هالطريقة هاذي معروفة ف المنتديات وقديمة واغلب الي استخدمها نجحت معاه ! انا عندي بنتين وقررت اجربها ، لكل وحدة تتمنى الولد اتبعي الطريقة بحذافيرها ! 1. اول شي وقبل كل شي الدعاء .. استمري واطلبي والحي من الله ف كل وقت وكل صلاة ، تصدقي لو بمبلغ بسيط .. كوني قريبة من الخالق 2. التبويض وهالشي ووووااايد مهم ووواييييد .. ولا وحده تقول انا اعرف يوم تبويضي ! لانه كل شهر يختلف ! اذا تقدرين تابعي مع دكتورتك او اذا ماتقدرين سوي الطريقة الي سويتها ! انا اشتريت جهاز تبويض يبين لك متى يكون تبويضك ويطلع لك في الجهاز هبي فيس انه التبويض بيكون في اليومين التاليين ، بعد مايطلع الهبي فيس انتظري ١٢ ساعة او لين يجيك الم التبويض مثلي ويصير الجماع - طبعا تستخدمين الجهاز من ١٠ يوم دورة او ع حسب طول دورتك ، مرتين مره صبح ومره قبل لاترقدين 3. تستخدمين محلول قلوي بودرة تخلطينه مع ماء اسمه ( شراب Uralyt-U ) عشان يخلي الجسم قلوي وموجود داخله شرايط تقدرين تعرفين اذا وصلتي للقلوية او لا ( للعلم لازم توصلين للشريط رقم ٨ ) بكذا انتي تتاكدين انه جسمك صار قلوي - طبعا تستخدمينه من ١٠ يوم دورة 4. فيتامين E حق زوجك عشان يعطي الحيوانات المنوية صحة ويقلل التشوهات - انا حق زوجي استخدمت قوة ٤٠٠ 5. قبل التبويض لازم ٣ ايام مافي جماع 6. غسول مهبلي قلوي تستخدميه قبل الجماع بنص ساعة ، طبعاً الجماع الي ناوية تحملي بعدها 7. في نوع رجيم تستخدمينه للحمل بولد انا سويته بس كنت اخذ اوبن دي يوم او يومين بالاسبوع بس تقدري تستغني عنه مو شرط بس عشان زيادة الفرصة لانه هالرجيم يرقق جدار البويضة ويقدر الحيوان المنوي الذكر يخترقها لانه ضعيف طبعاً هالنقاط كلها انا سويتها وطبقتها وبعد التوكل على الله ربي رزقني بالولد و بعد زوجة اخوي جربتها وضبط معاها اهم شي الدعاء و تمشين على الطريقة بالضبط خصوصاً يوم التبويض ! اتمنى تستفيدون وتدعون لي