#ضرتي_سوسو_بقلم_امل_احمد (الجزء الاول)
من الصبح وانا عم حوص ولوص .. من وقت خبرني هالخاين انو رح يتزوج علي وانا الدنيا مسكرة بوشي .. وعم جوح ونوح .. لؤي: لك حااج عم تجوعري متل البقرة .. حاااج 😡
مسحت دموعي والاشياء يلي عم تنزل من انفي بطرف كمي واطلعت فيه بعيوني لمعمصة من البكي .. غنى: لك بدي جوووعر .. بدي جووعر ليروح صوتي ويطقطعو حبالي الصوتية .. واااااااااااع
لؤي: لك وعم تلوميني انو بدي اتزوج عليكي .. لك في انثى بتبكي بهالطريقة هاي غيرك .. لك في انثى بتنزل من انفى كل هالقرف هاد وبتمسحو بطرف كمااا
غنى: هلأ ما عاد عجبك صوتي وجعيري .. لك الله يرحم ايام كنت تبوس ايدي لطالعلك هالجعير 😭😭 لؤي: لك حمااار .. كنت حمااار وغبي وجحش ومليون جحش كمااان .. خرسييي طرشتيني
غنى: ماااا رح اخرس .. رح ضل جووووعر .. واااااااااع ... وااااااع ... تعي يا امي شوفي شو صار ببنتك .. واااااع .. تعا يابي شوف شو صار بدللولتك .. واااااع .. تعى يا اخي يا قبضاي شوف شو صار باختك .. تعا خلصلا عليلي قهرلا قلبااا .. واااااع .. لك تعو يا عالم كلكن .. تعا يا ترامب ضربو نووي للخاين .. تعا يا هتلر طلاع من قبرك واحرق يلي حرقلي قلبي ... وااااااع .. لك تعا يا جزاار واقطع راسو ليلي نزلي دموعي .. واااااع
ومن وسط هالدموع والاشياء المقرفة يلي عم تشرشر ما بشوف غير بشحاطة بنص خلقتي .. لؤي: حاااااج ... صرعتيني 😡
غنى: وعم تضربني كمان .. واااع .. وبالشحاطة كمان .. واااااع .. لك وبدك تنقبر وتتزوج ما لقيت غير سوسو ام تنورة لتتزوجااا .. واااااع .. واااع
لؤي: ع الاقل ما بتجوعر متلك سوسو .. تفه عليكي بهيك شكل وصوت .. تاركلك البيت جوعري براحتك
وتركني المغضوب وطلع من البيت .. وانا لساتني ع حالي .. لوقت اجت بنتي .. تالا: امي .. اميي .. امييييييييي
غنى: لك ايييي .. ليش عم تجوعري هيك .. طرشتيني
تالا: والله يا امي انا يلي طرشت .. حاااج صرعتينا
غنى: لك ابوكي رح يجبلك سوسو مرت اب وما بدك جوووعر .. وااااع
وبتسرح هديك السرحة .. وبتطلع بالافق البعيد .. تالا: ياااه .. والله يا امي حياتنا رح تتغير .. ورح نفرفش سوااا .. سوسو النغشة النعومة رح تكون امي .. يااه
وانا سمعتا قالت هيك وكل الاجراس بلشت تضرب براسي وتعلى وتعلى وتعلى وتعلى .. لوقت وقفت وقفة الرجل الآلي وكلشي فيني طفى فرد مرة .. تالا: امي .. امي .. شبك .. ليش جمدتي .. امي .. امي .. صرلك شي
غنى: شو قلتي قبل شوي ؟؟ احكي بسرعة بالحرف الواحد
تالا: شبك امي .. كنت عم قول عن سوسو النغشة رح تصير امي وتعيش معنا .. رح نقضيها رقص وهز...💃😻 #يتبع😹😹
العضوة: 522470 , 6 years ago
