#طلاق تعسفي بزمانو كان الحجي دقتلي يعني بيدقق علروحة والرجعة كتير😅 فمابخليا لنبع الحنان تروح وين ماكان😅 طبعآ بس إذا كان طفران بيحب يتفشفش فيا 😅واذا راحت بيقلا رجعي المغربيات لاتتعوأي 😅 ونبع الحنان غالبا مابترد تقول بدو يعمل فنطة ويعمل أشو بعملو المهم انبسط بزيارتي🤣🤣 فبيوم من الايام قالتلو حجي بدي روح عند سلفت بنت اخو جوز أختك ام صطيف ماغيرا 😅😅 هههههه🤣🤣🤣🤣🤣 قلا اشو أيخدنا عند هلخلايق لامنعرفن ولامنستعرفن مافي روحة 😅 قالتلو يووو حجي شفتا بعرس بنت أختي وعزمتني لعندها ووعدتا أني روح 😅قلا علي الطلاء مابتروحي هيك طقت ببالو الحجي مابدو يبعتا قلا مافي روحة ولبأ تنيأشيني😅 المهم سكتت نبوعة بس حيطا ببالا الروحة😅 قالتلو دي أوم روح عند جارنا قعود عندو عباب الدكان أشربلك كاسة شاي غير جو لك حجي ولعبو بلضامة😅😅 والله اتوضى الحجي وأخد درب طريقو ومشي😆😆 وهوي طبأ باب الدار قالتلا لكنتنا أومي نلبس ونروح منروح ومنرجع ومابيرجع عمك ومابحس علينا🤣🤣 قالتلا يامرت عمي بركي رجع ومالاقاكي 😃 قالتلا سكري تمك بس صلى المغرب بيجي علدار هلأ بيكون دايخ مع جارنا أبو كرمو بلضامه ونحن منجي قبل المغرب😆😆 فزت نبوعة اتلبست وحطت لوات حمرة وأسار كحلة واخدت مرت أخوي وطبقت الباب وراحت 😅😅😅 وعدت من جنب دكان جارنا ولمحت الحجي بس ماعرفا لانها كانت طيبه عوشا 😅😅 المهم قضت زيارتا وضحكت وغيرت جو واططهجت😅😅 ضربت عينا علساعة كان مأدن المغرب 🙃ونبوعة ماحيسة عحالا😆 قالتلا لكنتنا اومي حاج تتملكعي ويروح راسك هون وهون بدنا نرجع عوقت قبل ما تعتم العين هلأ بيكون عمك قربت وصلتو 😅 والله ولبست مرت أخوي وبلشت أحاديث ورا الباب مع الجماعة على تفضلو لعنا وانبسطنا معكن وحديث من هون وحديث من هون 😅ونبوعة عبتعيط لك يلله استعجلي لنلحق نرو على البيت مانتعوا قبل مايجي عمك ومايلاقينا ويعلمنا عرس مطنطن😅😅 قالتلا يلله مرت عمي كوا جي بس شوي وكملت هلخوتة أحاديثا مع الجماعة 😅ونبوعة عبتصيح لك اعجليا انا عبتلهوج وانت عبتتسرنكي على هينتك ومهلك😅 خلينا نرجع عوقت وما نتعوأ 😅 قالتلا أي مرت عمي طولي بالك وإذا اتأخرتيلك دمعة 🤣 قالتلا كنتنا مرت عمي يامرت عمي قالتلا نبوعة عمى الدبب أشو بدك😅😅 قالتلا _ طب تاعي امبيرحة عديت علسوق بدي