العضوة: 768521 , 5 years ago

@user-743708 يلا مو مشكلة متابعين كل قصصك حلوين

العضوة: 743708 , 5 years ago

جميلة :- حجة حجة ..ياخالتو (( التفتت لعندي بهدوووء ... العجوز:- خدي يلي بدك اياه وحطي ليرة جنب راسي والله معك.. (( ارجعت فيقتا من تاني كرمال اسألها .. جميلة :- انا مابدي اشتري بس بدي اسألك عن ناس هون (( قامت بصعوبة لتجلس قعدتها كانو تيابها مهترية ورجليها كلن صدفية وقشب وجروحات ..منظر اصابع رجليها مخيف كانها مقطعين ..كنت عم اتامل رجليها .. العجوز:- اكلوهن الجرذان لا تخافي اتعودت (( انصدمت معقول الفيران تاكل اصابع رجليها بدون ما تحس..بس وقت انتبهت ع المكان كانت الجرذان بكل مكان حتى بين رجليه كان واحد..صرخت لاهرب من برا هالدكان...العجوز بلشت تشحط بحالا باتجاهي ماكانت قادرة تمشي . العجوز :- انتي شكلك مو من هالقرية جميلة :- لاء انا مو من هون العجوز :- اها وشو جابك لهون جميلة :-انتي بتعرفي كل يلي ساكن بالقرية هون العجوز:- واللي طلع كمان جميلة :- الحمد لله ..انتي بتعرفي هادول الشخصين يلي بالصورة العجوز،:- انا مابشوف منيح والصورة مهترية كيف اعرفهم جميلة :- بتعرفي حد هون اسمو سعد وصباح العجوز :- سعد وصباح سعد وصباح ييييييي والله مابعرف ماني متذكرة..كتير في سعد وصباح كانو بالقرية.. جميلة:- هني كبار بالعمر ست كبيرة لالها شامة متل يلي بالصورة العجوز :- والله ماني شايفة ..وماني متذكرة جميلة :- طيب اتفضلي هالليرات لالك واسفة اني ازعجتك العجوز:- الله معك

العضوة: 743708 , 5 years ago

( مشيت خطوات بعيدة عنها لاشوف حد بالقرية تاني اقدر اسألو ..لعند ماسمعت صوت عم ينادي من ورا ضهري التفت كان شاب صغير بالعمر واقف جنب العجوز.. الشاب :- تعي يختي انا بساعدك قولي شو بدك جميلة :- بتعرف يلي بالصورة الشاب :- هاي صورة قديمة ابيض واسود .. جميلة:-اي لان ماعندي غيرا وهني هلق كبار بالعمر الشاب :- الله يصلحك وكيف اعرفهم اذا هلق كبار بالعمر جميلة :- هو اسمو سعد وهي صباح الشاب :- سعد وصباح..ليكون سعد جزمان جميلة:- لاء مو جزمان ابي اسمو سعد حيدر وامي صباح العنابي الشاب :- متزوجين..ايوووه ليكون قصدك ابو جميل وام جميل جميلة:- ابو جميلة قصدك الشاب :- والله يلي هون ابو جميل ابنهم مسافر هيك كانو يقولو الله يرحمهم جميلة :- ليش هني ماتو الشاب :- من سنة ..كان الرجال يشتغل بالمقبرة يلي جنب بيتو ومرتو مغسلة موتى ..وبيوم ماتت مرتو وهو دفنها بالبيت وفقدناه فترة طويلة ولما رحنا نشوفو ونطمن عليه الله يرحمو لقيناه ميت وجثتو متحللة جنب قبر مرتو الظاهر من زعلو عليها دفناه جنبها بالبيت واتسكر البيت ..ومن هاداك اليوم البيت مهجور ماحد ساكن فيه .. جميلة :- فيك تاخدني على البيت 😭 الشاب :- ليش انتي شو بتكوني وشو بدك منهم جميلة :- انا بنتهم جميلة يلي بالسويد الشاب :- غريب جميل صار جميلة جميلة :- هني ما الهن غيري انا جميلة وهاي هويتي وانا كنت مسافرة بالسويد الشاب :- على العموم انا يختي بوصلك ع البيت

