العضوة: 312161 , 7 years ago

انا بذبحج ترى ! ليش مستعجله جذي ع الولادة ؟! ترى مو زين الافضل الجنين يقعد بالتاسع اسبوعين .. يطلع وزنه زين و الرئة عنده مكتمله .. شتبين فيه يطلع نتفه ..توج 35 اسبوع يعني صغييير! صبري اسبوعين بعدها تمني الولادة 😤

العضوة: 379645 , 7 years ago

اي انا اصلي بعز الالم واقوم كل مره اجدد وضوئي بعد💔 حتى لما يكون نازل علي الماي ومره نازل علي الافرازات مع دم شوي مخلوط اتوضى واصلي عادي لان محسوبه عليج حتى بالنفاس اذا انقطع الدم قبل لاتكملين الاربعين وجبت عليج الصلاة

العضوة: 312161 , 7 years ago

انا 35 و ٣ أيام 🤕 .. اليوم قصتي قصة .. مو اقولكم امس رحت الحكومه قلت اجيك دام دكتورتي مسافره .. بهذلوني ع سالفة حسبة السونار ! قالي انتي بالدورة يعني بالاسبوع ال ٣٧ .. و طالما انتي دورتج منتظمة .. تمشين ع موعد السونار .. فأنتي بالاسبوع ال 37 و السونار يقول 35 ممكن البيبي اصغر و لازم نعيد السونار و مصخروني 🤕دكتورتي بالخاص تقول عادي طالما انتي من بداية الحمل تمشين ع السونار و نموه زين .. الحكومه سوولي قصة و قالي باجر الصبح تعالي نسويلج سونار ثاني 🤦🏻‍♀️ مو عشان سالفة ان الدم بدا يقل فيبون يولدوني ! مع ان كل شي عندي زين و طبيعي .. عشان جذي بيعيدون السونار ..

العضوة: 379645 , 7 years ago

اي اي صححح كلهم نفس الكلمه ويقولونها بصوت واطي بعد😂 ان الحين مو نفس قبل الولاده مع ان يشوفون شلون نتعذب حتى بوقت الولاده والطلق ويخافون بس عياره عقب

العضوة: 370699 , 7 years ago

منو اسبوعين حبيبي انا يومين مافيني صبر 😫😫😫😫😫😫😫😫😫زززززززههههقت

العضوة: 370699 , 7 years ago

لا الكبار الشياب يخربون علينا يقعدون يقولون لهم خرابيط ومو نفس اول 😂

العضوة: 379645 , 7 years ago

@user-312161 اي صج شصار ع السونار مو قالوا بيسوون لج دوبلر علشان يتأكدون من وصول الدم

العضوة: 312161 , 7 years ago

كلنا زهقنا ..مو كثثثري 😬 بس شاللي حادج تولدين مبجر .. حرام توه ما دش التاسع المسكين .. خليه ببطنج احسن له و احسن لج هالفترة .. انا ادعي اني اكمل ع الاقل اسبوع من التاسع😫

العضوة: 370699 , 7 years ago

توني دريت انا عبالي خلاص لما الوحده تطلق يعني خلاص توقف الصلاة أساسا ما يطري علي أكون مو بوعيي !!! وحتى لما كان ينزل افرازات بنيه مستمرة عبالي ما يصير أصلي 🤦🏽‍♀️ والله جان زين في نوعيه من هالناحيه كثر ما في توعيه عن التضييج والخياط والخرابيط بس ادري ان اذا وقف بالنفاس لازم الوحده ترد لصلاتها اشوه !

العضوة: 312161 , 7 years ago

لا دوبلر وًلا شي .. كل اللي سووه اليوم تخطيط لنبض البيبي و قالوا زين .. و شافوا سوناراتي القديمه اللي سويتها بالخاص .. و قالوا افضل نعيد السونار باجر الصبح في دكتور شاطر بالسونار و من هالكلام ! و قبل لا اطلع وريت التخطيط لدكتور كويتي قالي زين كل شي ليش مسويه تخطيط .. وريته نسبة تدفق الدم للجنين .. قالي زينه النسبة مو حيل نازل تطمني بس افضل تجيكين باستمرار .. عاد اليوم بروح اسوي سونار الصبح بشوف نهايتها 🤕

العضوة: 379645 , 7 years ago

اي والله👍🏻👍🏻👍🏻 عقب الولاده خلاص اهني تعتبر نفاس وماتصلي لين تطهر اذا وقف الدم ويكون دم احمر صريح

العضوة: 379645 , 7 years ago

اي لان الحكومه دايما مايثقون بأي شي من الخاص حتى لما بعيد الشر عنج تبين مجلس طبي يعيدون كل شي ياخذونه ف ماعليج بيتاكدون بس ويطمنونج وتصير ترى ان الوزن يختلف مرات والسونار وحسبة الدوره

العضوة: 307916 , 7 years ago

الخاص ما يبوني🤣 اخذ ابر سيوله واسبرين وعندي اجسام مضاده وتخثر دم عالي و نسبة جلطات بالدم وراثيه تصير لعماتي عقب الولاده .. سوولي تحاليل طلعت نفس عماتي مع الاسف عشان جذي مستلميني الحكومه ملفي شكبره بس الحمدلله وضعي احسن مع الابر والاسبرين🙏🏻♥️

العضوة: 379645 , 7 years ago

اي خلج ع الحكومه وحتى الاسبرين عقب الولاده يمكن يقولون لج تستمرين عليه والله يقومج بالسلامه يارب ويقر عينج بشوفة ضناج بصحه وعافيه😘

العضوة: 370699 , 7 years ago

يا بعد روحي الله يسهل عليج و يتمم حملج على خير ان شاءالله ماكو الا العافيه الخاص ينحاشون من كل شي يبون وحده سهله و جاهزه وماتعور رأسهم وتدفع و تذلف شغل تجاري وانا يا حيلة الله ندفع و نذبح عمرنا ندور احد حريص علينا ولي صارت الصحيه الله لا يقوله اسعاف و يقطونج مره ثانيه على الحكومه