العضوة: 743708 , 5 years ago

نورا: بعرف انه الشي يلي صار معك كتير صعب ويمكن مابيحقلي اطلب مـڼـڱ تسامحي عيسى بس هو هلأ صار بديار الحق وشو ماكان عامل مابتجوز عليه الٱ الرحمه دمعوا عيون عرين واتجاهلت كَلَّمَـےـاتِـ نورا بأنها تسامح هداك الشيطان البشري وحكت بصوت مهزوز عرين: رح تتترجعيني لهديك المره نوره: لٱ، ،، امك رح تنسجن وانتي مالك حدا تروحي لعنده لهيك رح اخدك معي عالبيت وازا بدك بعرفك عالبنات يلي بالميتم عرين: ميتم نورا: اي ميتم، ،، انا •اللّـہ̣̥ ماطعمني ولاد لهيك اسست هالميتم لاحمي الاطفال م̷ـــِْن البطش والظلم عرين : انا مابدي روح معك لبيتك انا بدي عيش بالميتم نورا: بدك تعيشي بالميتم! ! بس انتي،،،،،، عرين: انا متلي متل اي لقيط او يتيم حتى لْـۆ كان اللي اسمه ابي زوجك، ،،، انا بدي عيش كل عمري بالميتم وصير متلك ومن هداك اليوم أجت عرين ع الميتم وبقيت تحت رعاية نورا يلي كانت هي الأم الحنونة يلي ربتها على المبادئ والأخلاق الصالحة عرفت أنو كل أفعال أمها مستحيل تكون أفعال أم حقيقة قررت تمحي أمها من حياتها و أبوها وشو ما كان ما بدها تسمح لحدا يدخل حياتها ولا بدها تتزكر الماضي صارت نورا هي أمها وكل الموجودين بالميتم عيلتها و أخواتها لهيك رفضت تطلع من الميتم بعد ما صار عمرها 18 وصارت أحن و أقرب مربية لكل الأولاد ،،،،،،، ™̸̮بَََّـْْْـْْْbackـََْْـَّْْآَّڪَْْ∂⌣̶♥️ كيندا: وقت التقيت بالمدام نورا لاول مَـرّھٌ فكرتها سيده قويه ومتسلطه عرين: هي بتحاول تخفي طيبتها ورى قناع اخترعتله لنفسها واتعودت عليه وصارت تتقن تتحكم بملامحها لتبين سيده قاسيه بس بالحقيقه هي اعظم مخلوق علـّۓ. وجه الارض كيندا « مسكت ايدين عرين بقوه » وانتي كمان عظيمه ياعرين بيكفي حبك وحنيتك عالاطفال وابدا ماسمحتلي للماضي يأثر عليكي سلبا عرين: هالشي بفضل امي نورا وصدقيني لولاها لتربيت بقوقعه منعزله عن كل الحياه الخارجيه لَـگِنْ م̷ـــِْن فضل ربي انه بعتلي نورا لتعوضني عن حنان الام والاب يلي دفنوا طفولتي قبل ماتولد