وانا سمعتا قالت هيك وما بعرف كيف فلتو دموعي مني .. ام موسى: لك شبك .. تعي قعدي تعي قعدت ع الكنبة وجابتلي كاسة مي شربتا لالقط نفسي .. غنى: لؤي يا ام موسى .. لؤي .. راح مني .. سرقتو مني ام تنورة .. سرقتو 😭😭😭 ام موسى: شو عم تحكي انت 😳😳😳 غنى: متل ما عم قلك يا ام موسى .. زوجي راح من ايدي .. رااح ام موسى: اي طبعا رح يروح .. مالك شايفة حالك كيف صايرة غنى: 😭😭😭😭 ام موسى: فيكي تقليلي ايمت اخر مرة شتريني تياب جديدة .. ايمت اخر مرة عملتي ماسك لوشك .. ايمت اخر مرة سشورتي شعرك مسحت دموعي بطرف كمي واطلعت فيها .. غنى: بس زوجي ما بيهتم بهيك شي وبيعتبرن تفاهة ام موسى: تفاهة ؟؟؟ لكن ليش ركض وراها لسوسو .. فهميني ليش غنى: ليييش 😭😭😭 .. ام موسى: كرمال التفاهة يلي عم تقولي عنا .. ليكي وشك وعيونك .. شعرك .. اي والله لو انا مطرحو لاعمل متلو غنى: 😭😭😭😭 ام موسى: لك حاج عم تجوعري حااج .. وين كهانتك ويناااااا .. بعدي عنا ورجعي لالك غنى: لك كتبو كتابن .. خلص كلشي انتهى ام موسى: الله لا يوفقووووو .. عم تحكي جد غنى: رح موت يا ام موسى .. رح موت ام موسى: والله يا غنى شغلك صار اصعب .. وقفيلي هالجوعرة وركزي معي .. شغليلي كل حواسك .. رح اعمل قهوة لوقت تروقي حالك حاولت هدي حالي .. وبعد بشوي جهزت القهوة .. ام موسى: شربي شربي لقلك.. #يتبعالعضوة: 522470 , 6 years ago
#ضرتي_سوسو_بقلم_امل_احمد #الجزء_السابع_عشر فقت وما لقيتن بالبيت .. غنى: تالا امي وينو ابوكي والسرنوة مرتو تالا: سمعتن عم يقولو رح يطلعو ياكلو بمطعم غنى: بمطعم لكن .. اي ماشي انا بورجيا لهالسرنوة ازا ما ربيتا رحت اخدت علبة لاصق وفتت ع غرفتا .. ومسكت علبة المسكاراة وحطيت اللاصق فيا .. غنى: الله لا يهنيني ازا بخليكي تتهني يوم واحد وبعد بشي ساعة شرفو العرسان وهني مروقين اخر رواق .. وانا عملت حالي مشغولة بفلم وعم احضر ومنسجمة .. لؤي: مسا الخير غنى: هلا حبيبي مسا الورد سوسو: كيفك ضرتي .. والله اشتهيتك معنا بالعشا .. يسلم اديه حبيبي لؤي شي بيشهي والله غنى: انا ما باكل بمطاعم حبيبتي .. انا باكل من شغل اديي .. لهيك لا عاد تشتهيني معك مرة تانية سوسو: اي اساسا ما بيلبقلك اكل المطاعم ههههههه لؤي: سوسو .. شو هالحكي سوسو: شبك يا روحي عم امزح مع ضرتي حبيبتيالعضوة: 522470 , 6 years ago
وفاتت ع غرفتا .. لؤي: كيفك غنى: منيحة (هزيت بكتافي) لؤي: اكيد منيحة؟ غنى:ههههه شبك .. بس ما يكون ضميرك تحرك .. نيمو لضميرك نيمو .. ما عاد ينفع هلا وشلفت الريموت ع الكنبة وفتت ع غرفتي.. مضت هالليلة بصعوبة كبيرة وبوجع ما بينوصف..