6 years ago
  • ما قبل الحمل
قصة ليوم هدية للمتابعة @ رحيق الجنة 33😍 نشالله تعجبك 😚😚😚قاطـعات_الطـريق بقلمـي_سـيلار بشوارع المدينه . . بعد الساعه 12 بالليل بتلاقينا متواجدين بطريقك . . بنظره منا بتوقف سيارتك . . بضحكه مني بتفتح شباك السياره . .وبعدها بتكون جنيت ع حالك 💙 هاد شغلنا عزيزي مابتقدر تحاسبنا ولا تشتكي للشرطه لانو نص الشرطه متورطه بعصابتنا يلي جزء منها قطاع الطرق . . حبيبي فتح عيونك وشوف مين قدامك . .لاتفكر توقف بطريقنا . .نحنا قاطعات الطريق . . هاد الطريق ملك النا هو وكل يلي فيه 😎 مافيني خبرك باسمي لانو ببساطه بكل مره الي اسم . . انا مجهوله الهويه . .الشي الوحيد يلي بعرفو عمري 20 وبنادوني ليندا بس هاد ابدا مو اسمي . . وحالي من حال باقي البنات يلي معي بالمجموعه يلي بتتصنف تحت اسم قاطعات الطريق . . بلشت حكايتي من لما صار عمري 18سنه وصار وقت اطلع من الميتم انا ورفقاتي . .كان لازم نطلع لحياه افضل . . .بس ماكنا بنعرف انو رح ننضم لمافيا كبيره وفيها اكتر من جزء . . ولحسن حظي صنفت تحت مجموعه قاطعات الطريق 👣💭 رهف : يا ليندا يلااا قومي حاجتك نوم . . الساعه 11بالليل يلا رح نتاخر . ليندا : هففف يلا قايمه رهف : بقولو اليوم رح يمرق من شارع برودكست تجار وفي شاحنات فيها ملابس من النوع الفخم . .نحنا علينا نوقف السياره بعدها اكرم وباقي الشباب بنهبو الشاحنه . . ومكافاه النا رح نطلع فسحه للمدينه التانيه . بس لازم نفذ هالعمليه بدون اخطاء . . ليندا !!! رجعتي نمتي ?? قومي وليه 😒 ليندا : هفف رهف انا تعبانه اليوم فيكي تغطي ع غيابي ماني حابه روح ! رهف : شبك . .ليه تعبانه ليندا : بالله هاد سؤال . . يعني اكيد من شغل مبارح . .سمعيني ازا غطيتي عن غيابي رح ردلك ياها بالمرات الجايه وعد ) = رهف : هففف ماشي بس انشالله ماينتبه اكرم ليندا : يييي بحبك بحبك ولبست رهف وجهزت حالها وطلعت هي وباقي البنات وضليت انا غاطه بسابع نومه . . اليوم صابني ارهاق مو طبيعي . .لازم ارتاح مو كل مره بقدر ماروح ع شغلي . . اوف ياربي لايمتا رح ضل هيك . . . لازم لاقي حل لهل الشغل . . انا لازم عيش حياتي متل باقي البنات وحب شب واتزوجو وعيش قصه حب خطيره هههههههه غفيت وانا عم احلم هيك لمده ساعه حتى صحيت ع صوت رنت تلفوني . . كانت رهف رهف بصوت همس : الو ليندا لحقيني ليندا بلهفه : شوفي شبكك رهف : الي ساعه بحاول لهي بالشوفير تبع الشاحنه وتاخر اكرم والشباب كتير والزلمه بلش يشك لك بسرعه روحي شوفي وينو اكرم ليندا : مجنونه انتي بدك اكرم يعرف اني مارحت معكم لك بخلص علي !!! رهف : ازا خسرنا هالشاحنه بخلص عليكي بسرعه تعي لعنا او روحي شوفي اكرم ليندا : خلص خلص جايه لعندك . . افتحي موضوع مع الشوفير جايهه (عند رهف ) رهف : اي معلم قلي فيك توصلنا انا وهاللبنتين لوسط المدينه ? يعني بتعرف بنات متلنا بنص الليل يمكن يصير معنا اي شي مو منيح 😢 الشوفير : ولي على قلبي . . كلشي ولا يصير معكن شي مو منيح . .بس قليلي وين المكان بالزبط ونا بوصلكن بعيوني رهف بدلع : يعني مافي مكان معين واجت بهل اللحظه اميره تدخلت : هلا بربك بربك بيجي من قلبك تتركنا هون وتمشي رهف : لا يا اميره هاد شكلو زلمه شهم ومارح يتركنا هون هههاايي الشوفير : اي طلعو تؤبروني وتدخل هون صاحب الشوفير : وين يطلو يا زلمه ??الشوفير : لكن بدك تتركهم لحالهم هون ?? صاحبو : وين بدك تاخدهم ! الشوفير : ع بيت المزرعه