ورجيكي الجبونة المتنّاي أم فقشة ؛شوفيا كويسي بتلبقلي 😅😂😂 واعطيني شورك فيا😅😅😅😅 _قالتلا هلأ وقتك وقت جبونتك عبقلك مستعجلة عمك بيكون جهز الخيزراني يلطنا فيا أنا وانتي😅😅😅 وصلت علدار الحجي قيعد بلزاوية 😅😅قالتلو الله يمسيك بلخير😅😅 وطبعآ دفشت مرت اخوي قبلا حتى تاكول نص البهدلة ههههههه😅😅😅 قالتلا اركدي اشلحي واعملي لعمك عشا أوام بيكون جوعان😅😅😅 كيف حجي انشالله غلبتو لجارنا بلضامه😅😅 قلا وين كنتي 😃قالتلو يوووو حجي رحنا وجينا وانبسطنا والله بتسلم عليك ام صطيف قالتلي سلميلي علحجي خص نص سلام خاص 😅😅 حجي طلعت بتعرفك ماشالله كنت مدوخ نص بنات وصبايا حارتكن 😅😅 قلا ومين قلك روحي 😡😡قالتلو يووو حجي خجلت من كنتك كل دقيقة تقلي أومي البسي منروح ومنرجع وعمي مافي متل حكيتو مابيحكي😅😅 قلا الحجي علي الطلاء مابتباتي اليوم بلدار البسي وروحي وين بدك تروحي 🙃🙃🙃 قالتلو صلي علنبي ياحجي أشو هلحكي صارت الدنيا ظلامي وين بدي روح بيجي منك تنام ونبوعة مانا بلدار 🤨🤨🤨 قلا أومي طلعي من الدار انا المرة الي بتكسر كلمتي مابتلزمني 😑😑😑😑 قالتلو اي بروح بلناقص من هلعيشة كل عمري عايشي قراضة معك 🤣🤣🤣🤣 وهون الحجي غمض عيونو وفتح تمو لانو معصب ومو شايف حدا ادامو وفلت نزل بلطايفة والذرية😅😅 ونبوعة ماقصرت ماخلت حدا من شرا أمو أختو نسوان أخوتو لك نانتو الي ميته من ١٧ سنه حكت عليا 😅😅😅 ونبوعة يالساني مااعدمك منين مادارتو بيندار😅😅 قالتلو شوف هااا بدي اخود كل حقوقي منك مليون بمليون وبيت خمس غرف وصالون وسياره تحت البلكون😌 ولاتنسى كمان المليك طقم الماس كامل مع التاج وجهيزي كلو من الإبرة للفيزون ، طبقت الباب وغمزتا لمرت اخوي قالتلا الحقيني بدي روح نام عندك😅 قالتلا روحي ابنك بلدار هلأ بلحقك وطول هلطريق نبوعة عبتشهشأ وبتبكي وتدعي علحجي وعحالا😅😅 الهي ربي ياحجي انشالله ﺗﻔﻮﺕ ﺑﻀﻴﻖ ﻭﺗﻄﻠﻊ ﻣﻦ ﺿﻴﻖ ﻭ 66 ﺍﺑﺮﻳﻖ ﻣﺎ ﻳﺒﻠﻮﻟﻚ ﺭﻳﻖ 😅😅 ﺗﺮﻛﺾ ﻭﺭﺍ ﺍﻟﺮﻏﻴﻒ ﻭﺍﻟﺮﻏﻴﻒ ﻳﺮﻛﺾ ﻭﺭﺍﻙ, ﺍﻧﺖ ﺑﺴﻴﺎﺭﺓ ﻭﺍﻟﺮﻏﻴﻒ ﺑﻄﻴﺎﺭﺓ ﺭﻳﺘها ﺗﺘﻌﺒك ﺍﻟﻔﻴﺮﺍﻥ ﻣﻦ ﻗﻠﺔ ﺍﻟﺠﻴﺮﺍﻥ😅😅 ﺭﻳﺘﻚ ﺗﻨﺎﻡ ﺑﺎﻟﺨﺮﺍﺑﺔ ﻣﻦ ﻗﻠﺔ ﺍﻟﻘﺮﺍﺑﻪ😅😅 انا هيك يصير فيني عبتقلعني من داري ليش أشو قلك بلدار كلو انا نتعتو وجبتو😅 وقت أخدتك صحن ومعلقة ماعندك😅 كسيتلك الدار من بابا لمحرابا 😅 وصلت عبيت اخوي قلا