العضوة: 743708 , 5 years ago

حيرره وتشويش كانو مسيطرين علـّۓ. كيندا وهي راجعه لبيتها كانت تطلع م̷ـــِْن قزاز السياره عالماره وكيف الامهات ماسكين ايدين ولادهم وعم يقطعوهم الشارع وبجهه تانيه اب بيلاعب ابنه وبيحميه م̷ـــِْن قطرات المطر وقف التاكسي عند الاشاره يلي التقت فيها بهديه وبسرعه مسحت دمعتها وصارت ادور بحجر عينها كيندا: منيح هديه مو طالعه الًيَوُمًِ تبيع ورد ،،،، ومين قلك ماطلعت انتبهت كيندا انه شوفير التاكسي بيحاكيها وبيطلع فيها م̷ـــِْن مرايته وبعد مادققت فِيَھ حكت بدهشه كيندا: هاد انت! !! ،،، اي انا وعلى فكره اسمي محسن وكتير تمنيت ترجعي تركبي معي لاعتزر مـڼـڱ عالشي اللي بدر مِڼـّي كيند « لوت تمها بعدم رضا » المفروض تعتزر م̷ـــِْن الطفله يلي جرحتها م̷ــو مِڼـّي محسن: ايه معك حق، ،،،، ساد الصمت وفتحت الاشاره وتحرك محسن بسيارته ولاحظت كيندا انه غير الطريق وحكت منبهه كيندا: هاد مو طريق بيتي انا ماطلبت مـڼـڱ تجي م̷ـــِْن هون محسن: اي بعرف بس في تحويله و م̷ـــِْن هاد الطريق بنوصل اسرع كتفت كيندا ايديها وزاحت وجهها عالجهه التانيه والتزمت الصمت لحتى وقف التاكسي محسن: وصلنا كيندا: لوين وصلنا انت اهبل شي محسن: ولشو الغلط اطلعي حواليكي لتعرفي وين وصلتي كانت كيندا متضايقه م̷ـــِْن تصرف هالشخص عديم الاحساس واطلعت حواليها لتفهم شو غايته وتخلص منه لكنها تفاجأت بهديه واقفه بمحل ورد صغير ولابسه تياب نظيفه ودافيه نزلت كيندا م̷ـــِْن السياره وتوجهت لعندها بسرعه كيندا: هديه! ! انتي هديه هديه: اي انا هديه مين انتي كيندا: ماعرفتيني سكتت هديه شوي وكأنها بتحاول تتزكر وين شافت هالوجه يلي بدا مألوف الها وبعدا ابتسمت ابتسامه عريضه هديه: امبلا عرفتك انتي يلي اشتريتي مِڼـّي كل الوردات وعطيتيني مصاري بزياده كيندا: اي انا، ،، شو عم تشتغلي هون هديه: ايه هاد المحل لعمو محسن، ، بتتزكري وقت رفض يشتري مِڼـّي الوردات وقلعني ،،، تاني يوم لقيته اجا لعندي وعرض عليي اشتغل بهاد المحل بعد مدرستي كيندا « بفرح » يعني انتي عم تروحي للمدرسه هلأ هديه: ايه وكله م̷ـــِْن فضل •اللّـہ ومن بعد الله̣̥ فضل عمو محسن اتنفست كيندا براحه بعد احساسها يالضيق م̷ـــِْن بعد مَآعِرَفتّ قصة عرين، ،، لكنها وقت شافت هديه والشي يلي عمله محسن روادها احساس بأنه الدنيا لساتها بخير وفي قلوب ماماتت فيها الرحمه *╚══════ღღ═

العضوة: 743708 , 5 years ago

مشت الايام وقدرت كيندا تزرع الامل بقلوب اطفال كانو عايشين علـّۓ. هامش الحياه والحزن متمكن منهم، ،، وبيوم بعد ما رجعت هيفاء لطبيعتها وكلها نشاط وحيوية كانت عم تشطف الصالة مع هيا وعم يغنو ويضحكو لوقت سمعو صراخ جميلة على الأولاد وهنه عم يركضو قدامها ويضحكو عليها و أول ما دخلت جميلة ع الصالة شافوها البنات وهي لابسة أبيض من فوق لتحت صارو يضحكو ويغنولا سمع سمع، سمع طلت بالأبيض وعم تمشي بدلع سمع سمع، سمع طلت بالأبيض وعم تمشي بدلع من يوم يومك أخدي عقلي تا أخدك حطيت كل تقلي كثر الغنج والحب لابق لك إنت جمالك إيه لابق لك سمع، سمع جميله: وعم تخفف دم مـڼـڱ الو اي والله لخلي عالعصايه تعلم ع جنابكن رفعت عصايتها وصارت تركض وراهن وما انتبهت علي المي بالأرض ظلت تركض ورى الاولاد لحتى دعست عالمي يلي كلا سائل جلي وتزحلقت ووقعت بالأرض وصارت تصرخ من الوجع جميله: اااااه ياضهري هيفاء: ولي هيا روحي اندهي للانسات بسرعه هيا: حاضر اجتمعو الاولاد فوق راسها منهن يبكي عليها ومنهن ركض ليخبر الانسات اما هيفاء قعدت بحدها وسندتها وبلشت تتفحصها اذا صابها شي عمر : صرلك شي خاله جميله مشان •اللّـہ̣̥ لاتموتي جميله: موووت ياخدك ويريحني مـڼـڱ يانص نصيص استنى عليي لاقدر وقف اااااخ ياضهري ڵـڱ والله لنتفكن واحد واحد اجتمعو الأنسات و الاطفال كلهن حد جميلة نورا: خير جميلة صابك شي جميلة : لا مافيني شي بس هالبهايم كابين المي على الأرض وكلا سائل جلي وما نبهوني نورا : الحمدلله عسلامتك قربو كيندا و عرين وسندو جميلة لياخدوها لمكتب عرين وهي استندت عليهن ومشت وصارت تصرخ على الاطفال جميلة : أنقبر منك الو روحو على غرفكن يخرب بيتكن ما بيجي من وراكم الا المصايب وأنتي ولي هيا حسابك بعدين أنتي و هيفاء كيندا : شبك جميلة طولي بالك عليهن جميلة : لك والله لو ما أجري عم توجعني لروح ربيهن من أول و جديد قعدت جميله عالكرسي وهي تتحسس ضهرها واجرها ولساتها عم تتدب حظها وتتحلف للاولاد

