الجزء الاول
ااااخ مشان الله يابي مشان الله خلص ماعد عيدا والله ماعد عيدا الله يوفقك
والله لموتك يا كلبه يا حقيرة هيك بتخجليني قدام الزلمة انا بفرجيكي والله غير تضلي محبوسه هون وماعد في روحه عالمدرسه
يمام: مشان الله يابي خليني كمل بس هالسنه الله يوفقك لا تبطلني من المدرسه
ليك ولا يزن ازا بتجبلا مي او اكل غير قطعك وارميك للكلاب
يزن: حاضر يابي مارح جبلا شي
(( انا يمام عمري ١٤ سنه صف تاسع بيضه .. طويله ونحيفه.. تمي وانفي صغار ...عيوني وساع وكبار لونن عسلي ...شعري طويل لاخر ضهري لونو بني فاتح بقولولي اني حلوة كتير ونص بنات المدرسه بيغارو مني متوفقه بدراستي كتير ))
امي متوفيه من وقت ولدت اخي يزن وابي مقطوعه ايدو اليسار من وقت وعيت عليه وهية ايدو مقطوعه ومابعرف شو السبب ،ظالم كتير وبضلو يضربني انا واخي بشغلنا ابي بكلشي بيخطر عبالو مشان نجمع مصروف البيت بشغلنا ببيع العلكه او بيع الدخان او مسح السيارات بس من سنه انا تغير شغلي صار ابي ياخدني عالكزينو لحتى ارقص للزباين بس رغم هيك ماحدا بيقبل يقرب مني لاني صغيرة في واحد بالكزينو بقدم مشروب للزباين مابخلي حدا يقرب او يلمسني نهائيا وبقلهن انو انا للرقص وبس اخي يزن اصغر مني بسنتين اخي كتير حنون عليي وبخاف عليي من نسمه الهوا بس مابيطلع بأيدو شي لانو ابي بيعرف بكل حركه منساويها واذا شاف غلطنا بحركه وحده بشبعنا قتل وبخلينا ايام بلا اكل
روتيني اليومي بفيق الصبح بكير بلبس انا واخي ومنطلع عالمدرسه منرجع عالبيت مناكل اخي بيطلع عشغلو وانا بنظف البيت وبقعد بدرس للساعه تسعه بنام لل ١٢ بالليل وبقوم بياخدني ابي عالكزينو في وحده هنيك بتمكيجيني وبتلبسني بدلات الرقص برجع عالبيت ٥ الصبح تعبانه ومهدود حيلي بتحمم وبنام للسبعه وبرجع بفيق ع مدرستي هيك حياتي كلها تعب وحزن
اليوم رجعت عالبيت الساعه خمسه اجا رفيق ابي الساعه وحده بعد الضهر اجا وشكالو لابي اني مارضيت روح معو عالبيت... كان بدو ياني او بالمختصر بدو يشبع شهواتو معي بس الشب طارق يلي بقدم المشروبات منعو وماخلاه يقرب مني
اجا ابي معصب مني وصار يضربني لاني مارحت مع رفيقو
العضوة: 743708 , 6 years ago
اتمنى تتفاعلون يا بنات اكتر كنتو 200متابعه هلأ ماعاد عرفت وينكون 😕😕العضوة: 564706 , 6 years ago
@user-743708 حبيبتي أعمل لزوجي عشاء وراجعه لك تمااموالعضوة: 743708 , 6 years ago
ههه ماشي وانا كمانالعضوة: 591453 , 6 years ago
@user-743708 الله يحفظك حبيبتيالعضوة: 698889 , 6 years ago
فين باقي القصه مره حلوهالعضوة: 743708 , 6 years ago
@user-591453 واياكم ياعمريالعضوة: 743708 , 6 years ago
@user-698889 تكرم عيونك الحلوينالعضوة: 743708 , 6 years ago
