العضوة: 723892 , 5 years ago

حاولت مع الدكتوره ولكن رفضت وقالت تبين تطلعين على مسؤوليتك انتي حره توقعين ع ورقة . خفت وتوترت وقلت الشكوى لله توكلنا ع الله ودخلت تنويم وكنت عامله حسابي وجهزت معاي حقيبه المستشفى (تلاقون فيه موضوع بصفحتي عن تجهيزها) 👌🏼🎈 المهم اول يوم دخلت من الفجر ما حصل شي غير التخطيط المستمر منهم تقريبا ٦ مرات . قررت بالليل اني امشي عشان اولد من نفسي وخصوصا ان فيه تقلصات احسها وما تطلع عندهم بالتخطيط . طلعت بالممر وكنت امشي مثل مشي العسكرية😂 وبعد ٥ دقايق نزلت علي السداده وانبسطت واستبشرت خير اني راح اولد بدون طلق صناعي او تحاميل انتظرت الى الصباح ومرو علينا الدكاتره كانو دكتورتين ودكتور وخبرتهم عن السداده قال الدكتور احنا لو نتركك يومين راح تولدي ممن نفسك بس ما نبي نتاخر لانك خلاص الان مطوفه وما نقدر نجازف ، وصراحة انا طفشت ابي اولد واخلص 🥺 وقامو يشرحون لي عمليه التوليد والتحفيز وكانو مره متفهمين ومتعاونين . الطريقه كالتالي :⚠️ تحفيز الرحم من خلال التحاميل توسع العنق وتجيب طلق . يبدون فيها تدريجا كل ٥ ساعات وحده طبعا على حسب الحاجة ممكن من اول وحده ولاده 🤷🏻‍♀️. المهم انتظرت الى الظهر وكشفو علي قالو فتح ٢ سم انبسطت وعطوني اول وحده طبعا ساعه كامله بدون اي حركة وبعدها يسوون تخطيط . وبعد التخطيط اقدر اقوم واتحرك المهم نزل دم كثير مره وبعد ساعه ونص تقريبا بدا معاي طلق قويه والم طلعت بالممررات امشي واسوي تمارين قرفصاء وميلان الخصر واكل تمر ورطب وكنت جدا متفائله ان الرحم فتح لاني كنت احس بثقل قوي بين رجولي 😩 وبعد خمس ساعات اختفى الالم وجاء موعد التحميله الثانيه قالو لو فاتح ٣ سم خلاص بنوقف تحاميل يصير بس وحده اخذتي وكنت ادعي انه فاتح لما كشفو علي طلع الرحم واحد بس رجع زي اول😭 اخذت الثانيه وقعدت نفس الفتره الاولى وكان الم قوي مره طلق سريع جدا كل ٥ دقايق وبالتخطيط ما يطلع لهم شي المهم انتظرت انتظرت ما قدرت اتحمل اكمل الخمس ساعات طلعت امشي بالممرات وزاد الالم وقفت اكل رطب واشرب مويه مقري فيها ايات تسهيل الولاده والرقيه وطلعت امشي ورجعت انسدح الالم صار بالدقيقه لا يحتمل 😭 قمت ابي اسوي وضعيات تخفيف الم المخاض وانا واقفه نزلت المويه حقت الجنين ونزل معها دم وكان كثير وكنت اتالم جدددا وسمعتني وحده متنومه معاي وراحت تنادي الدكتور التكمله بالاسفل👇🏼

العضوة: 723892 , 5 years ago

جاء الفريق كامل دكتور حجازي ودكتوره عزه الله يسعدها ومعهم الممرضات كشفو علي طلع الرحم ٢ سم بس شافو مويه الجنين كانت مو صافيه وفيها قطع خضراء وبنيه سالوني : كانت تنزل عليك افرازات مو صافيه قلت لهم ايوه من اول تحميله 🤷🏻‍♀️ ما كنت اعرف ان الطفل تبرز وطلع هذا تبرز من الظهر والان الوقت ٢ بالليل يعني ١٤ ساعة كان التخطيط على بطني وما يطلع فيه ان فيني طلق ابدا يطلع ٢٠ بس !!! وانا اتالم بالدقيقه اكثر من طلقه وكنت ابكي من الالم ، قامو يحطون يدهم على بطني وما فيه تحجر يعني مافيه طلق ! وانا اتالم منه ومو طالع شي غريب جدا🤕💔 المهم كشفت علي دكتوره عزه وقالت عندك قابليه انه يفتح بسرعه ان شاء الله ما يحتاج قيصري ومسكت يدي وحطتها ع بطني وقامت تقرا علي قران وتقرا علي (بسم الله ٣ مرات . اعوذ بعزه الله وقدرته من شر ما اجد واحاذر ٧ مرات) وقرأت ايه الكرسي وقالت لي ادعي يارب سهل ولا تعسر بقرار الدكتوره هذا الحمدلله ما سويت قيصري ونزلتني لغرفه الولاده . وانا نازله كانو يسالون كم عندها فاتح الرحم؟ قالت لهم الممرضه ٢ قامو يضحكون انه مره بدري🤨 وانا عصبت لاني ميته الم ومحد حاس فيني المعم وصل الرحم ٣ سم وكان طلق قوي ومعاه دفع وكنت احاول احط فخوذي ع بعض عشان ما ادفع وهو باقي الرحم ما فتح ⚠️ اخذت ابره مسكنه مافي فايده سبحان الله ، لما فتح سبعه سم صرت افتح ايدي لهم كذا ✌🏼👍🏼😂😂 مو مصدقه وخلال ساعتين ولدت وفتح الى ١٠ سم الغريب ان راس الطفل كان داخل للحوض بشكل خطا وكان وجهه تقريبا على عنق الرحم والحمدلله طلع بالسلامة 👼🏻 طلبتهم توسيع وقت الدفع ورفضوا (ممنوع) وحصل لي تمزق وعملو لي خياطة. طلع البيبي بس عشان التبرز اول شي نقص اكسجين ثم عملو له اختبار سكر وكان زايد شوي اخذوه من عندي ع طول لمستشفى الاطفال 🥺💔 التكمله بالبوست القادم👇🏼

