حساب الحمل خلينا نتفق على كام حاجة عجيبة الأول.. أولاً.. الحمل مش 9 شهور !! آه والله.. الحمل 10 شهور :o :o :o أو بالظبط 284 يوم ( يعني 9 شهور ونص ) ابتداءً من يوم التبويض اللي هو بعد أسبوعين من أول يوم في آخر دورة يعني 10 شهور ابتداءً من أول يوم في آخر دورة اللي احنا بنحسب منه.. ثانيا ً.. حضرتك بتحسبي بالشهور وأنا بحسب بالأسابيع .. عشان كدة عمرنا ما هنتفق :D هقولكم السر باختصار.. السر اللي دكاترة النسا خبوه عن الناس كلها .. وبطريقة في مستوى الطالب المتوسط .. :) المعادلة اللي بحسبها في دماغي لمعظم الحالات عشان أعرف ميعاد ولادتها إمتى.. ركزوا معايا.. هقول اهو.. بنسأل عن أول يوم في ميعاد آخر دورة شهرية ((اللي المفروض تكوني حافظاه زي اسمك)) وبضيف رقم (7) على تاريخ اليوم وبضيف رقم (9) على تاريخ الشهر يطلع ميعاد ولادتك!! مثال محلول : ======= يعني لو أول يوم فيها كان يوم 5 في شهر 2 5+(7) = 12 2+(9)=11 يبقى تاريخ ولادتك يوم 12 شهر 11 طب لو كانت في أي شهر تاني بعد شهر 3 ..هنضيف برضه (7) على الأيام بس هنطرح (3) من الشهر مثال محلول : ======= يعني لو أول يوم فيها كان يوم 21 في شهر 7 21+(7) = 28 7-(3) = 4 يبقى تاريخ ولادتك 28/4 تمام كدة ؟؟ (y) (y) (y) ....................................... طب لو عايزة تعرفي انتي حامل دلوقتي حالاً في قد إيه (بالشهور) ، دي سهلة .. بنحسبها من ميعاد الولادة مش من أول يوم.. لو طبقناها على آخر مثال.. يعني لو أول يوم في آخر دورة كان 21/7 وبالتالي تاريخ ولادتك 28/4 زي ما اتفقنا .. يبقى كل يوم 28 في الشهر بتقفلي شهر.. يوم 28/8 انتي كدة قفلتي شهر.. 28/9 شهرين وهكذا ........ لحد 28/4 تبقي قفلتي التاسع اللي هو ميعاد ولادتك ..