223 تعليقات

العضوة: 694206 , 6 years ago

ماشي دقيقه بس لفوت خبرهم اني طالع فات سلام ع المركز شي خمس دقايق وبعدها طلع وانا قلبي رح يوقع مني ع يلي رح احكيه سلام : يلا مشي ليندا : لوين ?! سلام : وين مابدك ليندا : خلص خلينا نتمشى ! سلام : طيب مشي ضلينا نمشي حتى وصلنا حديقه عامله فيها مقاعد وطاوله من خشب قعدنا عليها سلام : اي سمر حكيلي شوفي !? ليندا : يعني بدي احكيلك موضوع ضروري كتير بس سلام : بس شو ليندا !? ليندا : ليندا !!

العضوة: 694206 , 6 years ago

#قاطـعات_الطـريق_الجزء_الاخير #بقلمـي_سـيلآر سـلام : احم اي ليندا قاطعه طريق بعمر ال20سنه متهمه بعمليات قتل ونهب وسطو وهلا عملية نصب . . وبتملكي وشم العقربه يلي بدل ع انك قاطعه طريق محترفه ومتصدره وبتتمتعي بصلاحيات اكتر . .نسيت شي ? ليندا : ههههه لا ابدا . . شلحت الباروكه ونزلت شعري الطويل ع كتافي وقلت : كيف عرفت ? سلام : مشان العشره يلي بينا رح احكيلك ليندا : ههه عشره ? اي احكي سلام : مبارح بعد ماكنتي مشغوله ع التلفون رنتلي رفيقتك رهف يلي مابعرف من وين جابت رقمي وحكتلي عنك انك متنكره وانك بدك تنصبي علينا ليندا : رهف !! وليش حكت هيك سلام : لانها عرفت انو اكرم بحبك الك مو الها ليندا : ههههههههه كمل !? سلام : وبس عرفت حبيت اتاكد وفعلا مبارح شفت الوشم يلي ع ضهرك وانا عم نفضلك تيابك ليندا : هههههههه يعني حتى كلمه بحبك كزبه وكنت بتعرف من الاول سلام : . . . ليندا : وهلا ? سلام : هلا بدك تسلمي حالك وتتعاوني معنا لنكشف مكان المافيا ويتم القبض عليهم ليندا : يعني لو حكتلك اني جايه اعترفلك وحذرك انو بدهم يقتلوك بتصدقني ! سلام : كنتي جايه تعترفي ! ليندا : اي وبما انك مبارح عملت مني هبله ومسخره . . نجوم السما اقربلك هون سلام طلع مسدسو ووجهو علي وحكا : سلمي حالك ليندا ليندا : تؤ ماحزرت . . وازا بدك تقوصني قوص ! سلام : ليندا عم قلك سلمي حالك ! رفست مسدسو وصرت اركض اسرع مافيني وسلام لحقني وبحكم انو هو شب وبنيتو اقوى قدر يلحقني وصرنا انا وياه بنفس المستوى سلام : ليندا وقفي وسلمي حالك صدقيني عقوبتك بتتخفف مسكت شقفة خشبه كانت ع الارض وضربتو فيها ع رجلو : انت واحد كزاب ومخادع انا بكرهك هون سلام صار ابطىء مني بس مع هيك قدر يلحقني وزادت عصبيتو . . وحكا ع اللاسلكي يلي معو يبعتولو دوريات ع الشارع يلي مقابيلنا مشان يلحقوني وانا عم اركض تفركشت ووقعت وهون قدر سلام يمسكني وكان معصب كتير سلام : كل مره بتضيعيلي فرصتي وبكل مره انتي بتطلعي وبوجهي وبتخربي الخطه وبكل مره انتي يلي بتهربي عصابتك بس هالمره صرت بين ايدي وجبتك ليندا : اخخ تركني ياحقير سلام : وانا كنت قول هالوجه مو غريب علي !

