يا بنات أنا لسه داخلة السابع من ٦ ايام من يومين حسيت بتقلصات شديدة في الرحم ووجع في اسفل الضهر يعني شبه وجع الدورة بس ازيد وشوية وراح الوجع نمت وصحيت لقيت مية نازلة مني بتجري ع رجلي زي دمع العين ، كانت قليله ووقفت بس رحت للدكتورة اطمن عملت سونار وقالتلي المية قليلة شوية بس الجنين بخير وكله تمام وقالتلي ان نزول المية دي بسبب ثقب في الكيس ونصحتني بالراحة التامة وشرب السوايل بكثرة وقالتلي لو شفت المية تاني اخد مضاد حيوي ميجاموكس واخد دوا يرخي عضلات الرحم عشان توقف تقلصات المهم يا بنات ان المية موقفتش وكل شوية ينزل شوية صغيرين ، وانا مش عارفه اعمل ايه مش عايزة أخد المضاد الحيوي لاني لسه موقفاه من يومين كانت كتبتهولي عشان عندي افرازات جامدة وفعلا الافرازات راحت بس حصلي امساك شديد عملي مشاكل وحاسة ان المضاد هو السبب مش عايزة اطول عليكم بس أنا قلقانه جدا لو واحدة مرت بحالتي أو شبهها يعني نزل عليها مية بدري تقولي عملت ايه والدكتور كتبتلها ايه ورايكم اخد المضاد ولا استنى شوية يمكن تهدي لوحدها ولا اروح اكشف تاني انا خايفة جدا دا اول حمل ليا وعندي امتحانات في الجامعة الشهر الجاي وخايفة نزول المية يعمل ولادة مبكرة او اتمنع تماما من الحركة . ارجوكم لو حد عنده معلومة يفيدني ولو معندوش يعمل رفع وجزاكم الله خيرا