العضوة: 15210 , 6 years ago

قاريتها😂😂😂😂😂😂

العضوة: 634437 , 6 years ago

احكيلي شو صار بعدين؟؟ امل تغيرت شي!!

العضوة: 522470 , 6 years ago

رح كملها

العضوة: 768395 , 6 years ago

كملي😅💕

العضوة: 15210 , 6 years ago

اي بأخر لحضات فيصل راد يتزوج عليها وتلاحقت نفسها وتغيرت وانا كمان بعد هلقصه تغيرت🤣

العضوة: 522470 , 6 years ago

بالنقص..** قطع تفكيرها صوت الجوال** نسرين** اذا كنتي صاحيه تعالي اسهري معنا** خرجت وجلست معهم كان محمد فرحان ويضحك وينكت بطريقه عجيبه كان باين عليه انه مبسوط** تذكرت منظر فيصل اول ماينتهي من الفراش ينام وهو معطيها ظهره وكانه يقولها انه ماحس بالسعاده لا لا اصلاً هو قالها اكثر من مره ودي تبسطيني الليله وانا كنت أظن أني اذا سلمته نفسي أني سويت إنجاز ... كانت تفكر كيف قدرت نسرين تصير كذا كيف تعلمت ياربي ودي اسألها بس أخاف تضحك علي ...** محمد : ياهوووه إحنا هنا** نسرين: أكيد تفكر بفيصل امل : بحرج لا عادي مافيني شي** كملوا السهره وبعدين راحت أمل لغرفتها وقفت شوي قدام المرايه تناظر لنفسها أنا حلوه بس** سكتت وماقدرت تتكلم طالعت في جسمها المليان كرشتها متر لقدام وشعرها مايستشور الا في المناسبات وقارنت بين نفسها وبين نسرين حست بخيبة وقالت مافي مجال للمقارنه ... اصلاً عمري ماحسيت أني حاجه حلوه بالنسبه لفيصل وتذكرت كم مره لمن يشوفها تصارخ على الأولاد **يقولها** خلاص يابو الشباب هدي أعصابك ... ونزلت دمعتها وهي تتذكر لمن حاول يخطب قبل سنه ولولا امه رفضت وحلفت عليه كان تزوج عليها ...** بكت بحراره وحاولت تهرب للنوم....

العضوة: 522470 , 6 years ago

اليوم هو آخر يوم لأمل في بيت اخوها محمد** لان أمها رجعت بيتها** امل تتمنى تطول عند نسرين ودها تتعلم اكثر على الغدا** نسرين: مودي العصر أبغى أزور جارتنا اللي **في العماره اللي جنبنا ام خالد تعرفهم مسكينه مسويه عمليه** محمد: لا** نسرين : ليه حبيبي زارتني لمن ولدت وجابت هديه ودوم تسأل عني** محمد: زوجها مايصلي معنا وله حركات مريبه** نسرين: ياعمري وش ذنبها هي بنت حلال وانا ماراح اروح لوحدي الجارات معي** محمد ؛ خير ان شاء الله** في العصر صحي محمد ومالقي نسرين سأل أمل... محمد : ام عبد العزيز وين نسرين** امل: راحت لجارتها** محمد:ومين سمحلها تروح** امل: بصوت عالي **عجييييييب انت قلت روحي محمد : أنا قلت خير ان شاءالله وماقلت روحي امل : اقول ياحبكم للمشاكل يالرجال خلاص موضوع وانتهى بلا عبط** محمد متنرفز: أعطاها نظره سكتتها** جت نسرين وتفاجأت من شكل محمد نسرين : مساء الخير** محمد: اهلا وسهلا حيا الله الشيخه لا حسيب ولا رقيب** نسرين : خير مودي عسى ماشر** محمد: انتي من سمحلك تروحين انتي ماتستحين على وجهك مالك رجال يحكمك** أنا طرطور في البيت** نسرين : أنا** محمد : ولا كلمه لا اسمع صوتك الشرهه ماهي عليك علي أنا اللي تاركك على هواك من اليوم ورايح مافي طلعات مفهوم** نسرين : ابشر مايصير خاطرك الا طيب** محمد يخرج لا تنتظروني على العشا امل: والله انك خبله كيف تخلينه يطول لسانه عليك والله ماعندك سالفه والله لو فيصل يقولي كذا كان ارميه من الشباك

العضوة: 522470 , 6 years ago

من الشباك نسرين: بضحك لاااااا حرام الرجال لمن يعصب مايفكر زين وكله نص ساعه ويجي ندمان وحزين على انه زعلك حتى لو ماتكلم في داخله يكون نادم** امل **تحرك بوزها ماعجبها الكلام وتقول في نفسها ياحليييييييلك .... في اليل رجع محمد وهم في الصاله يشربون شاي** محمد السلام عليكم** الكل وعليكم السلام** محمد: تعشيتوا** امل : الحمد لله** محمد يطالع في نسرين شبعتوا بابتسامه** نسرين : تبتسم الحمد لله** وصار محمد ينكت ويضحك ويحاول يضحك نسرين** وآمل بتتجنن وتقول في نفسها ياليتك تعطيني **قلبك الوسيع ولسانك الحلو ............ ** انتهت المده وآمل تجهز اغراضها ومحمد ينتظرها **نسرين تودعها مع السلامه ياحبيبتي والله باشتاقلك** امل الله يسلمك وفي نفسها اقول ياحلوك بس ياحظ اخوي فيك....**

العضوة: 522470 , 6 years ago

دخلت امل بيت أمها وبعد السلام والأحضان** تعشوا ونومت أولادها... وحست انها مخنوقه ودها تسولف **جلست تسولف هي وأمها** الام : عساك استانستي عند نسرين** امل ؛ اي والله يمه الله يستر عليها ماقصرت** الام: اي والله يابنيتي عساني ما احسدها لسانها حلو وكريمه ونفسها زينه وراعية صلاه وأخوك مايسمع فيها.. امل: في نفسها ااااه لو شفتي الشي الثاني وش تقولين دلع وغنج واناقه... وسكتوا يتابعون برنامج** أمل : يمه بسألك وتجاوبيني بصراحه من افضل أنا ولا نسرين** ضحكت الام وبكل صراحه : انتي جمال ظاهر ونسرين جمال باطن **أظن فيصل مامصبره عليك الا حلاة وجهك والا باقي علومك شينه لسانك يلوط اذانك الله يهداك وانا امك تخرعين قبيله.... امل بحزن ... ودي اتغير يمه واصير مثل هالحريم السنعات بس ما اقدر... الام بعصبيه:وليه ماتقدرين يعني هم حريم وانتي لا** الحرمه الصاحيه تأكل رجالها بالطيب والدلع والاستقبال الزين ...خليك على حالك لين تشوفين الحرمه الثانيه الظاهر انتي مايصحيك الا حرة الطبينه** امل: يمه فاولي خير وش هذا** الام : والله يابنتي أبغى لك الزين وأخاف يتزوج فيصل وأموت أنا وياك من القهر..

العضوة: 634437 , 6 years ago

ان شاء الله الحق حالي و طالع الوحش الكاسر لي بداخلي 🤣🤣🤣🤣

العضوة: 522470 , 6 years ago

فيصل وأموت أنا وياك من القهر.. امل : افففف يمه لهالدرجه أنا خايصه يمه والله بيتي وعيالي وانا دايم نظيفين والأكل من احسن شي وش يبغى اكثر... الام: هذاك اول وانا امك الحين رجالكم مايبون كذا** امل استحت من أمها وفهمت قصدها الام: والله يابنيتي اللي يشوفك يقول ام ثلاثين ** جسمك مليان ووجهك باهت ولا انتي مثل حريم هاليومين اشغلتي نفسك بالبيت والأكل والنظافه ترى هذا مايهم الرجال كثير الله يصلحك وانا امك.. بروح انام** كانت كلمات أمها موجعه وقاسيه وحسستها بانها ولا شي ... وجلست تفكر وتفكر في كل الأخطاء وتذكرت كلام فيصل في آخر مكالمه لوتشوفين المزايين كيف يطاردوني** ردت عليه من زينك يمكن مفجوعين منك هههههههه رد عليها طيب بجيب معي وحده واخليك تسألينها وش رأيها فيني.... اااااااه ياويلي أنا غبيه أنا اغبى حرمه في الدنيا وبكيت بقهر ياويلك يافيصل لو تتزوج والله لأموت وبكيت بحراره ونامت... صحيت من النوم وكانت طول اليوم سرحانه الأفكار تأخذها يمين ويسار وجلست تقرأ في المنتديات ولأول مره تدخل على مواضيع تهتم بالزوج والتغييير بعد ماكانت تقرأ في الطبخ والسوالف التافهه.... وجلست تتذكر نسرين كانت تهتم بلبسها كثييير وتدلع نفسها حتى كاسة الحليب ملونه بقلوب وشكلها غير** سجادتها مميزه ومعطره ومعاها سبحه ماتفارق يدها وكمان لونها حلو** مهتمه بثقافتها تقرأ في الكتب وتجلس على النت وتشارك في المنتديات ... والاهم متعلقه بالله في الصلاه وتقرأ ورد يومي وتحاول تحفظ شي من القرآن....