العضوة: 743708 , 5 years ago

الشاب :- على العموم انا يختي بوصلك ع البيت جميلة :- بتشكرك الشاب :- لاتشكريني جميلة :- اها فهمت عليك اتفضل الشاب :- يسلمو اديكي.. ((وصلت البيت يلي كان فعلا شبه القبر بس كبير كتير كلو غرف صغيرة وهالغرفة المعتمة كان فيها شباك واحد صغير اغلب ..الغرف مافيها اي اثاث او فرش . وغرفة فيها عفش نوم قديمة كلها غبرا وغرفة فيها فرش واغطية وحيط فيها رفوف كلها كتب ..وماشفت لاقبور ولا شفت شي من يلي قالو الشب ..بلشت فتح بشبابيك البيت ليتهوى كانت ريحتو عبوء ورطوبة ..ماكنت ناطرة اتحمل لارتاح وانضف الغبرا ..من وقت ماوصلت وانا عم نضف لوقت ماغابت الشمس ..قفلت الشبابيك وحطيت فراش نضيف فوق السرير..

العضوة: 743708 , 5 years ago

اخدت كتاب من هالكتب وجيت شعل الضو لاقراه اتذكرت اني ما انتبهت انو مافي اي ابريز او مخرج للاضاءة بالبيت..فتشت بالبيت على شي اشعلو شمعة مصباح للاسف ماكان موجود..وضلم الليل وعتم البيت اكثر واكثر ..حتى موبايلي ماكان فيو شحن لاشعل اضائتو وماكان في ابريز كهربا لاشحنو.ماكان بالغرفة الا ضو القمر يلي يادوب مخليني شوف حواف الشباك منو..ماكنت شايفة شي حتى اصابع ايديه ماكنت شايفتن .. .. ماكان قدامي الا غمض عيوني ونام لاحسن بكرة رتب تفاصيل الاضاءة..ولاعرف وين قبر امي وابي يلي بيحكي عنهن..كانت ليلة صعبة كنت عم حاول نام بكل قوتي رغم مشوار التعب والسفر الا انو جو الغرفة والهدوء القاتل ماكان يريحني لانام..وبغمضة عين فقت فجأة مابعرف وكيف وشلون صارت الدني نهار..كيف نمت كيف مرق الوقت كانها لحظات بحلم.. قمت لافتح شباك الغرفة منيح لتفوت الاضاءة. ومن فتحات الشباك شفت الشب يلي وصلني امبارح.. واقف حوالين البيت .. جميلة :- لحظة لحظة بدي مساعدتك الشاب :- اسمي ابراهيم جميلة :- ابراهيم فيك تساعدني كيف احصل على شمع او شي مصباح او اضاءة للبيت وفيك تساعدني اغير المي يلي بالسنابير كتير عم تنزل صفرة وملوثة الشاب :- اي تكرمي بس جميلة ؛- ولا يهمك بعطيك بس ياريت تعملهن لالي..وكمان حابة اسألك وينو قبر امي وابي الشاب :-منضفتيه للبيت والله قالو اندفنو هون يمكن بشي غرفة. جميلة :- بس ماشفت شي ابراهيم :- والله يختي مابعرف استني افتحي الحنفية لينزل الوسخ منها.. جميلة :- تمام هيك ابراهيم :- اي خلص هلق بتنزلك مية نضيفة جميلة:- يسلمو ايديك ابراهيم :- هالقرية مافيها كهربا الا بالبيوت يلي برا المزارع ..الناس هون بتشغل شمعات او مصابيح هلق بروح بجبلك.. جميلة :- تفضل جبلي اكثر من واحد لان شايفة صعب الاقي حد هون يساعدني فيك تجبلي كم غرض للمطبخ .. ابراهيم :- اي بجبلك.. جميلة :- شكرا لالك بعد مرور ساعتين

