رامي. وينك سناء تعالي بدي قلي شغلة سناء. نعم حبيبي شوفي رامي. اليوم عزمت رفقاتي عالغدا بدي تعمليلنا من كل الأنواع والأشكال سناء. ولي اي هلأ الساعة 1 الضهر مابلحق رامي. بتلحقي يلا رح جبلك الأغراض بلشي فورا سناء. طيب ماشي سناء عمرها 21 تزوجت رامي من سنتين بعد قصة حب طويلة عاشوا هالسنتين بكل راحة وهنا بس في شغلة كانت تسببلهن دائما احراج هي الأولاد سناء بعد ماتزوجت طلعت مابتجيب اولاد بس ماتغير شي لانو كانوا بحبوا بعضهن كتير ورغم حبها لرامي كانت بدها تزوجو حتى ماتحرموا من الأولاد بس رامي ماوافق ابدا بحكم حبو لسناء أما سناء فكانت قصيرة وسمرا كانت دائما تحاول تسعد رامي بكل شي وكانت حياتهن سعيدة نوعا ما رامي. شو حياتي حضرتي كل شي سناء. اي حضرت رامي. لك الله يخليلي ياكي وين رح لاقي متلك سناء. انا منشانك بعمل اي شي رامي. بحبك سناء. وانا كمان اجوا رفقات رامي وتغدوا وبعد ماراحوا سناء. اشتغلت كتيييير وراح كلو بثواني رامي. هههههههه يلا مو مشكلة رح عوضك عن كل التعب سناء. انا بس شوفك بنسى تعبي كلو مرت الأيام بس رامي كان عم يتغير كتير على سناء في شي قلبو 180 درجة الفرق كان واضح عليه كتير رامي. اليوم جايين رفقاتي بدي تعمليلي من كل الأطباق فهمتي لك يلا شو عم تستني سناء. خلص فهمت شبك بس والله يمكن مالحق مامعي غير ساعتين رامي. لك يضرب دلان النسوان بتلحقي يلا اشتغلي اشتغلت سناء كتير كان اكتر يوم متعب بمر عليها اجو رفقات رامي وتغدوا سناء. لازم تعوضني عن هالتعب الي تعبتو رامي. شو امرتي ياخانم العمى شو صايرة مدللة حالك روحي شوفي النسوان شو بيشتغلوا ومابيفتحوا تمهن بحرف سناء(تبكي). خلص مابدي تعوضني رامي. لا حلفنا رح عوضك العمى شو هاد راح رامي وترك سناء عم تبكي كان مايهون عليه تنزل دمعة من عينها طيب شو تغير هلأ معقول موضوع الأولاد قاهرو هالأد معو حق بس هي عرضت عليه انها تزوجو هو ماوافق ضلت سناء محتارة من هااتغيير المفاجئ ليليتها مارجع رامي نام بالبيت وبعدها صار اكتر الأيام يسهر برات البيت واحيانا مايرجع وتصرفاتو مع سناء تغيرت كتير كتير صار يضربها ومايهتملها ابدا مراد (صديق رامي). الووووو انت سناء تعالي بسرعة رامي عمل حادث سناء. شوووو حادث!!!