العضوة: 743708 , 5 years ago

فارس: هاي عم تفتري علي لتغطي ع عملتا البشعة هبة: عملتي؟؟ ايا عملة هاي فارس: تعزيبك للصغار .. شفتك بعيوني لهيك بدك تتهميني هبة: لك يخرب بيتك .. كزاااب وربي كزاااب .. وهاي البنات موجودين فحصوهن عند شي دكتورة لتتاكدو امين: لك انا ما رح اخلص من قصصك.. روحي هلا يا بنتي وانا بتابع القصة اطالعت هبة بفارس. هبة: ما تفكر رح اسكتلك رح خبر الكل ورح تم وراك لكبك بالسجن جحرا فارس وما حكاها شي.. تاني نهار وهي جايي ع الميتم دعستا سيارة وماتت بارضا .. بوقتا الكل عرف بانو فارس يلي ورا هالشي بس ما حدا حكا .. انا ما الي مين يحميني وما فيني احكي شي والاستاز امين شوفت عينك .. مرفت: لك الله يسطفل فيه هبة: لهيك عم قلك تركيه .. بلالك هالقصص مرفت: حسبيا الله عليه.. ماشي حبيبتي .. رح روح سالي: انتبهي ع حالك منيح مرفت : سلام

العضوة: 798859 , 5 years ago

كملي

العضوة: 743708 , 5 years ago

(الجزء الثالث) @rwayate وهي طالعة مرفت التقت بباسل ع الباب.. مرفت: راجع ع البيت؟ باسل: اي.. تعي معي.. بدي حاكيكي بشي مهم مرفت: اي يالا طلعو سوا وركبو بالسيارة.. وقبل ما شغل السيارة باسل.. باسل: لك مرفت هالميتم طلع كتير وسخ مرفت: كيف يعني باسل: صاير هون كتير قصص معن مرفت: مع فارس؟ اي دريت هلأ بقصة البنات ومربيتن باسل: اي وفي اشيا كتيرة مخباية.. بس ليجي الحارس.. قلتلو يلحقني ع السيارة من غير ما ينتبهو مرفت: لا حول ولا قوة الا بالله.. لك شو هالعالم هاي .. مالن قلوب ابدا!! ..لك والله جسمي لساتو عم ينتفض مد راسو الحارس من قزاز السيارة وحكا معن.. الحارس: هون ما رح يمشي الحال.. بعدو شوي لقدام بلا ما يشوفوكن باسل: اي ماشي.. طلاع للسيارة ركب الحارس معن بالسيارة ..ومشى باسل لوصلو لمنطقة بعيدة عن الميتم.. وقف باسل السيارة .. باسل: اي ابو ناجي.. هات لشوف حكيلنا.. ابو ناجي(الحارس): والله يا باسل لولا الحاجة ما قعدت هون دقيقة وحدة.. ان شاء الله ربنا يغفرلي عن سكوتي.. مرفت: احكي عمو تنهد ابو ناجي .. ابو ناجي: هالفارس واحد ما عندو ذرة انسانية.. كل فترة بيعملو شي عملة جديدة.. ووقت يكشفو امين بحول ع شغلة تانية.. باسل: يعني لسا في مصايب تانية ابو ناجي: كتار يا ابني.. انا هون من وقت فتح هالميتم.. باسل: والاستاز امين بيعرف فيهن