#الجزء الثالث: طلع اخي وطلعت انا وراه فتح الباب ولا كانت الشرطه قلو لاخي هون بيت فايز ال.. يزن: اي تفضل بشو بتحب نخدمك الشرطي: ياابني بدي يزن ال.. واختو يمام ال.. يزن: تفضل عمي هي انا واختي الشرطي: بدنا اياكن تروحو معنا عالفرع وبدنا نفتش البيت كمان يزن: خير عمو ليش الشرطي: ياابني هنيك بتعرفو تفضلو معنا وانتو فوتو فتشو البيت فاتو الشرطه عالبيت فتشو البيت قلبو قلب وطالعو معهن صندوق فيو ذهب وكياس فيهن بودرة بيضه واخدونا عالفرع الشرطي: سيدي جبنا الشب والصيبه ولادو ل فايز ال.. ولقينا هدول بالبيت العميد: خدوهن عالسجن وقعدوهن بالمنفردة كل واحد لحالو الشرطي: حاضر سيدي طلع اخدنا انا واخي كل واحد باتجاه قعدوني بسجن لحالي وقفل عليي الباب وراح يمام: مشان الله طالعوني من هون لك شو عملنالكن طالعووني ياربي ااخ ياربي ليش هيك عم يصير معنا قعدت ابكي متل المجنونه وماحدا رد عليي ضليت قاعده بالمنفردة يومين لحالي يجيبولي اكل ومي ويطلعو وماحدا يرضى يحكي معي حرف من الشرطيات يلي كانو لحتى اجت الشرطيه يلا قومي العميد بدو اياكي يمام: مشان الله قوليلي ليش انا هون والله ماني عامله شي الشرطيه: امشي معي ولا تكتري حكي هلق بتعرفي مشيت معها وسلمتني لشرطي الشرطي : احترامي سيدي جبنا السجينه العميد: دخلها لعنديالعضوة: 564706 , 6 years ago
@user-743708 النور نورك ياغاليهالعضوة: 698889 , 6 years ago
تسلمي حبيبتي وأنتي وين شوفتي عيوني 😂😂العضوة: 743708 , 6 years ago
#دخلني لعند العميد العميد: تفضلي يا بنتي اقعدي عالكرسي يمام: حاضر العميد: يابنتي انا هلق رح اسألك وانتي بتجاوبي كلشي بتعرفيه وازا بتكذبي مارح ارحمك ورح دخلك عالسجن طول عمرك يمام: حاضر العميد : رح نبلش من الاول شو اسمك ؟ ---اسمي يمام فايز ال.. العميد: قديش عمرك ؟ ---عمري ١٨ سنه العميد: بتشتغلي ولا بتدرسي ؟ ---بدرس لا بشتغل العميد: قلتلك لا تكذبي عليي انا بكره اللف والدوران احكي الصدق احسن الك ---حاضر انا بدرس وبشتغل ياعمو العميد: شو بتدرسي وشو بتشتغلي؟ --- بدرس بكلوريا اليوم وقت جابوني الشرطه كنت قبل بشوي جايبه نتائجي ---وبشتغل ... العميد: احكي ياعمو انا مارح ائذيكي لا تخافي مني انا رح ساعدك انتي واخوكي بس بدي اياكي تحكي الصدق ---بابا كان يشغلني بكزينو ال .. مشان ارقص فيه واخد مصاري واعطيهن لابي العميد: انتي مسلمه يا بنتي ----اي عمو انا مسلمه لاتشوفني مابلبس حجاب بس بابا كان يمنعني انا صحيح ابي بشغلني رقاصه بس انا بصلي وبصوم وبدعي ربي يغفرلي ذنوبي العميد: بتحلفي عالمصحف انك ماكذبتي عليي ---اي عمو بحلف العميد: طيب ابوكي واخوكي شو بيشتغلو ---اخي بيشتغل ميكنيكي عند ابو سليم جارنا وابي مابعرف شو بيشتغل لاني مابشوفو غير الساعه ١٢ بالليل وقت يجي ياخدني عالكزينو