العضوة: 143580 , 8 years ago

@user-128140 والله اليوم رحت متحمسسسسه اكثر مما تتتخيلي و في الاخير قالت لا مو باين صغير ....احسها عشان حكومي و في العسكري ما تبغا تقول ....بس بروح برا اتطمن و اعرف جنسوو ادعولي ولد يارب .....لان عندي تلاته بنات وولد و نفسي في ولد ....خلاص بحمسكم معايا قبل لا اروح اكتبلكم اني رايحه 😂 يسير نشوفو سوا 😍😍😍

العضوة: 128140 , 8 years ago

@user-143580 اكيد عشان حكومي مستحيل تقول يشوفونه بدري واحتماليه الغلط كبيره الله يرزقك بالولد الصالح ان شاء الله وتبشرينا توقعت عندك بنت بس طيب انتي من نفسك ماحسيتي بالاعراض اذا هي نفس حمل ولدك او بناتك انا بصراحه من اول ماحملت كنت حاسه ولد لان نفس حملي بولدي وبنتي حملها غير عنهم وطلع احساسي صح

العضوة: 143580 , 8 years ago

@user-128140 حاسه ولد بس اليوم مدري شكيت لمن قالت مو باين 😔 لا دا الحمل اصعبببببب حمل و لا واحد في عيالي ما جاني وحامو زي كدا ابدا 💔😢 تعبت تعب مو طبيعي في دي الاربعه الشهور 💔💔💔💔💔

العضوة: 128140 , 8 years ago

@user-143580 هو كل حمل وحامه اصعب من اللي قبل بس انا قارنت من ناحية مكان الحركه والم الظهر بالنسبه لي وطبعا يختلف من وحده لوحده انا رحت فالاسبوع ١٣ عند دكتوره نساء ولما سالتها قالت لا مايبين مستحيل مع اني عارفه انه دكتوره اماني لو رحت لها كان عالاقل رجحت لي نوع بس هذي لانها مو فاهمه كثير فمو شرط انه مايبين يكون بنت خصوصا فالاسابيع اللي قبل ١٨ اغلبهم مايحبون يقولون وبعد حكومي كملت😅

العضوة: 143580 , 8 years ago

@user-128140 خلاص مالي الا اصبر اسبوعين كمان و اروح تاني لدي اللي قلتيلي عليها 😍

العضوة: 75696 , 8 years ago

@user-143580 الله يسهل لك الباقي من الحمل ويقومك بالسلامة أنا كشفت عند الدكتورة نجوى في الدار في الاسبوع ١٣ قالت لي جنس البيبي وحتى رحت للدكتورة أماني هي كمان ممتازة وفاهمة وأسلوبها حلو ربي يفرح قلبك ويبشروك بالولد أخ لولدك😚

العضوة: 144860 , 8 years ago

سلام بنات كيفكم شخباركم مين دكتوره اماني

العضوة: 143580 , 8 years ago

@user-75696 آمين يارب ....طيب بكم في الدار ؟

العضوة: 144860 , 8 years ago

فيه طريقه جربتها انا وبنت خالتلي ههههه وطلع مزبوط تحليلها تاخذي ملح معا مويه وتحطي عليه البول اول ماتصحي الله يكرمكم ايذا طلع معاك رقواا معناه ولد ويذا ماطلع معاك شي معناه بنت

العضوة: 138500 , 8 years ago

@user-144860 بالله اكتبي الطريقه احط ملح ومويا قد ايش ؟ انا سمعت بس ملح وبوول

العضوة: 138500 , 8 years ago

@user-123192 كيف البنج الكامل وحسيتي ب اعراض ؟ انا اخترت بنج نصفي في عمليتي الاولى والى الان اس بالم الظهر مادري هو من الابره او الم بسبب الحمل ؟ وحملت بعد سنه من ولادتي ودحين انا مرا شايله هم مادري اخذ نصفي او كامل

العضوة: 141614 , 8 years ago

حبايبي كيف مستشفى الولاده 😩انا بكريه وخايفه 💔

العضوة: 138500 , 8 years ago

@user-141614 انا ولدت فيه والله كنت متخوفه من كلام الحريم ولدت فيه قبل سنه والله اهتمام ونظافه وماشفت اهمال الا بالطواري اما لما يحطوكي بالغرفه وبعدها الكشك الولاده وبعدها تولدي وبعدها يرجعوك للغرفه كلها اهتمام واهتمام بالنونو والحضانه عندهم افضل حضانه للاطفال المستشفيات الخاصه يحولو الاطفال عليهم ..وانصحك فيه اذا قالو قيصري

العضوة: 143580 , 8 years ago

@user-144860 طيب بجربها ههههههه

العضوة: 133184 , 8 years ago

@user-134785 انا زيك بنتي مانزلت للحوض وولدوني عملية ايش قالو لكي بالولاده فيه امل تولدي طبيعي انا بالثامن ذحين وعند مين تراجعي بالولاده واممم وكمان كم عمر طفلك الاول الفرق بين الحملين يارب يكتبلي ويكتبلك الولاده الطبيعيه ادعيلي