟﺜﺎﻧﻲ ﻭﺍﻟﺜﺎﻟﺚ ﻭﻭﻭ ... ﺍﻟﺦ . ﺑﺲ ﻣﻊ ﺫﻟﻚ ﺍﻟﺪﻭﺍﻡ ﺍﺭﺣﻢ ﺑﻬﻮﺍﻱ ﻣﻦ ﺍﻟﺒﻴﺖ ﻻﻥ ﺍﺧﺬ ﺭﺍﺣﺘﻲ ﻫﻨﺎ ﻣﺎ ﺍﺷﻮﻑ ﺍﻟﺼﻨﻒ ﺍﻟﻲ ﺍﻛﺮﻫﻪ ﻣﻦ ﺍﻟﺒﺸﺮ ‏( ﺍﻟﻨﺴﻮﺍﻥ ‏) . ﻫﺬﺍ ﺍﻧﻲ ﻭﻫﺬﻱ ﺣﻴﺎﺗﻲ ﺍﺗﻤﻨﻰ ﻭﺻﻠﺘﻠﻜﻢ ﺍﻟﻔﻜﺮﻩ ﻋﻨﻲ ﺑﺼﻮﺭﻩ ﻭﺍﺿﺤﻪ ، ﻫﺬﻱ ﺍﻭﻝ ﻣﺮﻩ ﺑﺤﻴﺎﺗﻲ ﺍﺣﺠﻲ ﻫﺎﻟﻜﺪ ﻋﻦ ﻧﻔﺴﻲ ﺣﺘﻰ ﺩﺧﺖ  .  ﺍﻟﺒﺪﺍﻳﻪ ! ﻗﺒﻞ ﺷﻬﺮﻳﻦ ﺃﺳﻴﺪ ﻗﺪﻡ ﻋﻠﻰ ﻧﻘﻞ ﻣﻦ ﺍﻟﻤﻜﺎﻥ ﺍﻟﻲ ﻳﺪﺍﻭﻡ ﺑﻲ ﻻﻥ ﺣﻴﻞ ﺗﻌﺐ 24 ﺳﺎﻋﻪ ﻣﻮﺍﺟﻬﺎﺕ ﻭﺍﺻﺎﺑﺎﺕ ﺑﻌﺪ ﻣﻌﺎﻧﺎﺓ ﻭ ﻭﺍﺳﻄﺎﺕ ، ﻭ ﺭﻭﺣﻪ ﻭﺭﺟﻌﻪ ﺍﻧﻘﻞ ﺍﺳﻴﺪ !! ﺍﻟﻤﻜﺎﻥ ﺍﻟﻲ ﺍﻧﺘﻘﻞ ﺑﻲ ﻣﻨﻄﻘﻪ ﺍﻏﻠﺒﻴﺔ ﺳﻜﺎﻧﻬﺎ ﻣﺴﻴﺢ ! ﻭﻳﻢ ﺍﻟﻤﻌﺴﻜﺮ ﻋﻠﻰ ﻣﺴﺎﻓﻪ ﺑﻌﻴﺪﻩ ﺍﺷﻮﻳﻪ ﻛﺎﻥ ﺍﻛﻮ ﻣﺪﺭﺳﻪ ﻣﻬﺠﻮﺭﻩ ﺑﺼﻔﻬﺎ ﻛﻨﻴﺴﻪ ﻭ ﻣﻴﺘﻢ ﺍﻃﻔﺎﻝ ﺗﺎﺑﻊ ﻟﻠﻜﻨﻴﺴﻪ ! ﺍﻟﻤﻌﺴﻜﺮ ﻛﺎﻥ ﺻﻐﻴﺮ ﻳﻌﻨﻲ ﻳﺎ ﺩﻭﺏ ﻳﻜﻔﻲ ﻟﻠﻮﺣﺪﺍﺕ ﺍﻟﻌﺴﻜﺮﻳﻪ ﻓﺄﺿﻄﺮﻭﺍ ﻳﻘﻴﻤﻮﻥ ﻭﺣﺪﺓ ﺍﻟﻄﺒﺎﺑﻪ ﺩﺍﺧﻞ ﺍﻟﻤﺪﺭﺳﻪ ﺍﻟﻤﻬﺠﻮﺭﻩ ﺍﻟﻲ ﻳﻢ ﺍﻟﻜﻨﻴﺴﻪ ﺍﻭﻻً ﺣﺘﻰ ﺣﺘﻰ ﺗﻜﻮﻥ ﺑﻌﻴﺪﻩ ﻋﻦ ﻣﺮﻣﻰ ﺍﻟﻌﺪﻭ ﻳﻌﻨﻲ ﺍﺧﺎﻑ ﻳﺼﻴﺮ ﻗﺼﻒ ﻓﺎﻟﺠﺮﺣﻰ ﻭﺍﻻﻃﺒﺎﺀ ﻣﻴﺼﻴﺒﻬﻢ ﺷﻲ ﻻﻧﻮ ﻣﺤﺪ ﻳﻔﻜﺮ ﺑﺎﻟﻤﺪﺭﺳﻪ ﻛﻮﻧﻬﺎ ﻣﻬﺠﻮﺭﻩ ﻭﺑﻌﻴﺪﻩ ﻋﻦ ﺍﻟﻤﻌﺴﻜﺮﻧﻮﻋﺎً ﻣﺎ ! ﻭﺛﺎﻧﻴﺎً ﺣﺘﻰ ﻳﻘﻠﻠﻮﻥ ﻣﻦ ﺍﻟﺰﺧﻢ ﺍﻟﻲ ﺑﺎﻟﻤﻌﺴﻜﺮ . ﺍﻟﺴﺎﻋﻪ ﺏ 12 ﺑﺎﻟﻠﻴﻞ ﻫﺴﻪ ﻳﻼ ﺧﻠﺺ ﺃﺳﻴﺪ ﻣﻨﺎﻭﺑﺘﻪ ، ﺍﺳﺘﻠﻤﻬﺎ ﺩﻛﺘﻮﺭ ﺧﻔﺮ ﺑﻤﻜﺎﻧﻪ ﺃﺳﻴﺪ .. ﻛﻨﺖ ﺗﻌﺒﺎﻥ ﻣﻴﺖ ﺗﻌﺐ ﺻﺎﺭﻟﻲ ﺍﺳﺒﻮﻉ ﺑﺎﻟﺪﻭﺍﻡ ﻭﺍﻛﻒ ﻋﻠﻰ ﺣﻴﻠﻲ ﻋﻮﺩ ﺍﻧﻘﻠﺖ ﻫﻨﺎ ﻉ ﺑﺎﻟﻲ ﺍﺭﺗﺎﺡ ﻃﺎﺡ ﺣﻈﻲ ﺑﺎﻟﺰﺍﻳﺪ ﺍﻟﻤﻜﺎﻥ ﺍﻟﻲ ﺑﻲ ﻣﻬﺠﻮﺭ ﻭﺍﺑﺴﻂ ﺍﻟﺨﺪﻣﺎﺕ ﻣﻌﺪﻭﻣﻪ ﺑﻲ ﻭﺑﻌﻴﺪ ﻋﻦ ﺍﻟﻤﻌﺴﻜﺮ ﻳﻌﻨﻲ ﺷﻴﺼﻴﺮ ﻣﻴﺼﻴﺮ ﺍﺣﻨﺎ ﻣﻨﺪﺭﻱ ﻫﻨﺎ ﻭﻛﻞ ﺍﺷﻮﻳﻪ ﺟﺎﻳﺒﻴﻦ ﺟﺮﺣﻰ ، ﻓﻮﻙ ﻫﺬﺍ ﻛﻠﻪ ﺑﺼﻒ ﺍﻟﻤﻜﺎﻥ ﺍﻟﻲ ﺍﻧﻲ ﺑﻲ ﻣﻴﺘﻢ ﻭﻛﻨﻴﺴﻪ ﻣﻠﻴﺎﻥ ﻧﺴﻮﺍﻥ ﻭﺟﻬﺎﻝ ﻟﻌﺒﺖ ﻧﻔﺴﻲ ﻟﻮ ﺍﺩﺭﻱ ﻣﻤﻨﺘﻘﻞ ﻣﻦ ﻣﻜﺎﻧﻲ ﺍﺷﺮﻓﻠﻲ . ﺍﻟﻤﻬﻢ ﺧﻠﺼﺖ ﻣﻨﺎﻭﺑﺘﻲ ﻭﺭﺣﺖ ﻟﻠﻜﺮﻓﺎﻥ ﻣﺎﻟﺘﻲ ﻛﻠﺖ ﻟﻠﺠﻨﺪﻱ ﻳﺤﻀﺮﻟﻲ ﺍﻟﻌﺸﺎ ﻋﻠﻰ ﻣﺎ ﺍﺳﺒﺢ ﺣﺘﻰ ﺍﺗﻌﺸﻰ .. ﺍﺧﺬﺕ ﻣﻼﺑﺴﻲ ﻭﺭﺣﺖ ﻟﻠﺤﻤﺎﻣﺎﺕ ﺳﺒﺤﺖ ﻭﻃﻠﻌﺖ ﺍﺫﻛﺮ ﺍﻟﺪﻧﻴﺎ ﻛﺎﻧﺖ ﺑﺎﺭﺩﻩ ﺛﻠﺞ ﺑﻨﺺ ﺍﻟﺸﺘﺎﺀ ، ﻭﺍﻟﻤﻲ ﺑﺎﺭﺩ ﺛﻠﺞ ﺍﻧﻲ ﻋﺎﺩﻱ ﺳﺒﺤﺖ ﺑﺎﻟﻤﻲ ﺍﻟﺒﺎﺭﺩ ﻭﻃﻠﻌﺖ ﻻﻥ ﻣﻠﻴﺎﻥ ﺩﻡ ﻭ ﻭﺻﺦ ﻭﺣﺎﻟﺘﻲ ﺣﺎﻟﻪ ﺷﺴﻮﻱ ﻻﺯﻡ ﺍﺳﺒﺢ ! ﺭﺟﻌﺖ ﻟﻠﻜﺮﻓﺎﻥ ﻃﺒﻌﺎً ﺍﻧﻲ ﻭﺩﻛﺘﻮﺭ ﺛﺎﻧﻲ ﻭﻳﺎﻱ ﺍﻟﻲ ﺍﺧﺬ ﻣﻜﺎﻧﻲ ﺑﺎﻟﻮﺍﺟﺐ ﺑﻐﺮﻓﻪ ﻭﺣﺪﻩ ﺑﺲ ﻭﺍﺣﺪ ﻳﺮﻭﺡ ﻭ ﻭﺍﺣﺪ ﻳﺮﺟﻊ ﻳﻌﻨﻲ ﻧﺘﻨﺎﻭﺏ ﺍﺗﻌﺸﻴﺖ ﻭﺧﻠﻴﺖ ﺭﺍﺳﻲ ﻉ ﺍﻟﻤﺨﺪﻩ ﻣﺜﻞ ﺍﻟﻤﻴﺖ ﻣﻦ ﺍﻟﺘﻌﺐ .. ﻳﻤﻜﻦ ﻣﺮﺕ 5 ﺩﻗﺎﻳﻖ ﺍﻭ ﻫﻴﺞ ﺷﻲ ﻣﻦ ﻧﻤﺖ ﻭ ﺳﻤﻌﺖ ﺻﻮﺕ ﭼﻼﺏ ﺗﻨﺒﺢ ﺍﺟﻠﻜﻢ ﺍﻟﻠﻪ !! ﻋﺎﺩﻱ ﺍﺣﻨﺎ ﻣﺘﻌﻮﺩﻳﻦ ﻋﻠﻰ ﻫﺬﺍ ﺍﻟﺸﻲ ﺑﺲ ﻫﺎﻟﻤﺮﻩ ﺍﻟﺼﻮﺕ ﻛﻠﺶ ﻗﻮﻱ ﻭﻗﺮﻳﺐ ﻉ ﻏﺮﻓﺘﻲ ﺑﺎﻟﻌﺎﺩﻩ ﺍﻟﭽﻼﺏ ﻣﻴﺪﺧﻠﻦ ﺩﺍﺧﻞ ﺍﻟﻤﻌﺴﻜﺮ ﻻﻥ ﻳﻌﺘﺒﺮ ﻣﺜﻞ ﺍﻟﻤﺴﺘﺸﻔﻰ ﻣﻴﺨﻠﻮﻥ ﺍﻟﺤﻴﻮﺍﻧﺖ ﺗﺪﺧﻞ ﺑﻲ !! ﺍﻧﻲ ﻛﻠﺖ ﺍﻛﻴﺪ ﻫﺬﺍ ﻭﺍﺣﺪ ﻣﻦ ﺍﻟﺠﻨﻮﺩ ﺩﻳﺘﺤﺎﺭﺵ ﺑﻴﻬﻦ ﻓﺪﺧﻠﻦ ﻭﻛﺎﻣﻦ ﻳﺼﻴﺤﻦ .. ﻛﻤﺖ ﺍﺧﺬﺕ ﻣﺴﺪﺳﻲ ﻣﻦ ﺍﻟﺒﺪﻟﻪ ﻣﺎﻟﺘﻲ ﻭﺧﻠﻴﺘﻪ ﺟﻮﻩ ﺍﻟﻤﺨﺪﻩ ﺍﺣﺘﻴﺎﻃﺎً ﻻﻥ ﻛﻠﺸﻲ ﻳﺼﻴﺮ ! ﻃﻔﻴﺖ ﺍﻟﻀﻮﻩ ﻭ ﺭﺟﻌﺖ ﻧﻤﺖ ... ﺑﻌﺪﻧﻲ ﻫﺴﺘﻮﻧﻲ ﻏﻔﻴﺖ ﻭﺟﺎﻥ ﺍﺳﻤﻊ ﺻﻮﺕ ﺑﺎﺏ ﺍﻟﻜﺮﻓﺎﻥ ﺍﻧﻔﺘﺢ ﻭﺍﻧﻄﺒﻚ ﺑﻘﻮﻩ !!!!!!!! ﺍﻟﻐﺮﻓﻪ ﻇﻠﻤﻪ ﻛﻠﺸﻲ ﻣﺎﺍﺷﻮﻑ ﺑﺲ ﺳﻤﻌﺖ ﺻﻮﺕ ﺍﻧﻔﺎﺱ ﺳﺮﻳﻌﻪ ... ﻭ ﻭﺍﺣﺪ ﺩﻳﻠﻬﺚ ﺑﺼﻮﺕ ﻗﻮﻱ !! ﻓﺰﻳﺖ ﻣﻦ ﻣﻜﺎﻧﻲ ﺑﺴﺮﻋﻪ ﻭﺳﺤﺒﺖ ﺍﻟﻤﺴﺪﺱ ﺍﻛﻮ ﻓﻮﻙ ﺭﺍﺳﻲ ﻻﻳﺖ ﻋﺴﻜﺮﻱ ﺻﻐﻴﺮ ﺑﺲ ﻗﻮﻱ ﻣﺨﻠﻲ ﺧﺎﻑ ﺗﻨﻄﻔﻲ ﺍﻟﻤﻮﻟﺪ ﺍﻧﺸﻮﻑ ﺑﻲ ، ﺳﺤﺒﺘﻪ ﺑﺴﺮﻋﻪ ﻓﺘﺤﺘﻪ ﻭ ﻭﺟﻬﺘﻪ ﻫﻮ ﻭﺍﻟﻤﺴﺪﺱ ﻉ ﺍﻟﺒﺎﺏ ... ﻭﺑﺼﻮﺕ ﺟﺎﻣﺪ ﻛﻠﺖ .... ﺍﺭﻓﻊ ﺍﻳﺪﻙ ﻭﻻ ﺣﺮﻛﻪ !!!! ﺍﺑﺎﻭﻉ ﻛﻠﺸﻲ ﻣﺎﺍﺷﻮﻑ ﺑﺲ ﺷﺨﺺ ﻭﺍﻛﻒ ﻭﻋﺒﺎﺭﻩ ﻋﻦ ﻛﺘﻠﻪ ﺷﻌﺮ ﺍﺳﻮﺩ ﻣﻤﺒﻴﻦ ﻣﻨﻪ ﺷﻲ !! ﺍﻧﻲ ﻛﻠﺖ ﻫﺬﺍ ﺩﺍﻋﺸﻲ ﻻ ﻣﺤﺎﻟﻪ ﻭﻳﺎ ﺭﻳﺘﻪ ﻛﺎﻥ ﺩﺍﻋﺸﻲ ... ﻣﻦ ﺷﻔﺖ ﻣﺎﻛﻮ ﺭﺩ ﺳﺤﺒﺖ ﺍﻗﺴﺎﻡ ﻭﺭﺩﺕ ﺍﺭﻣﻴﻲ ..... ﺟﺎﻥ ﻳﺤﺠﻲ ﻫﺬﺍ ﺍﻟﺸﺨﺺ !! ﺍﻟﺸﺨﺺ ... ﻻ ﻻ ﺍﻟﻠﻪ ﻳﺨﻠﻴﻚ ﻟﺘﻀﺮﺏ ﻻﺍﺍﺍﺍﺍﺍ !!!! ﺍﻟﻲ ﺻﺪﻣﻨﻲ ﺍﻛﺜﺮ ﻣﻦ ﺍﻟﻤﻮﻗﻒ ﺍﻟﻲ ﺍﻧﻲ ﺑﻲ ﻭﻣﻦ ﺍﻟﺮﻋﺒﻪ ﺍﻟﻲ ﻋﺎﻳﺸﻬﺎ ..... ﺻﻮﺕ ﺍﻟﺸﺨﺺ ﻫﺬﺍ ﺻﻮﺕ ﺑﻨﺖ يتبع..