اليوم رح احكيلكم قصة ولادتي الاولى مشان البكريات يستفيدو ومشان تدعواي كمان انو الله يسهل ولادتي وشوف بنتي سالمة معافاة من لما دخلت التاسع صرت كل يوم اتمشى نص ساعة واطلع درج واكل تمر وعملت تحاميل اعطانياها الدكتور بس مع هيك كملت شهري ومافي ولادة بعدها صار موعدي مع الدكتور ومشيت للموعد فحصني فحص داخلي وقال الرحم فاتح 1 سم وطلب مني روح وبعد اربع ايام لو مافي طلق ارجع لعندو مشان يعطيني تحميلة طلق صناعي طبعا خرجت من عندو خايفة كثير وحزينة ومجرد ما طلعت جاني الم مثل الدورة قلت ممكن من الفحص ورجعت عالبيت الساعة 10 الصبح والالم لساتو مستمر وعمبيزيد كلمت امي عالساعة 12 قالت لي ولادة وبما أنو بيتنا قريب جات لعندي دغري وعملت لي تبخيرة بصل بعدها نزلت السدادة وكمان ما عرفتها خبرتها لأمي قالت لي خلص قربتي تولدي وعملت لي زيت زيتون سخنتو ودهنت بطني وظهري وشربت حليب ساخن مع تمر بعدها تقاربت التقلصات كثيير لحتى ما عدت اتحمل فطلبت زوجي يتصل عالدكتور ويخبرو بعدها خبرنا الدكتور انو لازم ما ينولد البيبي بالعيادة يلي جنبنا لأنو راسو فيه مي وعيادتنا ما فيها مستلزمات والمستشفى الجامعي كثييير بعيد شي ساعتين بالسيارة فأمي قالت مستحيل ننتظر ساعتين لانو التقلصات صارت كل دقيقتين وممكن ولد بالسيارة فأنا رفضت ولد بالعيادة وطلعت عالسيارة استناهون مشان ياخذوني للمستشفى الجامعي بعد شوي جابو الشنط امي وزوجي ولحقوني وطلعنا وطووول الطريق ووجعي متقارب وكثيير مؤلم شو رأيكم كمل ولا لا لأنو تعبت من الكتابة ما عاد فيي شجعوني ماميييز