والساعه ٥ الصبح وقت يرجعني عالبيت العميد: طيب يابنتي ليش ابوكي بخليكي تشتغلي هيك ---مشان نجيب مصاري واذا ماجبنالو مصاري بيضل يضربني انا واخي ليدمينا وبربطنا وبيحبسنا ايام بلا اكل العميد: شو كان يصير معك بالكزينو بدي تحكي الصدق لاني رح خليكي تحلفي عالمصحف ---عمو انا كنت بس ارقص وكانو العالم يتقربو مني كتير بس كان في شب اسمو طارق دائما يمنع اي حدا يقرب مني العميد : كنتي تشربي خمر او مخدرات او حشيش ---اعوذالعضوة: 743708 , 6 years ago
هههه اكيد.حلوينالعضوة: 743708 , 6 years ago
بالله ياعمو مابكفي انو ابي عم يخليني اشتغل هيك كمان بدي اشرب خمر ومخدرات وحشيش ياعمو انا بحياتي ماحطيتو بتمي ولا بعرف شو طعمتو العميد: طيب يابنتي انا رح ابعتك هلق عالمركز الطبي لحتى ياخدو منك دم ويحللولك ونعرف اذا انتي بتتعاطي اي نوع من هدول انتي جاهزة --- اي عمو انا جاهزة لكلشي العميد: ماشي يابنتي بدي اسألك اخر سؤال وياريت ماتكذبي وتكوني صريحه لاني رح ابعتك عالطب الشرعي ليعرفو كلشي انتي في حدا قرب منك او اعتدا عليكي ؟ ---لا ياعمو انا ماحدا بقرب مني او بيلمسني والشب طارق يلي حكيتلك عنو هوة كان يحميني من كل العالم الوسخه العميد: طيب وهاد الشب ليش كان يحميكي شو غايتو ---ياعمو هاد الشب بكون ابن اخو لصاحب الكزينو هوة شب منيح وهوة يتيم الاب والام وكان عايش عند عمو بس عمو حابسو بالكزينو وحاطتلو حراس واخد منو هويتو وكل اوراقو ومابخلي يطلع من الكزينو ابدا وبدو اياه يضل يشتغل تحت ايدو ونظرو والو اكتر من ١٠ سنين عمو حابسو ومابخلي يطلع لمكان وجابرو يشتغل بالكزينو هاد الشب حاول يهرب كتير بس عمو كان يجيبو وين مايروح العميد : طيب ياعمي هلق بتروحي مع الشرطي وبتدليهن عالكزينو يلي كنتي تشتغلي فيه وبعدين بياخدوكي عالمركز الطبي لنعرف اذا بتتعاطي شي من الي ذكرناهن وانك عذراء او لا يمام---حاضر عمو بس قبل مااطلع بدي اسألك لوسمحت ليش جبتونا لهون انا واخي العميد: يابنتي ابوكي تاجر مخدرات ونحنا قبضنا عليه وهوة عم يبيع مخدرات لطلاب الجامعات وعم يوزعن كمان للتجار وابوكي اعترف انو كان عندو بيت تاني غير بيتكن يلي عايشين فيه كان يشغل فيو بنات يعني بيت دعارة مشان يكسب من وراهن مصاري واعترف انو هوة قاتل امك يوم ولدت اخوكي يزن متفق مع ممرض بالمشفى مشان يحطلها سم بالسيروم لانو امك كانت تعرف كلشي بيشتغلو ابوكي وهددتو انها تبلغ عنو بس ابوكي قتلها مشان ماتحكيالعضوة: 743708 , 6 years ago
