السلام عليكم حوامل امهات وبكريات💕
حبيت انزل هالموضوع الجميل واللي بيفيدنا جميعا وبيساعدنه لنصل الى ولاده سهله ميسره وايجابية..
ونشجع بعض عشان نشيل الخوف والقلق والتصرفات الخاطئة اللي ممكن تحصل اثناء الولادة ..
فاللي عندها قصة تقدر تسردها لنا😍
واللي عندها مواقع او مدربين او خبره وتجربة بالامور اللي تسهل عملية الولادة .. بيكون ملتقى جميل لنا كلنا للسوالف الحلوة ونطبطب على بعض ونسمع بعض ونتعلم من بعض💕🧡
انا اسمى ندى في الشهر الثامن .. عسى ربي يسهل علي وعليكم الولادة والسهالة اولا واخيرا من رب العالمين😇👐
العضوة: 607379 , 5 years ago
الف حمدالله على سلامتج وسلامة المولود الجميل قصتج جميله وفيها دافع جميل .. ربي يسهل على كل الحوامل يارب ويسهل ولادتهم .. ويارب تكون جميع ولاداتج جميلة 😍العضوة: 607379 , 5 years ago
هههههههههه ماعليج من كلام الناس وان شاء الله ولادتج القادمه اجمل واسهل احنا ماعندنا الحفاظ ابدا .. بعض المستشفيات تعطي تحميليه قبل الولاده الام تنزل كل اللي في بطنها وانتو بكرامه🤣 انا ولا مره جربت هالشى حمدلله عدت علي خيرالعضوة: 607379 , 5 years ago
هلا صفاء ربي لك الحمد والشكر طبيعي او قيصيري اهم شي صحه الام والمولود ربي يبارك لج في ذرياتج وفعلا المشي والقرفصاء كثير مفيدين وانتي ساعدتيها كثير ربي ياجرج ان شاءالله وفعلا كل ولاده مختلفه والناس دايما تحب تهول وتخوف لكن نطلب من آلله التساهيل وهو بيسهل علينا💞العضوة: 607379 , 5 years ago
هلا ريم انا صحيح ماجربت القيصيريه لكن اللي اعرفه ان بعد ولاده وحده قيصيريه تقدرين تولدين طبيعي بسهوله واذا مر عليج سنتين فأنتي بتكونين بخير ان شاءالله ومابياثر على جرح الولاده لكن للاطمئنان تاكدي من الدكتوره هي بتنصحج شنو الانسب لج وربي يسهل عليج ان شالله 💞💞العضوة: 184430 , 5 years ago
@user-658293 تبارك الله تقريبا نفسي انتي بس بنتي الاولى تعسرت ولادتي وولدي عادي وبنتي الاخيره اسهل ولاده يارب الرابعه نفس شي انتي اي شهر الان وايش معاك بنت او ولدالعضوة: 658293 , 5 years ago
انا الحين ٣٤ اسبوع و٣ ايام قالو لي بنوته بأذن الله