العضوة: 743708 , 5 years ago

ابراهيم :- مالقيت مصابيح ..جبتلك كم شمعة استخدميهن لاطلع انا ع القرية يلي فوق ودي المحصول وجيب كم غرض بجبلك معي.المهم لا تشعلي كتير وتستهلكي خليهم وقت الحاجة.. (( غادرني ابراهيم وانا عم كمل شغلي بترتيب اغراضي بالبيت..من بين يلي عملتو كنت عم حاول كسر القفل يلي مقفل فيه الخزانة كنت حابة شوف اغراض امي وابي واكيد بالخزانة في اشياء هني رافعينها ..بقيت لوقت غابت الشمس وانا عم حاول اكسر القفل لنكسر الباب معي كلو...كانت الخزانة شبه فارغة شوية اكفان بيضا ومعطر ريحتو قوية والظاهر معطر للموتى..ومرابط وفلين ومافي اي شي لالو علاقة بأهلي ومن بين هالاكفان كان في مفتاح كبير... جميلة :- غريب شو هالمفتاح الاثري ..ولشو معقول للخزانة .شو هالتخاريف لكان كيف قفل الخزانة والمفتاح جوا.. حتى القفل فتحتو اصغر من المفتاح ياترى لشو هالمفتاح.. نمت ليلتا وانا عم فكر بالمفتاح كنت عم اسأل حالي شو في بالبيت مقفل وبدو مفتاح.. ماكان اي شي غير هالخزانة . وبهاد الليل الهادي متل العادة والجو مستقر غفيت وفقت على صوت صراخ قوي فزعني من النوم كان صوت ماقدرت استوعبو حاولت اجمع قواي يلي اهتزت من الخوف لاعرف شو كان طبيعة الصوت...اي صوت حادث لاء لاء مستحيل القرية مابفوتها اي نوع سيارة ..طيب لكان شو يلي اسمعتو...اتحسست بايدي باتجاه الطاولة يلي عليها الشمعة لاقدر اشعلها.. كانت الدني عتم حتى ضو القمر اختفى كنت عم اتحسس فوق الطاولة لمست المفتاح ورفعت ايدي عنو..لاشوف الشمعة ..وبالاتجاه التاني لمست المفتاح مرة تانية. مع انها الطاولة كبيرة.. ارجعت خطوتين برجليه وارجعت اتحسس للخلف كان المفتاح ..ماكنت عم شوف مديت ايدي بكلا الاتجاهين ..لاتحسس منيح كانو ايدي الاثنين تحتن مفتاحين ..ووقت لمستن شي نفضني للخلف بقوة اغميت عليها ومافقت الا على صوت..

العضوة: 743708 , 5 years ago

ابراهيم :- حد بنام على عتبة الغرفة.. جميلة :- اخ راسي ابراهيم :- شكلك ناسية تطفي الشمع ذابو كلن منيح ما انحرقتي ((شمعة ونايمة على باب الغرفة وفوقي شرشف ابيض. قمت صرخت .. جميلة :- لاء انا مانمت هون وماتغطيت بهاد الشرشف وماشعلت اي شمعة ..وين المفتاح ابراهيم :- مفتاح شو جميلة :- اتحسست الطاولة بالفعل كانت فارغة وماعليها الا شموع ذايبة.وانا لا شعلت شموع ولا الحقت شعل ..والمفتاح كان جنب المخدة يلي فوق السرير. صرت اقنع نفسي اني كنت عم احلم او كابوس او يمكن فعلا اغمى عليه فوق عتبة الباب بس اذا اغمى عليه شو يلي غطاني..قربت لاخد الشرشف وكان واحد من الاكفان يلي كانت بالخزانة حتى ريحتي كانت من نفس العطور.. ابراهيم :- صرلي ساعة بدق ع الباب وفتت لقيتك بهالحالة لا اتعبي حالك بالتنضيف..المهم انا رايح جبلك مصباح وشمع بدك توصيني على شي تاني.. جميلة :- اها انا مامعي الا هادول بكفو ابراهيم :- بس هادول جميلة :- بس اصل لشي بنك بكمل لالك ابراهيم :- بنك مفكرة حالك بالمدينة جميلة :- ليش مافي بنوك هون ابراهيم :- لاء يختي المهم اذا بدك جهزي حالك الاسبوع الجاي باخ

