تعالوووو سمعوووو يا مسعدات تعالو 😂 أنا ما دخلني ها ، هوه جاب الوجع لراسه 😐 كنت متربعة عالسجاده ومحلاني وبتفرج ع الشاشه ، من أول ما فات جوزي ، قلي صاحبي ولدت مرته من أسبوع لازم نروح نباركله ... جهزنا حالنا وجهزنا أمورنا والهدية ورحنا ، دقينا الباب فتحلنا جوزا ، على أهلا وسهلا تفضلوا قعدوا هلأ بتجي المدام ... مافي 10 دقايق طلعت المدام الولدانة من أسبوع ، أنا كنت أخذة وضعية الأنيقة الرشيقة ، مو متل ريحتها حليب وولادة 😎 طلعت وحدة أخر طرز طويلة ، شقرا ، نحيفة ، وصوتا ناعم وقالت #مسا_الخير 😊 سلمت علينا وقعدت جنبي😑 إينون قعدت جنبي😪 ، وك هاي دمرتني ، موتتني ، حسستني بنلعب لعبة أوجد الفوارق العشرة ، لعبة احزر من الحسناء والوحش😂 طلع شكلي جنبها متل جوال الآيفون وأنا النوكيا😢 كل شوي اسحب كرشي واشفطو ، أحتراما" لبطنها المشدود يلي ما كنت أعرف كيف أختفى بأسبوع 😣 بس طلعنا من عندهم، جوزي قالب خلقتو ومشي قدامي 3 خطوات واستعجل ، قلتلو شو مالك يا زلمة؟! الدنيا ليل مش خايف عليه يخطفوني أو يصرلي شي ، قلي ع شو والله شكلك بيبعد الإرهاب عنك 500 متر،، أنتي الصاروخ اذا اجا عليكي بغير مسارو ويقول حرام يشتغل بهالصاروخ 1000 عامل ويروح خسارة ع هاي .. هلأ عيب الواحد يحكي بس بربك هذاك منظر وحدة ولدانة ولا أنتي الولدانة ، شو ناقصك ما تشتري مثلها وتلبسي انا مش مانعك ، يعني لا تزعلي مني انتي أهتمامك بنفسك محدود محدود ، ومشا قدامي وراااح.... #مشيت_وراه_أحكي بحالي أنا يلي كنت أفر عليه حق مناكير ومكياج وماسكات مشان اشتري أشي اكثر أهمية للبيت انا يلي كنت وفّر عليه حق لبس مشان ما ينقص شي ع ولاده وآخر شي بقلي أهتمامك محدود محدود ، والله لخلي طريقك مسدود مسدود مسدود ... #نمت وانو عادي نوبروبلم 😎 تاني يوم كتبتلو واتس وهوه بالشغل يجبلي 4 بيضات طحين عسل فانيليا وخميرة قلي : ياي في كاتو اليوم أنا رح جيب البيبسي😍 مارديت عليه ، بس جابهم غبت ساعة بالمطبخ وطلعت لعندو قلي : شوهاذ يلي بوجهك 😱 قلتلو ماسك البيض وطحين والعسل ، هاذ لإعادة شباب البشرة ونضارتها قلي : طيب يا أم نضارة ، تعي نشرب قهوة من تحت دياتك الحلوين 😍 قلتلو : آسفه... القهوة فيها كوفايين بتعمل قلق وبتزيد نسبة التجاعيد والسواد تحت العين ، صح قبل ما روح نام لا تنسى بكرة تاخد سلفة عن الراتب لانو انا سجلت بالجيم وقررت أنحف ، يله بينوي😗 اليوم يلي بعدو ، جهزت غدى وقلي تعي تغدي معي قلتلو : لا مستحيل هالاكلة بذات فيها كتير كالوريز ، مو ناقصني شحوم ودهون.. عالسهرة قعدت شوي معو منكرت إضافير رجلية وايديه وقعدت ، قرب لعندي قلي الله حيو مرتي تتمنكر😍 قلتلو : على سيرة #تتمنكر اتدينت من النوفيتيه يلي حدنا 10 ألوان مناكير طلع حقون 20 دينار بكرة ما تنسى تدفعلو لانو ما زاد معي مصاري 😊 بلع ريقو وقال طيب من عيوني ، حط ايدو ع خدي قلتلو : ايدددددددك ع الهايلايتر خربتو يازلمة 😣 رفع ايدو وحطا ع شعراتي ، قال شو حلوين قلتلو : لاااااا تقرررررب عليهن ضليت ساعة اسشور فيهم شيل ايدك 😡 رايحة حط قطرة لعيني مشان تضل محافظة على نقائها ولمعتها وبياضها ، أسهر لحالك 😘 #عفكرة انا بعد ما شفت حالي بعد الاهتمام بنفسي صرت غير شكل حبيت حالي كتير ، وكبرت القصة براسي #بعد_10 أيام بعد ما هلكتو مصاريف ومكياجات وماسكات ، اجا ع البيت قال شو الغدى ، قلتلو شوربة ماضل معي مصروف للبيت ، انتا قلتلي اشتري كلشي ناقصك مش مانعك ، أكل من ثم ساكت ونام شوي ع السهرة وانا عاملة حالي موديل ، قلي نسهر على فيلم ع mbc2 باين حلو قلتلو : لا بعد العشرة عندي ماسك الليل وخيار للعيون ، قلي طيب تعي اقعدي جنبي نتفرج ع فلم لسا الساعة 8 قلتلو : لازم اعمل شوية يوغا ، الراحة النفسية بتنعكس سلبيا على نقاء البشرة وتوحد لونها ، ورحت ع الغرفة وصرت راقبه كيف رح يجن ، لحقني😂 وانا بعمل يوغا ، مسكني من أيدي شدني ع الصالون قلي مرتي خلص بكفي.. بكفي.. شال الحلقات من أدنيي ورماهم مسح الحمرة بالبشكير يلي معلق ع المغسله نكش شعراتي قلي بحبك هيك ، بحبك تقعدي تفصفصي بزر معي وتشفطي شاي ، أصلا" أصلا" والله اللقمة ما بتنزل اذا انتي ما بتكوني بجنبي وبتقليلي ذوق هالمكدوسات والزيت يشرشر من ايديكي ، بلله أرجعي متل ما كنتي بعفويتك ، بفجعنتك ، بروحك الحلوة 😢 قلتلو: ليش انا السبب مو انتا بلشتلي واهتمامك بنفسك محدود محدود محدود 😏 قلي : شو محدود والله حلوة لو كنتي عبود 😂 وبالجيبة ما عاد في نقود 😂 مابدي الجمال اذا قلبك عني مفقود 😂 تعبت وانتي خايفة على شعرك المفرود😂 وعيناها سبحان المعبود 😂 وطريقك يا ولدي مسدود مسدود مسدود😂 ضحك هو ، وضحكت أنا ، وضحك الجميع ، وضحك عبد الحليم حافظ ، وحطينا عشا واكلنا ربطة خبز كاملة، وقلينا 6 بيضات وعلبتين مرتديلا ومرطبان مكدوس #بدك_ياها_متل_نانسي_وليال_عبود_لاتحكي_اذا_ما_معك_نقود #مقصر_ومعنفص_يامعلم 😏 #ابو فانيلا مخزوقه#وسروال #خلصيلو # مصريتاو😂😂😂😂😂