أهلين يمو وين أبوي ليش ماأجا معك ووينا مرتي قالتلو 😅 ابوك رمى علي يمين الطلاق وقال مالي قعدة عندو بلدار شفت يابني بعد هلعشرة هيك يعمل فيني صبرت علي وعفقرو وعأفعالو 😅😅 الهي ربي ﻳﺒﻌﺘﻠو ﻣﺼﻴﺒﺔ ﺑﺤﺠﺎﺏ ﻗﺪﺍﻣو ﺑﻴﺮ ﻭﻭﺭﺍه ﺑﻴﺮ😅 ﺍﻟﻠﻪ ﻳﺒﻌﺘﻠو ﻧﺎﺭ ﻭﺗﻜﻮﻥ ﺳﻌﻴﺮ😅 ﻗﺪﺍﻣو ﺣﺎﺳﺪ ﻭﻭﺭﺍه ﺣﺴﻮﺩ ﻭﺍﻟﻠﻪ ﻳﺒﻌﺘﻠه ﻣﻨﻬﻢ ﻣﺼﻴﺒﺔ ﻋﺎﺩ ﻭﺛﻤﻮﺩ😅 ﻗﺪﺍﻣو ﺑﻨﺖ ﻭﻭﺭﺍه ﺣﺠﺔ ﻭﺍﻟﻠﻪ ﻳﺒﻌﺘﻠو ﺍﻟﻤﺮﺽ ﺑﺮﺟﺔ😅 ﻗﺪﺍﻣو ﻋﻘﺮﺏ ﻭﻭﺭﺍه ﺣﻴﺔ ﻭﺍﻟﻠﻪ ﻳﺒﻌﺘﻠو ﺍﻟﻘﺘﻞ ﻭﺑﻼ ﺩﻳﺔ.😅. قلا اخوي لك طولي بالك لك يمو بضل أبوي ليس عبتدعي علي 😅 صحي بيدج بس قلبو طيب وابيض متل التلج😅😅 انا بروح بحكي معو وبراضيكون وبصالحكون ماناكلي هم 😅قالتلو بروك هلأ بفكر انا بيعتك😅 قلا يايام ما بدنا ننفضح ونصير علكة بتم الي بيسوى و اللي ما بيسوى 😅😅 خلص صلي علنبي انا بحل الموضوع والله عيب بعد هلعمر عبتتناقرو أشو خليتو للشباب أنا راي لعندو أستفهم منو😅😅 دخل اخوي قلو أشو في حجي أشبا أمي 😅قلو هيك هيك القصه حلفتلا يمين مابتروح كسرت يميني وراحت 😅😅قلو لك حجي من كل عمرها كيسرة يمينك ومابترد عليك أشو فنو هلأ تنيما برا الدار 😅😅😅 قلو كول هوا وخود مرتك وروح عند أمك جي عبتحكي طبعأ أخوي بدل مايكحلا أم عماها هههههه😅😅😅 نامت نبوعة عند اخوي وتاني يوم اجا الحجي جايبلا غراضا لنبوعة قال بدو يطلق مابأ بدو ياها😅😅😅 قلو اخوي ليش ياحجي أشو عملت أمي 😅قلو أمك ردادة جواب 😉 مئصرة بحقوقي😉 مابتعرف تطبخ😉 مابتسمع اللأشي😉 انا بدي طلّئا بصحلي اكوس😂😂😂 قالتلو نبوعة ليبقلك يأبو لمعة تجيب متل ضفري🙃 بذكرك بلمهر ولابتسكت يا خاين 😉يابخيل😉 يأبو أيد طويلة 😉 قال رضينا بلبين والبين مارضي فينا قلا أخوي لك أشبك لك يمو خلص لا تخربي بيتك بيضل الحجي بيحبك وعندو ياكي بلدنيا 😅بكرا صبغيلو شعرك اشقر وشوفي كيف بتنقلب معاملتو😅 قلا الحجي لاتكتري صبغة بحب الميش أنا أكوس😅 قالتلو يوووو لك اتزنر عخمسمية ورقة مشان أعمل شعري وسشورو ههههه😅😅😅 والله وانحلت القصة بصبغة شعر نبوعة🤣 والحجي رضي😅 بحبا لنبوعة ومابيقدر عفراقا 😅 ونهارا اتغدينا عند بيت اخوي ورحنا كلنا علدار هلأ صحي الحجي مخلأيني بس قلبو نضيف وبلأخص وقت سمع بلمهر نضف أكتر وأكتر 🤣🤣🤣 ونبع الحنان صحي كسرت اليمين بس مالاحق تروح بس ميسكة الحجي من أيدو الي بتوجعو🤣🤣🤣