9 years ago
  • المرحلة الثالثة (الأشهر 9,8,7)
موضوعي عن زوجي دائماً يقولي احبج وأي شي اطلبه يعطيني إياه حتى لو بعد فتره بس مشكلته مايهتم بحملي كله يبيني اشتغل بالبيت واهتم باهله اقعد عندهم اقهويهم اسأل عنهم حتى لو على حساب راحتي ودايما ينصحني ويعلمني شلون اعاملهم واذا قلت له تعبانه يقول ماعليج الا العافيه مافيج شي تدلعين والصبح اذا بغيب عن الدوام بسبب صداع او قلت نوم او اي شي يرفض ويقول بتصيرين زينه بس داومي يعني يحبني بانه يوفر لي الفلوس بس وصحتي اخر اهتماماته وكل فتره يجرحني ويزعل مني اذا ماقعدت عند أهله والله يابنات تعبت انا حامل باخر السابع وامي متوفيه الله يرحمها وولدي كل شوي يتعب وزوجي مايقدر 😢😔

23 تعليقات

العضوة: 42777 , 9 years ago

الله يكون معاكي ويرحم أمك ويهدي زوجك😔

العضوة: 9709 , 9 years ago

الله يسخره لك ويصلح حالكم ، حاولي توصلين له انك ثقلتي وما عاد تقدرين و اهله اطلعي لهم ساعه في اليوم و الله يعينك

العضوة: 40952 , 9 years ago

اكثري الاستغفار وبتشوفين

العضوة: 41004 , 9 years ago

اذا كان اول حمل لك فالزوج لا يبالي لانه شي جديد عليه بس مع الوقت راح يحس فيك ويفهم عليك انما هي مساله وقت

العضوة: 9816 , 9 years ago

@user-42777 اللهم امين مشكوره عالرد

العضوة: 9816 , 9 years ago

@user-9709 حاولت لما تعبت انا فضفضت لانه خلاص بديت اكره حياتي معاه

العضوة: 9816 , 9 years ago

@user-40952 ان شاء الله مشكوره

العضوة: 9816 , 9 years ago

@user-41004 للأسف مو اول حمل الثاني بس أهو جذي مايقدر تعبي

العضوة: 14076 , 9 years ago

نصيحه لك راحتك اهم شي ونفسيتك ماعليك منه ولا من اهله اصلا مو مجبوره فيهم اذا مو تعبانه عادي بس اذا تعبانه لاتسوين شي لا له ولا هم ولاتخلينه يتعود انك تقدرين ع كل شي وانك ماتتعبين غللطط انتي حامل واهم شي نفسيتك وراحتك والرجال لو تعبوا لو زكمه مايتحرك شهر بفراشه ماعليك منه تعبانه من شي لاتشتغلين ولاتداومين راحتك اهم واذا تعبتي من شي لاتسكتين وتصبرين تشكي له لان يمكن شافك قبل تصبرين وتسكتين وتسوين الي يبيه وتعود ع كذا عشان كذا بحملك مو حاس فيك وتعبك الله يسخره لك يارب ⚜💗

العضوة: 33461 , 9 years ago

لانه يشوفج تشدين علي نفسج وعلي اساس مافيج وانتي تعبانه ف تعود يشوفج علي طول قويه ومايبي تحسين مثل الاوادم يعني حالج حال الطوفه حبيبتي خليه يشوف انج مريضه حطي فراش وامرضي وعطلي شغلج هذا ماينفع معاه خليه يحس

العضوة: 36695 , 9 years ago

ربي معاك اختي تقريبا عايشه نفس الوضع لكن بطريقه غير مباشره زوجي ما يطلب مني اروح لأهله لكن يشوفني دايما مقصره معاهم رغم أني أزورها مرتين و ثلاثه في الاسبوع و بيشوفهم دايما على حق و انا الي غلطانه

العضوة: 32300 , 9 years ago

اختي منج صراحه..لان عودتيه كلشي يقوله تسويه ..اوكي ماعليه توجبيهم بس لازم يقدرون ان انتي حامل واذا زوجج ماقدر هالشي مابيحسون هما ..انتي قدمي نفسج عليهم..ولاتعطيه اهميه شكو توجبي اهله حتى بهالوضع..اختي خليه يزعل وخوفيه باقل شي ان تتوجعي او ان تعبانه وشوفيه يخاف او لا..مايصير حتى بالصداع والتعب يجبرج تروحي..لان يدري كلمته تمشي مايراف بحالج..خلي لنفسج كلمه

العضوة: 9816 , 9 years ago

@user-14076 امين يارب مو اختي تعبت أقوله تعبانه ثقيله لدرجه أقوله ودني لاهلي برتاح عندهم يقولي روحي ارتاحي وبعد ماارد يعيد نفس السالفه اهله مقدرين وضعي اكثر منه كل شوي يعيد نفس السالفه بجيت انهرت ماكو احساس لدرجه كرهت عيشتي معاه بعد ماكنت احبه حيل

العضوة: 9816 , 9 years ago

@user-33461 اختي قعدت بفراشي شكيت ماكو احساس عباله اتدلع والله كرهت حياتي وياه

العضوة: 9816 , 9 years ago

@user-36695 انا عايشه معاهم والمشكله اهله مقدرين وضعي بس اهو لأحس ولاخبر