العضوة: 745408 , 5 years ago

رفع

العضوة: 723892 , 5 years ago

طبعا كان فيه دعم نفسي قوي منهم وكانو طيبين وحنونين ❤️ خلصت من غرفه الولاده الى الملاحظة ومن الملاحظة الى التنويم وانا ابي اشوف البيبي يومين وانا اتعذب عشانه ☹️ كانت غرفتي جنب الحضانه انبسطت مره انها قريبه ، ورحت ادور عليه قالو مو هنا بمستشفى الاطفال (مبنى ثاني) تقطع قلبي وكلمت زوجي يتصل يسال عنه ، قالو له عن الاكسجين انه صار طبيعي والسكر بيتابعونه . اتصلنا عليهم بعد ٥ ساعات قالو السكر طبيعي بس الطفل تبرز والان يحتاج متابعه عنده شرقه وقت الرضاعة وما يقدر يرضع😭 وقتها ما عاد عجبني شي وحسيت فرحتي ناقصه 💔 ودعيت لكل ام فقدت طفلها بعد الولاده بالجبر والتعويض من رب العالمين اليوم الثاني نزل طفلي الحمدلله الى المبنى حقي وحطوه بالحضانه اللي جنبي😍 وصرت كل شوي واقفه عنده وهو عليه انبوب في فمه ومغذي ومضاد في يده كان يبكي جوعان مره وكنت حزينه ودي ارضعه وهم ما يدرون😂 كتبوا لي خروج وطلعت اليوم وطفلي باقي بالحضانه يحتاج متابعه ويحتاج مضاد عشان ينظف جسمه من التبرز ☹️💔 استودعته الله الفرحة ناقصه وراح تكتمل لما يطلع معاي البيت ان شاء الله 🎈🌨 متفائله انه بعد بكره باذن الله بيكون معانا ومع اخوانه دعواتكم 🙌🏻🙌🏻 انتهى ⚠️

العضوة: 561909 , 5 years ago

الحمدلله على سلامتك ياعمري ويارب تشوفين طفلك بالسلامه وتفرحين بس متى تتكلمين عن الشميسي لاني بولد فيه

العضوة: 747788 , 5 years ago

ياعمري الحمدلله على سلامتك وسلامت البيبي الله يتمم فرحتك ويقر عينك بشوفته معافى يارب ويسهل علي ولادتي بالإسبوع ٣٩ ولحد الآن مافي بوادر ولاده😥💔

العضوة: 95766 , 5 years ago

الحمدلله على سلامته وسلامه طفلك وان شاءالله يطلع قريب باذن الله الله يطمن قلبك 🤍🤍🤍 مره خالي توها من ٣ اسابيع والد ثالث طفل وعشان ضغط وسكر دخلوها بالاسبوع ٣٧ وبعد اول تحميله تبرزت النونو وما درو الا بعد الولاده واحتاجت تنفس صناعي وجرحوها ونزفت واحتاجت نقل دم وحالتها حاله سبحانه ربي أسبوعين وطلعوها بفضل الله عقبال ولدك يارب وانا حاليا ٣ حمل وماجاتني ولاده 🥺😭 مع ان اول ولاده ب ٣٧ وثاني ٣٦ ٢٥ اوقست اخر فرصه ليا 💔😩 دعواتك 🤍🤍

العضوة: 723892 , 5 years ago

@user-561909 الان نزلت الموضوع تفضلي واسئلي اي سؤال وانا جاهزه

العضوة: 723892 , 5 years ago

امين يارب انتبهي ولا تتاخرين انا بس تاخرت يومين وحصل تبرز وانا عندهم بالمستشفى يعني الحمدلله ما اخذت مهله اسبوع ٤١

العضوة: 723892 , 5 years ago

الحمدلله على سلامة مرت خالك وجنينها الله يسهلك يارب ويفرج لك ويفرحك ، انتبهي لا تتاخرين وتابعي مع الدكتوره 🙏🏼

العضوة: 95766 , 5 years ago

قالت بتعطيني طلق صناعي الأسبوع القادم لو ماجاتني ولاده 🥺الله يسهل يارب🤧

العضوة: 723892 , 5 years ago

الله يهون عليك يارب ويسهل لك حاولي لو يكون فيه ابره ظهر

العضوة: 674071 , 5 years ago

😭😭😭😩 يمه بكيت وانا مالي دخل الله يخليه لك ويرزقك بره 💔

العضوة: 256782 , 5 years ago

الحمدلله ع سلامتج وان شاءالله ربي يبلغج فيه وتشوفينه بحضنج

العضوة: 723892 , 5 years ago

امييين يارب 😭 لسى ما طلع بس الله كريم