بناااااااات احذروا من سلة موسى الصغيره للأطفال حديثي الولاده ,,,, ولدي الصغير كنت كل يومين أبدل شرشف سلته وألاقي نقوط صغار وكنت أستغرب منهن وأقعد أدور وما ألاقي شي ,, وحتى في فروة راس ولديه كنت ألاقي مثل جروح صغار وفيهن دم و وديته العياده وقالوا طبيعي فروة راس الطفل حديث الولاده تتهيج وعطوني كريم بس,,, وأنا كنت مب مقتنعه!! للعلم أني حريصه كل الحرص على النظافه ودايما أشتري من الجمعيه إبرة الحشرات وأوزع منها في قسمي ... عشان ما أعطي للحشرات فرصه يطلعن!!! تراني أرقد ولديه في هالسله لأن سريري أرضي ما ينفع أحط منز مرتفع,,,, أنا فالعاده كل كم ساعه فليل أقوم أرضع ولديه وهو في سلته ((حليب صناعي)) وما كنت ألاحظ شي أبدا,,, فجأه فليل قمت من الرقاد وقعدت أطالع ولدي وهو راقد بليت التليفون لقيت أن فيه حشرات صغار سود ولهن قرنين منتشرات فالمنز وحول ولديه وعلى شعره !!! أثاريهن ما يطلعن إلا فالظلام والهدوء وطول النهار ينخشن فالخيش مال السله,, حسبي الله ونعم الوكيل,, السله ماخذتنها من مذركير يديده ما كملت عندي شهر ونص,,, وديته مستشفى النور على طول والله راد أني ألاقي دكتور استشاري رئيس قسم الأنف والإذن والحنجره على طول دخل مثل جهاز فيه كيمره صغيره في خشمه وإذنه وثمه ومالقى شي لله الحمد,, ومن عقب هالسالفه يتني حاله طول الليل أقوم أراقب عيالي والحمدلله ولديه عمره ألحين سنه وشي,, وبخير,, ,, الحذر يا خواتي,,, واسمحولي ماكتبت هالموضوع قبل لأني وايد كنت متأثره منه ولا أحب أتذكره,, منقوول حبيت انقله للفائده هذا شكلها ⬇️⬇️