كيفكم حبيباتي 🖐🏻 الف الحمدلله والشكر بفضل الله ولدت قبل يوم من حوامل فبراير قصتي قصة الحمدلله على رحمة ربي 🙏🏻 بداية الاسبوع 38 كان يجيني طلق خفيف والرحم فتح 1 سم وقعد معايا اسبوع ولا في امل انه يقوى شربت حليب وقرفه مشيت سويت كل شي بس ادور خلطات واشرب ولا فتح الرحم قررت اشرب الخروع من التعب استخرت وشربت اخذته مع عصير مانجو المغرب وبعدها بساعتين جاني اسهال وطلق وجلست لين الساعه 4 الفجر والطلق كل ماله يزيد فجاءه نزل دم ثقيل استغربت الدم ايش نزله ومن ايش ورحت بسرعه ع المستشفى قالو الرحم مفتوح 4 سم ولاده والدم كل ماله يزيد الين ماسار نزييييييف شديد وبعدها بأربع ساعات فتح الرحم 8 سم والنزيف شديددد وقعت ع العمليه خلاص كنت حولد قيصري لكن ماقدرو يسوونها لان بدأت ادف والرحم فاتح للاخير للأسف حصل لي انفصال جزئي في المشيمه وبرحمة ربي حصل الانفصال وقت الولاده وكنت حفقد طفلي او انا ممكن اموت على كلام الدكاتره من شدة النزيف ودفيت وساعدت نفسي وخرج ولدي بسلامه اللهم لك الحمد يااربي انا رابع حمل لي اول مرا يحصل معاي كذا قالي الدكتور الانفصال ماله اسباب من الله وحصل متأخر من رحمة ربي الحمدلله قمنا بالسلامه وجبت ولد بعد ثلاث بنت ربي اكرمني بشوفته 😭 حابه افيدكم من كلامي انا استعجلت على نفسي شربت خروع والبيبي لسا مانزل في الحوض وكان باقيلي اسبوعين حتى اخلص التاسع يعني كان فيه وقت وجا وزنه 3 كيلو مرا صغير ياليت قعد يتربى في بطني بس ربي كتب وكنت مرا ارهق نفسي اروح امشي بالتاسع كثير الا ابى اولد مرا تعبت نصيحه مني لحد يشرب الخروع الا بعد التاسع لانه حمالي الطلق والبيبي لسا مانزل كانو يخلوني امشي وانا معاي طلق عشان ينزل في الحوض بس حبيت افيدكم من ولادتي الله يسهل عليكم الحوامل وتفرحوا بشوفة اطفالكم يااارب 🥰🙏🏻 واي سؤال تفضلوا 🌹