العضوة: 564706 , 5 years ago

@user-743708 رفعععععععععععععع

العضوة: 743708 , 5 years ago

ابو ناجي: اي بيعرف.. ما بعرف شو يلي مخليه يسكتلو عن عمايلو.. مرفت: اي باينة.. اكيد مشاركو بشي مصيبة باسل: اي اكيد ابو ناجي: قبل لييجي فارس هون كانو هالصغار مبليين بمربية .. بتزكر يوما شو عملت مع بنت منن وقت عملتا تحتا بالليل.. يوما كان وقت الفجر والدنيي برد كتير ..كنت عم صلي الفجر وقت سمعت صوت بكي بساحة الميتم..رحت لشوف مين يلي بيبكي.. 《ابو ناجي: شو يا بنتي.. ليش انت هون بالبرد سارة: (تبكي) ........ كانو تيابا كلن مي وعم ترجف.. ابو ناجي: تعي يا بنتي لجوا تعي مسكتا من ايدا لدخلا لجوا.. سحبت ايدا من ايدي وهي عم تبكي سارة: هلأ بتضربني عمو.. ما بدي فوت ابو ناجي: مين يلي بتضربك سارة: الخالة عمو الخالة.. هلأ بتضربني ابو ناجي: شو هالحكي هاد.. لا ما تخافي ما بتضربك سارة:(تبكي) والله رح تضربني وتحبسني بغرفة الفيران نزل ابو ناجي لعندا ع ركبو وكمل حكيو معا.. ابو ناجي: وليش؟ شو عملتي؟ نزلت سارة عيونا بالارض وهي عم تبكي.. ابو ناجي: اي فهمت.. ما في مشكلة عمو.. هني الصغار دائما هيك بيعملوها تحتن.. لا عاد تهتمي.. تعي لنفوت لجوا.. مسكتا بالغصب من ايدا وهي عم تترجاني انو ما فوتا.. فوتا لجوا ووقت شافتا المربية .. المربية: لك شوووو هاد.. لي فتي لهون.. لييييش انا انصدمت وقت سمعتا .. ابو ناجي: يعني انت يلي طالعتيها لبرة؟ المربية: اي ..انا ابو ناجي: لك حرام هالشي.. حرام .. الدنيي مطر وبرد المربية: اي خرجا.. ما عم تستوعب ..كل يوم بتعملا تحتا ابو ناجي: لا حول ولا قوة الا بالله مسكتا المربية قدام عيوني من ادنا وكأنو عم تمسك شي دابة .. شحطتا ع الحمام والبنت تصرخ..

العضوة: 743708 , 5 years ago

مسكتا المربية قدام عيوني من ادنا وكأنو عم تمسك شي دابة .. شحطتا ع الحمام والبنت تصرخ.. سارة: بترجاكيييي.. تركينيييييي دخلتا ع الحمام وحممتا بمية باردة بعز البرد يلي كنا فيه.. ابو ناجي: لك حرام عليكي.. لك حرام طلعت المربية من الحمام وهي كتير معصبة.. المربية: اي قرفتن.. ما عاد تحملت ابو ناجي: لك لو كانت بنتك بتعامليها هيك؟؟ ولو كنلا اهل بتعامليها هيك؟؟.. بس لانو مالا حدا يسال فيها المربية: اي بعد من وشي وخليك بشغلك.. ما دخلك》 تاني نهار فاقت البنت وهي كتير سخنانة وحولوها ع المشفى ..بقيت فيه شي اسبوع .. باسل: وانت ليش وقتا ما حاكيتو للاستاز الامين؟ ابو ناجي: حاكيتو.. وبنفس النهار يلي انتقلت فيه البنت ع المشفى طردها للمربية .. وبعدا بعت طلب بدو مربية جديدة .. اجت هبة الله يرحما ومعا فارس .. اول قصة انكشفت الو هي قصة البنات يلي كان يبعتن لشباب وهبة يلي كشفتو وقتو .. وبعدا قتلا لهبة.. وكل هاد وما في حد سائل عنو ولا عن يلي بيصير معن.. مرفت: وهلا شو رح يصير .. رح نبقى هيك؟ باسل: رح حاول حلا ..هلا بفكرلي بشي ..ما بصير فارس يضل بالدار ابدا ابو ناجي: انتو ما سمعتو مني شي.. والله بينخرب بيتي باسل: اي ولا يهمك