العضوة: 694206 , 6 years ago

ليندا (تبكي) : انا بكرهك !! وصرت اضربو ع صدرو بس هو كان مسيطر علي ومسك ايدي بالاخر وانا تعبت من كتر ماركضت وقاومت . . هديت وارتخى جسمي وصرت ابكي بين ايدين سلام يلي كان ماسكني وخايف اهرب منو وهون وصلت سيارات الشرطه واجا شرطي وحط الكلبشات بايدي وحطوني بالسياره واخدوني ع مخفر الشرطه والكل محاوطني خايفين اهرب ! حكيت بصوت عالي وتطلعت ع سلام بنظره تحدي : كلكم محاوطيني خايفين انو اهرب ! انتو لولا الغدر مامسكتوني اصلا هه خايفين من بنت اجا شرطي وحطني بغرفه بخلو فيها المجرم يعترف بكلشي قعدت ع الكرسي يلي كان حد الطاوله وفوقهم مصباح بهزهز حطيت راسي ع الطاوله وصرت ابكي . . بكيت لاني غدرت باكرم واجا سلام وغدر فيني . . انا اجيت نبهو انو بدهم يقتلوه . . انا فعلا حبيتو بس هو حكا هديك الكلمه بس مشان يتاكد اني قاطعه طريق وفجاه انفتح الباب وفات سلام وقعد ع الكرسي وحكا : اي انسه ليندا احكيلي كلشي عن المافيا والموقع انا كنت بعدني طابه راسي ع الطاوله . . سلام : ليندا عم احكي معك رفعي راسك مارديت عليه وضليت حاطه راسي ع الطاوله هو هون خاف يكون صرلي شي وقرب علي وحكا ليندا انتي منيحه !? زاح راسي عن الطاوله وصار يحكي : ليندااا انا هون فتحت عيوني . . سلام : شبك انتي منيحه ! رفعت راسي وقلتلو : ليش شو بهمك !! سلام : ماتكتري حكي وقوليلي كلشي بتعرفيه عن المافيا ليندا : مارح قلك شي لو يطلع ع راسك قرد سلام : لسانك طويل وبدو قص ليندا : عفكره انا بكرهك !? سلام : خلص لينداا لا تطلعي روحي واحكي انا هون قمت من مكاني وصرت ابكي وايدي لسا مكلبشات وصرت اضربو ع صدرو وقلو : انت غدار وحقير انا جيت خبرك ونبهك انو رح يقتلوك بتجي بتعتقلني !! انت ماعندك مشاعر !! انا وثقت فيك !