العضوة: 743708 , 5 years ago

جميله: انا بفرجيكم يانور وين راااحت عصايتي عرين : ربطي زندك جميلة كيندا : انتي ليش هيك عم تظلمي الأطفال جميلة ما شفتيهن كيف كلن بحبوكي و خافو عليكي وقت وقعتي جميلة : اي اكيد بدن يقربو يساعدوني لأنن بخافو اعاقبن اذا ما ساعدوني كيندا « تكتفت. ورفعت حاجبها» على فكره أنتي غلطانة لو تصرفهن معك بس لأنن بخافو منك كانو تركوكي وبالعكس دعو عليكي مشان يخلصو منك جميلة : انتي غلطانة هدول الأطفال لا بحبن ولا بحبوني كيندا : حاج تمثلي جميلة فكرك ما لاحظت تأثرك و زعلك على دانيا و خوفك على هيفاء وقت كانت مصدومة وماعد قبلت تاكل عرين : وكمان دموعك يلي ما قدرتي تخبيهن وقت شفنا دانيا وحرصك انو الاطفال ما يشوفوها جميلة : اناااااا اكيد انتو غلطانين ما بيفرق معي حدا انا كيندا : بكفي تمثيل جميلة انتي جواتك قلب طيب و صافي لا تكملي كل حياتك هيك وتدمري حالك وتبعدي العالم من حواليكي سكتت جميله ونزلت عيونها بالارض وبعدا شرعت بالحكي جميلة : مشان الله فهموني انا مافيني كون غير هيك مافيني كيندا : ليش جميلة ليش شاركينا وجعك يمكن نقدر نساعدك جميلة : انا لازم كون هيك لأنو بهي الحياة البقاء للأقوى. أن لم تكن ذئب أكلتك الذئاب كيندا : كيف فيكي تعتبري الأطفال ذئاب ما عم صدق كيف انسانة بعمرك لازم تكون سند للأطفال يلي تحت رعايتها هيك بتفكر جميلة : أنا مجبورة كون هيك مجبورة كيندا: وليش مجبوره

العضوة: 743708 , 5 years ago

كيندا: وليش مجبوره جميله: من لما كنت صغيرة أبي تزوج على أمي لأن كل خلفتها بنات وهوي بدو الصبي تزوج وجاب عروستو تسكن معنا بنفس البيت كانت قادرة و قوية و أمي ضعيفة ومسكينة كل يوم من الصبح توعينا انا و اخواتي لنشطف و نمسح ونرتب البيت ما تسمحلنا نرتاح ولا دقيقة وعصايتها دائماً بأيدها كل وحدة ما بتلبي طلباتها تاكل نصيبها من الضرب قدام عيون أمي يلي كانت متلنا تشتغل و تطبخ وتنفذ طلبات خالتي ورغم كل هاد ما كنا نخلص منها بس يجي أبي تصير المظلومة وتشكيلو علينا ويرجع هوي يعطينا نصيبنا من الضرب أمي ماكان يطلع من أمرها شي غير أنو تقلنا أصبرو وتحملو و الله بيفرجها سنين طويلة ونحن عايشن بهاد العذاب لحتى أخر شي قررت صير من طرف خالتي وفعلاً صرت وقت تشكي علينا ل أبي أشد معها و ما كذبها وهي صارت تغير معاملتها معي و ريحتني من كل الشغل وصارت تقلي بهي الحياة بدك تكوني قوية وبلا رحمة لتعيشي ،،،، عطتني عصايتها وصرت أضرب أخواتي اذا ما نفذو يلي بطلبو منهن وصرت نسخة مصغرة منها وباليوم يلي تخرجت فيه وصرت أنسة خالتي باركتلي وحطت بأيدي هي العصاية و قالتلي أنتي هلأ بدك تتعاملي مع أطفال صغار ما تكوني غبية وتقولي صغار ومعلش وتسمحيلن يعذبوكي لأن ما بيستوعبو خليكي عرفانة انو هدول متل البهايم مافيهن عقل يفكر والبهايم ما بتجي غير بالضرب واذا ما كنتي هيك الكل راح يستغلك ومحدا راح يعملك حساب لا صغير ولا كبير ومن هداك اليوم وانا متل ما بتعرفوني لأني مابدي كون فريسة سهلة متل امي عرين: وانتي مقتنعه انه الاطفال مجرد بهايم ومابيجوا الا بالضرب جميله: معلوم والدليل كلن بس يلمحوا عصايتي عم تلولح بيخافوا كيندا : جميلة أنسي كل هاد الشي وسمعي قلبك شو بقلك صدقيني أنك راح ترتاحي أكتر ببقطع حديثهن دقات كتيرة على الباب و أول ما حكت عرين تفضل دخلو الأطفال صغار وكبار وهجموا علـّۓ. جميله وصارو يحضنوها و يبوسوها وجميلة تبعدهن عنها جميلة : لك بعد أنت وياه راح تخنقوني شبكن عمر : خفنا عليكي كتير هيفاء بضحك : اي صح خفنا يبطل حدا يلحقنا بالعصاية جميلة : خرسي ولي هيفاء هيا : كتر الغنج والحب لابقلك ايه لابقلك جميلة : أي لااا أنتو بلا عصاية بتنجلقو على الأخير قايمتلكن أنا طلعو البنات من الغرفة وطلعت وراهن جميلة تاركين عرين و كيندا وراهن عم يضحكوا

العضوة: 743708 , 5 years ago

بعد ما انتهت كيندا من كتابة رسالتها وخلصت مهمتها بالميتم كانت واقفة بمكتب عرين ومستنده ع الشباك عم تراقب الأطفال كيف متناسين اوجاعهن أو عم يتظاهرو بالتناسي ومصطنعين الفرحة وهني عم يركضو ويلعبو بالساحة دمعة باردة هربت من طرف عينها وهي عم تفكر شو مصير الأطفال وكيف بدن يقدرو يواجهو الحياة بعد كل الضربات يلي أكلوها م̷ـــِْن نعومة أظافرهم طلعت من شرودها وقت قربت منها عرين و ربتت على كتفها عرين : راح نشتقلك كتير كيندا كيندا ( ببكاء) : وأنا أشتقتلكن من هلأ وعازز علي فراقكن عرين : معلش كيندا خليكي قوية كيندا : تعودت على وجودكن بين الولاد ومو متخيلة كيف بدي فارقكن وبطل شوفكن عرين : ليش انتي مابدك تزورينا ولا بس خلصتي شغلك ماعد بدك تجي لهون وتزورينا كيندا : أكيييد راح ابقى زوركن ليش بقدر على فراقكن عرين : لكن يالله مسحي دموعك وخلينى ننزل كيندا : يالله أمشي عرين؛ وين الضحكة ولي كيندا : هههه ما أحلاكي يا عرين شايفتيني صغيرة قدامك حملت كيندا شنتتها و أخذت كل أغراضها ونزلت مع عرين وقفوا حد البوابة وكيندا عم تسترق اخر كم نظرة للميتم وتتذكر أيامها فيه وكل قصة لطفل صارت تمرق قدامها متل شريط سنمائي لحتى فجأة سمعت صوت جميلة : وكأنو عم تفكري تطلعي بدون ما تودعينا ألتفتت كيندا لتشوف جميلة وكل الأطفال مجتمعين وجاين ليودعوها جميلة : شو انصدمتي لأنو مسكناكي قبل ما تهربي كيندا : أنا صعب علي الوداع ما بقدر أتخيل أنو هاد يكون أخر لقاء هيا : لو سمحتي لا تخليه يكون أخر لقاء نحن حبيناكي وتعودنا على وجودك ركض عمر لعند كيندا و ارتمى بحضنها وهوي عم يمسح دموعو بكف أيدو ويشهق عمر : بترجاكي ما تتركينا من زمان نحن بحاجة الك ما تتخلي عنا بعد ما صرتي الأمان ألنا والنور يلي بيجي من خارج هاد الميتم أنهارت كيندا بالبكي و حاولت تثني ركبها لتصير بطول عمر وتحضنو ولكنها فشلت و خانتها قواها و وقعت على الأرض بين جميع الأطفال ركضو الكل لعند كيندا ليساعدوها توقف ولكنها أشرتلن ليتركوها قاعده عرين: وليي عليي صرلك شي كيندا « بتألم » لٱ مافيني شي عمر( بحزن) : سامحيني ما كان قصدي أعمل هيك بتمسك جميله ايد عمر لتبعده عن كيندا بس كيندا بتشدو لحضنها كيندا: لا تزعل حبيبي أنت ماخصك اناا، ،،،

