كنت ملهوفة اشوف البيبي لان اول حمل واول ما دخلت التاسع صرت اصعد وانزل درج كثييير واسوي تمارين ف بيوم جلست الصبح حضرت الفطور وفطر زوجي وطلع للشغل اني شلت الصحون وماحسيت اله مي نزلت عليه رحت لام زوجي وحكيتلها واتصلت بزوجي وكان المفروض ارتاح وانتضر ليجيني طلق من ربي لان المي النزل يعتبر قليل بس اني بسبب قلة خبرتي ولهفتي لشوفة البيبي استعجلت اجه زوجي واخذت اغراضي وملابس البيبي وملابسي وصلت للمستشفى فحصتني الدكتوره وقالت ماعندج ولاده! ! بعدين قالت اهاا نازل عليج مي الراس روحي لصالة الولادة طبعا بوقتها كلشي مااعرف واهلي بعيدين بغير محافظه وصلت لصالة الولاده ولسه مادخلت واله صراااخ! خفت كلمتني مراه وقالتلي هذول يدلعون اصلا ماكو الم! اثاري اتريد اطمني لان شافتني خفت المهم دخلت جوه وحطولي طلق صناعي وبعد دقايق اجاني الم وصار يقوه ويقوه ويصير شي فضيع مستحيل ينحمل تحبون اكمل؟ تعديل التكمله صرت اصرخ من الالم واقطع شعري واضرب زاسي بالجدار بدون مبالغه كان الالم العني جدا صعب وصار المي ينزززل اكثر واكثر لحد ماغرقت ملابسي وغيرتها والالم مثل الحرق كانت حالتي تبكي الحجر الكل ولدو وطلعو والي اجو وراهم ولدو وطلعو واني ع نفس الالم هلكتتتت والفحص الداخلي المه دمااار المهم ضليت من الليل للصبح ساعة 10هلككككت صرت اتوسل بالدكتورات ع عمليه ومايقبلو يقولو لازم تاخذي فرصتج بالطبيعي! بعدين اجت دكتوره قالتلي روحي كلمي زوجج وسوو الاجرائات واولدي يا اما عمليه يا اما ولادة بدون الم (ابرة الظهر) وقالتلي الاسعار! طلعت عندي ولاده ومايولدوني تاركيني مااعرف ليش؟ بعدين طلعت لزوجي وشافني بهالحاله جننن وقلتله ع الولاده بدون الم وانا اصرخ واتألم رأسن حولني عالخاص دخلوني للغرفه جلست عالسرير واني اصرررخ وقول لدكتوره التخدير يله بسسسرعه وهي تحضر بالابره بعدين اجت وضربتني ابرتين وبعد ماضربتني اختفى الالم وحسيت برااااحه ما كأنو اطلق ! بعدين نمت عالسرير وعلقو رجليه بهاي الي تثبت الرجلين 😅 واجت الدكتوره صارت تقولي ادفعي وانا ادفع وبعدين تقلي ارتاحي اخذي نفس دقيقتين وطلع البيبي واخذوه ينضفوه وطبعا مع الدكتوره 2ممرضات يساعدوها وخيطوني وطبعا والله ماادري انو شقوني اصلا والخياط ابدا ما تعبني وطاب بسرعه والدكتوره ما فتحتني كثير قليل يمكن 3خياطات بس والحمدلله اجه ابني فضل 😍 وراح كل الالم والتعب وناويه ع ولادتي الثانيه من البدايه اطلب ابرة الظهر وما اسوي اي شي يسرع الولاده اخليها تجي بوقتها من الله لان احيانا ينفجر الكيس وماكو طلق وبهالحاله يحطون طلق صناعي وهو جدا مؤلم