ما حسنت اغفى لوش الصبح.. وفقت ع الساعة عشرة ع صريخا لضرتي... غنى: لك شبك عم تصرخي .. من وقت اجيتي ما عاد عرفنا انام متل الخلق اطلعت فيها وما حسنت ثبت حالي وفرررطت.. غنى: لك شو هاد .. شبن عيونك شبن ههههههه سوسو: لؤؤؤي هاي هي انا متاكدة .. هي حطت شي بعلبة المسكارة .. هي والله هي غنى: شلون شلون يا روحي .. حلو كتير والله .. شو بعد في اتهامات عندك .. ليكي والله بقصو للسانك والله لؤي: طولو بالكن وخلينا بهالمصيبة كانو رموشا مسكرين ع بعضن ومالا حسنانة تفتح.. غنى: معك حق يا روحي .. خدا خدا ع المشفى😂😂😂 لؤي: لك والله صرت اخجل من الدكاترة .. كل يوم قصة غنى: شو بدك تعمل يعني .. هاي حياة يلي بياخدا لسوسو غابو شي ساعتين ورجعو وكان منظرا لسوسو بفرررط ضحك اكتر من قبل .. قاصينلا رموشا .. وهي عم تبكي وتجوح وتنوح.. لؤي: لك حاج صرعتيني .. سمعتي الدكتور شو قلك .. بيرجعو بيرجعو غنى: سلامتك ضرتي سلامتك .. زعلتيني عليكي يا قلبيى ومشت ايامي مع سوسو ع هالمنوال .. كل الكهانة والنورنة يلي جواتي طالعتا .. كنت استغل غيابو للؤي لاعمل فيا العمايل وهالغضيبة كل مالا عم تلزق بلؤي اكتر.. لك ما خليت شي ما عملتو .. لك حتى فااار وحطيتلا بغرفتا.. بتزكر بوقتا كان لؤي بشغلو .. وهي لساتا نايمة .. جبتو للفار يلي جابتلي ياه ام موسى وحطيتو بغرفتا مع قطع جبنة هههههه😹😅😅 #يتبع😅العضوة: 522470 , 6 years ago
#ضرتي_سوسو_بقلم_امل_احمد #الجزء_الثامن_عشر_ماقبل_الأخيرر وضربة الشحاطة ع اساس يعني ع الفار بس بقدرة قدير اجت بنص خلقتا.. ومرة منن كانت حاطة فستان بدا تلبسو بسهرة مع لؤي بالغسالة والفستان كان اسود .. رحت انا بالغلططط .. بالغلط هاا .. حطيت كلور بالغسالة .. ومرة منن حطيتلا علكة بشعرا .. واضطرت بسببا انو تقص شعرا .. وكتير اشيا عملتا بس هي مصرة تبقى بهالبيت معي ومع لؤي .. وبقيت ع امل انو فيق يوم وما لاقيها لوقت اجى هداك اليوم وانصدمت صدمة عمري .. لؤي: انت ما تتحركي ابدا ابدااا سوسو: وشغل البيت حبيبي .. خطي ضرتي ما فيها تشتغلو لحالا انا وقت سمعتا فتحت تمي وعيوني وتصفنت فيا .. لؤي: ولا يهمك.. غنى اساسا وقت تعرف ما رح تخليكي تشتغلي شي غنى: شو بدي اعرف سوسو: انا حاامل حسيت وكانو حدا ضربني ع راسي .. هالمرة هالضربة كانت قوية كتير وما فيني اتحملا .. غنى: هاا .. اي .. اي مبروك .. مبروك ومن هاليوم حسيت شي جواتي انطفى من جوات هالمخلوقة .. ما حسنت اذيها او اعملا شي .. كنت طق وموت من غيرتي .. بس وقت اتخيل انو جواتا روح وهالروح من لؤي استغفر وقول ياا رب ساعدني لاتحمل .. ومشت ايام حملا لسوسو بمرا ووجعا .. بس في شي تغير .. علاقتي فيا .. رضيت بالواقع وتعايشت معو .. سوسو: غنى .. جد انت انسانة كتير طيبة ونضيفة من جوا .. طول عمري وانا غار منك ع قد ما لؤي بحبك .. بس هلا فهمت انو معو حق .. انت جد رائعة .. بدي .. بدي تسامحيني غنى: ههههه عشو سامحك سوسو: لانو اخدت لؤي منك غنى: ليكي ما رح اكزب عليكي .. انا بعمري ما طقتك وع طول كنت اتخيلك بس رقاصة ومو اكتر من هيك .. ووقت صارت علاقتك بلؤي كرهتك كتير .. بس بعدين فكرت فيا منيح وتزكرت العبارة يلي بتقول (لا تلوم الرياح اذا كان حبيبك من ورق ) فلا تحطي ببالك كتير .. انسي .. ليكني تعودت عليكي ومشي الحال سوسو: غنى قلبي حاسسني انو رح موت .. بترجاكي سامحيني .. بترجاكي غنى: لك شو تموتي وما تموتي .. ومين بدو يعلمني الرقص الشرقي .. ما تخافي مااا رح تموتي سوسو: ههههههه كمان سامحيني #يتبع😻😅العضوة: 522470 , 6 years ago
