موضوع كنت شوفو واسمعو من قبل حملي ولبعد ما ولدت وللحظة هي الي عم اكتب فيها البوست سمعتو من مخلوقة لصبية حامل 🤔 سؤال يطرح نفسو ما بدكن تحلو عن سما الحامل يعني من تجربتي بالحمل ببنتي سمعت انواع اسئلة يعجز اللسان عن جواب بصراحة و رح اعطيكن امثلة مع اجوبه كمان 😈😈😈 1 _لسى ما شفتي شي حياتك رح تنقلب قلب 😊 من اتفه الكلمات الي ممكن تنقال لحامل يعني هيا بتقصد انو رح تحل علي مصيبة بالبيبي الي رح يخلق ولا رح يصير عزا الجواب هو كتالي اذا رح تنقلب حياتي بشكل حلو وانا عم شوف شقفة من قلبي عم تكبر قدام عيوني يا اهلا وسهلا في وبقلبان حياتي معو 😉😉 2_نامي هالا لانو بحياتك ما بقا تشبعي نوم 😊 على فكرة انا مو ألة كهربائية لاطفى بالحظة الي بدي ياها ونوم ما بيتجمع بصندوق وبيتخبى وبشبع منو وانا فيني علم ابني ينام باوقات الي بدي ياها بعد عمر 3 شهور 😍 واذا اول 3 شهور تعذبت وما تحملتو معناها انا ما بصلح كون ام 😎😎 3_ يعني بدك تصيري أم ببلاش ما كنت بعرف والله انو في ام بيدفعلى مصاري وام ببلاش الام بنظرهن ما بحقلى تشكي ما بحقلى تقول تعبانة ما بحقلى ترتاح ولمجرد كون عم اشكي لحدا وانا حامل معناها انا تعبانة واذا انتو ما بتحسو بتعب حوامل لا تحكو 😊 4_ليش بطنك هيك كبيرة 🙄 او ليش بطنك هيك صغيرة من اغرب الاسئلة الي مستحيل بعمرك تلاقي جواب الها ياخي تركو بطني بحالة انا بعرف يعني ليش كبيرة او صغيرة شو انا الي عم انفخى يعني هاد نمو داخلي وانا مافيني اتحكم في 😐😐😐 5_عم تدلعي مفكرة حالك اول وحده بتحبل طيب وعم أدلع انتي ليش مزعوجة اخدت زوجك منك ودلعت علي يعني ولا عم اخد من دلالك انتي بس تمري ب 3 شهور حمل الاولى بالاستفراغ ولعية النفس احكي وبس توصلي ل شهرين اواخر من الحمل مع الحموضة والم رجلين وضهر تفزلكي 😏 6_يي معقول انتي كيف هيك صرتي صحة وسمينة كيف رح تنزلي بعد ولادة 🤗 حبيبتي ما سامعة حضرتك بشي اسمو زلال وتنفيخ وتورم الحامل من حبس الماء جوا جسم ما شايفة في شي بطني وزنو 3 او 4 كيلو حامتلو بحوضي وضهري وتحت قلبي ولا عمية انتي يعني 🙂🙂🙂 7_ليش كل هالقد وشك مكلف وتعبانة والله ما حدا قد بناتي تعب بحملن اي بناتك خرطن الخراط وقلب ومات يعني مافي غيرن حبل عم تقارني حامل بحامل هاد اسمو هبل لانو في اجسام مافيها تشيل حمل حتى وفي اجسام بتشيل وبتفنى من اول ولد وفي اجسام بضل بتحبل وبتجيب وما ببين عليه 8_اي صرتي بتاسع ايمت رح تولدي ماني كبسة زر على فكرة بولد بس يأذن رب العالمين اني اولد مو على كيف أهلي شغلة ضبو هالسؤال بحلقكن ولا تسئلو لحامل ابدا لانو مو على كيفى شغلة 🤗 9_ليش كل هالنوم ما بقا تشبعي تعي شيلي عني لعية النفس وسد نفس عن الاكل والم ضهر وعدم نزول دورة شهرية مدة 9 شهور كلشي سموم بجمسي هالا وبعده لا تسأليني ليش كل هالنوم 😊😊😊 10_ليش بطنك مو مبينى ابدا كأنك مو حامل بتحبي جيبلك طابة وحطى واضحك عليكن وعلى حالي يعني هيك الله بدو شو انا الي عم انفخ حالي 🙂🙂🙂 11_وهو لحظة الي بيجي فيها على دنيا وبتبلشي انتي تتفنني في وبأناقتو بتجيكي وحده علاكة ارخيلو دقونة عن رقبتو خانقتي فكي هالقبوعة عن راسو رح تشنقي شيلي لهاية من تمو حرام عليكي خففي تيابو مشوب تعي تعي تعي انتي لقلك شغلة هاد ابني هاد ادبحو اشنقو البسو اشلحو بزلط ما دخلك انتي بس تحملي في انتي 9 شهور وتتعذبي تبقى احكي بس تموتي الف موتى لتشوفي قدامك احكي واهم من هاد كلو انا الي تعبت في مو انتي وانا الي بحس في اذا مشوب او تعبان او مرضان مو حضرتك يا الام روحانية 😏😏😏