كانت ملامحها متلبكة كتير ، اخدت من ايدي كاسة المي و ابتسمتلي .. مجهولة : شكراً عذبتك ليا : ولا يهمك عدي ارتاحي اذا بتحبي مجهولة : لا لا مستعجلة ، فرصة سعيدة .. لفت غراضا بشنتايتا و مشيت بسرعة وهي عم تتلفت لعندي ، كان لبسها كتير غريب حاطة على راسا اشار ومبين خسل من شعرا ، ولابسة قميص طويل و برجلا شحاطة مسكرة .. كنت عم اتطلع عليها و اتأمل مشيتها الغريبة ، بعد شوي طلع زوجي من البيت ونادالي ، دخلت ع البيت كان ابني لصغير عم يبكي .. حملتو وقربتو ع صدري مشان رضعو .. و انا عم ارفعو لقيت بحرامو ورقة ... وائل : شو هالورقة ليا : مبعرف ، كانت بحرام ورد ستنا لشوف .. فتحت الورقة لقيت مكتوب فيها " ديري بالك ع البي " خفت كتير ، من وين اجت هالورقة .. اتطلعت بوائل بكل خوف .. ليا : وائل شو يعني هاد الكلام ؟ وائل : مابعرف ليا : معقول هي البنت هي يلي حطت الورقة ، طيب شو بدا ومين هي ؟ وائل : مابتعرفي شو اسما او مين هي ؟ ليا : لا شربت مي و راحت بسرعة بس كانت خايفة ومتلبكة كتير وائل : انسي حياتي هي اكيد شي حدا بدو يتسلا معنا لاتاكلي هم . ليا : مين ، ماحدا غريب فات ع البيت اصلاً وائل : اكيد هاد شي حدا من ولاد الحارة يعني انتي عم تقوليا بلسانك ماحدا غريب فات ع البيت معناتا خلص ليا : طيب ماشي .. كل الوقت كنت عم كزب ع وائل و اعمل حالي مو مهتمة والشغلة سخيفة بس بالحقيقة كانت الافكار عم تاخدني وتجيبني ومو عرفانة شو القصة وشو حقيقة هالورقة ياترا عنجد هي كذبة ولا تسلاية ولا صدق فئت تاني يوم الصبح لبست و اخدت ابني ورد ورحت لعند اهلي .. اعدت وانبسطت مع اخواتي و ولادهن .. المسا اتصلت فيني حماتي وكانت معصبة ليا : خير ماما شبك حماتي : الله ياخدك منين الخير ليا : شبك ليش معصبة حماتي : منين بدو يجي الخير و النحس انتي موحودة ، شرفي ع البيت وليه سكرت التلفون بوجهي ، صرت ابكي من يلي حكتو معي حماتي ماكنت عرفانة شو السبب مجرد اني اكلت بهدلة ومابعرف ليش لبست بسرعة و اخدت ابني ورحت لعند حماتي ، اول ماوصلت كنت عم ابكي دئيت الباب .. ووقغت و انا خايفة