العضوة: 743708 , 5 years ago

دك ع المدينة. غادرني ابراهيم وانا بقيت ناطرتو ليرجع لاحسن شعل شي يعطيني اضاءة بالغرفة..مع انهن صارو تلات ليالي ما شفت فيهن نور بالعتم..وانا متاكدة ماشعلت الشمع ومالحقت شعلو. وليش لاشعلهن كلن مرة وحدة..وليش ابراهيم لهلق ما رجع الدني عتمت وانا بالي مشغول باللي صار بالامس وقررت ما انام كنت مفتحة عيوني وانا ماني شايفة شي ..و مرقت الساعة بعدها ساعة.. وما في حد ومافي اي صوت او حركة توحي بأنو ممكن ابراهيم يوصل..كنت خايفة اغمض عيني فيق لاقي حالي عن باب الغرفة ..كنت خايفة من النفضة يلي صارت معي....مديت ايدي لاتحسس مكان المفتاح يلي كان جنب مخدتي..حملتو وانا ماني شايفة شي .ومتل ضو ازرق سماوي مائل للاخضر خافت اشتعل بالممر يلي بطل ع غرفتي..رفعت راسي لاتاكد وما اكون بحلم كان الضو خفيف كتير..ومع الضو كان في صوت لاقدام عم تمشي بخفة ..يادوب كانت عم ادوس بالارض ..خطوات جدا بطيئة... جميلة:- ابراهيم هاد انت ابراهيم لاترعبني هاد انت احكي شي.. (( ماكان يرد عليه من الخوف ماقدرت اتحمل دفعتني الشجاعة لاقوم لاشوف شو سر هالضو..وبعدني ماقمت من السرير اسمعت صوت ابواب الخزانة عم يفتحو ويقفلو من حالن ..ارجعت لمكاني مرعوبة ..كان فتح الابواب بطئ وبلش يسرع كانو عم ينفتحو وينغلقو اسرع اسرع اسرع اسرع اسرع كانت صوت ضرباتهن قوي كتير..حطيت اصابعي لاقفل اذني وما اسمع شي ..بس ماقدرت شي خلا ايدي ثقال ما اقدر ارفعهن باتجاه راسي ...صرخت بكل ما اعطيت من قوة.. جميلة :- خلاااااااااااااااااااااص. (( وقفت ضربات الابواب واختفت صوت الخطوات ..بس الضو بلش يختفي شوي شوي ..بس يلي صار اسمعت صوت انين....اي انين حد موجوع....انين بيشبه هاد الصوت اممممممم امممممم..ببلش بعالي وبيختفي ..وبيرجع ببلش بعالي شوي ويختفي كنت اسمعو لحد موجوع ..حد عم يتألم.. ..ومن بين هالاصوات ونظري يلي مشدود باتجاه الممر ..شفت ايد ..اي ايد على حيط الباب..ايد مربوطة. وخارجة من عباية سودا. وعم تتحرك .. وانا متاكدة لحد عايش وموجود بالبيت ..قمت من مكاني لاعرف مين هو وليش عم يعمل فيني هيك ..