العضوة: 743708 , 5 years ago

(الجزء الرابع) والاخير @rwayate تاني نهار كان من نصيب ولد اسمو غيث عمرو عشر سنين.. امين: مرفت ندهيلو لغيث ليطلع مع فارس مرفت: حاضر ندهتلو لغيث ومسكو فارس من ايدو وهو عم يطلع بمرفت ويتبسم.. طلعو سوا وطلع وراهن باسل من غير ما يحسو.. اخدو لغيث ع منطقة بعيدة .. فارس: برجعلك ..بدي تكون مجمع مبلغ منيح.. فهمااان غيث: حاضر تركو لغيث وراح.. كان غيث واقف بالبرد وعم يمد ايدو للناس بعد كام ساعة رجع فارس.. فارس: كيف الشغل غيث: هاد يلي جمعتو فارس: ماشي حالن.. يالا مشي معي واخدو لغيث لنفس البيت المشؤوم.. ودخل وعمل يلي عملو وفرغ غريزتو الحيوانية.. من غير ايا مقاومة من غيث او حتى كلمة وحدة.. ومن بعدا رجعو ع الميتم. غيث من ردة فعلو كان باين عليه انو متعود ع هالشي وهاي مو اول مرة .. *بالميتم* باسل: مرفت.. لك كل يلي حكيتي مزبوط.. لك هاد واحد وسخ.. الله يلعنو مرفت: كنت متاكدة من هالشي.. يا ويل قلبي عليهن لهالصغار ..وهلا شو رح نعمل باسل: هلا بتشوفي.. اذا كان فارس مفكر ما حد رح يوقفو بكون غلطان كتير مرفت: باسل انتبه ع حالك منيح... هاد مستعد بكل سهولة يقتل ايا شخص باسل: لا تخافي.. ويلي كاتبو ربك بدو يصير.. ومستعد انو موت.. بس المهم ولاد هالميتم ما يبقو تحت رحمتو لهالكلب راح باسل لعند امين وكان فارس عندو.. باسل: يعطيك العافية استاز امين: اهلا يا ابني باسل: استاز لو سمحت بدي منك تشوف هالفيديو .. تفضل وعطاه تلفونو.. امين: شو هاد اطلع باسل بفارس..

العضوة: 743708 , 5 years ago

باسل: هاد يلي حكتلك عليه مرفت وما صدقتا.. تفضل شغل الفيديو وشاف كلشي مصور.. كان عم يطلع والغضب باين بعيونو.. فارس: ههههههه لك يا غبي.. قضيت ع حالك.. لك انا ما بتهدد ولااا ورفع ايدو وبدو يضربو.. مسكو امين من ايدو بعصبية امين: فارس!! انت شو عم تعمل واطلع بباسل.. امين: روح يا ابني روح وانا رح اتصرف معو لهالوسخ اخد باسل جوالو وهو عم يطلع ع فارس نظرات قرف واشمئزاز وطلع من المكتب .. امين: لك شو هااد.. لك يا ندل.. شو هاد فارس: هههههه ندل.. ويلي انت بتعملو شو امين: لك انا وافقتك ع انن يشحدو مو تعمل فيهن هيك.. لك قصة البنات مشيتلك ياها ووعدتني توقف وساختك.. وهلأ استلمت الولاد!! فارس: انا بعمل يلي بريحني.. واياك تفكر تخبر الشرطة لانو اجرك حتكون قبل اجري.. وباسل انا بعرف شغلي معو امين: اذا طلعت القصة لبرا رح اقتلك من غير ما اسال.. فهمان تاني نهار صار الوقت متاخر وباسل ما اجا ع الميتم.. مرفت: وينو باسل لهلا.. بس ما يكون صرلو شي.. ما اجا ولا دق.. سالي.. انا خايفة ع باسل كتير.. بس ما يكون فارس عمل معو شي سالي: ليه شو صاير مرفت: (بهمس) لك باسل صورو لفارس.. ومسك عليه دليل سالي: عم تحكي جد.. ربي يحميه مرفت: امين.. رح خلص شغلي وروح اطمن عليه ببيتو سالي: اي وابقي طمنيني راحت مرفت ع بيتو ..دقت الباب وفتحتلا مرتو.. هناء: تفضلي مرفت: مرحبا.. انا رفيقتو لباسل بالميتم.. اجيت لاطمن عليه هناء: تفضلي يا روحي تفضلي.. والله صرلنا من المسا عم ندور عليه.. والشرطة ما بدن يساعدونا ليمضى 24 ساعة ع غيابو مرفت: يعني ما رجع المسا لهون هناء: لا ما رجع.. كنت مفكرة انو بقي بالميتم.. دقيتلو كتير وما رد ..رجعت دقيت ع الميتم وحكولي انو طلع ومانو بالميتم.. والله قلبي عم يغلى غلي وقفت مرفت وهي مرعوبة.. مرفت: انا رح روح للشرطة فورا طلعت من عندا مرفت للشرطة .. *بعد بساعتين* وصلت الشرطة ع الميتم .. امين: لك شو جابن هدول فارس: ما بعرف الضابط: فارس مشي معنا فارس: بس انا ما عملت شي

