سلام عليكم بنوتات .. اول حاجه ياارب يرزق كل من تبي الحمل عآجل غير آجل لاني جربت هالحرمان سنين وحاسه بشعور اي متأخرة بالحمل ..لكن يضل الامل بالله كبير.. بعد زواجي مر ثلاث شهور وماحملت قال زوجي نروح نشوف المستشفى عشان لاسمح الله في شي مانضيع وقت رحت وبديت بالفحوصات انا والحمدلله طلع كل شي سليم تحاليل زوجي طلع عنده ضعف شديد بالحيوانات والحركه وبدينا رحلة العلاج كان كل ثلاث شهور يطلبو منه تحليل والصدمه انو الحيوانات عددها بنزول كنت ادعي الله واملي بربي كبير رغم الشعور السيء الله يكرمكم مع كل دورة تنزل لي💔 وانتهت اول سنه من زواجي وثاني سنه وثالث سنه جا بتحليله ان الحيوانات العدد صفر الحركه صفر يعني عقم😢 هنا انا وكلت امري لله ورضيت بقضاءه وقدره غير شعور زوجي نفسيته كثير تعبت 💔 ماخلا شي م استخدمته علاجات عسل ولازلنا متمسكين بالامل رغم كلام الناس اللي يزيد بجرحك والاسئله عن الحمل 👎كرهت اقابل الناس اطلع ابي انبسط يغثوني بالاسئله ليش ماحملتي ليش ماتروحو مستشفى واسئله مافي احقر منها ارجع البيت ابكي لين ارتاح 😭غير اني كاتمه هالشي جواتي اخفي اي شعور مابي زوجي يحس هو من غير كان نفسيته تعبانه ومابي ازيده 😢وبطل يحلل بس استمر ع العلاجات وبالسنه الرابعه من زواجنا اتمسكنا اكثر بالامل بالله مثل ماخلقنا قادر يخلق نطفه ب رحمي 🙏 ندعي كثير نستغفر واضبنا ع سورة البقره قيام الليل ومن جهه تانيه مو كثير نفكر بموضوع الحمل عشان ماتدمر نفسياتنا اكتر😔وبيوم من الايام انا بالطايف سافرت انا وزوجي للشرقيه نتمشى وكان موعد دورتي بعد اسبوع ومجهزه حالي بتجيني هناك جا يوم موعدها وكنا طالعين للبر والله يكرمكم مجهزه حالي بالفوطه انها بتنزل وانا كثير اتعب بالدورة ظهري وبطني وماقدر اتحرك وهذاك اليوم كنت حاسه باعراض الدورة او حسيت انها نزلت خلاص لانو ظهري وبطني موجوعين بس كابرت عشان ماضيع التمشيه عليه😅والعب وكورة وسباق مع بنات اخوي ورجعنا للبيت ع طول للحمام وانتو بكرامه الا واشووف افراز بني مو دم😟ماكنت فاهمه ليش كذا قلت يمكن عشاني ارهقت نفسي العب واجري مارتحت ..تلخبطت الدورة وماعلمت حتى زوجي وكل شوي اروح للحمام مافي دم ولا هالافراز البني ضليت ثلاث ايام ماشفت شي بس ولاواحد بالميه خطر ببالي انا وزوجي حمل شاكه بسبب اني تعبت حالي صار لي كذا.. وانتهت اجازتنا جلسنا اسبوع بالشرقيه رجعنا للطايف ف الخط الله يكرمكم جاني اسهال😅 واعراض الدورة لازالت عندي الم ببطني وظهري ومنتظره اي لحظه بتنزل وكل محطه بنزين واحنا موقفين بسبب هالاسهال هههههه وصلنا الطايف رحت لاهلي وضليت اسبوع اعراض الدورة لازلت احس فيها بس مانزلت يعني عدى ع دورتي 10 ايام مانزلت هنا انا بديت افكر انو حمل ومن جهه خايفه اتأمل وانصدم😔اخذت تحليل منزلي حللت الفجر طلع الخط الاول والثاني ماطلع رحت رميت بالتحليل وقلت انا عارفه اني مو حامل💔 وحمدت الله ونمت صحيت الظهر ورحت للحمام برضو مانزلت دورتي ولافي حمل طيب ليش هالالام😟 رجعت ادور ع التحليل اللي سويته😖 وناظرت فيه لقيت خط خفيف زي الشعره 😭😭😭😭 بكيت وبكيت وبكيت ي الله حمل؟؟ جسمي يرجف وابكي ومو مصدقه😢 اتصلت ع طول ع زوجي وخبرته اني شفت خط خفيف ع طول جا ورحنا مستوصف وحللت قالو مبروك حامل😭😭تراني بكيت الحين تذكرت اللحظه😭ربي لك الحمد زوجي دخل مصلى المستوصف وسجد شكر لله وانا ماعاد قادرة اسند طولي من الفرحه😭 بعد اربع سنوات تحقق حلمنا ربي لك الحمدحتى ترضى..وانتشر الخبر بين اهالينا والكل فرح لنا 😩 ورحت بعد ثلاث ايام للمستشفى براجع للحمل وافتح ملف بقسم اانساء والولاده قالو لازم نسويلك تحاليل جديده هنا ..وسولي تحليل واشعه وجت الصدمه حامل بكيس بدون جنين 💔ماقدر اقولكم ايش شعورنا💔بلعت الغصه عشان زوجي😭وقلت له اللي كاتبه ربي بيصير 😔 طول الطريق ساكتين محد عارف مين يصبر التاني رجعت البيت وقلبي مكسوور قالو خواتي لسى ببداية حملك دوبك بالاسبوع السادس لاتستعجلي انتظري اسبوعين وروحي بس سبحان الله خلاص مابي أامل نفسي وقتها جد ب انهد حاطه ببالي الاسوء مافي جنين💔والمستشفى عطوني موعد بعد اسبوعين قالو لو مابان الجنين نعطيك حبوب تنزل الكيس😓انتظرت اكثر من اسبوعين بالاسبوع التاسع رحت بعد ثلاث اسابيع ادعي ربي طول الطريق واستغفر ولاسمح الله طلع كيس انو يصبرني بهاللحظه 😭 وسوولي اشعه والحمدلله قالو ماشاءالله النبض والجنين بان💔💔💔💔💔 كريم يااااربي 😭والف الحمدلله وانا الحين حامل بنص السادس دعواتكم لي ربي يتمم حملي وافرح بشوفته انا وزوجي .. ويارب تحمل كل من تتمنى الحمل خلو الامل بالله كبير وماخاب من لجأ لله سبحانه 🙏