العضوة: 694206 , 6 years ago

سلام : مابهمني كل هالحكي . . شكلك بدك تعزبيني حتى تحكي !! ليندا : الله ياخدك انشالله بتموت سلام : هههه طيب احكي وين مكان المافيا ! ليندا : هاد شي مابخصك سلام بعصبيه : عم قلك وين مكان المافيا !! ليندا : مادخلك مادخلك ضرب سلام بايدو بعصبيه : ليندا انت ماعم تفهمي انو هالعصابه عم تقتل ناس ابرياء مالها دخل بشي !! باليوم عم يموت اكتر من خمس اشخاص !! احكيلو شو ذنبهم هدول ! ليندا : نحنا مابنقتل الا الاغنياء سلام : ليش ليندا : لانو هنن مب سوطين بحياتهم وغيرهم الفقراء عم يتعزبو بعيشتهم . . ذنبهم انو عندهم مصاري ذنبهم انهم جشعين وغدارين سلام : هاي مو اسباب مقنعه لتقتلو روح بريئه انتي اكيد مجربه شعور الفقدان . . انتي فقدتي اهلك . . شو ذنبها الناس التانيه لتفقد اهلها والناس يلي بتحبها ليندا : سلام حل عنييي ماتحكييي معيي . . بدكم تعدموني عدموني بس ماتحلمو تاخدو شي عن العصابه سلام : ليندا فكري بغيرك . . انتي قلبك طيب . . لاتعملي هيك بباقي الناس يمكن انتي تكوني سبب بانقاذ ارواح بريئه ليندا : انا مو مختلفه عنهم . . انا قاتله كمان سلام : اهلك رح يكونو فخوريين فيكي ازا ساعدتينا ليندا : اهلي ? سلام : اي . . اهلك لو كانو عايشين ماكانو رضيو عن هالشي . . فكري ليندا وانا كمان ساعه برجعلك طلع سلام وتركني بحيرتي . . انا بعرف انو يلي عم نعملو غلط بس مافيني خونهم . . ما انا كنت رح خونهم . . . اوف ياربي ساعدني غفيت ع الطاوله من تعبي هيك حتى رجع سلام سلام : ليندا .. . . وقرب مني وصار يصحيني سلام : قومي ليندا هون صحصت وفقت : اي اسفه غفيت شوي سلام : مو مشكله . . يلا حكيلي ليندا ليندا : المكان مابعرف اوصفو بس بروح معكم وبدلكم سلام : بتحكي جد !😍 ليندا : اي . .بس بدي توعدني ماتقتلهم بس اعتقلهم وخاصه اكرم ! سلام : خايفه ع حبيب القلب ! ليندا : ههههههههههههههههههه اي والله 💔 سلام بانزعاج : طيب ماشي بس ازا صار اشتباك مابوعدك اني ماقوص ليندا : انا بدي روح معكم واقنعهم يسلمو حالهم

العضوة: 694206 , 6 years ago

سلام : مارح تقدري ليندا : بقدر سلام : خايف تتاذي او يصرلك شي ليندا : مو من حقكك تخاف علي سلام : تمام . . امشي يلا ليندا : يلا فكني سلام وطلعنا من المخفر مع اكتر من عشر سيارات شرطه . . طلعت مع سلام بالسياره ودليتو ع المكان ووصلنا وصفو السيارات بعيد مشان الحراسه ليندا : سلام انا رح انزل هلا وفوت ع السكن سلام : ماشي وانتبهي ع حالك . . انا بضهرك ورح احميكي ليندا : مافي داعي . . بفضل موت ع ايديهم ولا اتعفن بسجنك ونزلت من السياره ورحت للسكن فتت وكان اكرم معصب وعم يعيط ع كل الحراس اكرم : ليندا !!! ليندا : اي اكرم اكرم : انتي صح انمسكتي كيف هربتي ! ليندا : مافي مجال للهروب يا اكرم خلينا نسلم حالنا اكرم : انتي جنيتي اكيد !! ازا انمسكتي رح يعدموكي !! ليندا : بس نحنا قتلنا ناس كتير خلص بكفي !! اكرم : غيرلك عقلك حبيب القلب !! وبدك تغدري فينا ليندا : لك ملعون ابو هالقلب . . انا ماغدرت فيكم . . رهف يلي غدرت فينا (حكتلو القصه كامله )