العضوة: 743708 , 5 years ago

جميلة :-مين انت قلي مين انت وشو عم يصير معك .. (( كنت عم الحقو وهو عم يبعد عني والضو يختفي معو ..كنت عم اتبع الضو والضو عم يسبقني معو .. هو متل يلي مربوطين ايديه ورجليه بحبال ..كان عم يأن و يتوجع وتطلع منو اصوات غريبة ومخيفة ..مابعرف لوين اخدني كان عم يجذبني بقوة لالو كرمال اتبع خطواتو.. اسرعت خطوتي لعندووو صرت مقابيلوو. ..صرت وجه مقابل بلا وجه :- اااااااااااااااااااااااااااااااأااااااااااااااااه... الجزء الثاني .. اعوذ بالله من الشيطان الرجيم اعوذ بالله من الشيطان الرجيم.. كان بجسم انسان وبوجه مافيو ملامح او اشبه بأشلاء متجمعة بالوجه وعين وحدة بيضاا مافيها بؤبؤ .. كنت عم اتعوذ بالشيطان وانا عم شوف يلي قدامي رجع صوت ابواب الخزانة يخبط.. وعلى وصول ابراهيم.. ابراهيم :- ,جميلة فيكي شي..جميلة جميلة افتحي.. التفت باتجاه الباب لاحسن نادي على ابراهيم ماقدرت الصوت ماكان عم يطلع بقيت اتعوذ من الشيطان مرة واتنين وتلاتة لعند ماوقعت بأرضي واختفى الضو ..واختفى يلي كان مقابيلي.. بس صوت ابواب الخزانة ماكان يهدا..

العضوة: 743708 , 5 years ago

براهيم كان عم يفتل بالبيت وهو عم ينادي عليه لوقت ماشافني بزاوية غرفة .سلط ضو الكشاف يلي بايدو باتجاهي كانت علامات الرعب والفزع على وجهي.. وايدي على اذني مابدي اسمع صوت ابواب الخزانة.. ابراهيم :- خلينا نطلع من هون كان عم يسحب فيني بالقوة لبرا البيت وبكل قوتو ..وانا في الف شي مثقلني ومربطني ..قدر بالقوة يطالعني برا البيت كانت الناس يلي بالقرية متجمعة حوالين البيت ومعهن شموع واضاءة جميلة :- شفتو ابراهيم :- ماشفت شي انتي شو عم يصير معك ليش كنتي عم تصرخي هيك جميلة :- هاد البيت فيو اشباح ابراهيم.. ابراهيم :- شفتو شفتو انا كنت سادق وماسمعتو (( كان ابراهيم عم يوجه كلامو للناس يلي مجتمعة.. وكأنو بيعرف قصة هاد البيت ..كان عم يصرخ بأعلى صوتو. .لك سدقتو انا ماني مجنون ودرويش هاد البيت فيو مصايب .. ((صرخ واحد من بين الحضور. ..لكان خلينا نحرقوا ونرتاح ..ياعمي مابنحرق كل مابدنا نشعل النار فيه بتطفي جميلة:- ابراهيم شو يعني شبو البيت مو هاد بيت اهلي ابراهيم :- اي بيت اهلك بس انفقدو وما الهن وجود انا متلك جيت اسكن بالقرية وقالو في بيت صحابو تركوه ..من اول ما عشت فيه وانا عم شوف يلي ماحد بيقدر يشوفوا..اطلعت اسأل عن يلي ساكن كان فيه قالو شي بقول ماتت مرتو وهو دفن حالو معها. .وكيف دفن حالو مابنعرف وشي بقول دفنها وترك القرية وشي بقول انو ابوكي كان ساحر كبير ..ومن يومها وانا هاد البيت عم يناديني تعبت تعبت ..من شفتك وسألت العجوز فكرت من اسكنك فيه تروح عني هاللعنات وماعاد يطلبوني يلي فيه..

العضوة: 743708 , 5 years ago

جميلة :- مين يلي يطلبك وشو فيه ابراهيم :- يلي بتشوفيهن جميلة :- ابراهيم انا شفت واحد ابراهيم :- هني