العضوة: 634437 , 6 years ago

و زوجك لاحظ التغير او لا؟؟ و هل تغير هو كمان

العضوة: 522470 , 6 years ago

وبدأت أمل تخطط للتغيير&&& باقي على وصول فيصل شهرين بأبدأ في الريجيم وامشي ساعه في الحوش كل يوم** وبحاول اكون جريئه في الفراش وبعود نفسي أتكلم بصوت واطي وبدلع بشتري ملابس جديده واقص شعري** افففف ياربي يمديني اسوي كل هذا ... **كيد يمديني أنا حلوه وماناقصني شي** وبدأت في الريجيم وكانت حازمه مع نفسها** وكانت تفرح لما تشوف وزنها ينزل** والاحلى ان أمها كانت تشجعها وبدأت تستخدم خلطات للوجه والبشره** وبعد شهر وثلاث اسابيع وصلت لوزن حلو وان كانت تتمنى تنزل اكثر** بانت ملامحها اكثر وبدأت تحب شكلها ونفسها طلبت من نسرين تروح معها السوق وطبعاً نسرين كانت مبدعه في ملابس البيت** اشترت بناطيل جنز باشكال حلوه وبرموده وتي شيرتات بألوان مغريه وفساتين قصيره** واكسسوارات خفيفه للبيت تخلصت من ذوقها القديم في قمصان النوم **واشترت قمصان جريئه جداً كانت خايفه ماتلبسها بس النار اللي في قلبها خلتها تشتري....** كانت تقضي وهي مبسوطه مررره لنفسها فعلاً بدأت تحب نفسها** شعرها طويل مره وماحبت تقصره بس قصته مدرج بطوله وصبغته اشقر رمادي وطلع شكلها خراااافي أول ماشافتها أمها اتفاجأت من شكلها وماحست الا وهي تقول كلللللللللوش** ضحكت امل وقالت لامها والله حسيت أني عروس يمه**

العضوة: 522470 , 6 years ago

بخلص قصة ونتحكا

العضوة: 522470 , 6 years ago

الام : ايوه كذا وين هالزين من زمان باقي يومين على وصول فيصل** امل تلبس الملابس وترقص في الغرفه لوحدها** وتحاول تقلد حركات نسرين** لبست برمودا جنز وبدي فوشي وتمشي وتحرك مؤخرتها بدلع وتنزل ترفع المنديل من الأرض وتميل نفسها بقوه وتقوم بدلع وتضحك على نفسها** توقف قدام المرايه وتقول كلمة ماابغى وتطلع شفايفها على برا وتضحك** تغمز بعينها للمرايه وتصيح ياحلو انت** تكلم نفسها في المرايه وتلعب بخصلات شعرها : اخخخ والله أهبل** وكانت كل يوم تسوي حركات قدام المرايه وتضحك بفرحه لتغيرها وتتذكر حركاتها زمان** اليوم بيوصل فيصل الساعه ثمانيه..... ** راحت هي والخدامه من الصبح رتبوا البيت ونفضوه غيرت المفرش بلون احمر ووزعت شموع بأشكال حلوه ونثرت ورد طبيعي على السرير حست فعلاً انها عروس اشترت فواحه وحطتها عند مدخل غرفة النوم..** وطلبت عشا من برا** وراحت تجهز نفسها..... انتظروني في الجزء الأحلى ولا تقولون بسرعه هذا الجزء بالذات يبغاله روقااااااااان** في حفظ الرحمن أحبتي &&&&