بنات حبيت اكتب روتيني اليومي لحتا ساعد الي موقادرين ينظمو روتينهم بلبيت لنبداء انا بصحا مع بنتي تقريبآ ساعة 9صبح حتا لو نامت اكتر بنام يعني بستفيد من كل دقيقة نوم صباحية وبس تفيق امورتي دغري بقوم بعمللها حليب وبطعميها وبعده بغيرلها ملابسها والحفاض وبحطها بلمشاي او علأرض حتا تلعب وبروح علحمام وبغسل وجهي وسناني وبنظف الحمام بمعطر هوة عبارة عن شامبو رخيص وريحته طيب خخخخ لما يكون نظف بس حتا تكون ريحة طيبة وبغسل الحمام وبطلع برجع لعند بنتي بلعبها شوي وبروح علمطبخ وبعمل شيئ اشربوه مشروب اعشاب او قهوة حليب او ممكن تفاحة وبنظف المطبخ ايزا وسخ وبطلع بروح علغرفة باكل او بشرب الي حضرته وبتابع مسلسلي وبلعب بنتي وبس تمل بنتي مني بتركها بعد حوالي نص ساعة بتركها وبشيل الفرشات انا بنام بصالون لئنو غرفت نومي فيها رطوبة لهيك بنام بصالون على فرشات بلأرض بشيلهم وبرتب اغطية وبنظف السجاد بفرشاية سجاد صغيرة وببلش امسح الغبرة شوي شوي وتابع مسلسلات وبلأعلانات بروح بمسح غرفت نومي وبس خلص بيكون مر حوالي ثلاث ساعت من لما فقنا وبنتي بلشت تنعس بحضرلها حليب مرا تانية وبنيمها وبحطها ودغري علمطبخ بحط فطور طبعآ انا مابقدر افطر بكير لهيك بحضر الفطور متآخر وباكل عرواااااق وبس خلص بشيل اكل وبجي بنام او بلعب بجوال ملاحظة ايزا بنتي نامت انا كمان بنام دائمآ لهيك نومي منيح ومابتعب المهم بنام انا كمان وبس تصحا اميرة بطعميها وبغيرلها وبقوم ايزا في غسل بغسل وايزا لا احسن خخخخخ وبعمل رياضة حوالي من 20لحد 40دقيقة حسب الهمة وبعدها بكل تفاحة او برتقالة او اي شيئ خفيف لئني ما بتغدا وبتايع تلفزيون وانا بلعب مع بنتي هيك لحد حوالي ساعة 5العصر برجع بطعميها وبتركها وبروح بطبخ وبرجع حوالي ساعة 6بتفرك علمسلسل الكوري وبعد مايخلص برجع بعمل شويت رياضة او ممكن ايزا تعبانة اتسطح شوي لحد مايجي زوجي ساعة 8بحطله اكل ومنتعشا وبتركه مع بنته وبروح بجلي وبعمل شاي وبجي منقعد ومنلعب مع البنت وبس تجوع بطعميها هيك لحد ساعة 11ونص او 12بتكون بنتي نعست بطعميها وبنظفها وبنيمها وبيكون زوجي كمان نام بسهر معكم و ممكن قوم اجلي كاسات شاي واوقات بتركهم لصبح ايزا مكسلة وهيييييك بلعب مع بنتي كتير وبنام كتير وبنظف كتير وبتسلا كتير وبعمل رياضة وكله وانا مرتاحة بتمنا كون فدتكم يارب