العضوة: 743708 , 5 years ago

فارس: بس انا ما عملت شي الضابط: بالمخفر بنعرف هالشي مشي مشي.. وانت سيد امين بدنا اياك لناخد اقوالك شحطو لفارس ع المغفر.. *بالمخفر* مرفت: هاي ارتحنا منو هالكلب امين: انت شو عملتي مرفت:(تبكي) باسل عطاني نسخة من التسجيل ..كان متوقع ردة فعلو لفارس... الله اعلم شو عمل فيه امين: لك الله لا يعطيكي العافية.. رح تجري رجلينا كلنا للحبس مرفت: لك علي انقتل.. وهبة انقتلت.. وعمايلو الوسخة لفارس مع بنات الميتم والولاد كلا بتعرفا.. وهاي باسل اختفا.. وانت لساتك مصر ما بدك تخبرن استجوبن الضابط لمرفت وامين ورجعو ع بيوتن.. وبعد التحقيق .. والتسجيل يلي عطتو مرفت للشرطة وشهادة ابو ناجي.. فارس اعترف بكل جرائمو واعترف بانو امين كان يستغل الاطفال ويشغلن بالشحدة .. وحكالن عن المكان يلي حابس فيه باسل.. وهو مخزن الميتم

العضوة: 743708 , 5 years ago

راحو فورا ع المخزن وطالعو لباسل يلي كانت حالتو كتير صعبة.. وحولو للمشفى وتاني نهار .. الضابط: فيك تحكي باسل: اي ..انا منيح الضابط: بدنا ناخد اقوالك باسل: الشريط يلي معكن بيحكيلكن كلشي وانا بزدلكن عليه بانو امين كان يشغلن للولاد بالشحدة وكان يعرف بانو انا محبوس هون وهيك بان الحق.. وانحكم على فارس بالاعدام فورا وامين انسجن فترة لتشغيلو للولاد وسكوتو عن عمايل فارس.. والميتم استلمو مرفت وباسل وسالي يلي كانو حنونونين ع الاطفال انتهت هالقصة كتبتا وقت قرات حادثة حقيقية صارت بدار ايتام.. ويلي بتبين قديش هالفئة مهمشة بمجتمعنا

العضوة: 798859 , 5 years ago

الله لا تربحهم وين الرحمة هدول قلوبهم حجر

العضوة: 776724 , 5 years ago

قصه مولمة🥺

العضوة: 564706 , 5 years ago

@user-743708 الله لايرحمهم لادنيا ولاآخره حسبي الله ونعم الوكيل الله يسترعلينا وعلى جميع المسلمين

العضوة: 743708 , 5 years ago

😢😢😢

العضوة: 782632 , 5 years ago

@user-743708 الله يساعد بشر