يمام عم تبكي : شوووووو لا ياعمو لا تقول هاد الحكي لك الله لايسامحك ياابي الله لا يسامحك قتلت امي وحرمتنا منها ودمرتلنا حياتنا ياربي ليش هيك عم يصير معنا يااارب دخيلك والله قلبي مو قد هالحمل وهالعذاب العميد : اهدي يا بنتي انا معكن واخوكي كمان طلع بريئ وعملنالو كل الفحوصات وطلع مابيتعاطى شي ابدا وكل الحارة بتحترمو وبتحبو وبتحكي عن اخلاقو ياعمو انتي لازم تقوي مشان ماتتركي اخوكي لحالو وعديني يابنتي تكوني قويه وشجاعه وتكملي دراستك وتنجحي فيها وهاد الكزينو مابقى تقربي منو فهمتي يابنتي يمام عم تمسح دموعها: حاضر عمو حاضر وابي شو رح يصير فيه العميد: رح ينسجن او ينعدم حسب القاضي بقرر يمام: الله لايقيمو الله ينتقم منو يارب العميد: انتي جاهزه يابنتي لتروحي عالمركز الطبي يمام: اي عمو انا جاهزة بس قلي وين اخي يزن العميد: اخوكي برا ناطرك لتطلعي برئيه وتطلعو سوا من هون ياابني ياابني تعا جيب يزن ال ... لعندي الشرطي: حاضر سيدي يمام: اخي اخي انت منيح يالله شو شتقتلك يااخي شو كنت خايفه عليك يزن: لا تخافي عليي اختي انا رجال خليكي قويه لنحارب هي الدنيا انا وانتي سوا ونعيش مع بعض مبسوطين ومرتاحين و بدون ظلم واهانات يمام: اي اخي رح كون قويه بوعدك العميد: يزن استنا اختك لترجع من المركز الطبي برا وتطلعو سوا من هون يزن: حاضر عمو العميد : ياابني تعا خود الصبيه عالمركز الطبي ورجعوها لهونالعضوة: 743708 , 6 years ago
# اخدوني عالمركز وسحبو مني دم وعملولي فحوصات وتحاليل واخدوني لعند دكتورة نسائيه الدكتورة طمنتني وقالتلي لازم تفحصني ليتأكدو اني عذراء كانت صعبه عليي كتير صحيح انا كنت اشتغل بالكزينو رقاصه بس كانت بدلاتي مو مشلحه كتير متل يلي بتشوفوهن عالتلفزيون فحصتني الدكتوره وقالتلي اني طاهرة وشريفه وقت حاكتني الدكتورة بكلامها المعسول ارتحت الها كتير وحسيتها حنونة عليي لابعد الحدود حطت الدكتوره ايدها على وجهي وكانت بدها ترفع نص شعري عن وجهي بس انا مارضيت وقلتلها انا بحب نزلو على وجهي بهي الطريقه الدكتورة: يابنتي العميد حكا معي واصر اني اعرف شبو وجهك لحتى مخبيه نصو بشعرك هوة لقى صعوبه انو يسألك بس قلي الي بما اني دكتوره ولازم اعرف شبو وجهك رفعتلي شعري بأيديها الدافيين حسيت ايدها ولمستها كأنها ايد عمر يلي لمست وجهي الدكتورة : ماشاء الله شو هالجمال هاد اللهم صل على سيدنا محمد في انسان بكون عندو هيك وجه عم يشع منو نور وهالجمال كلو هاد وبخبي بشعرو يمام: 😔😔😔 الدكتوره: بس تطلعي من السجن هي رقمي وهاد عنوان بيتي كل مالقيتي حالك مدايقه او محتاجه حضن دافي تعي لعندي انا عندي بنوته وحيده اصغر منك عمرها ١٥ سنه وعندي شب واحد ازا حبيتيني تعي اتصلي فيني وتعي لعندي اي يمام: اي يسلمو ايديكي الله يخليكي لبنتك ول ولابنك نيالهن انو عندهن هيك ام حنونه يا ريت امي لساتها عايشه الدكتورة : ازا بتحبي اعتبريني بمكان امك يمام: عنجد دكتورة الدكتورة : اي عنجد ولابقى تحكيلي دكتورة بحب اسمع منك ماما حنان يمام: عاشه الاسامي اسم