العضوة: 743708 , 5 years ago

مو واحد انا شفتن كلن جميلة :- كيف يعني ابراهيم :- لو مالحقتك كان شفتيهن كلن .. جميلة :-بدو ياخدني لعندن ابراهيم :- اي بس طلبتيني انتي كمان جميلة :- مافهمت ابراهيم :- شفتن عم يتقربوا منك ..بس خايفين. .معك شي هني خايفين منو ..والشي يلي معك هو نفسو يلي معي .. جميلة :- انا رح جن ماعم اقدر افهم شي ابراهيم ؛- يلي بايدك جميلة:- المفتاح ابراهيم :- اي انا مابعرف كيف لقتيه . جميلة:- بالخزانة ابراهيم ؛- انا معي التاني لقيتو بجنب السرير..ومن يومها ماشفت خير. جميلة :- ابراهيم انا المفتاح يلي معي مابعرف لشو وماكان يفتح شي.. ابراهيم :- المفتاح يلي معك للقبر يلي تحت السرير.. جميلة :- شوووووووو ابراهيم :- اي للقبر انا ماتركت مكان الا دورت فيه ومن شفتو فوق السرير عرفت انهن جاييين بدن ياخدووه ..متل ماكانو عم يحاولو ياخدو يلي معي جميلة :- من وين عرفت انو السرير قبر ابراهيم :- انا فكيت الخشب وشفتو حاولت افتحو ماقدرت ..كنت مفكر انو لو فتحت القبر بينتهي كل شي ..بس ماقدرت جميلة:- انا شو اعمل هلق خلص خد المفتاح ومابدي شي.. ابراهيم :- اخدتو وجيت افتحو. ماقدرت لازم انتي ..انتي يلي لازم تفتحيه جميلة:- وليش انا ما انت معك كمان مفتاح ابراهيم :- المفتاح يلي معي لشي تاني تحت القبر جميلة :- ابراهيم انت مجنون كيف شفت وعرفت هالشي ابراهيم :- من الكتاب يلي كان جنب راسك..ومالحقتي تقراي منو شي ..انا قرأتو وشفت كل صفحاتو .. شفت المفاتيح والقبر والابواب شفت الرموز والاحرف يلي مانها مفهومة ..قرأت التعويذات كلا وصارت اللعنات عم تلاحقني من مكان لمكان..

العضوة: 743708 , 5 years ago

جميلة ؛- انا بدي روح من هون ابراهيم :- جميلة خدي شوفي هون بهاي الورقة جميلة:- شو هاي الورقة ابراهيم :- هاي الورقة كانت بالكتاب انا اخدتا كرمال ماتشوفيها جميلة :- شو فيها ابراهيم :- احرف اسمك..كنت مفكر اسم جميل لهيك سألتك بالبداية عن اسم جميل.بس من شفت هويتك اتاكدت انو المقصو بالاحرف ج م ي ل انتي والدائرة هي التاء مربوطة.. جميلة :- ليش لتقلي هالخزعبلات انا مابعرف ابراهيم :- انتي يلي لازم تساعديني وتساعدي حالك جميلة :- حاجي جنون شو واقفين عم تعملو احرقو البيت هاد (( بلشت اخد من الناس المصابيح والشموع وارميها حوالين البيت وكل ما ارمي شي ينطفي اتذكرت الشمعات يلي كانو ذايبين على الطاولة مع اني ماشعلتن..صرت اصرخ بأعلى صوتي وانا عم ارمي شعلات النار وبس تصل باب البيت ينطفو..لوقت صرت اسمع الابواب عم تغلق وتفتح بقوة عم يخبطو بقوة الناس يلي مجتمعة شافت المنظر هربوا كلن وبقيت انا وابراهيم ماقدرانين نهرب.... شي عم يجذبنا باتجاه البيت شي عم ينادينا من جوا لنفوت ..شي عم يخلي خطواتنا تتقدم ..صرنا بلا صوت عم نمشي ..بدون مانهمس لبعض حتى مشينا كأنا مسيرين غصب عنا.. واول ما وصلنا للباب توقفت الابواب عن الضرب ..فتنا لجو وكان كل البيت شموووع ..شموع بكل مكان بالارض بالرفوف فوق السرير..بكل مكان شموع ..وكتب مفتوحة..كنت مفتوحة بكل مكان..ورسومات على حيطان البيت ..رموز غريبة..وبلش صوت الانين ..صوت الناس الموجوعة ..صرت امشي ورا الصوت..انا وابراهيم صوت عم يسحبنا للداخل لجو الغرفة يلي كنت بنام فيها.وشي خلانا نركع على رجلينا بجنب السرير..

