الحمدلله على تمام النعمه وإكتمال المنه له الحمد من قبل ومن بعد أنا بكريه وبيوم من الأيام كنت سادحه على السرير كنت بقوم اصلي العصر وأول ماقمت من السرير حسيت بمويه تنزل مني وجا في بالي إني تبولت على نفسي ودخلت الحمام وتبولت ولازال ينزل مني مويه وعرفت إنها موية الجنين ورحت المستشفى كشفوا علي الرحم مفوح 1سم ومافي أي طلق ودخلوني تنويم على أساس الصباح الساعه 6 يعطوني طلق صناعي وقبل موعد الطلق الصناعي بساعتين بدأ يجيني طلق طبيعي من ربي 😭 وانا في غرفة التنويم لحالي واالباب مسكر والألم يشتد علي ومن شدة الألم ما أقدر أنادي أحد يعني صوتي صار ضعيف والجرس اللي على السرير كان خربان 😭 وجلست بطلقي من الساعه 4 الفجر الى الساعه 6 صباحا وربي أرسل عاملة نظافه دخلت غرفتي تنظف وأنا أبكي من الألم وقلت لها تنادي الدكتوره وراحت ربي يسعد قلبها وجت الدكتوره قالت الرحم فاتح 4سم بسرعه دخلوها ولاده 😭 ودخلوني الولاده 6 صباحا والألم يشتد علي وكشفت علي مره ثاني وفتح الرحم 6سم وانا ادفع ويقولوا لي لاتدفعي عشان الرحم ماينفجر لازم يفتح 10سم وفتح 10سم وزاد الألم اكثر واكثر وجابت الدكتوره المقص 😭 وانا اصرررررخ واقول لها لاااااتقصين بس للأسف ماسمعت كلامي وقصت وقالت لازم لأنك بكريه 💔 وانا كنت اتمنى اولد بدون قص عجان لإني قرأت قصة وحده ولدت بدون قص عجان وبنفس المستشفى اللي انا ولدت فيه وبعد ماقصت و طلع حبيبي ولدي على هالدنيا الساعه 8 صباحا 😭😭 صار لي 11 يوم من يوم ولدت والولاده توقعتها اسهل من كذا لكن شفتها سكره من سكرات الموت 😢💔 يارب يكتب أجر امهاتنا تعبوا فينا كثييييييير ويارب ييسر لكل وحده حامل ويرزق كل من تنتظر الحمل في القريب العاجل يارب ويصلح لنا ولكم النيه والذريه