#الجزء_الأول... الساعة 12 بالليل بنت بشعر بني ناعم مغطي كتافها البيض ئاعدة علئ موقف. . كانت لابسة بنطلون اخر موديل وبلوزة مغرية لدرجة بتلين الحجر ... شافت سيارة فارهة وئفت ئبالا وطل منها شب... الشب :مرحبا يائمر البنت (بدلع ):أهلين الشب :كأنك مئطوعة ؟ البنت :اي والله ... الشب :وووبتحبي ساعدك ؟ البنت :ياريت .. بدي توصلني لمكان بعيد شوي من هون الشب :مو تكرم هالعيون الحلوة ...طلعي طلعي ولي علئ ئلبي 😍 طلعت البنت ... الشب :شو رأيك آخدك مشوار مابينتسئ.؟ البنت :لوين ؟ الشب :في حفلة عاملينها رفئاتي شباب وصبايا شو رأيك نحضرها سوا البنت (بدلع ):اوك موافئة ...بس....بالأول خدني علئ هالعنوان وبعدين بروح معك وين مابدك يا البي 😉 ابتسم الشب وشغل السيارة ومشي فيها .. وأخيرا وصلو علئ منطقة شبه مئطوعة ووئف بالسيارة ... حط الشب ايدو علئ كتاف الصبية وئال :وين كنا ؟ البنت :كنا فيك ئرب الشب عليها وكان بدو يبوسها لما حس بشي نفض جسمو والكهربا عم تسري جوا عروئو وأخيرا غمي ... دفشتو البنت عنها وضبت آلة الصعق بشنتتها ....:العما شو مئرف طلعت من السيارة واستندت عليها. وولعت سيكارة وئالت بصوت عالي :طلعو خلصوني ... طلعو تلات صبايا من بيت مهجور وكل وحدة فيون احلا من التانية ...😍 ...:ياهلا بالحامل والمحموول ،شو شموسة شكلا هالمرة خابتطيها وجايبة شي محرز شمس :ليش بيصير ؟ يالله شهد ويمنئ شوفو شغلكون وانتي ميرا الحئيني زتت السيكارة من ايدها وفاتت لجوة مع ميرا اما شهد ويمنئ فتحو السيارة لحتا يفحصوها يمنئ :وااااااو شكلا هالسيارة غالية وآخر موديل 😕 شهد :اي احسن ... كل ماكانت غالية ئطعها بتكون اغلا ...يالله خلينا نبلش ئبل مايصحئ هالأفندي كانت شمس ئاعدة مع ميرا ... شمس : بتعرفي انا صرت ائئرف من حالي وانا عم بستدرج هالخواريف ميرا :شورأيك تاخدي بريك واطلع بدالك شمس :الئصة مو ئصة بريك ...بس انا خايفة شي يوم نوئع وننمسك والله بنروح فيها ميرا :ازا ضلينا حذرين ومبعدين حالنا عن العيون مارح حدا يشك انو اصلا بنات اللي عم يعملو هيك شمس :اي بس عم فكر نشتغل شغلة غير سرئة ئطع السيارات ميرا :ههههه وشو بدنا نشتغل ؟ خضرجية علئ طنبر ؟😂 شمس :لا وانتي السادئة بياعين غاز 😂 ميرا :طووووط طووووط غااااااز 😂 شمس :ههههههه هلء شيلي المزح عجنب ميرا :شلنا تفضلي انسة شمس افحمينا شمس :طيب انا عم فكر بشغلة وبدي اخد رأيك ميرا :شو هية ؟ شمس :خلينا نوسع شغلنا ... ورح ئلك كيف وبرة .. شهد :وهي خلصنا يمنئ : عم فكر بس يصحئ ويشوف ئطع من سيارتو ضايعين ... نفسي شوف وجهو بهالحالة 😂 شهد :والله يمكن ينجلط ،لأنو هي السيارة غالية وئطعها مفئودة بالبلد ،بس لاتخافي عليه ...شكلو مريش وبدال السيارة بيشتري عشرة متلا يمنئ :بتعرفي كل مرة بنسرق فيها ضميري بصير يأنبني ،والله حرام ... شهد :حرااام ! هههههه حبيبتي هالشب وأمثالو اللي راكبين هيك سيارات بتعرفي اهاليوون شو بكونو بيشتغلو ؟ يمنئ :.....