العضوة: 743708 , 5 years ago

كيندا: لا تزعل حبيبي أنت ماخصك اناا، ،،، بتسكت فجأه وبتظل عيون الكل يطلعوا فيها بتعجب عرين: فيكي شي كيندا كيندا: لٱ ابدا بس انا صار لآزٍمٍ امشي وقبل ما توقف بتشوف كمال واقف قريب منها و وأبتسامتو يلي أعتادت عليها مختفية ومحلها في دموع ونظرات حزينة بتمد أيدها بإتجاهوو وبتأشرلو ليرتمي بحضنها كيندا : يا حبيب قلبي مابدي شوف هي الدموع مره تانية أنت روح هالمكان و فرحتو بيسموعو الكل صوت نورا وهي نازلة وعم تنده على كيندا بيلتفت عليها الكل وبهي الأثناء بتوقف كيندا بدون ماينتبه عليها حدا وبتتقدم نحو نورا كيندا : نعم ست نورا نورا : منيح لحقتك قبل ما تروحي بدي قلك أنو الكل هون حبك وحسيناكي وحدة منا وفينا أيمت ما حبيتي تجي لهون راح تلاقي بواب هاد البيت مفتوحة والكل منتظرك كيندا : شكراً كتير الكن كلكن عنجد شكراً ودعت كيندا الكل وبين بكا وشهقات ونظرات كلها حزن و عتاب همت لتمشي وهي حاملة بقلبها قصص و أوجاع كتيرة وبعد ما مشت كم خطوة حست على جميلة وقت مسكتها من أيدها و وقفتها جميلة : شكرا الك على كلشي كيندا أنتي فتحتي بصيرتي على الدرب الصحيح وعلمتيني كيف كون أنسانة كيندا : لا تحكي هيك جميلة أنتي جواكي روح نقية و صافية بس الظروف يلي مرقتي فيها هي نشرت السواد داخلك ولأنو طيبتك أقوي قدرت تمسح هاد السواد جميلة : وعديني أنو مارح تغيبي كتير كيندا : بوعدك انو مارح تلحقي تشتاقيلي وبعد ما مشيت من الميتم لقيت محسن ناطرها ركبت معو وهي ملتزمة الصمت وشاردة علي غير عادتها لحتى زاد فضول محسن وصار يسألها محسن: شبك ليش مهمومة و زعلانة كيندا: الًيَوُمًِ كان آخر يوم الي بالميتم ويوم السبت رح قدم رسالة الماجستير وكتير متوترة و مضغوطة محسن؛ الله يوفقك و ينولك مرادك أنتي أنسانة طيبة وبتساهلي كل خير وصلت كيندا على بيتها توضت و صلت فرضها وقعدت قدام الكمبيوتر.وحطت دفترها بحدها وبلشت تكتب «« هذه هي قصتي وقصة اطفال كثر في العالم ممن يبيعون احلامهم وسط الغام الزمان ووحوش المكان ..

العضوة: 743708 , 5 years ago

انتهت مع تحياتي لكم رحيق الجنة ام زيد

العضوة: 785681 , 5 years ago

@user-743708 يسلمهن كتير حلوه القصه... هههههه بس تانيه مره وقت تنزلي قصه راح البس نظارات لان عيوني غبشو والقصه مشوقه مافيني ماكملها🌷🌹🌷🌹

العضوة: 731325 , 5 years ago

.

العضوة: 743708 , 5 years ago

حبيبتي انتي الحلوة

العضوة: 768521 , 5 years ago

😭😭😭😭😭🌹🌹🌹🌹🌹😔😔😔😔😔🌷🌷🌷🌷🤣💐💐💐💐🌸🌸🌸🌸🌸🥀🥀🥀🥀🥀🥀🥀😭😭😭😭😔😔😔😔😔😍😍😍😔🌼🌼🌼🌼🌼🌼🌼🖤🖤🖤🖤🖤🖤🖤🖤🖤🖤🖤🖤🖤🖤🖤🖤🖤🖤🖤🖤🖤🖤

العضوة: 550643 , 5 years ago

@user-743708 اسلمو حبي مروشتي كل قصة بتنزليها بتكون احلا من الثانية

العضوة: 743708 , 5 years ago

😍😍

العضوة: 743708 , 5 years ago

😂😂😕😕😕😟😟😞😞