جزء الاخير رح نزلو بليلالعضوة: 768789 , 6 years ago
نزلي هلأالعضوة: 522470 , 6 years ago
تكرم عيونك بس كنت بدي اشوف في تفاعل بس مارح خجلك 😚😘😘العضوة: 522470 , 6 years ago
#ضرتي_سوسو_بقلم_امل_احمد #الجزء_التاسع_عشر_والاخيررر غنى: مسامحتك .. بس صدقيني انت من النوع يلي ما بموت وبيضل هيك قاعد ع القلب طول العمر هههههه سوسو: بدي منك كمان شي غنى: لك جد انت ما بتنعطي عين ولوووو سوسو: ههههه غنى .. ابني يلي ببطني امانة برقبتك .. بترجاكي ربي متل تالا .. وكوني ام الو بهاللحظة مدري شو صرلي وفاضو لدموع من عيوني وضميتا لسوسو .. (لك خرسي ولي حيوانة .. رح تعيشي وتربي لابنك ورح صير اندهنلو ابن سوسو ام التنورة .. ما رح تموتي ولووو ) وهلا وبعد اربع سنين من هاليوم .. عم حاكيكن وانا مشغلة طبلة وعم ارقص شرقي انا وبنتي تالا .. وسوسو عم تركض ورا ولادا التلاتة .. جود يلي سرق ببرونة جاد وهرب فيا .. وجاد يلي لاحقن وببكي بدو الببرونة .. وجواد يلي عم يركض وراهن وفارط ضحك ويشجع جاد لحتى سوسو ما تكمشو .. وبهاللحظة اجى حبيب قلبي لؤي.. لؤي: مسا الخير غنى: لك يا مسا الخيرات لؤي: يؤبرني الرايق وعم يرقص .. لك شو هالجمال كلو غنى: جمال عيونك يا قلبي لؤي: لك شو هالصوت غنى: 😂 كالعادة سوسو وولادا سوسو: لك الله ياخدني ويريحني منكن الهي .. تعا ولا كمشتك جود: 😂😂😂😂 بابااااااا لؤي: لك تركي للولد تركي سوسو: ما بدي اتركو .. لك جننوني ولادك جننوني .. ما عاد اتحمل اكتر انا .. حاااج بكفي لؤي: شو حاج ولي .. وشو هالمنظر هاد .. ليش هيك شكلك .. انا كل يوم لازم قلك ترتبي حالك وتمشطي شعرك سوسو: مااا بدي مشط .. مااا بدي مشششط .. تركوني بحااااالي لؤي: لك وطي صوتك .. يقطع عمرك سوسو: واااااع غنى: 😂😂😂😂😂 ودمتم سالمين ... #الضرة_مرة_حتى_لو_كانت_رقاصة دعولي زوجي ما يشوفا 😅😂العضوة: 768789 , 6 years ago
ياقلبي الله يسلمك كلك زووءالعضوة: 794653 , 6 years ago
دائمأ نزلي قصص هاي القصه كتير حلوهالعضوة: 754394 , 6 years ago
امانة كل مرة نزلينا قصص من هذا النوع تسلمي على هذا الذوق فضفضةتنزع من القلب الضغطالعضوة: 522470 , 6 years ago
تكرمي ياروحي تمي تابعيني وبتشوف قصص كتير حلوةالعضوة: 522470 , 6 years ago
من عيونيالعضوة: 754394 , 6 years ago
تسلمي يا عيوني راح اعملك متابعة وناطرة قصصك بلهفةالعضوة: 522470 , 6 years ago
في قصة هلاء عم نزل زوجة اخي دلوعة كتير حلوة روحي شوفيها