العضوة: 694206 , 6 years ago

اكرم : جيبولي رهفففف بسسسسرعه ليندا : مافي مجال للحساب هلا خلينا نسلم حالنا اكرم : شو قصدك ! سلام : قصدها انو نحنا صرنا هون وسلمو حالكم مافي مجال للهرب الشرطه محاوطه المكان تطلع فيني اكرم نظره خلتني اتمنى الموت ولا اخذلو هيك غمضت عيوني ونزلت دمعه حرقتني حرق ! تطلعت عليه وقلتلو : اسفه ! اكرم : مافي مجال للاسف هلا يا ليندا ركضت عليه وحضنتو . . من الاول اختياري كان غلط . .فضلت سلام ع اكرم وسلام غدر فيني ! اكرم : ليش هيك عملتي ليندا : اسفه ماكان بدي هيك يصير رهف : الله ياخدك ياليندا الله ياخدك سلام كانت عيونو رح تاكلني اكل : بلا حكي فاضي هلا وسلمو حالكم اكرم : ليندا رح اعمل حركه هلا وبس نوصل لبرا بتهربي ومابتطلعي لورا شو ماصار وشو ماسمعتي ! ليندا : اكرم شوبدك تعمل فجاه اكرم مسكني وحط المسدس ع راسي وحكا لسلام : بعدو من هون والا بقوصها هون سلام جن وصار يحكيي بعصبيه : اكرم اتركهاااا والا مابصير خير (هون سلام تزكر وقت اكرم قوص واحد من رجالنا مشان ماتمسكو الشرطه وخاف انو اكرم يقوصني ) امر سلام رجال الشرطه تبعد وطلع اكرم والشباب والبنات ع الساحه تبع السكن اكرم : ليندا ماتبكي . . مابدي شوفك عم تبكي ابدا وهلا بس عدلك لل3 بتركضي وماتلفي ابدا لو شو ماصار ماشي ليندا : كيف بدي اتركك . . يابنعيش سوا يا بنموت سوا !! اكرم : 1 2 3 ليندا ركضيي انا ركضت من هون وبلش صوت اطلاق النار من هون وانا ركضت لاخر الساحه بس ماقدرت اطلع واترك اكرم لفيت وجهي ولقيت اكرم غرقان بدمو وسلام متصاوب بايدو ونص رجالنا ميتين ورهف وخمس بنات والباقي موجه عليهم سلاح ورافعين ايديهم لفوق رجعت ركض لعند اكرم وانا بصرخ عليه ليندا : اااااكككككككرررررممممم لااااا ماتموت مششان الله قعدت عندو ع الارض والشرطه موجهه مسدساتهم علي ليندا : لا اكرم ماتموت مشان الله ماتموت قوم اكرم قوم . . اكرم مو انت حكتلي بتحبني ويلي بحب مابيترك التاني اكرم قوووم اكرممم وحطيت راسي ع صدرو وصرت ابكي واترجاه يقوم اجا سلام وايدو عم تنزف مشان يقومني ليندا : بعد عنييي ليش قتلتو ليشششش لك انت واحد غدااار لك بكرهككك لك كنت قتلني انا ولا تقتلو رجعت قعدت عند اكرم كان متصاوب بصدرو ثلاث طلقات حطيت راسي ع صدرو وانا عم ابكي بحرقه ليندا : انا السبب انا الله ياخدني ياريتني متت قبل ماجيبهم لهون اكرم قوم مشان الله لاتتركني الهم اجا سلام و

