قبل كل شي الحمدلله على كل شي صار ..❤️ بدايتها زي ماقلت بموضوعي اللي قبل كملت اكثر من اسبوع من العاشر والرحم مو راضي يفتح ولا جاني طلق وانا اخاف من شي اسمه كشف داخلي انهااااااار بشكل فضيع😭💔💔💔 ويوم الاثنين المغرب نزلت علي افرازت بني على احمر وهو اساسا كان بنفس اليوم موعد مراجعه 9 بالليل ورحت على موعدي وانفجعت الدكتورة اني صامله ولا ولدت😂🤦🏼‍♀️ قالت بسوي كشف واقعد ارجف من الخوف واحس بانهيار ومن قربت يدها عطيتها ذيك الصرخات اللي كل الرياض سمعوها😅💔 قالت ماقدرت افحصك واصلا انتي لازم تحميله " طلق صناعي " تعديتي وقتك وكثير لانه الدكتورة امهلتني لين بعد التاسع .. ويلا عالتنويم وانا اقعد ابكي واصيح😭 خخخخخفت وضاق صدري ومادري وش بيصير لي وتوكلت على الله وحطوني بالتنويم 10 بالليل وقالوا بنصبر لين 5 الفجر اذا مافتح رحمك نحط تحميله وقعدت ادعي ادعي واتصبر من الخوف وجوني 4 دكتورات حاولوا فحص داخلي ماقدروا كنت اشد واصيح واصارخ واتألم 😭😭💔💔💔 اخر شي جابو لي اخصائيه اخخخخ فتحت رجولي ورصت راسي عالسرير ودخلت اصابعها قوه انا هنا انهرررررررت وقمت اسحب حجابها وادعي عليها واصارخ واضرب راسها😕😭😂💔 ولدرجة من الالم شهقة شهقت الاطفال اللي لما ياصل مرحله من البكاء يروح النفس 😭 وتضمني الممرضه وتمسح وجهي وتطبطب علي والاخصائيه قالت انتي لازم معامله كذا عشان نشوف رحمك كم كلووووو هنا لطيف معاك بس مافي معلوم كم فاتح وانا ابكي واقول والله لادعي عليييييك وقت الطلق والله ياخذك وووو اشوى مو عربيه ولافهمت كلامي🤦🏼‍♀️😂 هذي يجيبونها وقت الضييييق والحاجة تحشر وتعرف كم فاتح 😭 قالت مسسسسكر رحمك مره وجت 5 الفجر وحطو فيني التحميله واوجعتني 😢💔 من جت الساعه 7 بدا معي الطلق💔💔💔 اخخخخخخخ الطلق حار وياصل من 10 على طول ل60 واوووون واصييييح ولين جت 11 الصباح الا جابو لي الاخصائيه اللي كشفت علي انا من شفتها خلاااااص احس جاني هبوط بالضغط وخوف 😂😂😂 واقعد اصيح خلاص رجعوني للبيت مابيككككككم 😂 وهي تفحصني داخلي طبعا انهرت اكثر من اول وقالت فتح 3 سانتي ولازم تحريض قوي وانا اقعد ابوس يدين زوجي تكفى مااااااابي ماتحمل التحريض تعبت تعبت تعبت مابي احد يلمسننننني ، والممرضات كانو عسل ومتعاطفين معاي حتى الدكتورات ياربي لك الحمد 💜 والطلوق نااااار وحارااااات وانا من الالم خلاص انهد حيلي وقعدت ارجع وارجع وارجججع حتى صفارة المعده😢 ولما جت 12 ونص الظهر الا وضعي تردااا لانو الطلق حار والرحم فاتح بس 3 والبيبي ضعف نبضها قالوا لزوجي لاجت 1 وهي على وضعها بنحولها قصيري و لا هاللحين تاخذ ابرة ظهر عشان نقدر نحرضها لانو طلقها قوي ومو قادرين يسوون شي وطقوني ابرة ظهر والحمدلله كيييييف بدوا يحرضون ويدخلن يدينهن الدكتورات وانا مو حاسه بشي ابدددد بس اذا صار الطلق فوق ال90 احس بنغزات بطني ومن جت الساعه 3 قالن فتح رحمك 10 سانتي واخخخخ لك الحمد ياربي بس لان حيلي منهد من الطلوق اللي قبل والكشف وكنت اصارخ عجزت وقتها ادف وضغطي نازل والدكتورات والممرضات كلهن يلا دفي دفي دددددفي دفي بووووووش ببببببوشش ببببببووووواااااااااش بووووووشششش😂😂😂😂 وانا منهد ححححححيلي واتعصرررر واضغط وهن يساعدني الله يجزاهن جنات الخلد الاعلى ويمسحن وجهي بمويا ويطبطبن علي وانا ادعععععي ادعي ررررربي وجمممممعت قوتي وعزيمتي واتعصصصصر واقول انت العالم بحالي يارب يامخرج النفس من النفس وياخالق النفس من النفس ويامخلص النفس من النفس خلصنننني مما انا فيه ياااااااااااارررررررب وبقدرت قادرت حسيت بطلعه راسها وسمعت صياح بنتي وعلى طول طلعوها ونزلوها على صدري ومليانه دم ولونهااااا ازرررررق على اخضر لانها طولت بطني 😭😭😭😭😭😭 شفتها وضميتها على طول واصااااارخ باعلى صوتي هذذذذا بفضلك ياربي هذذذذا من رحمتك يارحم الرحمين 😭😭😭😭💜💜💜💜 والممرضات يضموني ويحطون على شفايفي مويا وانا دمووووعي وحالتي حاله وكان ودي اسجد سجود شكر لله على هاللحظه 💜 ومن بدوا يخيطوني وانا عيني على بنتي ونسيت الالم والتعب والصراخ وهدت الحيل من شفت عيونها الحمدلله😭❤️ وخلصن خياطه بعد ساعه من الولاده ولبسوني ونظفوني وجابوها لي وهي ماعليها ملابس ودخلوها تحت ثيابي ورصوها على قلبي وصدري وضميتها ونامت ونمت معاها ❤️ .. الحمدلله الذي بنعمته تتم الصالحات انتهت رحله وهن على وهن ❤️ هذا كله بفضل الله وجعلها تكفير ذنوب .. ويابناااااات ابرة الظهر انصحكن فيها اهم شي عند دكتور شاطر كيييييف بعد الله بدلت حالي من حال لحال😂🤦🏼‍♀️ وثاني شي وقت الطلق حاولي لاتطلعين صوت الصراخ كله اكتمييييه داخل وادفعي عشان تساعدين نفسك 😢 وثالث شي الله يسهل عليكن حملكن ويرزقكن الطلق السهل الهييين ويرزقكن الدكتورات والممرضات اللي يرحمنكن لانو بعد الله ثم هن.. وطبعا ممرضات ودكتورات المستشفى حتى بنات الاستقبال من صراخي عرفوا اسمي وجوني يتحمدن لي عالسلامه😂🤦🏼‍♀️