السلام عليكم اخواتي في الله
حبيت احط موضوع مشاكل الحمل ، لكل وحدة تعاني من هادي المشاكل و خايفة ، تعالو نتقاسم همومنا و ألامنا مع الحمل و صعوبة الحمل اكثر مع الابتلاءات ، و نتشارك تجاربنا مع بعض و ننصحح بعض و نصبر بعض معاكم اختكم من الجزائر عندي ولد واحد و الان حاملة و عاملة عملية ربط عنق الرحم و عندي سكري الحمل و ارتفاع ضغط الدم و الغدة الدرقية و الحمد لله اني وصلت الاسبوع ٢٨ اجهضت من قبل بنت في الشهر السادس لذلك عملولي ربط عنق الرحم اما ابني ما عملت كنت بكرية و ولدت بالملاقط فرتختلي العضلات و الحمد لله علي كل شىئ، اي وحدة عندها استفسار علي اي مشكل انا هنا الله يعطينا القوة و الصبر و يجعل ما في ارحامنا خلق تام و يرزقنا ولادة سهلة و اولاد سليمين و صالحين يارب يتمم علينا بخير
العضوة: 145237 , 8 years ago
@user-166514 أختي باغيا نسقسيك كي تكوني رابطة و تدخلي للشهر الخامس و الا السادس تبداي تحسي بالضغط من تحت و كأن الربط راح يتفتح ؟العضوة: 166514 , 8 years ago
@user-145237 السلام عليكم ختي. وش راكي بخير جمعة مباركة ، و الله يا اختي انا لما دخلت السادس حسيت روحي احسن كل وحدة كيفاه نحس بالام في ضهري و مرات الام في بطني . و متقلقيش روحك كي تكون وحدة رقيقة تحس بكرشها كي تتقالالعضوة: 145237 , 8 years ago
@user-166514 إيه صح أنا نضعف بزااف في الحمل و كي نطول الوقفة نحس بظهري...بصح نحس بألم من جهة المهبل خايفة يكون الربط حاب يتفتح بسبب الثقل تاع كرشيالعضوة: 166514 , 8 years ago
@user-145237 عندك ولاد من قبل؟العضوة: 145237 , 8 years ago
@user-166514 لا لاالعضوة: 166514 , 8 years ago
@user-145237 متخافيش ربي يتمم عليك ان شاء الله المهم الالام مشي متواصلين نهار كامل يجو و كي ترتاحي يروحوالعضوة: 145237 , 8 years ago
@user-166514 إيه كي نكون مرتاحة و نحس بوالو غير كي نكثر الوقفة ...😊 اه نسيت جمعة مبارك علينا و عليكمالعضوة: 166514 , 8 years ago
@user-145237 اللهم امين متعييش روحك خلي زوجك يعاونك منجو نرفدو لسيف و نزيدنخافو الاجهاض و لخلايع لازم يعاونونا كون جينا لاباس منحوسوش عليهم الله غالب ربي يفرج علينا . و كي تشوفي عوينات البيبي تنساي الالام كامل انتي وزوجك . عندك ولد صح؟العضوة: 145237 , 8 years ago
@user-166514 إيه راه بعاوني و مرات تجي ماما تنقص عليه ...تعرفي الرجال غير غسيل الماعن يشوفها حاجة كبييرة بصح راه يوالف 😁 اما جنس الجنين مزال ما عرفتو إن شاء الله هاد سمانة نشوف راني متشوقة نعرفالعضوة: 166514 , 8 years ago
@user-145237 يا حي عندك ماماك تعاونك ربي يحفضها ،خلاص خليلو لماعن و تسيااق لماماك ، شفت كتبتي موضوع انك حسيتي في شهرين بنبض ورفرفة احتمال يكون ولد لانو هو يتحرك قبل البنت عن تجربة مني ، كم سنك و كم عندك زواج؟العضوة: 145237 , 8 years ago
@user-166514 عندي عام و نص زواج و عمري 26 ...في حملي اللي فات كنت متمنية بنت بصح ربي ما كتبش يتم و هاد المرة جاي في خاطري ولد بالرغم اني نحب البنات اكثر ...و اذا جات بنت نفرح تانيالعضوة: 166514 , 8 years ago
@user-145237 الله يبارك معندكش لزاف ملي تزوجتي . ربي يرزقك الذرية الصالحة ان شاء الله ، ان كان ولد و لا بنت كلهم خير وفرحة في الدار انا من مواليد 1990 مشي بعيدة عليك في السن ربي يتمم علينا بخير يارب و يفرحناالعضوة: 145237 , 8 years ago
@user-166514 عندك الحق اللي جات من عند ربي راهي بحكمة الاهية و اكيد فيها الخير....و انت عندك ولاد و شحال عندك من سنة متزوجة ؟؟العضوة: 166514 , 8 years ago
عندي ولد واحد عاصم عبد الصمد ، جيت بنت في الشهر السادس مقدرتش تعيش و الان الحمد لله من علي ربي و حملت عندي ست سنين زواجالعضوة: 166514 , 8 years ago
شو في افكار لطمينة