العضوة: 694206 , 6 years ago

شدني بالقوه لبعد عن اكرم ليندا : لك اتركنييي مشان الله تركني . . قتلتلي اخر حدا ضللي قمت من عند اكرم ورحت عند رهف يلي كانت متقوصه براسها قعدت عندها وصرت قول : حتى انتي يارفيقة عمري تركتيني !! رهف قومي حاكيني . . قوليلي ليش غدرتي فيني ليش . . لهل الدرجه حبك لاكرم عماكي هي خسرتك وخسرت اكرم . . رهفففف قومي انا مسامحتك بسس قوميي قومي يارفيقة عمري قومي مشان الله سلام : خلص ليندا بكفي قومي شدني سلام وطلعني بالسياره وانا طول الوقت ابكي وصرخ باسم اكرم هالشي يلي خلا سلام يعصب اكتر ويسكتني حطيت راسي ع المقعد وصرت اشهق وابكي وصلنا ع المخفر وحطوني انا والبنات يلي معي بالسجن وسلام راح ع المشفى ليعالج ايدو وتم دفن اكرم ورهف وباقي يلي ماتو ومن وقت ماوصلت ع السجن وانا ابكي وماهديت ابدا هيك لتاني يوم يلي كان فيه يوم محاكمتي رحت ع المحكمه وشفت هنيك سلام عم يحضر المحكمه وايدو ملفوفه ومعلقه برقبتو . . ماقدرت سامحو ع يلي عملو وكنت طول فتره المحكمه سرحانه حتى سمعت اسمي ويلي حكم علي بعشر سنين سجن وهيك مع التخفيض لانو تعاونت مع الشرطه ليمسكو المافيا ومع التحقيق مع الرجال تبعون المافيا عرفو مكان باقي المجموعات ومسكوهم ومسكو مجموعه بيع الاعضاء والمخدرات وغيرهم وسمعت كمان خبر موت المعلم اثر الاشتباكات وماحزنت عليه ابدا وسلام ترقى بشغلو وصار عقيد وماشفتو ابدا طوال ما انا بالسجن

العضوة: 694206 , 6 years ago

ولما فتت السجن اجت السجانه بدها تقص شعري الطويل متل باقي البنات ليندا : الله يخليكي لا تقصيه ماضللي غيرو شي حلو بحياتي وبوعدك ما افردو ابدا واضل رابطتو كعكعه وعد السجانه : مابقدر يابنتي هي اوامر فجاه سمعنا صوت : معلش انا بقلك خليلها ياه وماتقصيه السجانه : حاضر سيدي ليندا : سلام ! سلام : اييه سلام ليندا : شو بدك جاي تتشمت !? سلام : لا بس شتقتلك وجيت اطمن عنك ليندا : مافي شي بيني وبينك لتطمن علي ومعلش جميلتك مابدي ياها ولاعاد تورجيني وجهك !! سلام : كل هاد مشان اكرم ليندا : لاتجيب اسمو ع لسانك ! وحملت حالي وناديت للسجانه لترجعني ع السجن ------------------------------- بعد سنتين هيك قضيت سنتين من عمري بالسجن وطول هالفتره ماشفت وجه سلام ابدا وماسمعت اخبار عنو ابدا وطول ما انا بالسجن مقضيتها اكتئاب وبكا ونحفت بهل السنتين كتير ووجهي صار شاحب وكانو روحي ومصدر تفائلي مات ومتت معو ندمت كتير لاني رديت ع سلام وعطيتهم المكان وندمت اكتر لاني للمره التالته مابرد ع اكرم ورجعت شفتو بهل المنظر ميت وانسجنت لو رديت عليه من الاول وماتعلقت بسلام ماكان صار يلي صار . . اييهه كلها 8 سنين وبطلع . .هانت 💔 قطع تفكيري صوت السجانه بتنادي باسمي ليندا

العضوة: 694206 , 6 years ago

ليندا : انا ! السجانه : افراج . . جيبي اغرآضك وتعي ! وقفت مصدومه ومو مصدقه يلي صار !! كيف افراج ولسا ضايل من محكوميتي 8 سنين !! السجانه : بدك تضلي واقفه مكانك !! ليندا : لالا جايه ! حملت كتاب ذكرياتي واغراضي ولحقت السجانه ليندا : كيف افراج !? السجانه : في حدا دفعلك كفاله ليندا : ميين !! السجانه : مابعرف . . فوتي هون لتعملي اوراق الخروج فتت ع المكتب وكان في شرطي وواحد تاني قاعد ع الكرسي وعاطيني ضهرو الشرطي : الانسه ليندا !? ليندا : اي الشرطي : تعالي قعدي هون لنعمل الاوراق واخر الاجرائات ليندا : بس مين دفعلي الكفاله ! الشرطي : هاد يلي قاعد قدامك وفجاه يلي كان قاعد لف ضهرو وقال : انا يلي دفعتها ليندا : سلام !!