العضوة: 743708 , 5 years ago

خلانا نركع على رجلينا بجنب السرير.. جميلة :- ابراهيم ابراهيم شو بصير ابراهيم :- ماقدران حرك ايدي جميلة :- شو بدن ابراهيم :- عم تسمعي جميلة :- اي ابراهيم :- بدن نفتح يلي تحت السرير جميلة :- انا ابراهيم :- اي انتي . وبدون ارادة بلش ابراهيم يفك خشب السرير وانا بلشت معو ساعدو ..لوقت ماشفت القبر .اي قبر ..قبر فوقو حجار ..كنا عم ندفش فيهن بالقوة..ومن رفعنا الحجار كان الباب ..😭. الباب يلي لازم نفتحو بالمفتاح..... ابراهيم رجع مربط ماقدران يحرك ايديه وعم يتوسل لالي ساعدو وافتح الباب كرمال يرتاح بس صوت ابراهيم مو هو نفسو .. كأن حد عم يحكي على لسااانو..صوت تخيين وبطئ وفيه رغرغة. وانين ..ومن خوفي من كلامو حطيت المفتاح وفتحت الباب. ..... وياريت مافتحتووووو.كانت هون بداية العذاااب..

العضوة: 743708 , 5 years ago

جميلة :- اااااا بببببببببرااااااااااهيم... ماقدرت اتصور وقت فتحت الباب يكون فيو ابراهيم.اي ابراهيم نفسو كان جثة مربطة لونها ازرق ومنتفخة .. ارجعت لورا بعيد عن القبر خايفة .. وصرت ارجف والفزع ماليني اذا ابراهيم يلي بالقبر مين يلي كان معي.. حتى ابراهيم يلي كان معي كان بالارض ووجهو باتجاه القبر. .كان ساكن متل الجثة كمان مابتحرك. وهي لحظات وبس وكل شي تراب بالبيت كان عم يتحرك باتجاه القبر...ريح عم تسحبن..واصوات الكتب بلشت تقفل والشموع بلشت تنطفي ..وصوت ابراهيم الغريب يلي بالارض.. ابراهيم :- جججججميييلة سسساعديني قربت لعندو كرمال احاول ساعدو ..رفعت وجهو من الارض وكان شخص تاني .............. بلا وجه... ابراهيم ما كان لالو وجه بالحرف متل مابقلكن ماكان لالو وجه. .وجهو مرفوع متل يلي اجا حد وحفرلو وجهو وعملو فجوات بوجه ..وكان الدم متقلط ورقبتو كلها رقع جلد مخيط وشعروا محروق.. معقول هاد ابراهيم.. بالحالة هاي كان فيني اركض بس كنت متجمدة من الخوف حاولت ارجع لورا خطوة باتجاه الباب ..بس الباب انقفل ..وكل شي ابواب كانت عم تنقفل..وشي عم يجذبني بقوة مع التراب باتجاه القبر ..شي عم يحركني لادخل للقبر ..وقفت فوق القبر ..وابراهيم يلي بلا وجه واقف مقابيلي ومركز كثير بالجثة...وابراهيم يلي بالقبر...فتح تموووووووووووو وبلشت الحشررات والجرذان تخرج من تمو .. ...واصوات لاحرف غريب مع اصوات كهربا. ونور لاضاءة من الاساس ماكانت موجودة عم تشعل وتطفي. .وصوت شي وحشش غليظظظ .. مانها مفهومة.. ابيغنكحخهتوىرذسثفغععةبتنظظد لالالالالالالا نتتنتلبااةريباوةرلاتى ززظك سعدددددد بابيسانزةنمكزا. صبببببباااااااااااااااح. اااانااا صبااااااااااح ..تكننمزلانتلبل اناا صباااااح ...