العضوة: 694206 , 6 years ago

الشرطي : اسمو العقيد سلام سلام : خراس احمد هههه ليندا : انا بعتزر بس بدي ارجع ع السجن ومابدي ياه يدفعلي الكفاله اجيت بدي اطلع من الباب بس فجاه مسكلي ايدي سلام وقال : ليندا خليني احكي معك بس دقيقتين ليندا : مافي حكي بيني وبينك سلام : ليندا . . ومسكلي ايدي وقال : من سنتين وانا عم موت الف موته كرمالك . . حاسس بالذنب مشان بس فهميني وسمعيني هون استاذن احمد وطلع ليندا (تبكي) : شو بدك تحكي وشو بدك توضحلي ! انك قتلتو وانا قبل ما اخدك ع السكن قلتلك وعدني ياسلام ماتقتلي اكرم وعدني يا سلام ماتقتل حدا فيهم وانت عطيتني وعد بس اول مالفيت ظهري ومشيت قتلتو !! سلام : لا يا ليندا انا بعدني عند وعدي وماقتلتو

العضوة: 694206 , 6 years ago

القصه ومافيها انو لما هربتي انتي اكرم قوصني بايدي وهون رجال الشرطه قوصتو وعلقو رجالو مع الشرطه وانا قوصت الرجال بس ماقتلت لا اكرم ولا رهف ! صدقيني انا عند وعدي وانتي طول هالفتره مارضيتي تسمعيني وانا عم احترق من جوا فكرك ما انقهرت لما دخلتي السجن ! ماحدا بهون عليه تدخل حبيبتو السجن ! ليندا (تبكي ) : حبيبتو !! سلام : اي حبيبتو . . انا لما حكتلك بحبك ع الشط بهديك الليله ماكنت بكزب وعنجد كنت بحبك ليندا : ويلي بحب بيغدر بالتاني وبحبسو !! سلام : مشانك هالشي لونو لو حبستك بايدي هدول كان حكمك الاعدام وتخفف حكمك وكنت خسرتك بالاشتباكات لا سمح الله ليندا : يعني هلا شو !! سلام : بدي ياكي تسامحيني ليندا : مابعرف بدي وقت لفكر ------ ----------------------- طلعت من السجن ورجعت سكنت بالفيلا يلي جبلي ياها اكرم . . ولقيت رسائل كتير هنيك من سلام من لما كنت بالسجن . . ولما قرات الرسائل راق قلبي عليه . . . كان يكتب فيهم قديش بحبني وعن الايام يلي قضيناها سوا واعتذارات منو وهيك وضل سلام كل يوم يجي يحاول يقنعني سامحو بس انا مارضيت اعطيه وجه حتى بيوم من الايام اخدني سلام ع البحر . . بنفس المكان يلي اعترفلي فيه بحبو وكانت المفاجاه انو مزيين المكان بشكل بجنن سلام : عجبك المكان ? ليندا : كتييير بجنن سلام : ليندا ليندا : اي سلام : تتجوزيني ? -------------------------- بعد سنه . . . انا هلا متجوزه من سلام وعايشه احلا ايام عمري وحلمي تحقق انو عيش قصه حب مع شب بجنن متل سلام . . وانا هلا حامل بابنا وحاسه اني صرت متل باقي البنات الي هويه وشخصيه . . واقتنعت انو موت اكرم قضاء وقدر واني لازم اتقبل هالشي . . وانتي هلا من بعد ماقرأتي قصتي صرتي تتمني تصيري قاطعه طريق متلي ياترى ? #انتهت نشالله تكون عجلتكون احبنكم جميعااااا😍

العضوة: 700113 , 6 years ago

اسمها سمر كيف سلام قال هلا ليندا🤔

العضوة: 694206 , 6 years ago

مو كانت بمهمة احتيال ونصب غيرو اسمها من ليندا لسمر

العضوة: 694206 , 6 years ago

@user-627942 وينك مو باينة